Ka Nupepa Kuokoa, Volume XXV, Number 46, 13 November 1886 — NA HUNAHUNA KUWAHO [ARTICLE]

NA HUNAHUNA KUWAHO

Ua koiia aku ka Emepera o Rusia e hai mai i ka inoa oka mea e lilo ana i Moi no Bulegaria. Ika wa e noho ai ka ahaolelo o Enelani, aia he 183 mau makai malaila no ka makaukau ana e hooko i na kauoha. He mai pilikia loa ko ke keiki alii N r icolasa, a hooilina alii o ke kalaunu 0 Rusia. Aia oia- iwaena oka make a me ke ola e noho mai nei. Ua hoopoino nui ia kekahi mau okana aina o Kina eka waikahe ikaika. Lehulehu ona ola 1 make, a nui hewahewa na waiwai i poino. Ua hooholo ae ka aha Senate o Farani i kekahi bi!a kanawai e hoomana ana i ke kuai aku i kekahi kalaunu momi no Farani. He heluna nui o na kanaka ka i hoopaa ia ina ka halepaahao ma ke kulanakauhale o Parisa no ka hoopuka ana i kekahi mau olelo hoolapuwale e pili ana ia Bisimaka. Ma ka mahina i *hala iho nei, he mau moku o kela a me keia ano i ku ae ma Nu Ioka; aia hoi he 122 e lawe ana i ka hae Amerika, a 217 e lawe ana i ka hae Beritania. Ke hopohopo loa ia la ke ola o ka Emepera Wiliama o Geremaina noMe ano nawaliwali loa. He mau lawelawe akahe'e a malama kupono ia ana nona e kona mau kauka i loaa hou aku iaia he mau mahina e ola ai. E hoike ana kekahi lono ua lokahi like na manao ona mana o Europa a koe wale no o Enelani, e hoopau aku i ka nohoalii ana 0 Alekanedero no ke aupuni o Buregaria. A aole no hoi lakou e apono iki no ke koho hou ia 0 ua keiki alii la i alii no ia aupuni. Eia ma ke ala huli hoi mai no Hawaii nei ka Hon. H. A. Wilimana, kana mau keiki, Mrs. Curtis P. laukea a me kekphi mau kamaaina e iho o ke kulanakauhale nei. E ku mai aua paha lakou ma ka mokuahi Zealandia o ka Poakolu ke ku mai. Ke hoike ia mai nei, au pau ka īkaika a ua ane nawaliwali loa kela wahi haole powa i huli la mai ai ianei a loaa aku nei i Kikane, oia o Maxwell. He kaape wale iho no ka hana iloko oka haleoaahao me he la ua loaa ia oia i kekahi mai īkaika. Ke hele nei ka uhane oka haole ana i pepehi ai e lapu mau iaia iloko o ka halepaahao. Mamuli o ka la ikaika ana o ka mai korela ma ke kulanakauhale o Viena, nolaila ua kuahaua ae ke aupuni o Auseturia me Hunegaria e kiai makaala loa ia na awa ku moku a pau a me na ala kaa ahi e papa aku ika pee e komo mai ana iioko oka aina. Ua hoomalu pu ia no hoi ko ka aina iho aohe e honkuu ia iwaho. Ke kau la ka weli ma keia mau wahi no keia mai.