Ka Nupepa Kuokoa, Volume XXV, Number 46, 13 November 1886 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

Paiia e THOS G THRUM ma ka Halepai o ka Hui "PRESS PUBLISHING COMPANY," Keena Hooponopono, ma na kihi o Alanui Moiwahine me Nuuanu.

      E hoouna muaia mai na Olelo Hoolaha ma ke Keena Hooponopono mamua ae o ka hora 12 o ka awakea o na Poaha a pau. Aole e hoopukaia na Olelo Hoolaha ke laweia mai mahope o ka horo i hooikeia maluna. E hooko piha aku ana makou i keia rula maluna.

      E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu. Ina e loaa pono ole aku keia pepa i kona poe lawe, e hai mai me ka hakalia ole i keia Keena.

      O ka uku a keia pepa e haawi ai i kona poe luna, he umi keneta no ke dala, koe ka apana o Kona, Oahu, a me kekahi mau apana e ae kahi nui o ka luhi i ka halihali ana i ka pepa, ma ia mau apana, e hooiia ka uku luna.

 

1887.

      O ka poe i lawe ole i ke KUOKOA i keia makahiki, a e manao ana e lawe no keia makahiki ae, e loaa no ia lakou ka pepa no ka makahiki 1887 holookoa a me na mahina keu elua me ka hapa o keia koena makahiki, ke hookaa e ia mai na dala elua o ka ʻuku pepa ma keia keena mamua ae o ka la 1@ o Novemaba o keia makahiki. He pomaikai nui keia no ka poe lawe hou i ka pepa. Hookahi makahiki holookoa me na mahina keu elua me ka pepa no elua wale no dala ka hookaa mua.

 

Kela me Keia.

      Mai poina i ka alawa ana iho i na hoolaha hou e puka aku nei.

      He onawaliwali ko Mr. W. Wright i keia mau la, oia hoi ka luna pupule o Kalaepohaku.

      Ina iho ka wai hui o Luakaha a halulu mai i ke taona nei. He mau la wale no koe.

      I keia hana ana iho la paha e kuonoono pono ai kahi hope panau o ka Elele. O ka lewa wale iho la no ka ia e lewa ai.

      E haawi ana ka Hon. Kikila Baraunu he ahaaina ma Laie, Koolau, no ka weheia ana o kona mau hale hou i kukuluia iho nei.

      Ke panio mai nei ke kahua pauahi i na hale pohaku me laau, a he kulana hiehie ko ia wahi ke pau pono ae na hemahema.

      Ua haule iho nei ke koi poho a Kuke ma no ka mokuahi J. I Dowsett, a ke loheia mai nei, ua hoohalahala hou na loio imua o ka aha piha.

      O ka Poaono ana paha ka la 27 o keia mahina, a i ole o ka Poakahi iho paha ka la 29, e malamaia ai ke kulaia o ka la kuokoa o Hawaii nei. He Sabati ka la 28 o keia mahina.

      Ma ka manao ana o ko makou mau ulele hua kepau e hoolilo ana lakou i keia pule holookoa ae i manawa Iubile pu no lakou, a o ka pepa hoi e puka ana e like me ka mau.

      He mau po iniki hui keia o ke anu, a he mau po mahina konane no hoi. He mau wahi la kulukulu pakaua no hoi, aohe nae o ka mahuahua loa. Ua lawa nae no ka hoolalilali ana i na alanui.

      Ma ka Poalima nei i wehe mua ae ai na lala o ka hui waapa o Honolulu he anaina hoolealea paele maloko o ka Hale Mele hou, a ua maluhia na hana. Ua loheia mai e wehe hou ana no i keia po ke ole na keakea.

      Ua loheia mai, ma keia huli hoi ana mai a ka mokuahi Kinau e ohuohu pono ana kona oneki me na ohua o na mokupuni aku nei o kakou no ka hele ana mai me ka lakou mau hookupu no ka la nui Iubile, a no ka makaikai pu ana paha kekahi i ua la kanaka nui la.

      E aneane haule pu ana paha na heihei waapa ma ka la hanau ae o ka Moi, ma ke komo ole ana mai o ka hui waapa Myrtle i ka heihei no kona poe hoe ole, a o ka hui Honolulu hoi no kona waapa kupono ole. Na ia la e hoike mai.

      Ke wawaia mai nei, eia ke pule anaana ia nei ke ola o S. B. Dole e kekahi mau kahuna Hawaii, a ua haawiia i 10 la no kona ola a make aku. Kia pololei ia ka pule; umia ke aho; malia o mana ka pule a ikea aku ke kapalili o na wawae i ke alanui.

      Ua malama hou ia no he heihei kukini wawae ma ka hale holohau o Huehue i ka po Poakolu nei mawaena o Jas. Tolbert, Joe Camera me Jas. Brown no hookahi hora ka manawa holo. Ua kaa ke eo i ka inoa mua no 10 mile me 9 puni i holo ia iloko o hookahi hora. Ua haule iho kona manawa holo mua he 9 mile me 1⅓ puni.

      Ma ka Poalima o ka pule i hala, ua mahuka aku mai ka halewai o Frank Davies kela hapa haole i hoolahaia no ka aihue ana i ke dala. Ma ka auwina la Poakahi nei ua hopu hou ia oia ma ka hale noho o kona kaikuaana, a ua hookolokoloia a hoopaiia no na hewa elua oia ka mahuka ana me ka aihue. Hookahi hewa i koe e nana hou ia ai e ka aha, oia hoi ka wawahi hale, a ua waiho loa ia aku i ka aha iluna. Poohu ka lae.

 

HE MOOLELO KAAO EEHIA

NO KE

Keikialii Romura,

(Ka Puuwai Liona)

Ka mea i kapaia ka Opuu Rose o na ki@ap@i me ka Puuwai o kona Lahui, a o ka manu Ae@o hoi o na Kualono a me na Ululaau anoano o Alegeria he Iwikani no naao i hala.

Ka Hookalakupua o ka Makakila.

(Nana ma ka aoao Ekahi.)

      E na hoa, o keia poe naita a pau oia na koa o loko o na lua huna o na kaei pali o Batavena; o ua moi Hinedu Sana la, e noho ana iloko o na lua pao iluna o na pali, a no lakou na alanui huki a me na pani huki pohaku.

      A ke paha’oha’o la na opio i keia poe lehulehu ioa; oiai, akahi no laua a ike i keia poe, a no ia mea i ninau aku ai o Piula Lana i ko laua kupunakane i kahi o keia poe i puka mai ai, a heaha la ka lakou hana i hiki mai ai?

      O keia poe wahi ana i pane aku ai o lakou ko olua mau kanaka e hele pu ai no ka olua huakai hele; a ma kahi e ku ai ko olua mau kapuai wawae malaila lakou e hoomaha iho ia.

      Nolaila, e malama loa e a’u moopuna i keia omole laau a’u e haawi aku nei ia olua, no ka mea, o keia kekahi hoopakele nui o ko olua alahele.

      E hoomanao, o keia omole laau oia no ka omole laau a kauka Semebara ke kanaka hapa lio oluna o ka aina o Mamere Kina, i loaa i ko olua kupunakane nei i kona mau la opiopio oiai au he naita kaulana ia mau la a na’u i hookau aku i ka weli i na aupuni a pau o ke kai, a mamuli o ko’u hakaka ana me ua Semebara kaulana la, no ekolu la me ekolu po, ua hina iho la au ilalo a eha me na palapu a ka ehaeha o ka pahikaua, a maluna o ko’u aahu e hilihili ana na kulu koko o na hauna maka pahi a ua kanaka la ka mea a’u i kapa aku ai, ke alii o ka pahi kaua; oiai, nana i hoohaahaa mai i ko’u ike ana pahikaua no ekolu la okoa a me na po.

      A oiai au e waiho la me ka ehaeha, aia ua Semebara kaulana la ke holoholo ae la me na mino aka ana no kona lanakila.

      Ia manawa no au i noi aku ai i ka i ana: “E ke alii o ka pahikaua, e oluolu, e haawi mai i na kokua ana no kou hoa’loha ka mea e waiho ana iloko o na ehaeha a ka pahikaua, a ke noi pu aku nei au e hai mai oe i kou inoa a me ka aina kahi au i hele mai ai.”

      O Semebara Haresina au, a mai luna mai au o ka aina paha’oha’o o Mamere Kina. He mau la lehulehu loa i hala ae nei au i huli ai ia oe, a iloko o na la ekolu a kaua i hoohana ai i ko kaua mau ikaika, me na ike pakahi i loaa like ia oe a me a’u, ua ike au i kou ike a me he la o oe ke kanaka i hanau ia e ka wahine nona hana maluna o ka honua a ina o na keiki a kanaka a no ia ike ae aku nei au ia oe e kokua aku, ma ke ano o ka’u makana ia; a ia wa no i unuhi ae ai ua keiki alii la o ka aina o Mamere Kina i kekahi omole aniani i piha i ka wai o kana mau hana kupua, a i ka wa i pa iho ai ka wai o loko o ua omole laau la i kuu mau lehelehe, ia manawa koke no i haalele mai ai na ehaeha a pau ia’u a o na moali a me na mokumoku maluna iho o ko’u kino, aole iho la lakou.

      Ua ala ae la au iluna me kuu manao e kamailio hou aku i ua kanaka la, aka nalowale koke iho la oia iloko o ka wiliau puahiohio me ka ike ole ia, a aole au i ike hou aku iaia a hiki i keia la a’u e hoike nei ia olua no ua kanaka kamahao la.

      Ua lalau aku la o Piula Biuda i ka omole laau a hookomo iho la iloko o kana kieke, a ia manawa no i huli ae ai ua hapauea la a pane aku la i na naita e ku mai la; “e a’u mau naita wiwo ole, i keia la e haalele iho ai oukou i ko kakou kulanakauhale a me ko kakou aina nei a hele aku ma ke alanui e hoea aku ai i na ipuka o ka halealii o ko oukou mau haku opio e kunei imua o oukou.

      O keia mau kanaka opio o ka’u mau moopuna ponoi no ia, na’u ponoi i hanai iho ia laua me ka waiu o na dia, a i keia la e hoi aku ai laua no ko laua noho alii i lawe wale ia e ka pakaha lokoino.

      Nolaila e hoolohe ia laua, o ko oukou mau haku ia no ka wa pau ole, a no laua ponoi keia nohoalii a’u e noho la, ke make iho au. E paio a hiki i ka make ana no ko laua mau ola, e hakoko hoi a hiki i ka lanakila ana no ko laua nohoalii. E hoihol mai i ko laua mau pono i lawe ia a me ka poe pio i hoopaa ia, e hookuu ae ia lakou e hoi.

      I ka makaukau ana o ka huakai a na opio i huli ae ai lakou no ka uwapo kahi a kekahi moku e kali la o ka hoea aku o na opio.

      I ka manawa i kau aku ai na mea a pau iluna o ka moku, ua uu ae la na pea a ke puhi pololei aku la ka makani mahope, a ke pakika la ua kaupu aukai la iluna o na ale apiipii o ka moana kai o Oseta, a no na la lehulehu ua ku aku la ka moku ma ke awa o ka aina o Kalene.

 

LAUDILA.

KA NAITA HOOPAHAOHAO O NA

KAKAI MAUNA A ME NA KAEI PALI O ITALIA.

Ka Olali o ke Kahua Kaua.

Ka Eueu nana i hook@@ihi ka O@@@i malamalama o ka La@ ka Ui kelakela i malamaia mawaena o na kuahiwi me na kualono @ ka @@@@ @@@@ i @@@@@lale ka puuwai o na aliiwahine a pau o Europa a i eha i ka “eha @@@@ ole a ke aloha.”

Ka Makani Puahiohio Wiliau o ka Hikina.

A o ke Kupueu Iwikani o ka Makakila

MOKUNA 2.

      Nolaila i keia manawa e pii kaua ilaila i ike ai oe i ka nui o kou maukanaka, a me ko lakou makaukau ma na mea kaua, ae aku la ke ’lii opio.

      Ua huli hoi aku la laua no kauhale, a paina i ko laua aina awakea, a i ka pau ana, ua kahea aku la laua i ko laua mau lio, emoole ku ana na lio, me ka makaukau i na mea a pau, a kau ae la ua moneka nei, me kana hanai alii, a pii aku la no na kuahiwi o Italia, a ia laua i hiki aku ai, i ua mau kuahiwi la a ua hele loa aku la laua, a maluna o kekahi puu, ua hoomaka aku la ua moneka nei e puhi i kekahi ole lau laau, kani kapalili aku la ka ole no ekolu manawa, he hu ana no ka makani kai lohe ia, he halulu hoi e like me ka hekili, aia hoi ua puni ae la laua nei me na tausani naita kino hoopahaohao, ia manawa no i hele mai ai ka alihikaua nui a ku mai la imua o laua nei a pane mai la:

      E ko makou haku, heaha ka pilikia o ke kahea ana ae nei, ua makaukau mau kanaka, e hookau i ka hoopai, e like me kou makemake.

      Ia manawa i pane aku ai ua moneka nei. I kauoha aku nei au ia oukou, e hele mai imua o maua. I keia wa e pau ai ko’u mana maluna o oukou, a o ko oukou haku oia no ka kakou hanai alii. Nolaila, e hoolohe oukou i kana olelo, i keia wa, ke haawi nei au i keia ole gula i kinohinohi ia me na mea nani, a i ko oukou wa e lohe ai i ke kani o keia ole, o ko oukou wa no ia e hooko ai i na kauoha ina i ka lewa, a i ole i ka honua paha. E hooko no oukou me ke kali ole iho no kekahi mau minute.

      Ia manawa i huro ae ai ua poe naita kino pahaohao nei, a he mau minute keia hauoli ana, ua pane like mai la lakou, e hooko no makou i na kauoha a pau o ko makou haku i kona wa e kahea mai ai i kona poe kanaka me ka hakalia ole.

      I ka pau ana o keia mau olelo, ua huli hou aku la ua mau naita kino pahaohao nei, iloko o ko lakou mau hale lua, huli hoi mai la no hoi ka moneka a me kana hanai alii, ia laua nei i hiki aku ai i ka hale, ua haawi aku la ka moneka he hookahi kapa kila.

      O keia kapa, he kapa kila paa loa i hana ia mai loko mai o na kila paa loa o Damaseko, i ha ia me ka mana o ka waha o ke kupua Lamelito, ka mea e noho ana i ka papaku hohonu e ke kai omaomao.

      Lalau aku la oia i ka pahikaua nui a haawi mai la, me ka heleli ana iho o kona mau waimaka a pane mai la.

      O keia pahikaua, oia no na iwi aoao o ko’u kaikuahine ponoi, mai loko aku o ka pupuu hookahi, ke kupua wahine kilokilo e noho mana ana maluna o ka piko o ka mauna o Himela, i kukulu iho ai oia i kona hale kilokilo, a mana kupua.

      O keia ka pahi i ha ia me ka mana o ke akua o kaua, me ka wale o kona waha i hapala iho ai oia i keia pahi, nolaila, o keia ka pahi aole e lanakila na enemi o ka po maluna ona.

      Lalau aku la oia i kekahi laau ihe nui a haawi mai la, pane hou mai la oia, o keia laau ihe, he makana keia i makana ia mai i ko’u makuakane, mai kekahi mai o na naita kaulana loa o ke aupuni o Helevetia.

      Lalau aku la oia i ke koi kaua a pane aku la, o keia ke koi kaua a ke kupua Unako, ka mea e noho mana ana maluna o ke aupuni o Apelika a maluna hoi o ka waoakua o kahala, i kukulu iho ai oia i kona kakela nani, o na mea a pau e maalo ae ana maloko o ua waoakua la, oia kana mea e ai ai.

      Lalau hou aku la oia i kekahi aa pua me ke kakaka, a pane hou mai la oia, eia ka’u makana hope loa ia oe, o keia ka makana a kekahi kaikamahi alii i makana mai ai ia’u, ua olelo ia keia kaikamahine, ka haku alii maluna o ke kakaka, a me na pua pana, no ka mea, aohe mea e hala ai o kana pua, ua hiki loa i kona ike ke ki i kekahi ukulele, e kau ana maluna o kekahi lole keokeo, o kona inoa maoli, oia no o marelia ka iwikani o na pua pana.

      O ka pau keia o ka’u makana ia oe e kuu alii, kuu haku, apopo e iho aku ai kaua e ike i kou mama a me kou ohana alii a noho aku oe, hoi mai au i ka home aloha o kaua.

      E na hoa kuilima o ke keiki alii Laudila, e hoalu iki ko kakou kamailio ana nona, a e hoi ae ko kakou kamailio ana no ka makuakane a me kona mau hanau mua

      I ka huakai alii e huli hoi la no ke kulanakauhale alii, he elua la a i ke kolu, ua hiki aku la ka moi a me kona mau ukali ua awiwi @@u la @@@@ @ @@ mo ana iloko o ka pa alii, ua hele loa aku la ka moi ma kona lumi kakau, a kaku iho la oia i kekahi palapala e kuahaua ana i kona aupuni.

      Penei ke ano nui o ka palapala Owau o ka moi o Italia nei, ke kuahaua aku nei au i ko’u aupuni ka ohana alii a me na kaukau alii, ko’u mau kuhina, na hoa hanohano, o ko’u aha kukamalu, ka poe hanohano o ke kulanakauhale, na lede maka palupalu, a me na makaainana a puni ko’u aupuni nei, mai keia la e puka aku nei keia hoolaha a hala na pule elua, ua makemake ia oukou a pau loa e hele mai i i ko’u hale alii nei, me ka oukou mau makana pakahi ma ko oukou mau lima, i mea e hoohanohano ai i ka’u keiki muli loa, ka mea a ka manu i ahai ai i ke kuahiwi a na kona haku moneka i hanai a nui a ua halawai au me ia ma keia huakai pi mauna aku nei a’u, oia no hoi ko kakou la e ike ai i kona mau helehelena, aloha oukou.

      Keluia ka moi o Italia.

      Kakauia ma ko makou Hale alii.

      I ka paa ana o keia leta, ua kauoha ia aku la ka puuku, aole i emo ua hiki mai la oia, kauoha aku la ka moi i ka puuku e hele e hookomo i keia hoolaha iloko o na nupepa a pau.

      Ua hooko koke ia aku la ia mau mea, ua holo aku la ka lono a puni ke kulanakauhale, a hala loa aku i na pana kuaaina, a i ka ike ana o na mea a pau i keia hoolaha a ko lakou moi aloha, ua uleu ae la lakou me ka awiwi nui, a ua loaa ka lakou makana, hookahi wale no mea i koe, o ke kali aku o ka puka mai o ka la e hooko ia ai o ka iini o ka moi.

      E hoalu ae ko kakou kamailio ana no ka moi, a e huli ae ko kakou kamailio ana, no ka mea nona keia nanea ilihia.

      I ka puka ana mai o ka la i ke kakahiaka nui, a uhola ae la kona malamalama, maluna o ka aina o Italia, ua ike pono ia aku la ka piko o na mauna, o na ululaau e hoike mai ana i kona nani kamahao, me he mea la e au’a mai ana i ka lakou hanai al i e noho no i ka olu o ko lakou mau lau like ole, e honi hoomau hoi, i ko lakou mau ea aala, aia hoi ua ike ia aku la ke kakela o ke alii opio, e uluwehi mai ana na mea hoonani, e hoopuni ia ana hoi e kona mau naita kino pahaohao.

      I ka hiki pono ana ae i ka hora eiwa ua puka mai la ka moneka me kona mau ukali he kanalima, a mahope ua puka mai la ke keiki alii Laudila me kona kahiko piha o ka oihana naita, me kona mau ukali he 15, a mahope mai o lakou he 500 naita hoohanohano i ka huakai a ke alii opio.

      I ka huakai i hiki aku ai, mawaho o ka pa o ko lakou kakela alii, ua haawi ia mai la he mau leo hulo ekolu, mahope iho o na leo hulo, ua wawalo ae la na leo ahiu hooho a na naita kino pahaohao.

      He hapaha hora keia ku ana o ka huakai alii, ua kau ae la ke keiki alii i kana pu gula i kona waha a hoomaka aku la e puhi no ekolu manawa, me elua kani kapalili ana mahope loa a o ka manawa no ia i nalo aku ai na tausani naita, he owe ana aia hoi ua pau loa aku la i ka hoi i ko lakou mau home mauna, a koe iho la ka huakai alii.

      Ia manawa i huli ae ai ka moneka i hope, a ani ae la i kona kookoo no elua manawa, o ka wa iho la no ia o lakou i hookuu iho ai i ka mama o ko lakou mau lio, iloko o ka ululaau, o ka halulu, o ka nei, me he makani puahiohio la e luku ana i na lau o na laau, pela iho la ke ano o ua poe holo lio la.

      No elima wale no minute ua puka aku la lakou mawaho o ka hu-a o na laau, a huli aku la lakou nana i ke kulanakauhale alii o Roma. O na kaikuahine hoi o ke keikialii, aia laua iluna o ka aleo kahi i nana ai me na ohe nana nunui, e ake aku ana ka manao o ka ike aku i ko laua kaikunane haku.

      Ia lakou no e hoomau ana i ka nana ua puiwa ae la laua a hooho ae la me ka leo nui, eiae ka huakai alii mawaho o ka hu-a o na laau. I ka lohe ana o ka moi ua kauoha koke aku la oia i na mahele maita, e ku laina lakou mawaho o ka hale alii, a pela ma na aoao o ke alanui, aole i emo ua makaukau mai la na naita no ka hoohanohano ana i ke keiki alii.

      I ka huakai alii i komo aku ai iloko o ke kulanakauhale, ua olowalu mai la ka leo hauoli o na makaainana, e hooho ana, e ola mau ke keiki alii, e mau ka pae ana o kou inoa a kau i ke ahe pua aneane.

      I ka huakai alii i hiki aku ai mawaho o ka pa alii, ua hoomaka mai la e uwe hone ka leo o na mea kani, ke nana aku he ku i ka eehia a me ka hanohano, komo loa aku la ka huakai alii iloko o ka pa alii, o ka manawa no ia i hookuu mai ai na kaikamahine alii a me na keiki alii i ko lakou mau kileo kani kapalili i kokua ia e ka leo o ka melodiana, a o na leo wawalo hoi o na makaainana ke hoomau la no i ka uwauwa.

      I ke keiki alii i kokoke aku ai i ke alanui pii o ka hale alii, ua iho mai la kona mau kaikuahine a ku iho la i ke anuu ilalo loa o ke alapii a o kona mau kaikuaana hoi ke ku mai la iluna o ka lanai o ka hale me ko laua mau kahiko piha.

      @@ @@@ @@ @ @ @ @@ @ @ @@@ ilalo a lele pu iho la no hoi me ke keiki alii Laudia, a o ka wa no ia o na kaikuahine i lalau i ka lima o ko laua kaikunane, i ka nana aku ua like ua mau pua alii la me na lehua o luluu pali ka popohe i ka nani o ka hale alii.

      Ua lele like mai la no hoi me na ukali o ke keiki alii a pii nui aku la. I ke komo ana aku i ka lumi hookipa malaila kona makuahine moi a me ka ohana alii a pau o Italia, i ke alii i hookokoke aku ai imua o kona makua, o kona wa no ia i hopu mai ai i na lima o kana keiki a wehe ae la i kona papa ie kila a waiho aku la ma kahi-e, a wehe pu ae la no hoi me kona aahu kila a pau, ia manawa i haule pahu aku ai na mea a pau iloko o ka eehia no ka nan lua ole o ke keiki alii a o kona makuahine hoi ua puliki ae la oia i ka wawae o kana keiki, a pane ae la, e kuu haku kuu alii makepono no ka luhi ana o kou makuakane ia oe. He nani, a he maoli, a he liko oe no luna lilo.

      He hora keia o ka lupea ana o ka ohana alii, ua mama mai la ke ano poluea, o ka nani o ke keiki alii maluna o ke anaina holookoa, ia wa i kauoha ia aku ai na keiki alii e hele mai e lulu lima pu me ua keiki alii la, oia ka manawa i eu like ae ai na mea a pau a hele mai la e lulu lima pu me ua ui kamahao la o ka waokele, aia iloko o keia ike alii.

      Hookahi ui kaulana oia ke kaikamahine a ke kiaaina. Iaia i ike ai i ka nani lua ole o ke keiki alii, ua uluku iho la o loko ona a kaena mua iho la oia nana e papahi mua i ka hanohano o ke keiki alii a nana hoi e kui mua ia pua, a mahope no kakou e ike ai i kana mau hana, maluna o ke keiki alii.

      I ua ui hoomahie nei i lalau aku ai i ka lima o ke keiki alii, ua hai e na pua i ke kula, a me he mea la e i mai ana na’u oe e kui mua.

      Mahope iho o ka ike alii ana, ua puka aku la ka moi iwaho a hai aku la, mahope o ka hora elua e puka mai ai ke keiki alii e ike me oukou e na makaainana. I ka hiki ana i ka hora elua, ua kahiko ia iho la ke keiki alii me kona kahiko nani kamahao, ka mea a kona makuakane hanai i hana maiau ai, ua hele na pohaku makamae a papakini maluna o ka aahu o ua keiki alii nei, aole no hoi e hiki i ke aupuni o Italia ke hana i kekahi kapa e like me keia, no ka mea, aole he nui o na pohaku makamae.

      I ka makaukau ana, ua puka aku la ka huakai alii iwaho, a i ke ku ana aku o ka huakai alii ma ka lanai o ka hale alii o ka manawa ro ia i ikuwa mai ai na leo huro o ka hauoli. I ke kuu ana iho ua iho aku la ke keiki alii a ke anuu i hoomakaukau ia nona, ku iho la oia malaila, a o ka manawa no ia o na makaainana, i hele mai ai e ike i ke alii opio; me na makana pakahi ma ko lakou lima.

      Aia i ka manawa a na makaainana e ike nei, a hiki i ka hapalua o ka hora eono, ua piha aku la he 28 ka nui o na puu waiwai, a i ka panina hope loa o ka hookupu ana, o ka moi kane a me ka moi wahine, me na hanau mua.

      O ka makana a ka makua moi, eha hoku daimana, hele aku la oia a omau aku la ma ka umauma o kana keiki. E kuu keiki wahi ana, e lawe i keia mau hoku eha a hoopaa loa ma kou umauma i na wa a pau.

      Hele aku la hoi ka moi wahine, a omau aku la eono kea hoohanohano kinohinohi ia me na pohaku makamae. Hele aku la na kaikuaana a hoolei aku la i kekahi lei daimana, a ua kapa ia ka lei alii o Italia, hele aku la hoi na kaikuahine a hookau aku la ma ke poo i ke kalaunu alii o Italia.

      I ka uhi ana mai o ka malu po, ua haawi ia he mau anaina lealea, a me na paina hoolaulea mawaena o na ’lii a me na lede maka palupalu, ua lealea lakou a hiki wale i ka wanaao, ua hookuu ia kela a me keia e hoi i ko lakou mau wahi iho.

      Mahope mai o ia mau la, ua makaukau iho la ka makua moneka e hoi no ko laua home mauna, o ke alii opio hoi ke noho nei oia me ka nanea, me ka manao ole ae o keia ka la e hookaawale ai o kona kahu hanai. I ka hala ana o ka hora ehiku ua komo aku la ka moneka ma ka lumi o kana hanai alii a hoala aku @a.

      E kuu luhi kuu haku, e ala ae oe, eia ke makaukau nei kou makua e hoi no ko kaua home kuahiwi, kenoho nei oe me ou makua, eia oi au ke huli hoi nei, aloha no hoi oe, aloha no hoi au.

Aole i pau.

 

Ma ka Poaono i hala i halawai iho ai ka Ahakukamalu no ka noonoo ana i ka poe i hoopaaia he mau pio na ke kanawai no ko lakou kalaia. Aole i holopono na hana ma ia la, a noho hou i ka Poakahi mai. Pehea aku nei la.

      Ua li iho kekahi pake iaia ma Kapaau, Kohala, a ua make loa. Aole i maopopo ke kumu o kona li ana.

      He nui ka ua o Hawaii ma na pule i hala. Ua hoomaka ka ua oiai o Kinau i haalele aku ai ia Hilo a komo wale i Mahukona. Pouli pu ka aina.

      Oiai ka pepa e liuliu ana no ka papa pai ma ka hora elua me 15 minute i ka auina la o ka Poalima nei, ua hiki mai he hoolaha mai ka Aha Kiekie no ka hoopuka koke aku.

 

Ka Waiwai o ka Hilinai

      KA AYER Laau Na@apa@la, kai kaulana a h@mai nui ia no ka @oumaemae koko, ma na wahi a pau o ka hoo@a, @e aneane 40 makahi@i i hala ae nei, a ua lawelawe nui ia hoi iwaena o na oihana lapaau. O keia

      LAAU SASAPARILA, no loko ae ia o ke @@ Sasaparila @@@@@@@@ maoli i ua loaa ka mana hoomaemae ma o ka hui pu ia ana me kekahi mau @@ laau e ae, a me kekahi mau mea no loko o ka honua a me ka hao.

      He koko inoino a nawaliwali anei kou? Ua aw@li pu anei me na ano mai ikaika? A ua hui pu anei me na wai awaawa hoopehu? Na keia

      LAAU e hoomaemae ia mau mea ino a pau, a maikai. O na kauka lapaau a pau o Amerika i ike i ke ano o ka AYER SASAPARILA, ua olelo lakou, ao e he mea maikai e ae no ka hoomaemae koko ana mai na mai i awili pu ia, aka o keia wale no. No ka

      HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae: O ke

      KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he

      MAIKAI loa hoi kei Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi  mau laau e ae.

      A HILINAIIA no ka ikaika kupuno o ke ola kino, ma ka maemae ana o ke koko, hoomake pu ia na ma’i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila.

I HOOMAKAUKAUIA E

Kauka J. C. Aver & Co. Lowell, Mass.

HOLLISTER & CO.

Na Agena ma ka Paeaina Hawiai.

Helu 100. . . . Alanui Papu, Honolulu

2086-@f

 

Laau Mai Lepera Helu 1

-A-

S. H. MEEKAPU.

      E loaa no na kuka’i olelo ana ma ko’u Home noho ma Hi@imua, Kaakopua, Alanui Papu, ke loaa mua ke kauoha ma ko’u hale Oihana Tela Humuhumulole ma Alanui Nuuanu, Helu 11.

S. H. MEEKAPU.

2086-1yr

 

MRS. THOMASLACK.

HELU 81, ALANUI PA@

MEA KUAI A LAWE@@@

-NA-

MIKINI HUMUHUMU NA @@@@@@@@@@

HE AGENA KUAI NO N @ @IKI

      White, New Home,

      Davis, Crown, Howe,

      Me Florence.

      Na Kui Mikini o na

      ano a pau a @

      Na pepa @@

      na a@@@@

      @@@ @@@@@

NA LOPI MIKINI @ @,

He @@@NA K@ @@@@

P@ Raifela, P@ @arapena. @@ @@@@@

na @eka, Lu, @auea, @@@@@@

NA KA@UAHI AHA MA@@

Mai @@ @@ a ka liilii.

      Ma ka lawelawe mai ana o’u i ka hana @@@ akamai o ka o@@@ hana pu a pela aku, ua makaukau au e h@@@@ kauiua ole i na kauoha a pau.

      O na kauoha @a mokupuni e @@@@ @nia. @S.

 

FRANK GERTZ.

MEA KALEPA LAWELAWE HANA MA

NA ANO K@@AA A PAU NO NA

Wahine, Kaikamahine a me Kane.

Na Kamaa Bu@i a @@ Kamaa h@ah@a@@@ Keiki Kane a me na K@na@ @@@ @ @@ @@@ @ @@@@@@@@ @@

 

THOMAS MUI DOON

Hale Inu Kope P@@kel@

Pola K@p@ n@@ @@@

UMI KENETA.

M@ @a Ha@el@u@a @@@ @@@@ ma ke k hi o ke ala@@

20@0@

 

W. AHANA,

KELA HUMUHUMU LOLE

Mea hana i na lole hou @@@ @aikini maikai a pau a me ka L@om@@ ana i na

LOLE KAHIKO

2089-@m

 

WOLFE & CO.

Mea Kuai i na Ano a pau o @@

AI, HUA AI, O NA ANO A PAU

Eke Palaoa, Berena, Waiu Bata, Berena mano@@@, Berena huina@@@@ ono, o kela ano keia ano; Ko paa, Kope, Ti, Aila @@@@ me na ano p@.

 

Helu 66, Alanui Hotele, Halekuai mua o Lewis & Co.

      E loaa koke aku no na kauoha apau loa me ka hakalia @@ ne ka maikai o na ho@ malu ia ana. E hooko ia na kauoha o ke kulanakauhale nei @ hikiwawe ma na @a me ka uku ole. O na kauoha mai na mokupuni, e lawelawe koke 2085 6m

 

Nuhou ! Nuhou ! Nuhou !

AILA MAHU M IKAI@

HOOKAHI DALA WALE N@ NO KE

KINI AILA HOOKAHI!

E kuai pau ia aku ana no ka nui loa o k@ aila i kei@ @@@@@a.

E AU E NA MAKAMAKA! @ AU!

E kipa ae ma ka halekuai o

Kakela me Kuke.

 

B. F. EHLERS & CO.,

PAINAPA.

Poe Kuai i na Ano Lole a Pau.

Helu 99 alanui Papu. - Honolulu.

E loaa mau ana na lole hou o na ano a pau maluna o kela a me keia moku.

2081-1y.