Ka Nupepa Kuokoa, Volume XXV, Number 37, 11 Kepakemapa 1886 — Page 2

Ka Nupepa Kuokoa

KE KILOHANA POOKELA NO KA LAHUI HAWAII

Nupepa Kuokoa.

 

No ka Makahiki.      $2.00

No Eono Mahina.      1.00

--KUIKE KA RULA.--

Poaono    Sepatemaba, 11, 1886

 

Ka Bila Haawina

 

    Eia imua o ka hale ka Bila Haawina hou o nei mau makahiki aku a ka lahui e uku a:  Ua pau kona heluhelu ekahi ana a o kona heluhelu elua keia.  Ua pehu, ua nui, a ua kaumaha kona kino, oia hoi ka aneane ana aku e piha ka eha miliana dala na hoolilo Aupuni hou.  He mau hoopehu hou ana no i koe aole i pau, ma iho no a komo hou mai.  Eia ka auamo hou o ka lahui.

    He mea auanei e komo ai na manao kaniuhu a aloha iloko o ka poe ikaika ma ka hana ke ike aku i kahi luahine a me kahi elemakule e hooikaika ana i ka hana i kumu e loaa ai kahi kenikeni i mea e kaa ai kahi auhau, e kaa ai na koma aie a ka poe mea dala i ke aupuni e maemae ai na hookuapapa wa e ana, a e waiwai ai kekahi poe kakaikahi.  Pono anei ia hara?

    O na hoolilo aupuni hou e ku nei i keia wa a i makaukau no ka heluhelua elua, he okolu miliona ehiku haneri kausani lakeu, a me na hanero panai wale iho.  O na koho wale ana no ka piha o ka eha miliona, aole no e nele ana Mawaho ae o keia na aie mana ole a ka Ala Kuhina, ka elua miliona aie kaapapa, ka aku ana i na ukupanee ua@na o ia @ dala, a aole auai i e @e ka@anee inili ia o Hawaii iloko o ka @ mai he wahewa.  A ao kanaka mai kakou pakele.

 

KA AHAOLELO.

 

    He mau haawina hoomau ka i hooholo ia iloko o ka Ahaolelo i keia pule no kekahi mau luna aupuni o kakou.  Ua hoike mua keia pepa i kona manao no keia mau haaawina, a he mea makehewa ke kuawili hou aku.  Aohe i ana hou ae ko makou manao ma keia mea.  Ua hemahema keia hooholo nui ana i na haawina hoomau no na luna aupuni e noho nei ma na oihana, a poe paha i hemo ae mai ka oihana ae, a e noho ana ma na hana e ae.  Koe wale no na kauwa a ke aupuni i noho i ka hana a hiki i ka wa palupalu ua lilo ke ola mamuli o ka hana a ke aupuni.  Pono e malamaia ia poe.  O ka bila kanawai i hapai ia i keia pule, e hoomalu ana i ka waiwai o ka wahine mare, he pomaikai ia no na wahine Hawaii.  Ma ia Kanawai, ua maluhia a ua laahia ka waiwai o ka wahine nona ponoi.  Aohe e lilo ia waiwai i ke kane, a aohe no hoi e lilo i mea hookaa i na aie o ke kane.  Ua kaawale loa no no ka wahine.  He mea kupono loa keia.  A he mea no hoi e hoohoihoi ana i na wahine e imi loaa ma na hana kupono a pau no lakou iho.  He hiki i ka wahine ke hoomaopopo nona iho no kona waiwai, a aole e kaili ia ana i mea hookaa aku no na aie o ke kane.

    O ka bila kanawai no ka hoomahuahua ana i na Lunakanawai o ka Aha Kiekie kekahi i hapaiia i keia pule a waiho ia i kekahi komite.  O ka manao o keia bila, e hoomahuahua ae i na lunakanawai o ka Aha Kiekie i ka elima Lunakanawai.  He manao pono keia ina ua hemahema na hana o ka Aha Kiekie i keia wa no ka ekolu Lunakanawai.  Ina no hoi ua haule hope na hana o ka Aha me ka pau pono ole no ka uuku o na Lunakanawai, pono e noonoo ia ka ninau no ka hoomahuahua ana.  Aka, ina ua lawa pono na Lunakanawai o ia Aha no na hana e hoea mau nei imua o ka Aha, alaila, he mea makehewa ka hoomahuahua ae i na Lunakanawai i keia wa.  Ua ike keia pepa iloko o na makahiki pokole i hala ae, he ake nui kahi poe o kakou e hoomahuahua i na oihana aupuni.  Mai na oihana liilii a hiki i na oihana kiekie keia manao nui no ka hoomahuahua oihana.  A i keia wa ke olelo ia nei ua lilo ka hapalua o na loaa a pau o ke aupuni no ka uku ana i na luna aupuni, a koe mai la he hapalua no ka hooholo ana i na hana o ke aupuni a me ka pomaikai o ka lehulehu.  Aohe pono ia.  Pono e lilo ka hapanai o na loaa o ke aupuni no na hana kuloko, a no ka pomaikai o ka lahui holookoa.

 

Ka Mokuahi Moskwa.

 

    Ua hookomoia mai keia mokuahi e ke @rila@a ma ke awa nei, i ka la Sabati i hala, a no ka hoomaopopo ia ana mai lokahama loa mai oia, kahi e nohoalii la ka ma kolela, nolaila ua kipaku hou ia iwaho.  I ka huli pono ia aohe he mai, nolaila ua komo hou mai i ke awa nei.

    He mokuahi Rusia keia me kekahi mau keiki alii, he mau luna aupuni, a me na ohua ko luna:  i holo makaikai mai.  Ua haawiia he mau ike alii, a he mau hoohanohano no lakou iloko iho nei o keia mau la, a pela i panai mai @ k@ @ @o@ he wahi paina hau li no ko uka nei ina kona oneki.  Ua lawe mai oia he mau eke leta no Honolulu nei a ma kona holo aha aku no Kapalakike i ka Poeha nei ua hali aku oia he mau eke leta mai keia awa aku.

    He 12 la holo mai Iapana a ku ianei.

 

E Hehi ia Anei na Kanawai?

 

    Ua kono hou ia mai ka manao e kalai pokole i ke poo manao maluna, he ninau i mai luhi ole ia kona haina mai Hawaii a Niihau, a no lakou hoi na puana lokahi ana me keia papa, aole.

    Aole he kaupale e ae ma keia manao i hoopukaia e kupu ai ka manao paha iloko o ke kanaka, a e anoninoni ai na noonoo, aka e like me ka laelae o ka ninau, a ke hoomau ia aku pela, o ka hooho mau mai o a o, Aole loa.  Aole lea na ke kanaka naauao e kue mai i ka oiaio o keia haina, aole hoi na ka hupo e hoopouli i ka naauao o ka lahui, aka, na ke kanaka wale no i alakaiia iloko o kainaina kuhihewa.  He kuhihewa anei na mea i kamailioia ma ka puli i hala, a he hawawa anei na hoakaka manao ana?  He mea pohihihi ole na olelo hoopilipili, hoakamai, hooloio; pela me ka nana pono i ka io o ke kahua kahi i ulu mai ai keia ninau:  "E hihiia anei na kanawai?"  E nana hou i keia e ka mea kakau o Elele:

    Ua ahewa ioa ia keia hana a ka aha kuhina mua @ ua lawe lakou i ka hana, a hoohana aku mawaho o na kaupale ana a ke kanawai; ua a'e wale ia aku ia mana me ko lakou kauoha ole ia e ka ahaolele e hana pela.  Ua hoike ponoi mai ke koena o ia aha kuhina ua hewa ia hana ana a lakou, a ua ike no lakou i ka hewa mamua o ka hooko ia ana o ua hana la, a oia no kau e hooia mai nei "ua pau e i ke nalinali ia na waiu paa ono," alaila, o ke aha ae koe e pane hou ai, oiai eia ka hooia o keia hewa imua o ke aio?  E ukali anei oe i ka olelo hookaunu "he maka ko ka ilio e nana ana, aia nae ka ike ma kona huelo?"

    Aohe pela: na ka makawelawela iho ia, a nana e hoole i ka oiaio o keia, a o ke kanaka hoi i hoolaula ia kona noonoo, e haawi no oia i ka olelo hooholo pokole o kona mau manao naauao me ke koikoi: "O ka mea i hewa, ua hewa ia: alaila hoahewa aku."

    Ina e kapaeia ae ka oiaio o keia, a loaa ole na kumu hoahewa i ka aha kuhina, alaila na ke kanaka manao haiki ia.  Aohe kumu nui e ae nana i hoala mai keia ninau, aka o ka ikeia aku no he hewa, hoaponoia aku la.  Pela anei e loaa ai i ka lahui he manaolana o ka noho'na kuokoa a me na pomaikai he nui o keia mua aku?  E hehi wale ia anei na kanawai i kumu akakai no na hana kuee iwaena o ka lehulehu, a e ala mai ai na kipikipi?

    Maanei ke hoopokole nei na pane kupono, aole o ka palale aku mao a maanei, a na kuu mau hoa makaainana e kaupaona iho.  Aka e lokahi iho me keia mau panai ana a ka mea kakau o ke KILOHANA e kapaia mai nei:  "O ka mea i hewa, ua hewa ia; alaila hoahewa aku."    I. C. U.

 

Pau i ke Ahi a Make loa.

 

Ma ka po Poakolu nei a ao ae Sept. 2, pau iho la o Panihakahaka (k) he makapo i ke ahi a make loa, ma Waiawawa-uka Ewa nei.  Eia ka moolelo o keia make mainoino:

    Oiai i Panihakahaka a me Kahakui kana wahine e moe ana me ka ike ole ae eia ka make a ke ahi ke hookokoke loa aku nei, a na ka wela o ke ahi i hoopuiwa ae ia laua a puoho ae la.  I nana ae ka hana o ka wahine, eia laua iloko o ke okooko ahi, a me ka hoomanawanui ku ae la o Kahakui a hoolo aku la no kona ola, a koe iho la o Panihakahaka e hookui hele ana me kona makapo iloko o ka hale.  Me ia poino iloko o ke ahi a hiki i kona make ana aku me ka mainoino    Aloha, aloha no

    O ke ahi i pau ai, he ahi kupa ai na laua mamua nae o ko laua moe ana, aole i kinai ia ke ahi, oiai he mea mau no ia i ka poe noho kuahiwi, he hoomau i ke ahi i ahi puhi paka.  Eia kekahi; mahope iho o keia poino, kauo mai la o Kahakui i ke koena kino o Panihakahaka a kaawale mai kahi mai o ke ahi, a iho loa mai la i kai nei o Waimea, a loaa o Kekuawahaole, pii pu aku la e kokua i ka wahine kane make ma ka eli ana i lua a me ka hoonalo ana i ke kino mainoino.  Eia ka mea apiki aole i hoikeia keia mea i ka hope makai nui o Ewa nei.

S. P. K. NAWAA.

 

Pakole moi Moku ua Hio.

 

    Ma ka la Sabati i hala ka la 5 o keia mahina, ua ala ae he hoopaapaa mawaena o Kane a me Kalamahiai mauka o Paeaki, kalapana, oiai ka ona kulipolipo o ka waiona e nohoalii ana maluna o laua.  Ua lanakila na huaolelo ino pelapela ma ko laua mau waha, a he nui ka hilahila o ke anaina e makaikai ana.  O ka panai o keia mau leo hoopaapaa, oia ka hopu ana aku o Kane i ka lehelehe o Kalamahiai me ka lima akau, a me kekahi lima e hamo ana i ka papalina me ka maalea nui.

    A me ka eleu nui nahu aku'a oia i ka lehelehe me kona mau niho a paa loa a kokoke no hoi e moku pu, a e ole ke kokua ia ana palele ai.  O ka ona ke kumu nui o keia hana maewaewa.  Malaila no kekahi makai kiai o ke kulanakauhale nei kahi i ona pu ai, a o kana mau hana i ikeia oia ka hula kui, e hooni ana i kona kino me ka lele o na wawae mao a maanei.

    Nolaila ke manao nei ka mea kakau aole i malama ia ka ihiihi o ka oihana makai e keia makai, a aole no hoi he makai nana i hooponopono keia hana haunaele.  O ka oi loa aku o ke ino oia ka hoolilo ia ana o ka la Sabati i la lealea no keia poe ona.  Ke ui nei ka manao e kinai koke ia keia hana ino, a e hooko koke ia ke kanawai i maluhia.  Me ka haahaa.  D. K. KAALO'A Kapalama, Honolulu.

 

Nui ko ke Akua Aloha.

 

    E KE KILOHANA POOKELA O KA LAHUI HAWAII, Aloha oe:--E oluolu oe e hoaiai ae i neia mau wahi mamala huaolelo maluna ae, a na ka nui hoi o kou ahonui, e poai hele aku ma na aekai o Hawaii nei.  Oia hoi keia:

    Ua kono ia mai ko makou mau puuwai e hoike aku imua o ka lehulehu, i ka nui a me ka nani o ka e Akua mau hana ma ko makou kakela nei, oia hoi ka Hale Mai Moiwahine o ka lehulehu.

    Oiai, i na la i aui aku la, a makou hoi e hoomanawanui ana i na ehaeha o keia noho ana, e noho ana makou me ka palaka, me ka nanea, me ka manao, aole no paha e maliu mai ana ka mea Kiekie no ka nui o ka hewa o kana mau wahi kauwa liilii nei, aka, me ke aheahe me ka nehe malie, ua hoouna mai la ia i kekahi o kona mau anela o keia ao.  Mrs. Kanalulu, ka makuahine o ka pono a me ka Hooulu Lahui, i makua no makou, a i kahuna hoi e lapaau ai i na palapu o ko makou mau naau, nolaila, ua loaa ia makou ka maha, ka oluolu hoi o ko makou mau uhane no kela home.

    A ke haawi pu aku nei hoi makou i ko makou mahalo piha, no ua anela nei a ke Akua Kiekie loa, no kona launa mau mai me makou, kona hanai mai i na olelo ao maikai o ka Uhane iloko o ko makou mau puuwai, ka hoohuli a hoolana ana i ko makou mau noonoo, no na hana pono o keia noho ana, ma na hoowalewale mai a ke diabalo.

    Nolaila, ke noi ae nei makou i na lani, e hooloihi ia mai ke ola o kau kauwa haahaa, ae komo pu aku hoi makou iloko o ia malumalu.

    O makou na mai o ka Hale Mai Moiwahine.

 

Nuhou o na Aina e.

 

KA ULUAOA NUI MA BULEGARIA.

    O ka nuhou uluaoa ma ke aupuni o Bulegaria e ala mai nei i keia mau la, oia no ke kipaku ia ana o ke Keiki Alii Alekanedero mai ka nohoalii aku o Bulegaria.  He lehulehu na lono no keia kipaku ia ana me ka maopopo ole o ke aha la ka oiaio.  Ke oleloia la na Rusia keia hana, oia ke kauoha ponoi mai ka Emepera mai.  O kekahi hoi e olelo ana na ke Kuhina Nui oia o Kara volefa i hoolala malu keia hana a holopono.  Ma kekahi po, komo aku la oia iloko o ka halealii a hui pu me Alekanedero; hoike aku la oia i ke ohohia nui ole o ka lahui i kana mau hana, a ua noi mai lakou e haalele iho i ka nohoalii.  Me keia mau olelo, ua kuia koke ke Keiki Alii a pane ae la:  "Ke ike nei au aohe o'u hoaloha; aka, aole hiki ia'u ke kue i keia."

NA MANA NUI O EUROPA.

   Ua apono loa o Farani i keia haule ana o Alekanedero mai ka nohoalii ae, oiai wahi ana, he koko Geremania kona.  O kona ake nui no hoi e holopono o ko Rusia mau hoolala kaua a hooponopono aupuni ana paha i mea nana e hoohikilele o na mana aupuni o Europa waena.  He kaao nui keia haulehia ana o ka nohoalii o Bulegaria iwaena o na kanaka Farani, a he hana hoomaeele koko hoi ia Enelani.  O na nune nui o ko Enelani aha kuhina, he hana ano e maoli keia, a o na nune hoi mawaho ae, he hana paakiki loa ia Enelani ke kue aku i keia hana ina na Rusia io ke kauoha: oiai, ua apono pu o Auseturia a med Germania i keia mea, e wehe ana paha ka pili ke kue aku o Enelani.

KO KA LAHUI ALOHA I KE KEIKIALII.

    I ka wa o keia lono i pahola ae ai ma ke kulanakauhale o Sofia, Bulegalia aole i kaulua iho na makaainana aloha alii i ka hoike ana ae i ko lakou mau puuwai hamama o ke ohohia ia Alekanedero: ua kue loa lakou i na hooponopono aupuni ana a ka aha kuhina hou i hookohuia, a ua hoala ae lakou he pualikoa ikaika no ke kokua ana i ke keikialii ke maopopo pono ke kumu o keia hookahuli aupuni.  Aole no hoi i maopopo ko Tureke manao no keia mea, a ke upu wale ia la no aia oia ma ka aoao o ke keikialii.  Ua makaukau pu no hoi ko Rusia mau koa ma ka okana aina o Serevia, kahi i manao ia ilaila ka ilina o ko Bulegaria mau pualikoa e hoona ai.  Ua mahele lua na manao o ko Bulegaria mau makaainana: o kekahi hapa i ka apono i ko Alekanedero kipakuia ana, a o kekahi hoi i ka hoomau aku.  Ua hae na makaainana no keia hana a ke kuhina Kalavolefa maluna o ke keiki alii, a nona paha na poino e ukali mau aku ana no ka hopena o kona ola.  Ua emoole na houluluulu koa a na aoao a elua maloko o Bulegaria me Roumenia.  Ke hooikaika nui la ka aha kuhina e hoomalielie i ka uluaoa, a ua nui ka poe i hoopaahaoia; aka, o ka hana ia ana pela, he mea hooinaina loa ia i kela aoao a nolaila ua oi pakela aku ko lakou hae.  He heluna niu o na nihila ka i komo ae ma na puali kea no ke ohohia o Alekanedero.  He ikaika ke kulana o na koa.

KEKAHI MAU LONO.

    Ua oleloia ua hopu pio ia o Alekanedero e kekahi puali koa lio Rukini maloko o kona halealii a hookauia aku ma kekahi moku no ka hoopaahao ma kekahi aina maloko o Ruisa.  Na keia lono i hoolalelale aku i ko Roumania mau awa ku moku a pau me na kapawai o ka muliwai Danube i noho mana ia o lakou ke hoao nui la ia aupuni i na hoopakele ana a pau e palekana ai ke keikialii, a pela me ko Bulgaria mau makaainana.  He lono no hoi e olelo ana ua hopuia a hoopaahaoia ke kuhina Karavolefa.  O kekahi lono hoi e hoike ana, aohe mau kumu nui e ae o keia haulehia o Alekanedero, oia hoi kona kue ana i ka mana o kekahi kuikahi ma Burelina, Geremania, a no kona hahai ole ana mahope o ka Rusia mau alakai aupuni ana.  Nolaila pela oia i nele ai i na hoa'loha mai na mana nui o Europa.  Ua hooleia na ao ana o na mana iaia a nui wale aku.  E hoike ana hoi kekahi, aole he nana maka ana a na aupuni kokua i ke keiki alii, ma na mea e hoomau ia aku ai ka nohoalii:  me he la e lawelawe ia ana he mau hooponopono aupuni i kumu maluhia no ka aina, a i holopono ole ia alaila o ka hookahe no ka hopena.

    O na aliimoku kaua o Bulegaria, he poe nihila lakou, a ua hoala lakou he mau koa ikaika no ke kue ana ia Rusia ke komo mai maloko Bulegaria i ka wa e kaua ai.  E kaua ana lakou no ka pono a me ke kuokoa o ka nohoalii o Bulegaria.

 

Ahaolelo o 1886.

 

(Koena o ka la hana 91.)

NA HANA O KA LA.

    Ma ke kapae ana o na rula, ua waiho mai o Kaulukou i ka hoike a ke komite hookolokolo no P. Kumumu he $8, S. Kamoe $17, a me C. Kaanaana $24, no ka hana i lawelawe ia e lakou, ua manao ke komite e hoopanee loa i keia mau noi ekolu. Aponoia.

    Na ke komite hooiaio bila kanawai i hoike mai, ua oluolu i ka Moi ke kakau inoa ana 1 ka bila kanawai aie elua miliona.

    Noonoo ana i ka bila haawina.  Ke 'lii Waila lunahoomalu.

    Noi o Kalua e hapai ia ae ka hoike a ka hapanui me hapa uuku o ke komite hookolokoio mai ke pakaukau ae no ka uku kokua i ka hui mokuahi o Waila ma no ka mokuahi Mokolii, a me ka mokuahi Kimo Pelekane.  Aponoia.  Noi o Likikini, e apono ia ka hoike a ka hapanui, no ka mea, o na huahelu i hoike ia mai nei ma ia hoike, aia no ia maloko mai o na mea i hooholo ia e ke Kau Ahaolelo i hala, a o ka ka hapa uuku hoike, ua oi loa aku ia mamua o ka mea kupono.

    Mahope o na hoopaapaa, noi o Aholo e kapae i ka hoike a ke komite, a e hooholo kaawale ka hale penei:

    I ka mokuahi Mokolii $4,000.  Kimo Pelekane $1,200.  I ka ninau ia ana, ua hooholo ia ka hoololi.

OIHANA WAIWAI.

    Waihona dala Iapana e hoahu ia ma ka Banako Hale Leta $45,232.15.

OIHANA KALAIAINA.

    Hoomaemae a hana hou i ka uwapo o Nawiliwili $800.

KELA ME KEIA.

    Ahahui hoohoihoi mahiai $1,000.  Kokua Kapiolani Paka $5,000; hoololi mai o Dole, e wehe ia ka pa e hoopuni ala i ke kahua heihei.  Hooholo ia ka hoololi.

    Noi o Brown, e kapae loa ia keia itamu.

    Hoololi mai ke 'lii Ake, e pa ia i 1/8 mile ma kaela a me keia aoao, mai kahi aku o na Lunakanawai, a o ka pa holookoa e hoopuni ana i ke kahua heihei, ewaiho hakahaka ia i hiki i ka lehulehu ke ike i na heihei.

    Olelo mai ka noho, aole e hiki i ke noi a Brown a me ka hoololi a ke 'lii Ake ke hookomo mai a noonoo ia, oiai ua hooholo ke komite i ka hoololi a Dole e wehe ia ka pa e hoopuni ana i ke kahua heihei, a no ia mea, ua hooholo ia ka haawina kokua ia Kapiolani.

    Noi ke 'lii Ake e hapai hou ia ka noonoo ana i ka hoololi a ke komite i hooholo ai.  Hooholoia.

    Waiho mai o Kakela he hoololi, uku kokua ia Kapiolani Paka me ka wehe ia o ka pa, a koe i 1/8 mile ma kela a me keia aoao o kahi o na Lunakanawai $5,000.  Hooholo loa ia ka hoololi.

    No na paipu wai o Waiohinu $500.

    Hooloihi i ka uwapo o Waimea $2,000.

    Hooloihi  me hoomaemae uwapo Waianae, $2,000.

    Hooloihi alanui Moiwahine, $6,000.

    Kokua waihona buke o Honolulu, $1,200.

    Hoopau ia ke komite o ka hale, a apono ia ka hoike a ka Lunahoomalu.

    Kapae ia na rula, a waiho mai o Likikini he olelo hooholo, oiai, ua hoole ke Kakauolelo o ka hale i ka uku ana aku ia Geo. E. Richardson i ke koena o kona uku lunamakaainana a me uku mile mai Wailuku mai, oia he $61, a nolaila, ke kauoha ia nei ke komite o na Buke Helu, e hoike mai ilolo o na la ekolu, i kahi i hoolilo ia ai ka haawina i hookaawale ia no keia kau, Hookoloia.

    Kapaeia na rula, a waiho mai o Kikaha hoolelo hooholo, e kauoha ana i na ko alle a pau ia lakou na noi a me na kamu o ka Bila Haawina, e hoike mai mamua o ka hora 12 awakea Poalima e hiki mai ana.  Hooholoia.

    Hoopanee ka hale.

 

NA HOOLAHA KOU

 

AHA HOOKOLOKOLO KIEKIE O Ko Hawaii Pae aina, ma ka Hooponopono Waiwai.  Ma ka hana o ka Waiwai o WILLIAM ADAMS, o Niu, Honolulu, Oahu i make kauoha ole.  Ma ke keena imua o ka Lunakanawai PRESTON.

    Ma ka heluhelu a me ka waihoia ana mai o ka Palapala Noi a ANTONE D'FRAG, o Honolulu, Oahu, e hoike ana ua make kauoha ole o WILLIAM ADAMS i oleloia ma Niu i oleloia i ka la 4 o Marake, 1885, a he waiwai kona e waiho nei aole i hooponoponoia, a e noi ana e hoopukaia ka Palapala Hookohu Luna Hooponopono Waiwai ia Antone d'Frag, oiai he mea oia i aie ia'ku e ka mea i make, noliila

    Ua kauohaia o ka POAKAHI ka la 27 o SEPATEMABA, 1886, ma ka hora io kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.  A o keia kauoha e hoolahaia ma ka olelo Hawaii i ekolu pule maloko o ke KUOKOA he Nupepa ma Honolulu.

    Kakauia ma Honolulu, Septemaba 6, 1886.

EDWARD PRESTON, Lunakanawai o ka Aha Kiekie.

Ikea:  HENRY SMITH, Hope Kakauolelo.  2093-3t

 

AHA HOOKOLOKOLO KAAPUNI Apana Ekolu o ko Hawaii Pae Aina.  Ma ka hooponopono Waiwai, Ma ka Waiwai o J. LUA (k) no Kohala Akau, Hawaii i make.

    Ua heluheluia a ua waiho ia ka Palapala noi a KUAIWA (w), e noi ana e hooiaio ia ka palapala kauoha hope a J. LUA (k) no Kohala Akau, Hawaii i make, a ua waiho ia mai kela palapala kauoha hope i ka Aha, a e hoonoho aku ia E. C. Bond i Luna hooko no ia kauoha hope.

    Nolaila, ua kauoha ia na mea a pau i pili, o ka POALIMA, oia ka la mua o OKATOBA, 1886, i ka hora 9 kakahiaka, ma ka hale Hookolokolo o Kohala Akau, oia kahi i koho ia no ka hoolohe ia noi ana me na mea kue ke hoike ia.

F. S. LYMAN, Lunakanawai Kaapuni.

Hilo, Hawaii, Sept. 2, 1886.  2093-3t

 

AHA HOOKOLOKOLO KAAPUNI Apana Ekolu o ko Hawaii Pae Aina, Ma ka Hooponopono Waiwai.  Ma ka waiwai o HAINA (k) no Kohala Akau, Hawaii i make.

    Ua heluhelu ia a ua waiho ia ka Palapala noi a HAKA (w), e noi ana e hooponopono ia ka waiwai o HAINA (k), no Kohala Akau, Hawaii, i make.

    Nolaila, ua kauoha ia na mea a pau i pili, o ka POALIMA, oia ka la mua o OKATOBA, 1886, i ka hora 9 kakahiaka, ma ka Hale Hookolokolo o Kohala Akau, oia kahi a me ka manawa i koho ia no ka hoolohe ana i ua noi la me na mea kue ke hoike ia.

F. S. LYMAN, Lunakanawai Kaapuni.

Hilo, Hawaii, Sept. 2, 1886.  2093-3t

 

HOOLAHA HOOKO MORAKI ME KE KUAI.  Mamuli o kekahi maua kuai i hoikeia maloko o kekahi palapala morake i hanaia mawaena o H KEAHIALOA ma o ka aoao mua a me J. P. MENDONCA o ka aoao elua, ma ka la 14 o AUGATE, M. H. 1884, i kakau kope ia ma ka Buke 89, aoao 252 a mamuli o ka uhaiia ana o na kumu aelike o kela morake, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoil,eia ma ia moraki, ma ka POAKAHI la 4 o OKATOBA, 1886 ma ke Keena Kudala o E. P. Adams, ma Honolulu, ma ka hora 12 o ia la.

    Aia ma kahi o W. R. Kakela ma olelo hoakaka no keia mea.

    Hanaia i keia la 4 o Sepatemaba, 1886.

J. P. MENDONCA, Mea Morake Mai.

    Penei na aina e kudalaia ana:

    1--O kela mau apana aina ma kalihi, Oahu, a oia na apana 2 a me 4 ma ka Palapala Sila nui 3500, kuleana 3178 ma ka inoa o Kemoiuwi, he 2 78-100 eka, aia no he hale hou maluna o ka apana 2, a e kuai pu ia aku ana ka aina, a ua hooliloia ia H. KEAHIALOA ma, ma ka Palapala kuai a PAULO i kopeia ma ka Buke 88 aoao 281.

    2--O kela apana aina i ikeia o ka apana 2 ma ka Palapala Sila nui Helu 2798, a Kuleana Helu 3721 ma ka inoa o Makuaole, he i 72-100 eka ma Waikiki, Oahu,a no KEAHIALOA hoi ua aina la ma ke ano, oia ka hooilina ma ke kanawai o Lauhopeole, ka mea i hooiliia e Makuaole ma kana Palapala Hooilina.

    3--O ka hapalua i mahele oleia o na Mea Moraki aku ma kela aina i hoakakaia ma ka Palapala Sila nui 5406 a Kuleana Helu 1 ma ka inoa o Paaluhi, he 1 eka.  184 anana ma Puueopaku, Hilo, Hawaii, a ua hooliloia i ua mau Mea Moraki nei ma ka Palapala Kuai a PAULO i oleloia maluna.  2093-3t

 

HOOLAHA A KA LUNAHOOPO NOPONO WAIWAI.

 

UA HOOKOHU PONO IA MAI KA mea nona ka inoa malalo nei i Lunahooponopono no ka waiwai o HONUAKAHA no Honolulu a me Ewa, i make mamuli o ke kauoha a ka Mea Hanohano EDWARD PRESTON, Lunakanawai o ka Aha Kiekie, i kakauia Sepatemaba 6, 1886.  Nolaila, ke hoolahaia aku nei i ka poe a pau he mau koina ka lakou i ua waiwai la, ina paha ua hoopaaia a hoopaa ole ia paha, e waiho koke mai i ua mau koina la, me na hooiaio kupono iloko o na malama eono mai keia la aku, ma ke keena o ka mea nona ka inoa malalo iho ma Honolulu.

    O ka poe i aie i ua waiwai nei, ke kauohaia aku nei lakou e uku koke mai.

W. R. KAKELA.

Lunahooponopono o ka Waiwai o Honuakaha.  2093-4t

 

NA HOOLAHA HOU.

 

AHA HOOKOLOKOLO KIEKIE O KO Hawaii Pae Aina, Ma ka hooponopono Waiwai.  Ma ka hana o ka waiwai o KALAIKUAIWA (w) o Honolulu, Oahu i make kauha ole.  Ma ke Keena imua o ka Lunakanawai PRESTON.

    Ma ka heluhelu a me ka waiho ia ana mai o ka Palapala Noi a ALANI (k.) a me KAMAKELE  i kapaia i kahi manawa o MAKAAIII (w) e hoike ana ua make kauoha ole a KAUAIKUAIWA no Honolulu, ma Honolulu i oleloia i ka ia 11 o Novemaba, 1882, a e noi ana e hoopukaia ka Palapala Hookohu Luna Hooponopono Waiwai ia L. A. THURSTON, o Honolulu.

    Ua kauohaia o ka POAONO ka la 9 o OKATOBA, 1886, ma ka hora 10 kakahiaka, oia ka manawa i koheia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo, ma Honolulu, a ma ia manawa a ma ia wahi no, e hele mai ai na mea a paa i pili e hoike mai i ke kumu, ina he kumu oiaio ko lakou, e ae ole ia ai ua noi la.  A o keia kauoha e hoolahaia ma ka olelo Hawaii i ekolu pule maloko o ke KUOKOA, he nupepa ma Honolulu.

    Kakauia ma Honolulu, Sepatemaba 6, 1886.

EDWARD PRESTON, Lanakanawai o ka Aha Kiekie.

Ikea:  HENRY SMITH, Hope Kakauolelo.  2093-3t

 

AHA HOOKOLOKOLO KIEKIE O Ko Hawaii Pae Aina.  Ma ka Hooponopono Waiwai.  Ma ka hana o ka Waiwai o EMMA KALELEONALANI o Honolulu, Oahu i make.  Ma ke Keena imua o ka Lunakanawai Nui IUDD.

    Ma ka heluhelu a me ka waiho ia ana mai o ka Palapala Noi a me ka Papa Hoike mua loa a ALEXANDER J. CARTWRIGHT, Lunahoeko a Kahu Malama Waiwai maloloo ka Palapala kauoha a EMMA KALELEONALANI o Honolulu, Oahu i make, e noi ana e aponoia na hoolilo he $79,000.35, a e hoike ana o na mea i loaa mai iaia he $100,144.42, a e noi mai ana e nana a e apono ia kela mau mea, a e kauoha ia e mahele ia na waiwai ma kona lima i na mea i kuleana malaila, me kona ae ia e waiho hou mai i Papa Hoike pakui ma kona ano he Lunahooko, nalaila.

    Ua kauohaia o ka POALUA ka la 19 o OKATOBA, M. H. 1886, ma ka hora 10 o kakahiaka, imua o ua Lunakanawai Nui la, ma ke Keena ma ka Hale Hookolokolo, ma Honolulu, 'oio kahi a me ka manawa i koho ia no ka hoolohe ana i ua Nei la, i me na Papa Hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e apono ole ia ai ua Papa Hoike la, a malaila e hoike mai ai hoike o na mea i kuleana maloko o ka waiwai i olelo ia.  A o keia kauoha ma ka olelo Enelani me Hawaii, e paiia maloko o ka Hawaiian Gazette me Kuokoa he mau nupepa i pai a hoolahaiama Honolulu, i ekolu pule mamua ae o ka manawa i oleloia no ka hoolohe ana.

Kakau ia ma Honolulu, i keia la 9 o Sepatemaba, M. H. 1886.    L. McCULLY, Lunakanawai o ka Aha Kiekie.

    Ikea:  HENRY SMITH, Hope Kakauolelo, 2093-3t

 

HOOLAHA HOOKO MORAKI ME KE KUAI.--Mamuli o kekahi mana kuai i hoikeia maloko o kekahi palapala moraki i hanaia mawaena o JOHN MAILOU ma o ka aoao mua, a me A. JAEGER, Kahu Waiwai o ka aoao elua, ma ka la 4 o AUGATE M. H. 1883 i kakau kope ia ma ka buke 81 aoao 325, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI la 4 o OKATOBA 1886, ma ke Keena Kudala o E. P. Adams, ma Honolulu, ma ka hora 12 o ia la.

    Aia ma kahi o W. R. Kakela na olelo hoakaka no keia mea.

    Hanaia i keia la 1 o Sepatemaba, 1886.

A. JAEGER, Kahu Waiwai, Mea Moraki Mai.

    Penei na aina e kudalaia ana:

    1--O kela apana aina ma Auwaiolimu, Honolulu, Oahu, a i hooliloia i ka mea o ka aoao mua ma o ka Palapala Kuai la a B. H. Kahananui, i kopeia ma ka Buke 80 aoao 468, 2 637-1000 Eka, e lilo pu hoi me na hale, he hapa he aina kupono i ke kanu kalo, a he hapa he aina kupono i ke kukulu hale.

    2--O kela mau aina ma Kipahulu, Maui, i hoakakaia ma ka Palapala Sila Nui Helu 7644 ma ka inoa o Kaheananui, he 12 44-100 Eka.

    3--O kela aina ma Kipahulu i hoakakaia ma ke Sila Nui Helu 7567, a Kuleana Helu 5218 D, ma ka inoa o Kamakahiki, he 4 8-100 Eka.

    4--O kela aina ma Kipahulu i hoakakaia ma ke Sila Nui Helu 2803 o Kauoouoo he 5 1/2 Eka.

    5--O kela aina ma Kipahulu, Maui, i hoakakaia ma ke Sila Nui Helu 7384 ma ka inoa o Iwinui, he 18 3/4 Eka.

    6--O kela aina ma Kipahulu, Maui, i hoakakaia ma ke Sila Nui, Helu 1398, he 16 EKA.   2092-4t

 

AHA HOOKOLOKOLO KIEKIE O Ko Hawaii Pae Aina, Ma ka hoooponoi pono Waiwai.  Ma ka hana o ka waiwai o MAKANUI KUMAKAE o Kaneohe, Oahu, i make kauoha ole.  Ma ke Keena iniua o ka Lunakanawai Preston.

    Ma ka heluhelu a me ka waihe ia ana mai o ka Palapala Noi a KAMAKEA, wahine a ka mea i make, e hoike ana ua make kauoha ole o MAKAI UI KUMALAE ma Honolulu, i ka la 10 o Iulai M. H. 1886, a he waiwai kona e waiho nei i hooponopono ole ia, a e noi ana e hoopukaia ka Palapala Hookohu Luna Hooponopono Waiwai ia A. ROSA, a e koho ia oia i Kahu no JACOB K. KUMALAE, keiki oo ole a ka mea i make.

    Ua kauohaia o ka POAKAHI ka la 20 o SEPATEMABA, M. H. 1886, ma ka hora 10 kakahiaka, oia ka manawa i kohoia no ka hoolohe ana i ua noi la i mua o ua Lunakanawai la ma kona keena, ma ka Hale Hookolokolo ma Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.  A o keia kauoha e hoolahaia ma ka olelo Hawaii i ekolu pule maloko o ke KUOKOA Nupepa ma Honolulu.

    Kakauia ma Honolulu, Augate 25, 1886.

EDWARD PRESTON, Lunakanawai o ka Aha Kiekie.

Ikea:  HENRY SMITH, Hope Kakauolelo.  20091-3t

 

AHA HOOKOLOKOLO KIEKIE O KO Hawaii Pae Aina.  Ma ka hooponopono waiwai.  Ma ka hana o ka waiwai o WILLIAM M. WENNER o Honolulu, Oahu, i make.  Ma ke Keena imua o ka Lunakanawai nui A. F. JUDD.

    Ma ka heluhelu a me ka waiho ia ana mai o ka Palapala Noi a me ka Papa Hoike a HUGH E. MC'INTYRE, Lunahooko o ka waiwai o WILLIAM M. WENNER i make, e noi ana e aponoia na hoolilo he $8,361.27, a e hoike ana o na mea i loaa mai iaia he $9,916.16, a e noi ana e nana a e pono ia keia mau mea, a e kauoha e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.

    Ua kauohaia o ka POALUA ka la 5 o OKATOBA M. H. 1886, ma ka hora 10 o ke kakahiaka, imua o ua Lunakanawai Nui la ma ke keena, ma ka Hale Hookolokolo, ma Honolulu,oia kahi a me ka manawa i koho ia no ka hoolohe ana i ua Noi la, a me na Papa Hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia.  A o keia kauoha ma ka olelo Enelani me Hawaii, e pai ia maloko o ka Hawaiian Gazette me KUOKOA he mau nupepa i pai o hoolaha ia ma Honolulu, i ekola pule mamua ae o ka manawa i olelo ia no ka hoolohe ana.

Kakau ia ma Honolulu, i keia la 23 o Aug. M. H. 1886.    McCULLY, Lunakanawai o ka Aha Kiekie.

Ikea:  HENRY SMITH, Hope Kakauolelo.  2091-3t

 

NA HOOLAHA HOU.

 

ILOKO O KA AHA HOOKOLOKOLO Kiekie o ke Aupuni Hawaii.

    KALAKAUA, ma ka lokomaikai o ke Akua, o ko Hawaii Pae Aina, Moi:

    I ka Ilamuku o ke Aupuni, a i ole i kona hope, me la mahalo:

    Ke kauohaia nei oe e kii aku ia ADOLPH BRUEGER ka mea i hoopiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie ma ke kau o Iulai o ua Aha la e maiamaia ana ma ke Keena Hookolokolo o ka Hale Hookolokolo ma Honolulu, mokupuni o Oahu ma ka Poakahi la 5 o Iulai e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a KAUHIOLOLI ka mea hoopii, e like me ka mea i hoakakaia iloko o kana palapala hoopii i pakui pu ia me keia.

    A e hoihoi mai oe i keia palapala kii me ka hoike piha o kau mau hara no ia mea.

(SILA)     Ikea ka mea hanohano A. Francis Judd, Lunakanawai Nui o ko makou Aha Hookolokolo Kiekie ma Honolulu i keia la 17 o Aperila M. H. 1886.

HENRY SMITH, Hope Kakauolelo.

    Ua huli pono ia o ADOLPH BRUEGER, ka mea i oleloia maloko nei, aka aole oia i loaa oiai aole oia maloko o keia Aupuni.  Ke hoihoi nei au i keia palapala kii me ka palapala hoopii i pakui pu ia me ka hooko ole ia.

JNO. H. SOPER, Ilamuku.

    Honolulu, Iune 25, 1886.

    Ke hooia nei au o na mea i hoikeia ae la maluna, he kope oiaio no ia o ka palapala kii o ua hihia la a me ka hoike a ka  Ilamuku no ia mea; a ua kauoha ua Aha ia ma ke kau o Iulai, 1886, e hoopaneeia ua hihia la a hiki i ke kau o Okatoba e hiki mai ana, a e hoolaha ia aku ke kope i hooia ia o ua palapala kii la e like me ke kanawai.

(SILA)    Ikea ko'u lima a me ke sila o ua Aha la ma Honolulu i keia la 2 o Augate, 1886.

WILLIAM FOSTER, Kakauolelo.    2088-6t

 

Ka Waiwai o ka Hilinai

NA HOOLAHA HOU.

 

ILOKO O KA AHA HOOKOLOKOLO Kiekie o ke Aupuni Hawaii.

    KALAKAUA, ma ka lokomaikai o ke Akua, o ko Hawaii Pae Aina, Moi:

    I ka Ilamuku o ke Aupuni, a i ole i kona hope, me la mahalo:

    Ke kauohaia nei oe e kii aku ia ADOLPH BRUEGER ka mea i hoopiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kiekie ma ke kau o Iulai o ua Aha la e maiamaia ana ma ke Keena Hookolokolo o ka Hale Hookolokolo ma Honolulu, mokupuni o Oahu ma ka Poakahi la 5 o Iulai e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a KAUHIOLOLI ka mea hoopii, e like me ka mea i hoakakaia iloko o kana palapala hoopii i pakui pu ia me keia.

    A e hoihoi mai oe i keia palapala kii me ka hoike piha o kau mau hara no ia mea.

(SILA)     Ikea ka mea hanohano A. Francis Judd, Lunakanawai Nui o ko makou Aha Hookolokolo Kiekie ma Honolulu i keia la 17 o Aperila M. H. 1886.    HENRY SMITH, Hope Kakauolelo.

    Ua huli pono ia o ADOLPH BRUEGER, ka mea i oleloia maloko nei, aka aole oia i loaa oiai aole oia maloko o keia Aupuni.  Ke hoihoi nei au i keia palapala kii me ka palapala hoopii i pakui pu ia me ka hooko ole ia.

JNO. H. SOPER, Ilamuku.    Honolulu, Iune 25, 1886.

    Ke hooia nei au o na mea i hoikeia ae la maluna, he kope oiaio no ia o ka palapala kii o ua hihia la a me ka hoike a ka  Ilamuku no ia mea; a ua kauoha ua Aha ia ma ke kau o Iulai, 1886, e hoopaneeia ua hihia la a hiki i ke kau o Okatoba e hiki mai ana, a e hoolaha ia aku ke kope i hooia ia o ua palapala kii la e like me ke kanawai.

(SILA)    Ikea ko'u lima a me ke sila o ua Aha la ma Honolulu i keia la 2 o Augate, 1886.    WILLIAM FOSTER, Kakauolelo.    2088-6t

 

HOOLAHA HOOKO MORAKE ME KE KUAI.--Mamuli o kekahi mana kuai i hoikeia maloko o kekahi palapala moraki i han-ia mawaena o KANAKAOLE a me S. L. KAWELO kana kane mare o ka aoao mua, a me S. B. DOLE o ka aoao elua, ma ka la 17 o Maraki 1882 i kakau kope ia ma ka buke 74 aoao 60, a mamuli o ka uhaiia ana o na kumu aelike o kela moraki, nolaila, ke hooiahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI la 30 o AUGATE 1886, ma ke Keena Kudala o E. P. Adams, ma Honolulu, ma ka hora 12 o ia la.

    Aia ma kahi o W. R. Kakela na olelo hoakaka no keia mea.

    Hanaia i keia la 3 Augate, 1886.

S. B. DOLE, Mea Moraki Mai.

    Penei na aina e kudalaia ana:

    1--O kela apana aina ma Waiohinu, Kau, Hawaii, i hoakakaia ma ka Palapalapala Sila Nui Helu 7020 ma ka inoa o Honolulu, he 5 35-100 Eka.

    2--O kela aina ma Waiohinu Kau, i hoakakaia ma ka Palapala Sila Nui Helu 6940 ma ka inoa o Pupule, he 7 2-10 Eka.

    3--O kela apana aina ma Waiohinu Kau, i hoakakaia ma ka Palapala Sila Nui 6569 ma ka inoa o Kahaku, he 5 65-100 Eka.

2088-4t

 

OLELO HOOLAHA.

 

KE HOIKE NEI KEIA HOOLAHA, ua hookohu pono ia ka mea nona ka inoa malalo iho i Lunahooponopono no ka waiwai o KEALOHA (k) o Honolulu i make, a o ka poe he mau koina ko lakou i ua waiwai la i oleloia e waiho mai i ka lakou mau koina me na hooia kupono no ia mea iloko o na mahina eono mai keia la aku, a i ole pela e hoole mau loa ia aku no lakou.  A o ka poe he aie ko lakou i ua waiwai la i oleloia, ke kauohaia aku nei lakou e hookaa koke mai ia MIRIAMA (w), Lunahooponopono o ka waiwai o KEALOHA k.  Honolulu, Augate, 12 1886.  2089-4t

 

Ka Waiwai o ka Hilinai

 

AYER'S

 

KA AYER Laau Sasaparila, kai kauiana a hilinai nui ia no ka hoomaemaekoko, ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali anei kou?  Ua awili pu anei me na ano mai ikaika?  A ua hui pu anei me na wai awaawa hoopehu?  Na keia

LAAU e hoomaemae ia mau mea ino a pau, a maikai.  O na kauka lapaau a pau o Amerika i ike i ke ano o ka AYER SASAPARILA, ua olelo lakou, ao'e he mea maikai e ae no ka hoomaemae koko ana mai na mai i awili pu ia, aka o keia wale no.  No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae:  O ke

KOKO ino hakuhaku, a nawaliwali hoi kona holo pono ana ma ke kino e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER.  He maalahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o nainoa lehulehu, aka, o na hilinai a me na hooia wale no a ke ao holokoa, maluna a ka Ayer Laau Sasaparila.

I HOOMAKAUKAUIA E

Kauka J. C. Ayer & Co. Lowell, Mass.

HOLLISTER & CO.

Na Agena ma ka Paeaina Hawaii.

Helu 100.    Alanui Papu, Honolulu.    2086-tf

 

WILLIAM McCANDLESS.

HALEKUAI BIPI O WILLIAM A MA KALALENA ma @ Bipi a me la a paa o ka mak@ @ mukuai oluolu.  Uala Kahiki a pe@ @

2092-ly

 

HOOLAHA HOAH@

 

UA WAIHO HOOMAHA @ HACKFELD i keia la @ o Mr. J. C. GLADE pu kua @ ko makou hiu ma ke ano @ hoi

H. H@ K@

Honolulu, Augate, 31, 1886,

 

HOOLAHA HOOH@

 

UA HOOKOHUIA O M@ @ i keia la i hoa hui ku@ hui, a o Mr J. C. GLADE i hoa @ mai keia la aku.

    Ua hoomana pu iahoio Mr. H @ hooia no ko makou hui.

H. HA@

Honolulu, Sepatemaba @, 188@

 

E PALE ANA AU NO U @

 

Eke KUOKA, Aloha oe.  Ua ike au ma ko kakou @ 7, 1886, aoao 3 o ka kakou K@ @ ana no na olelo ino i a Kamawa Maui.  Ke hoike aku nei au n@ au i kakau i kekahi olelo @ @ ma ko kakou keena no K@ wale oia i kuu inoa me ka hili @ S. E. Lono, aka, aole no i @ kumu no ka lalau o ka leta a k@ lawe i kuu inoa laahia, e hoino a@ mawae hala ole.  Me ka mahalo,

W. H. @UN

Oneuli, Honuaula, Maui, Augate @, 188@

2091-@