Ka Nupepa Kuokoa, Volume XXV, Number 44, 30 October 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa

 

No ka Makahiki $2.00

No Eono Mahina 1.00

 

Kuike Ka Rula.

 

Poaono..Okatoba 30, 1886

 

Haawina Kula Sabati

HAAWINA VII.

 

Nov 14. Keao ana ia Petero. 1@ 21 4@19.

A AO ae ia ku ae la o Iesu ma ke kappa, aole nae i ike na haumana o lesu la.

 

5 Alaila, ninau mai la o Iesu ia lakou. E na pokii, aole a oukou wahi ia? I aku la lakou ia ia, Aole.

6 I mai la oia ia lakou, E kuu aku i ka upena ma ka aoao akau o ka moku, a e loaa ia oukou. No ia mea, kuu iho la lakou, aole hiki ia lakou ke huki mai la no ka nui loa o na ia.

7 Alaila, i aku la ka haumana a Iesu i aloha ai ia Petero, O ka Haku ia. A lohe ae la o Simona Petero, o ka Haku ia, kaei ae la ia i ke kappa, no ka mea ua olohelohe ia, a lele iho la i ka moanawai.

8 A holo mai na haumana i koe ma ka moku e kauo ana i ka upena me ka ia, (no ka mea, aole loihi aku lakou mai ka aina aku, elua paha haneri kuhira.)

9 A pae lakou i uka, ike aku la lakou i ka lanahu ahi, a me ka ia i kau la maluna a me ka berena.

10 I mai la o Iesu ia lakou, E lawe mai i ka ia i loaa iho nei ia oukou.

11 Hele ae la o Simona Petero, a huki mai la i ka upena i uka, ua piha i na ia nui, hookah haneri a me kanalima kumakolu; aole nae i moku ka upena i ko lakou lehulehu ana.

12 I mai la o Iesu ia lakou, E hele mai e ai. Aole i aa kekahi o na haumana e ninau aku iaia, Owai oe? Ua ike no lakou, o ka Haku ia.

13 Hele mai la o Iesu, a lalau iho la i ka berena, a haawi mai la ia lakou, a me ka ia no hoi.

14 O ke kolu keia o ko Iesu hoike ana ia ia iho i kana poe haumana, mahope iho o kona ala hou ana ae mai ka make mai

15 A pau ka lakou ai ana, ninau mai la o Iesu ia Simona Petero, E Simona na Iona, ua nui mai anei kou aloha ia’u i ko keia poe? I ak la kela ia ia, Ae, e ka Haku; ua ike no oe, ua aloha au ia oe. I mai la oia ia ia, E hanai oe i na keiki hipa a’u.

16 Ninau hou mai la oia ia ia, o ka lua la, e Simona na Iona ke aloha mai nei anei oe ia’u? I aku la keia, Ae, e ka Haku; ua ike no oe ua aloha au ia oe. I mai la oia ia ia, E hanai oe i ka’u poe hipa.

17 Ninau hou mai la o Iesu ia ia o ke kolu ia, E Simon na Iona, ke aloha mai nei anei oe ia’u? Kaumaha iho la o Petero, no ke kolu o kona ninau ana ia ia, Ke aloha mai nei anei oe ia’u? A i aku la kela ia ia, E ka Haku, ua ike oe i na mea a pau; ua ike no hoi oe, ua aloha au ia oe. I mai la o Iesu ia ia, E hanai oe i ka’u poe hipa.

18 Oiaio, he oiaio ka’u e olelo aku nei ia oe, i kou wa opiopio, kaei oe ia oe iho, a hele aku la i kau wahi i makemake ai; aka, i kou wa elemakule e kikoo aku oe i kou mau lima, a na hai oe e kaei mai, a e alakai aku i kahi au e makemake ole ai.

19 O keia kana i olelo mai ai, e hoike aku ana i kea no o ka make e hoomaikai aku ai oia i ke Akua. A pau kana olelo ana i keia, i mai la oia ia ia, e hahai mai oe ia’u.

Pauku Gula. E hanai i na keik,i hipa a’u. Io, 21:15

Manao nui. O ka hana a na haumana, oia kekauo ana i na kanaka i ka euanelio, a e kiai ia lakou.

NA HELUHELU LA.

Poakahi  Io. 21;1-19.

Poalua  Io, 21:20-25.

Poakolu  Mar 28:16-20.

Poaha  Lu. 24:50-53.

Poalima 1 Ko. 15:1-8.

Poaono Oih. 1:1-14.

Sabati Lu. 5:1-11.

Mele. Na koa no Iesu. H.A.N. 246 Pule.

NA NINAU.

Mahea na haumana ma ka haawina i hala? Iheaku ko lakou hele ana? Mat. 28:16. No ke aha ko lakou hele ana ilaila? P.@ 7. Ehia o lakou i hele i Galilaio? Io ana, @ Heaha ka hana a kekahi o lakou i ke kali ana ia ia? Io 21:@

Ehia o lakou i hele aku ha@? Ua mea mai lakou @ @ana? Lu 5;1-11. Mat 4;15 Heaha ka Iesu olelo ia lakou i kona ike mua ana ia lakou e lawaia ana? Loaa anei ka ia ke oia hele aku ma kahi o na ia? Loaa anei ke ole hana akahele a hoomanawanui? Pehea ka loaa ana o na ia? E hoe paha, e aha la? Ke ole e maikai ka maunu, loaa anei na ia? Loaa anei ke ole e holo i ka wa pono? Ke ole hoomakaukau pono ia ka maunu a haawi pono ia, loaa anei ka ia?

            Ua hooikaika keia mau lawaia ehiku a ao ka po, heaha ka i loaa mai? He aha ka haawina e ao ia ana ia lakou ma ia hooikaika wale ana? He pomaikai anei ke hooikaika na kanaka, ke ole launa mai ka Uhane Hemolele a kokua ma ia hana? Ina o ke Akua pu, makehewa anei ka hana? Heaha ke kauoha i na haumana mamua? Lu. 24:49. Aole anei he makehewa ko lakou hoomaka ana e hana mamua o ka launa ana mai o ka Uhane me lakou?

            I ka wanaao, owai ke ku mai ana makapa o ka loko? p. 4. Ua ike anei na haumana o Iesu keia? Heaha kana ninau ia lakou? p. 5. heaha ka Iesu kauoha? p.6. Kupanaha ea, ua hooikaika lakou a ao ka po, aole nae i loaa kahi ia; aka i ko Iesu pane ana ia lakou no kahi e kiola ai i ka upena, ua makena anei na ia?

            Ua kokua anei o Iesu ia lakou me ia mamua? Lu. 5:1-11. Poina anei i keia mau lawaia ka haawina a Iesu i ao mai ai? Ina e hana mamuli o ke kauoha a Iesu, a e like me kana ao ana nele anei? Ke hana nei anei na kumu a me na kahu mamuli o ka Iesu kauoha? Ke Holomua nei paha na hana? Loaa paha na ia? Nele paha lakou e like me keia poe haumana? No keaha.

            Owai ka i hoomaopopo mua o Iesu keia? p.7. Heaha ka Petero hana i ka Ioane olelo ana o Iesu keia? ma hea na haumana e ae? p.8. I ka lele ana i uka, he aha ka i ike ia malaila? p.9 Heaha ka Iesu olelo i na haumana? p.10.

            Ua ninau mai na hamana i ka inoa o ka mea e lawelawe ana na lakou? p.12. A pau ka ai ana, ia wai ko Iesu pane ana? p.15. Heaha ka ninau ia Petero? Heaha ka Petero olelo? Ua like anei me kana olelo mamua? Mat. 26:33-35. Ua maopopo anei i keia wa kona hiki ole e kupaa ina e paulele iaia iho?

            Heaha ka Iesu kauoha iaia? Haawi anei o Iesu i ka hanai ana i kana mau keiki na ka mea aloha ole iaia? E ike ia ana anei ko Petero aloha i ka Haku ma ka hoaka ana i keia kauoha?

            Heaha ka lua o na kauoha a Iesu? p.16. He hana nui anei ka hanai ana i na hipa, ka mālama ana i na ekalesia? Ehia pane ana o Iesu ia Petero? ua like anei me ka nui o ka Petero hole ana iaia mamua? Pehea oia i ke kolu o ko Iesu pane ana iaia? p. 17.

            Heaha ka Iesu kauoha ia wa? Heaha kana olelo hou ia Petero? p.18. Pehea kona make ana? Owai kea lii o Roma i ka wa i kaulia o Petero ma ke koa? Owai kekahi a Neto i pepehi ai? Aole anei o Paulo? heaha kana kauoha e ae ia Petero? p.19.

            Pono anei e hahai mau i ka Haku? Pehea ka moku, poino anei ke hoolohe pono i na kauoha a ke Pailata? Aole anei e launa pinepine o Iesu me kana poe kauwa? Aole anei e kiai mai ana ke Akua a e hoolako mai ana i na mea e pono ai i keia la i keia la?

            Mele. Aloha pu mai ia’u. H.A.N. 37.

 

KA HOALOHALOHA.

He mau Haili wale no ka Makua

REV. L. LAIANA

 

            I ka makuahine aloha, Mrs. L. Laiana a me na keiki a me na moopuna i hoonele ia i ka makua ole:

            Anoai wale

            Ua hala o Rev. L. Laiana.

            Ua kahea ka Haku iaia e hoi aku a noho pu me ko ka Lani poe maemae.

            Ua hala ka Haku mele kaulana o Hawaii nei, a owai la auanei ma kona wahi?

            Eia na Buke Mele Hawaii nani i unuhiia e ka Makua, na himeni Kula Sabati, na Haawina Kula Sabati mai Hawaii a Niihau, ua lilo ia mau hana i Kia Hoomanao no ka ka Makua mau hana aloha nui i keia Lahui. A ma kona hana ana, ua aie nui na Kula Sabati a pau i kona lokomaikai.

            Nolaila i hoike no ko makou hilinai a me ka paulele maluna o ka makua Rev. L. Laiana.

            Nolaila, ma o makou ke Komite i koho pono ia e ke Kula Sabati o Kaiahamauleo o Ewa.

            Hooholoia E Mrs. L. Laiana wahine kanemake, na keiki makua ole a me na moopouna i hoonele ia i ke kupuna ole. I ka hoea hope loa o ke kaumaha o ke aloha, haalele ka makua i keia ao ma kona Home Mauna. O ke Kula Sabati o Kaiahamauleo o Ewa, Oahu. e @ ana me oukou iloko o ke kaumaha.

            Hooholoia. Me ka minamina makou e komo pu aku nei me oe na keiki, na moopuna i ke kahiea ana mai o ka leo o ka Makua Lani i kana kauwa, e hoi aku a noho pu me ia i kela. Nani mau loa, kahi i olelo ia. “Ke waiho la no he wahi maha no ke Akua poe kanaka.”

            Hooholoia. me ka minamina nui makou e komo pu aku nei me oe, na keiki, na moopuna—no ka hoike ana mai o ka Haku i kana kauwa i aloha nei i na hana nani ma ka lima o kana kauwa.

            Hooholoia. Ke pule ae nei makou i ka Makua Lani e lawe aku i ko oukou mau kaumaha, a e lei pu kakou ia ao aku ia ao aku e like me ka olelo a ka Haku. Pomaikai ka poe make, ke make iloko o ka Haku. “Ma keia hope aku e hahai no ka lakou hana mahope o lakou.”

              J.K.KAANAANA

              G.M. KEONE

Komite  S.E. KAHOA

              D.M. KELIOKAMOKU.

              HENRY. N. KAHULU.

Ewa Oct. 18, 1886.

 

He mau Halia aloha no ka Makua

REV. L. LAIANA.

            I ka makuahine aloha, Mrs. L. Laiana a me na keiki a me na moopuna i hoonele ia i ka makua ole:

            Anoai wale

            Ua hala ka makua Rev. L. Laiana. ua kahea mai kona Haku iaia e hoi aku a noho pu me ia me ko ka Lani poe maemae.

            Ua hala ka Haku Mele kaulana o Hawaii, a hala pu ka mea unuhi a haku manao, a owai la auanei ke pani ma kona wahi.

            Eia na Buke Mele Hawaii nani i un uhi ia e ka Makua, na himeni hoolea no na anaina haipule, o na Ekalesia mai Hawaii a Niihau, a e lilo auanei ia mau Buke i Kia Hoomanao pau ole na keia Lahui i ka makua Laiana a mau loa.

            A ma kona hala ana ua aie nui na Ekalesia Hawaii i kona lokomaikai nui.

            Nolaila i hoike no ko makou hilinai paulele, me ke alha nui maluna o ka Mr. Rev. L. Laiana, ke komo pu aku nei makou ma o makou ke Komite i koho pono ia e ka Ekalesia o ka Haku no Ewa nei.

            Hooholoia, me ka minamina e Mrs. L. Laiana wahine kanemake, na keiki makua ole, a me na moopuna i hoonele ia i ke kupuna ole. I ka hora hope loa o ka hauoli e hoopumehana ana i ka Ohana me na kahakahana eleele o ke kanikau a me na puuwai i pehia e ke aloha nui. A no ia mea, ke kono pu aku nei makou ka Ekalesia o Ewa e auamo pu i ko oukou mau ehaeha a pau.

            Hooholoia. Me ka minamina nui makou e komo pu aku nei me oe, na keiki, na moopuna, i ke kahea ana mai a ka leo o ka Makua Lani i kana kauwa e hoi aku a noho pu me ia i kela. Nani mau loa, kahi hoi i olelo ia “Ke waiho la no he wahi maha no ko ke Akua poe kanaka.”

            Hooholoia. Me ka minamina nui makou e komo u aku nei me oe, na keiki, na moopuna, no ka hoopau ana mai o ka Haku i kana mau hana ma kea o nei ma ka lima o kana kauwa i aloha nui ia e keia Lahui.

            Hooholia. Ke ulono ae nei ka leo o ka makua pule i ka Makua Lani, e lawe aku i ko oukou mau kaumaha, na ehaeha, a  e lei pu kakou i na la a pau o keia noho kanikau ana, e like me ka olelo a ka Haku. “Pomaikai ka poe make ke make iliko o ka Haku.” “Ma keia hope aku e hahai ana anei ka lakou hana mahope o lakou.”

            “O ke aloha o ko oukou Haku o Iesu Kristo me kakou a pau. Amene.”

            O makou no me ke aloha nui.

                        SAM’L, P.K. NAWAA

                        H. PUAHIKI.

KOMITE        J.E.KAHOA.

                        G.M. KEONE.

                        HENRY. N. KAHULUALII

            Ewa, Oahu, Oct. 18, M.H. 1886.

 

HE LEO NO O MAI.

He leo aha keia?

He leo kanikau,

He leo kumakena

E ko Hawaii nei,

Ua make ka Makua,

Ka Haku Mele e,

Ua pau, ua pau na hana

A maha me Iesu.

            I ke ahiahi o ka Poakolu, Oct. 6, 1886, i ka hora 3:20 ua hiamoe iho la o L. Laiana a na ka bele o Imiola,--ka luakini ana i aloha nui ai—i hoike aku he 79 ona mau makahiki.

            Ua pae aku ka lono ma na mauna kilakila o Hawaii nei; ua kolo aku ma na awawa uliuli; ua kupinai mai na puu omao; lohea mai o a o o na kula lahalaha, a ma na Kahakai, a ua lawe no na makani i na kihi a pau o ka Paeaina; ua hala aku ka makua aloha o ka aina mauna. Ua kuu kona luhi, ua pau kona eha, ua hui me na kini lani, ua maha me Iesu. “Pomaikai ka poe i make iloko o ka Haku.”

            Ehiku mālama kona moe ana me ke kino nawaliwali, a iloko o ka eha nui i kekahi wa, aole nae i hoopoina i ka lahui ana i aloha nui ai; ake mau no oia e lawelawe hou no Hawaii, a e like me ka ikaika i ae ia mai, ua haku no i na mele i kahi wa. Ua pule mau oia i Holomua na hana maikai, i kukulu hou ia na pa o Ziona.

            Mamua aku nei, i ka wa ana i manao ai e haalele ana oia i ke ola kino, ua i mai ka Makua, “E hai aku i ko’u aloha nui i na hoahana, na hoaluhi o’u, i na makamaka, i na kahu ekalesia a me na hoahanau, i na kahu kula Sabati a me na haumana, i na lii a me na makaainana. E i aku ia lakou, e noho kuikahi, e noho aloha, mai mokuahana. E aloha aku ia Iesu, e pili aku iaia a hiki i ka hopena.”

            I ka la 30 o Sept. ua hoomakaukau i kona mele hope no oukou, oia keia, “He hauoli ma ka lani, Ia la no ke kau hou mai ana o ka nawamilwali, a ikaika mai ka eha. Ua mālama mau kiai mau, hanai mai ia, me ka lawelawe ana i na mea e oluolu ai ka eha; aka, o ko ke Akua Manawa ia. Emi mau aku kona ikaika; mea ole ko keia ao iaia, aia kona manao maluna o ka Haku, o Iesu.

            I ke aumoe o ka Poalua, oiai e moe ana me ka eha nui, aole e hiki ke lawelawe nona iho, i mai oia me ka leo uuku “aole hiki ia’u kea la.” Alaila me ka leo moakaka, a ma ke olelo Hawaii no, i mai oia, “e hooikaika, e hoala.” A maha iki, i hou mai kela, “he hana luhi keia, he hana hoomanawanui, eia nae—o Iesu.—oia ke kokua.”

            Noonoo iho la au, eia ka haawina hope a ka Makua, he leo aloha, he leo paipai e hoeueu ana i na hoahana;--a na’u e hoike aku i lohe na kahu, na kumu, na makua, a me ka lehulehu mai Hawaii a Niihau, i pomaikai pu kakou ma ia lohe ana. E hooikaika, e hoala i na hana maikai i ane make, a na Iesu e koo.

            Me oukou, ka poe e kumakena pu ana, ka poe i hoomanao aloha mai, a i kokua aloha mai i ka Ohana o ka makua aloha i hala, --me oukou ke aloha nui, a na ke Akua e hoopomaikai ia oukou, a e ae e hui kakou ma o la, maka aina uli mau.               E.W.L.

            Waimea, Oct. 1886,

 

 

HE LEO ALOHA

 

1

I ka wa e kamau ana

Ka Makua o kakou,

Me ka eha, pilikia

O ke kino luhi nei;

I mai oia, “e hai aku

I ke aloha nui o’u

I na kini, makamaka

Mai Hawaii a Niihau.”

2

Pa mai no he leo nahe

I na hora hope no

“Hiki ole ia’u kea la,

Nui no ka eha o’u.

Hooikaika e hoala

E ka hoa luhi e.

Hana luhi, a kaumaha

Iesu nae, ke kokua o’u.”

3

E hai aku ma na mauna

I ka leo hea nei.

E hoolaha ma na awawa

Mana kula uli mau

“Hooikaika, e hoala

E na hoa luhi o’u.

Hooikaika, e hoala

Na Iesu e kokua mai.”

4

Kupinai ia leo aloha

Ma na pali Kahakai;

Lawe aku na makani

A lohea na mea a pau

“Hooikaika, e hoala,

E na hoaluhi e,

Hooikaika,e hoala,

Na Iesu e kokua mai.”

5

Hooikaika, e hoala,

I na hana e make nei.

Hooikaika ma ka paio

E na hoa koa e,

Luhi, eha, pilikia,

Kue mai la ka po

Hoomau na eke kaua ana,

Lanakila, kamahao.

6

Haule no na hoa koa,

Haule pu na alakai,

Mau no nae ka alihikaua,

O Iesu, mauloa no,

Pili aku ia Iesu la,

Pili paa a make no,

A loaa ka lei mae ole

Ma kea o laelae mao.

E.W.L.

Waimea, Oct. 15, 1886.

 

Mele hope loa a ka Makua L. Laiana i haku ai no na Kula Sabati o ka Pae Aina; hoopukaia ma ke Kuokoa, Oct. 23, 1886.

 

(There is Joy among the Angels.)

C.H. Ne 295.

1.

He hauoli ma ka lani

Mana aha mele e,

No ka ike i na auwana

I ka hoi mihi ana

I kea la e ola’i

I kea la e ola’i

Cho-Oli e-he oli e

Oli luaole e—

I ka hoi o na auwana e

Ma ko Iesu pomaikai

2.

He hauoli ma ka lani

Kani o na halelu,

Ke ala e ka lawehala,

A haalele i kona ala.

A hahai ia ia Iesu

A haha ia ia Iesu.

Cho—Olie-&c

3

He hauoli ma ka lani

Mau a mau na halelu,
I ka holo maikai ana

Me ka lanakila ana

O ke aupuni o Iesu,

O ke aupuni o Iesu;

Cho—Oli e--&c.

HAWAII

 

HE LEO HOALOHALOHA WALOHIA NO KA MAKUA REV. L. LAIANA I HALA AKU LA I KE ALA HOI OLE MAI.

 

            O makou o na inoa malalo iho nei, ma o ka lono kaumaha i hiki mai io makou nei. Ua hala ka makua Rev. Laiana ma kela aoao o ka lua puanuanu a ke aloha ole. Nolaila, ke komo pu aku nei makou e kanikau pu me kona ohana.

            A ke pelu nei ko makou mau kuli i ka honua a nonoi aku i na Kahikolu me na leo lokahi, e hoomama ia ka naau kaumaha o kona ko-koolua i noho ai a kulaiwi i ka Aina Mauna. a e hoalii ia kona puuwai palupalu e ka hauoli, me ka manaolana, a hui pu aku me Ia me kela ao.

            A ke panai ou aku nei no hoi makou, e hikii paa loa ia ka leo o ka makou pule maluna o kana mau keiki. na moopuna, e hoopau ae i na ao omamalu a ke kaumaha a e o mai na kukuna olinolino o ka hauoli maluna o lakou.

            A ke Awaiaulu pu aku nei makou e auamo pu iloko o na kipona luuluu a ke kanikau me kona mau hoa Misiona, na Kula Sabati, na Papa Himeni i hoonele ia iho la i ka Haku Mele ole.

            O makou no me ka walohia.

                        Lyons B. Nainoa. Mose Nakuaau.

                        C. N. Kalama. W. E. Kahananui.

                        E. Kahoino. S. Nainoa Jr.

                        Laie, Oct. 20, 1886.

 

HOOLAHA KUMAU.

 

Ka Waiwai o ka Hilinai

            KA AYER Laau Sasaparila, kai kaulana a hilinai nui ia no ka hoomaemae koko, ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

            LAAU SASAPARILA, no loko ae ia o kea aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

            HE koko inoino a nawaliwali anei kou? Ua a wili pu anei me na ano mai ikaiki? A ua hui pu anei me na wai awaawa hoopehu? Na keia

            LAAU e hoomaemae ia mau mea ino a pau, a maikai. O na kauka lapaau a pau o Amerika i ike i kea no o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka

            HOOMAEMAE ana i ke koko, a me ka hookahua pono ana i na mea a pau ma kekahi mau ano mai i keia, o ka AYER SASAPARILA wale no ka laau nana e hoomaemae haklia ole mamua ae o kekahi ano laau e ae: O ke

            KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. Hemaalai a he

            MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o kea o nei i hoohana mau i keia laau mamua o kahi mau laau e ae.

            A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma’i, a pela aku. He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a kea o holo okoa, maluna o ka

 

Ayer Laau SasaParila.

I HOOMAKAUKAU?

Kauka J. C. Ayer & Co. Lowell, Mass.

Hollister & Co.

Na Agena ma ka Paeaina Hawaii.

Helu 100. Alanui Papu, Honolulu

2086-tf

 

Thomas Muldooon

 

Hale Inu Kope Pookela.

 

Pola Kope me ke Pa Kupa

 

Umi Keneta.

 

Ma ka Hale Inu ?ma Cosmopolitan Saloon, ma ke k?hi o ke alanui Nuuanu me Hotele.

2089-3?

 

HOOLAHA KUMAU.

WILDER & CO. (WAILA MA.)

Mea kua? p? ? ?e na lako kakulu hale na ana a pau, a me na me na pono a pau no L?hal?.

Kihi Alanui Moiwahine me Papu. tf.

 

Laau Mai Lepera Helu I

S. H. MEEKAPU.

E LOAA A E HOOUNA IA NO MA ke kauoha. ka laau Mai Lepera ma na wahi a pau ke loaa he mau hoike oiaio no ka mai Lepera, a ke hooana mua mai ia ua lilo o ka laau. El?aa pu no hoi me na Rula o ka inu ana.

Helu I, Alamui Nuuanu Honolulu.

2086-?

 

JAMES DOWER

Oia noi o Kimo Kapiolani, ka ona mua o ka mokuahi Kapiolani. Ua makau kau oia me na lako apau, no ka hana ana i na waapa naha. Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa. E hele mail ma kona hale ma Manamana.

Honolulu. 2020

 

UA WEHE AE NEI O

Y. ANIN

HE

HALE INU KOPE

HELU EKAHI.

MA NA KIHI O NA MAN?

Hotele a me Maunakea

2090 3m

 

H. HACKFELD & CO

Mea Kalepa Nui, a Kuai Kukaa I na

Waiwai Lole, a me na Mea Hao

A HE MEA

KALEPA WAIWAI NUI

Kihi Alanui Papa me Moiwahine

Honolulu, H.I. 2082-1 yr

 

HALEKUAI HOU

ME NA

LOLE HOU!!

 

Ka halekuai makepono loa keia o neia Kuianakauhale me ka mai kai loa no na lole ma ke kihi o na

Alanui Papu me Kalepa.

Na lole o na ano a pau no na

Keonimana me Keikikane.

Na Lole komo, Na Papale, Palekapu, Na Pahu waiho Lole, Na Paiki Ili, a pela aku.

He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.

Ka Hale Kuai keia o ke Kanaka Ilihune. He mea e lawa ai ka makemake o ka poe uuku o kahi loaa.

O KO MAKOU MAKIA.

E OLA KE KANAKA ILIHUNE

E hele mai a e nana pono i ike a pau kuhihewa.

EGAN & CO.

2092-1 yr

 

PAPA! PAPA!

AIA MA KAMI

LEWERS & COOKE.

O LUI MA

 

ma ke nahua kahiko ma alanui Paau a me moi.

E loaa ai

PAPA NUIAIKI

o lela a me keia ano

 

Na Pani Puka, Na Puka Aniani, Na Olapelepe, Na Poa, Na O?a, Na Papa Hele, Na Pau Ku. A me na Paa Mo? nui loa.

 

Na Pili o na Halo o na Ano a Pau

 

Na Pepa Hoonani, Na Pena o na Wai e pau Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

 

NA WAI VANIKI

 

A ME NA

WAI HOOHINUHINU NANI?

O NA AKO A PUA IOA

NA BALAKI ANO NUI WALE.

A ke hai ia aku nei ka lono i na Makamaka ? pau, ua makaukau keia mau Makamaka o oukou e hoolawa aku ma oa mea a pau e pili ana ma ka laua Oihana

 

NO KA

UKU HAAHAA LOA.

 

E likeme kamea e nolo au? mawaena

LAUA a me ka MEA KUAI.

HELE MAI E WAE NO OUKOU

 

HOOLAHA KUMAU

Kakela a me Kuke.

 HALEKUAINUI ONA WAIWAI.

E laa na pahiolo, koi hole,

e hamale, koi nui a me liilii, kila,

wili puaa, rula, apuapu, kai o na ano a pau,

kala kaa , hao hoopaa puka

 

pohaku hoana kepa, lei ilio, kaula hao ilio, pahi, upa, pahi umiumi, kalapu,

kope hulu, pulupulu, oepa kalakala, lina hao, ami, keehi, a me ke

 

KAULA OPU

 

Palau o na ano a pau,

Oo, ho, koala, pe, kipikua, hao kope, au ho a pela aku, kua bipi,lei bipi, kaula hao bipi, uwea pa, uwea keleawe, hao pili. piula, kaapalala, ipuhao, ipu ti

 

PA-PALAI MAKAU ME KE AHO

 

 

Ili wai, papa holoi, kopa ala, kaula kuaina, hu'akai, ehi wawae, hulu pena, a pela aku.

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe;

 

 

PENA HOOMALOO

-a me aniani hale-

 

AILA MAHU, AILA MIKINI, AILA HAMO ILI, AILA KAA, INIKA KAMAA.

 

PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU.

 

LOLE MAKEPONO

 

E laa na

 

AHINAHINA, KALAKOA. KEOKEO, LEPONALO, HULUMANU, UWE-WAHINE, KUI HUMUHUMU, A ME KA LOPI.

 

Ke Kuike e loaa no la ma kahi o

Kakela & Kuke!

 

NA MEA PIULA

 

Mikini Humuhumu

 

Mekini a WHEELER a me WILSON

 

MIKINI A WILCOX ME GIBBS

 

NA MAKINI A

-REMINGTON-

 

He nui loa na mea hao me na ukana e ae o na ano a pau, aole hiki ke hai pau ia aku, hewa i ka wai na maka ke ike.

 

Laau Lapaau Kaulana Loa

A DR JAYNE.

LAAU HOOMAEMAE KOKO LAAU HOOPAU NAIO, LAAU KUNU, PENIKILA, HUAALE PAAKAI, LAAU HOOPAAHI. A

 

Me na Laau Hamo a Pela 'ku.