Ka Nupepa Kuokoa, Volume XXV, Number 32, 7 ʻAukake 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII

 

Nupepa Kuokoa

 

Na ka Makakiki           .....$2.00

Ne Eone Mahina         .......1.00

 

---KUIKE KA @ULA ---

@o@on@,... Augate 7,1886

 

NO'U.

(Mina)

G, H. No. 277.

I

No'u Iesu: pomaikai au.

No'a Iesu: a mau a mau,

Oia no ka Lama o'@,

Ma ke ao a ma ka po.

 

Cho.-- No'u Iesu: ao'u Iesu!

Iesu Kai@lo Ku@ Hool@.

Nona au, a oia no'u

2

No'u Iesu ke Kahu e,

Kah@ bipa maikai nei,

Na@a au e aiakai

Ma na kula malaelae.

 

Cho.--No'u Iesu &c.

3

No'a Iesu ka ma@@ e

Nana a@ e hanai mai.

Oia hui ka Punawai,

Kahi a u e maemae a@

 

Cho.-- No'u Iesu &c.

4

No'u Iesu ka mohai o'u,

Aloha a make oia no'u.

A @@na au e hoopaa mau,

Mai nei ae a i ke ao.

 

Cho.--No'u Iesu &c.

                                                            Hawaii.

 

Haawina Kula Sabati.

 

Haawina VIII.

 

Aug. 22. Ka paipai ana ia Iuda me Petero.  Io. 13121-@3.

Pau ae la ka Iesu olelo ana ia mau mea, luuluu iho la ka naau, a hoike mai la ia, i mai la, Oiaio, he oiaio ka'u e olelo aku nei ia oukou, o kekahi o oukou e kumakaia ana ia'u.

            22  Nana ae la na haumana kekahi i kekahi, me ke kanalua i ka mea nona ia i olelo ai.

            23  E hilinai ana kekahi o kana poe haumana ma ka poli o Iesu, ka mea a Iesu i aloha ai.

            24  Kunou ae ia o Simona Petero ia ia e ninau aku i ka mea nona ia i olelo ai.

            25  Alaila o ka mea e hilinai ana ma ka umauma o Iesu, ninau aku la ia ia, E ka Haku, owai la ia?

            26  I mai la o Iesu.  O ka mea a'u e haawi i ka hakina a'u e hou ai, oia no ia.  A hou iho la ia i ka hakina ai, haawi aku la oia na Iuda Isekariota na Simona.

            27  A mahope o ka hakina alai'a komo iho la o Satana iloko ona.  I mai la hoi o Iesu ia ia,  E hana koke oe i kau mea e hana aku ai.

            28  Aole i ike kekahi o ka poe e ai ana i ke ano o ka mea ana i olelo aku ai ia ia.

            29  Manao iho la kekahi poe no ka Iuda hali ana i ke eke dala, ua olelo aku o Iesu ia ia,  E kuai i na mea e pono ai no ka ahaaina; a e haawi aku paha i kekahi mea na ka poe ilihune.

            30  A loaa ia ia ka hakina ai, hele koke aku la ia iwaho: ua po iho la.

            31  A puka aku la ia, olelo mai la o Iesu, Ano, ua hoonaniia mai ke Keiki a ke kanaka, ua hoonaniia hoi ke Akua ma ona la.

            32  Ina e hoonaniia ke Akua ma ona la, e hoonaniia mai no hoi ke Akua ma ona iho, a e hoonani koke mai no oia ia ia.

            33  E na keiki aloha, he manawa pokole ko'u me oukou.  E imi mai auanei oukou ia'u: a e like me ka'u i olelo aku ai i na Iudaio, Ma ko'u wahi e hele ai, aole loa e hiki ia oukou ke hele ilaila; pela hoi ka'u e olelo aku nei ia oukou aa@.

            34  He kauoha hoi ka'u e haawi aku nei ia oukou, E aloha aku oukou i kekahi i kekahi; e like me ka'u i aloha ai ia oukou, pela oukou e aloha aku ai i kekahi i kekahi.

            35  Ma keia mea e ike ai na kanaka a pau, he poe haumana oukou na'u, ke aloha aku oukou i kekahi i kekahi.

            36  Ni@au aku la Simona Petero ia ia,  E ka Haku, mahea oe e hele ai?  I mai la o Iesu ia ia,   O ko'u wahi e hele ai, aole e hiki ia oe ano ke hahai mai ia'u; aka, mamuli e hahai mai no oe ia'u.

            37  I aku la o Petero ia ia, E ka Haku, heaha ka mea e hiki ole ai ia'u ke hahai aku ia oe i keia wa? E waiho aku au i kuu ola nou.

            38.  I mai la o Iesu iaia, E waiho aku a@ei oe i kou ola no'u? Oiaio, he oi@@ ka'u e olelo aku nei ia oe, aole e ka@i mai ka moa, a ekolu kau hoole e ana ia'u.

            Pauku Gula.  No ia mea, o ke kanaka i manao ua kupaa ia, e ao hoi ia o hina.  1 Kor  10:12.

            Manao nui.   Aole e pakele ana kekahi i ka hoowalewale ia no kona pono, a no ka noho pu ana paha me na alakai pono.

 

Na Helehelu La.

Poakahi.  Io.  13:18---38.

Poalua.   Mat.           26:21 ---35

Poakolu.  Man.          14:18---31

Poaha      Lu          22:21---38

Poaiima. 1  Io.           3:1 ---24

Po@ono.   ". 4:1---21.

Sabati.     Io.           18:1---27

            Meie.  Ku, ku no Iesu.  H. A. N.

184  P@le.

 

NA NINAU.

            Ua akoakoa o Iesu me na haumana ma hea?  E aha?  Heaha ka haawina a Iesu i ao i na haumana ma ka haawina i hala? Heaha ka olelo a Iesu mahope o ka holoi ana i ka wawae o na haumana?  Io. 13:13--20  Owai ka mea e pomaikai ana?  p. 17.  Ua pili anei kana mau olelo ia lakou a pau?  p. 18.  Mahea ia olelo ma ke Kauoha Kahiko?  Hal. 41:9.

            Pehea o Iesu i ka hai ana i keia mea hookaumaha? p. 21.  Heaha kana i hai hou ia lakou?  Kaumaha pinepine anei o Iesu no na hana aloha ole, na hana hewa o kanaka?  No Iuda wale no anei keia luuluu ona, no na mea e ie paha i like me 12 kekahi?  Hee nui anei na Iuda?

            Pehea la e hiki ai ia Iuda e kumakaia i kona Hoa'loha, kona Haku? Makemake anei ka poe hewa e launa me ka poe pono?  Aole anei e ao mau ia ana lakou ma ka ike ana i ke ano o ka noho ana, a me na hana o ko ke Akua poe kanaka? Aole anei o ka puni dala kekahi kumu @ keia hana aloha ole?  Io. 12:6. Mat. 26:15.  Pehea ka lakou ninau; heaha ka pono o na mea a pau; e kuhikuhi paha ia hai, e nana paha kela mea keia mea i@ia iho, a noonoo i ke ano o kana mau hana ponoi? 1 Kor. 11:28.

            Ua ninau anei o Iuda?  Mat. 26:25.  No kona ike ole anei i ka ino iloko o kona naau, no kona ano hoopunipuni paha?  Owai ka i peahi ia I@ane e ninau aku oia Iesu no ka mea e hana aku ana i keia? p. 24.  Pehea ka Iesu pane? p. 26.  Ia wai ko Iesu haawi ana i ka hakina?  He mea mau anei ia o ka haawi ana i ka hakina ai i ka mea e noho pu ana ma ka ahaaina?  Ae.  Ua aloha no o Iesu ia Iuda; hoowahawa anei o Iuda ia Iesu me kona aloha?  Heaha ka Iesu kauoha ia Iuda? p. 27.  Ua maopopo anei i kona mau hoaai ke ano o keia? p. 28-29.

            Ina e aloha ana ia Iesu, heaha ka pono?  Io. 14:23.  Owai ke launa me ia?  Pehea hoi ka mea e haawi ana i kauwahi lihi iki o ka naau ia Satana?  Aole anei e lilo loa ana nana?  Aole anei he hookamani ka Iuda, me he la, he haumana na Iesu, a e lawelawe ana no ke diadolo?  Hiki anei e malama i na haku elua?  Ua hala e anei o Iuda mamua o ka hookumu ana i ka ahaaina a ka Haku?  He pono anei iaia e launa ma ia ahaaina, oiai ua piha kona naau i na manao kue i kona Haku? He nui anei na olelo ao, na olelo hooluolu a Iesu  no ua haumana, mahope o ka haalelo ana o Iuda ia lakou? Io. 14:15, 16.  Ma ka mokuna hea ka hai ana i ko Iesu pule?  Io. 17.

            Heaha kekahi ninau a Petero?  Io. 13:36.  A Me Toma? Io. 14:5.  A me Pilipo? p.8  A me ka Iuda? 14:22.  A hala o Iuda, heaha ka Iesu olelo? p. 31,32.  Ma keaha i hoonaniia'i oia?  Aole anei ma ka make ana ma ke kea i mea e hoike ai i ke aloha kamahao o ke Akua i kanaka?  Hoi o Iesu e noho nani ai me ka Makua.  He loihi anei ka manawa i koe o ko Iesu noho ana me lakou? p. 33.  Ua pau anei ka lakou hana?  Make anei kekahi mamua o ka pau ana o kana hana?  Pela ka manao kuhihewa o ke kanaka; owai nae ka i ike pono?

            Heaha ke kauoha hou a Iesu i haawi ai i na haumana? p.34. Pehea e hoomaopopo ai ka lehulehu he mau hamana lakou nei na Iesu? p. 35.  Ke hoao nei anei kela a me keia iaia iho ma keia rula, ina he haumana ia na Iesu?

            Heaha ka Petero ninau ia Iesu? p. 36.  Ua hiki anei iaia e hapai ia Iesu ia wa, ma kona wahi e hele ai?  Owai ka i makemake ia Petero? Lu. 22:31.  Heaha ka Iesu pule nona? Lu. 22:32.  Ua makaukau o Petero e aha? p.37. Pehea nae ka Iesu olelo ana iaia? p. 38.  Heaha ka pauku gula?

            Ua manao o Petero ua ikaika oia, pehea i maopopo ai kona nawaliwali ia @o? Mat. 26:69.  I ka ike ana i kona ikaika ole, pehea iho la oia?  Kaumaha anei no ka lilo ana i ka hoowalewale, a mihi?  Mar. 14:72.  Haalela paha i ka Haku me kona pono e like me Iuda?

            Ua ao ia Iuda a me Petero, owai o laua i aloha io 1 ka Haku?  Ua aha o Iesu iaia iho? Oih. 1:18.  Heaha ka Petero hana ma ia hope iho? He ikaika anai ma ka lawelawe ana no ka Haku?  Ua hoole hou anei i kona Haku?  Kaumaha anei o Iesu no ka lawelawe ana o kana poe haumana iloko o ka hewa?  Ua lawa anei ke ao pono ana a me ke alakai pono ana o kekahi?  Pehea o Iuda?

            Aole anei i pomaikai ka Ekalesia i ka hookaawale ana aku i na hookamani a me ka poe kumakaia?  Aole anei i ao nui ia na kanaka i keia wa?  Aole anei i haawi ia mai ka Baibala e ao mai?  Aole anei e paipai mau ana ka lunaikehala?  Aole anei i hoouna ia mai ka Uhane Hemolele i Kumuao?  Ke hoolohe ia nei anei keia mau kumao?  He Iuda anei oe, he Petero paha?

            Noho like o Iuda a me Petero me Iesu, ao like ia, alakai like ia, hoomalamalama like ia; aka, i ka haule ana o laua make loa o Iuda, pakele mahunehune or Petero a lilo i malamalama no hai.

            Pehea kakou?  E ao anei a make, e ao paha a ola?

            Mele.  He Kumu paa loa.  H. A.  N. 87.

 

 

O KE KEIKI HOOPUNIPUNI.

      Heaha auanei ka waiwai o ke keiki e hoopunipuni wale ana?  Hoopilikia nui mai na keikikane ma ka lakou hana lalau no ka ike ole, a he nui ka hoomanawanui ana me ia i loaa iaia ka makaukau.  Aka, ina hookui mai kekahi i ka hoopunipuni me kona mau hemahema e ae, heaha la kona pone? Naha kahi mea iaia a hoopunipuni mai oia; hoopina i kauwahi mea a wahahee mai la; hana kapulu i ka hana a hoopunipuni hou no; hoouna aku iaia ia hai no kahi mea, a wahahee no ia mea; ina he wahi hana kana, aole i nele kona hoopunipuni ana.

      Keu kona kekee---aole i maopopo kahi e loaa aku iaia; aole no i ike i ka mea kupono e hana aku iaia.  Aole no i maopopo ka mea e hilinai ai, aole no hiki ke paulele iaia.  Hoolalau oia ia oe, hoopunipuni ia oe, a hoohoka ia oe.

      Ina hoolimalima oe iaia e hana, e hoolimalima pu i luna kiai nona; oia hoi, e hool@imaima pu i na mea elua e hana i ka hana o ka mea hookahi, a ke ole e lawe ana i ka uku o ka luna kiai no loko o ka uku o ka mea hana, o ko poino no ia.

      O ke keiki e hai ana i ka oiaio; a hiki ke paulele mau ia kana olelo; e hai ana i kana mau hewa, he momi no ia.  Ina hiki ole kekahi hana i keia la, e hoao hou ana i ka la apopo; ina ua lalau ma kekahi hana, ua hiki ia oe ke ao aku i pololei; ina paipai aku iaia hoolohe mai no ia, a hoohauoli ia ka naau i ka ike ana iaia e holo mau ana imua i kela la i keia la, e mahuahua ana ka ike, ka ikaika a me ka pono iloko ona: a oiai he keiki no ia, he kanaka makua ma na hana; a ua oi loa ka waiwai o ua keiki la mamua o ke kanaka i hiki ole ke paulele ia.

      He nui na pomaikai e waiho mai ana no ke keiki o ia ano.  Oia ka mea i imi ia e noho luna hana; e lawelawe i na oihana koikoi, e kiai i ka poe hiki ole e paulele ia.  Oia ka mea i makemake ia ma na hana ano nui a pau.  Oia kai makemake ia i po@ no ka ha ohana, e alakai ana i na keiki ma ke ala o ka pono, a na ka ekalesia e kokua ma na hana pono, a hoola i na uhane o kanaka.

      Aka, o ke keiki e hoopunipuni ana, heaha la auanei kona pono ma ka honua nei?  Aole hiki ke paulele iaia; aole hiki ke hilinai iki i kana.  Aole i maopopo ina e hoopunipuni ana o ua keiki la; aole no hiki ke paulele iaia ina e hai ana i ka oiaio.

      E kuu keiki, ua haawi mai ke Akua i olelo nau e hai ai i ka olelo oiaio, a e mele hoomaikai aku Iaia; a ua aho e nahu i ko alelo a moku pu, mamua o ka hoopunipuni ana me ia mea---no ka mea "e loaa i ka poe hoopunipuni a pau, ko lakou puu ma ka loko e aa mau loa ana i ke ahi a me ka luaip@le; oia ka make alua."  (Hoik. 21:8)

                        The Little Christian.

 

 

 

O William Wason Harry Purday ua hala.

 

      Ma ka hora 10:30 a.m.  Inne 22, 1886, ma Waimea Hawaii, ua hala aku la o W. W. Harry Purdy ma kela aoao o ka muliwai eleele o ka make, a haalele mai la i ka wahine, na keiki a me na moopuna e noho kanikau aku ma keia aoao o ka luakupapau.

      Ua hanauia oia ma Enelani i Dekemaba 22 1800, a i kona mau la opiopio ua haalele oia i kona aina hanau; a i mea e ae ia ai oia e holo ma ka moku, a me na aina e, ua hunaia kona inoa maoli, a kapaia ma ka inoa o Harry Purdy, a ma ia moa oia i hookuuia ai e hele mai Enelani mai, oiai ua hookapu ia na kanaka oia aina aole e holo ma na aina e.

      Ua ku mua kona moku ma Kaawaloa, Kona, Hawaii, i ka makahiki 1832 paha, a noho pu oia me na 'lii Kuakini ma Kailua; he aikane aloha oia na Kuakini, a he punahele hoi na na lii a pau.

      Mahope mai ua noho oia ma Waimea ma ka oihana Paniolo na Kuakini, oiai he eleu oia ma ia hana, a he olali hoi ma ka heihei lio.  Ua kaulana oia ma ka holo lio, a nona hoi ka puana: "Lai ka holo'na a Hale, aohe lele manu o ke kula."  Me he manu A@ko la oia e kikaha ana ma na lae laau, e alo ana i ke anu o ka Ua-kipuupuu o ka aina mauna, a i ka wa malie hoi e ikeia aku no ia e holo lai malie ana me ka hamumumu o ke aheahe malie.

      He haole keonimana hookipa maikai oia i na malihini  e kipa aku ana ma kona home; he heahea oia, lokomaikai, a o ka oi loa aku, he ipo aloha ka wai-uia o Maleka nana.

      O Harry Purdy a me J. P. Parker aa mea lawelawe malalo o Mr. French ke kanaka waiwai ia mau la; a ua hoomau no laua i ka hana a loaa no ka waiwai, aka aole o Harry Purdy malama pono i kona waiwai, oiai e lu ana ma o a maanei, a e ono ana hoi ka puu i ka @h@ maalo i ka maka.

      Ua lanakila aku la kona hoa paahana pu, a ua heluia oia ma kahi o ka poe waiwai, a o kana moopuna hoi ka Hon. Samuel Parker keiki lala-wai o Waimea.

      Ua elemakule oia ma keia aina, a oia no hoi kekahi haole kahiko maanei, oiai hoi kona mau hoa mua ua make, a koe wale no hookahi ka makua D. Laiana e waiho nawaliwali nei.

      He 86 makahiki a me 6 malama kona ola ana ma keia ao mauleule, a kuoe hookahi aku la ma ke alanui hiki e ukaliia e na mea a pau.

      He eha ana mau wahine mua, a o Mrs Hoka Purdy kana wahine hope loa a hele aku la, a ua hoomanawanui hoi oia i ka malama ana i kana kane a me ka laua kamaiki opiopio loa.

      Ma ka la 23 o Iune hora 12 awakea, ua hoolewaia aku kona kino lepo mai Waimea aku a hiki @ Pookanaka kona home noho.

      Ua ukaliia kana huakai hope loa e kana wahine, na keiki, na moopuna a me na ohana, a me na hoa loha hoi.

      Na ka Lunakanawai S. H. Mahuka i malama na hana hoolewa ia la, a hiki i i ka home lua, a pela hoi i hookoia ai ka ka Baibala i olelo mai ai wahi a Solomona:  "E ho! ka lepo @ ka honua e like me ia mamua, a o ka uhane, e hoi ia @ ka mea nana i haawi mai."

      I ka makua i hala aku ai a nalo, ua hiki hope mai la kana kaikamahine hiapo ma ia po iho, aohe no hoi he wa a loaa mai, aka he moku lewa @ ke kai mai Honolulu mai.  Aloha no!  Ike ole @ ka hulu makua.

 

 

HANA, UA LANIHAAHAA.

 

      Ke hoomaemae hou ia nei ka luakini i keia mau la, a he ku maoli no i ka hanohano ke nana aku, malalo o ka lawelawe ana a John Kaiwi.

      Pakele ma ka apua:  Ua noho ka aha hookolokolo o Hana e hoolohe 1 ka hihia o J. K. Hanuna ma ka la 10 o Iune M. H. 1886.  Oia hoi kona keakea ana i ka hana a ka makai, oiai ma ka la Sabati, Iune 6, ua iho aku nei na makai P. Puhalahua, Pu, Kailiehu, a me Pololu, e hopu i kekahi wahine Pukiki, no ke kuai rama me ka laikini ole ma Mokaenui.

      Ua kipaku mai la o Mr. J. K. Hanuna, malalo o kahi kumu, oia hoi, aole palapala hopu, a ma kela kipaku ana a J. K. Hanuna, ua hoopii ka luna makai iaia, me ka manao e loaa he pono ma ka aoao o ke aupuni.  O kekahi keia o na hihia ano nui i hoea ae imua o ka hope lunakanawai.  Ekolu la ka noho ana o ka hale e hoolohe i keia hihia, ma ka lua nae o ka la hookolokolo, ua pohihihi loa ka manao o ka aha, a ma ka na olelo hope, ua hoopuka ia e waiho imua o ke Kiule, aka ma ke noi a ka mea i hoopii ia, ua noi hou i ka aha e noonoo pono, aole ma ke ano pupuahulu, ua hoopanee hou ia ka noonoo ana a kahi la ae, oia ke kolu o na la hookolokolo'e, ma ka noho hou ana o ka aha e noonoo, ua hooholo ia e hookuu i ka mea i hoopii ia.

      O keia oleio hooholo, aole no kona manao ponoi iho, aka, na kahi mea okoa i ao aku iaia, aole i kupono ka Lunakanawai, o ko hai manao mai kana e hooholo ai, aole loa pela, aka, e hooholo i kona manao kuokoa iho.

      Ma ka la 18 ana mai o ia mahina no, ua hopu ia iho la ua wahine Pukiki kuai rama nei, oia hoi ka wahine a J. K. Hanuna i kue ai i na makai, ua hoopanee ka aha i ka olelo hooholo, a loaa ka pane mai na Lunakanawai Ki@kie mai.

      A ma ka la 30 ana mai no o Iune, ua hopu ia o Waiwaiole (k,) a hoopaa i ka hale paahao, no ka hewa koi aie me ka maopopo ole o keia mau hana 1 ka Luna Makai.

      Ma ke kakahiaka nui o ka la 30 o Iune, ua eleu aku la ka Luna Makai e pani paa i ka halekuai o P. Kauimakaole a me Wailehua e ku nei ma Mokaenui, he kauoha na ka @lamuku J. H. Soper.

      Ahu ka hoka i kapakai.  Ma keia ku ana mai nei o ka Likelike i keia la 30 o Iune, ke liuliu nei ko uka nei poe i na pakeke poi, ke hele ia o ka uwapo o Punahoa a luluu i na kane a me na wahine, e kali ana o ka hoolele ia mai o na pahu poi; i ka waapa hope, lohe ia mai ana, aole poi la, nunui pilikia la.

      Nana aku no hoi i na kane a me na wahine, he loha ia, kohu pi-na-o, ka ike i ka wai la luhe; oiai, oia ke ola o ko Hana nei poe, ma ka ihu haulani o ka Likelike.

      A o ka moku no hoi keia i huli hoi mai ai na kaikamahine o Hana nei, mahope o ko lakou hoike kula ma Maunaolu, ua hele wale a u@o@noa Puna 1 ke kua wahine.

                                    D. Puhalahua.

                  Wiliki  Hana, June 30, 1886.

 

 

MOOLELO

o ka

Ahaolelo O 1886.

La Hana 70. Iolai 26

      Hora 10:15 akoakoa mai na hoa a haluhelu ia ka mooleio o ka Poaono a apono ia.

Na olelo hooholo & na Bila.

      Na Kauhane he olelo hooholo, e hookomo ia ma ka Bila Haawina i $4,000 no na alanui, a i $500 no na ohe wai o Waiohinu.  Haawiia ke komite o na alanu.

Na Hana o Ka La.

      Noonoo ana i ka Bila Haawina imua o ke komite o ka hale  S. W. Kaai ka launahoomalu.

Oihana o ko na Aina E.

      Hookipa luna aupuni i na aina e $10,000.

      Ninau o Brown, @wai na malihin mai na aina e mai e kipa mai ana ma Hawaii nei i keia mau makahiki elua aku.?

      Pane ke Kuhina o ko na aina e, ua manao ia o ke keiki alii Wale a me kana wahine na malihini e kipa mai ana ma keia awa no ko laua alahele i Kikane, a me ke keiki alii o Suedena, a oiai no hoi he koena aie kekahi aole i uku ia no keia keiki alii hope, a ua manao ia e uku aku ia mau aie mailoko aku o keia puu dala.

      Hoololi mai o Brown, e hoemiia keia haawina i $5,000,

      Kamailie mai o Kaunamano, ma ka bila haawina i hooponopono hou ia e na kuhina, ua hoemi ia keia haawina a i ka $6,000, nolaila, ke noi nei au e hooholo ia keia haawina e like me ia i hoemi ia e na kuhina, a e hoihoi aku ka luna o Koolauloa i kana hoololi, a e kokua pu mai me a'u ma keia haawina.

      Noi o Kaulukou, e hooholo loa ia ka haawina $10,000 e like me ka bila.

      Hoihoi hou na hoa e ae i ka lakou mau noi a koe ke noi $6,000, a ma ka ninau ia ana ua hooholo ia ka haawinae e like me ia i hoemi ia.

      Lilo Agena i ko na aina e, $6.000. Hooholoia.

      Kela a me keia lilo keena o ko na aina e $4,000.  Hooho'oia.

      No ka hoonaauao ana i na opio Hawaii ma na aina e $25,000.

      Hoakaka mai o Brown i kona manao kokua i keia haawina, aole nae no ka hoomahuahua ae @ ke $30,000 e like ka hoololi a Kaulukou, aka, he mea haohao loa nae i kona ike ana i ko na kuhina olelo mai, o keia haawina he mea kokua ia i ka hele ana o na keiki Hawaii i loaa ia lakou ka ike o na mea o ko na aina e, aka, o ka aoao aupuni no nae kai kue loa me ka ikaika i ke kanawai e hookuu akea ana i na kanaka Hawaii e hele i na aina e, i ike a i hoonaauao ia ai lakou ma na mea a pau, a eia nae lakou ke koi mai nei i haawina no ka hoonaauao ana i na keiki a kakou ma na aina e, a ina e lokahi na hoa o keia hale e like me ka lokahi ana o na hoa i ka pepehi ana i kela ka awai a hoole like i keia haawina e noi ia mai nei, alaila, oia ke kupono loa, aka, ua ike au aole e hiki ana, a ke kokua nei au i kela haawina e like me ka bila.

      Na Kalua:  He kokua nui au i keia haawina, aka, o ka'u mea wale @@ e nana n@, pehea la e hoolilo ia nei keia dala, heaha na mea i loaa i hoike ia mai i keia hale e ka aoao o ke aupuni e pili ana i ka hoonaauao ia ana o na keiki i na aina e, aole he mea i hoike ia mai, a pehea e hiki ai ia kakou ke haawi i ke dala a ka lehulehu ke ole kakou e lohe i na mea ia hana ia; o ka'u mea wale no i ike ai, oia ka hoi ana mai o kekahi o na keiki i hoouna ia e hoonaauao i Kina i ka olelo pake, i kona hiki ana mai i ka aina, ua ona iho la a hoala ae la i ka hoohaunaele me ka hakaka, a o ka hopena o ia mau hana, oia no kona paa ana i ka hale paahao.  O kekahi keiki hoi, heokaulana ae la iaia, oia kekahi o na keiki alii o keia aupuni.  O keia anei kekahi kekahi hana o ka hoonaauao ia ana a kei aku ia waho he keiki alii o ka hua o ke ao ana, he ao aku e hoopunipuni; o kekahi keiki hoi, ua ike ia ma ka nunepa, e mare ana i ka wahine Italia, e ole ke dala a ka lehulehu, loaa ai he wahine Italia, a ina oia e hoi mai, e hoike mai ana oia, eia ke dala a oukou i hoahu ai he wahine Italia ka'u.  E loaa ana ia kakou he ano lahui awiliwili, oia he hapa i ka haole, ka Hawaii a me ka Italia, a oia auanei ka uku panai o ke dala ka lahai i hoonaauao ai iaia.  Nolaila, ke noi nei au e haawiia i ke Komite Hoonaauao.  Hooleia.

      Hoomaha ka hale i ka hora 12:23, a noho hou i ka hora 2 auina la.

      Hora 2 o ka auina la, akoakoa hou ka hale.

      Noi o Kaulukou e hoopau i ke komite o ka hale, a e hoopanee ka hale a noho hou i ka la 9 o A@gate.

      Kue o Brrown i ke noi, no ka mea, he hoonahili wale no ia @ na hana o keia hale, a o ke kumu o keia no ke koho ia ana o na hoa o keia hale i mau luna helu auhau.

      Ua hoihoi hou o kaulukou i kana noi.

      Ma ke noi, ua hoopau ia ke komite o ka hale a apono ia ka hoike a ka luna hoomalu.

      Noi o Kaulukou e hoopanee ka hale a noho hou i ka la 9 o Augate.

      Kue mai o Brown i ke noi, a kamailio mai la oia me ka ikaka.  O ka hoopanee ana o ka hale no elua pule, he hoike ana ia i ko kakou palaleha i ka kakou mau hana ponoi no ka pono o ka lehulehu: 1 koho  ia kakou e na makaainana no ka nana ana i ko lakou mau pono me ke aupuni, aole o ke kapae wale i ka lakou hana a hele e hana mamuli o ko kakou mau hana ponoi iho, e like me keia e manao ia nei e hoopanee ka hale i hiki i na luna helu auhau i koho ia ke helu i ko lakou mau apana iho no ko lakou pono iho a hoohemahema i ko ka lehulehu.  He hemahema nui keia o ke koho ia ana o na hoa o keia hale i mau luna helu auhau, a mamuli o ko lakou pomaikai ka oki pu ia na hana o keia hale me ka pau ole i ka hana ia.  Nolaila, ke hoole nei au @ keia noi.

      Na Kauhi i olelo mai he mea haohao ia'u ke ake ia ana e hoopanee na hana o ka hale no elua pule, i hiki ina luna helu auhau ke hoi e helu aku i ko lakou mau apana.  O ka makamua loa keia o na ahaolelo o keia aupuni i ike ia e hana ana penei iloko o 26 makahiki i hala, o aha no hoi na luna helu auhau ke noi mai e hookuu aku ia lakou no ka lakou hana me ke koe iho no o ke koena o na hoa e lawelawe i na hana mau.o keia hale, aole o ka pau holookoa o na hoa a pau mamuli o ka pamaikai pilikino wale no o ka aoao hookahi.  Aole au i apono @ keia hoopanee ana, a e koho kue ana au i ka wa e ninau ia ai.  A noi mai oia e kakauia na ae me na hoole.  Hooholoia.

      Eia ka poe ma ka ae:  Kipikona, Kanoa, Creighton, Dare, Kaae, Makapolena, Kikaha, Keau, Beka, @@ara, Kaulia, Kaunamano, Kaulukou, Nahale, Aholo, Nahinu, Kaukau, Kaai, a me Kauai.  Huina 19.

      Eia ka poe ma ka hoole:  Martin, Lilikalani, Kauhi, Brown, Pahia, Kauka Waika, Kauhane, Kekoa, Kalua, Kakela, Kakina, Paehaole, a me Palohau.  Huina 13.

      Nolaila, ua holo ka hoopanee o ka hale a nono hou i ka Poakahi, Augate 9, hora 10 kakahiaka.

      Hora 2:30 auina la hoopanee ka hale.

 

 

H. HACKFELD & CO.

 

@oa  Kalepa Nui. a Kuai Kuka@ i na

 

Waiwai Lole, a me na Mea Hao.

 

a he mea

 

KALEPA WAIWAI NUI

 

Kihi Alanui Pa pu @@ Moiwahine

 

Honolulu, H. I.     2082-1 yr

 

 

FRANK GERTZ.

 

MEA KALEPA A LAWELAWE HANA MA

 

NA ANO KAMAA A PAU NO NA

 

Wahine, Kaikamahine a me Kane.

 

Na Kamaa Buti a me na Kamaa haahaa no na Keik Kane a me na Kanaka makua, o na ano paikiai hou loa

2031-5m.

 

 

 

PAPA!   PAPA!

 

AIA MA KAHI

 

LEWERS & COOKE

(O LUI MA)

 

@aa ko kahua kahiko ma alanui Pa oa a ma Moi.

E loaa ai

 

PAPA NOUAIKI

 

@ kela a me keia ano

 

 

Na Pani Puka, Na Puka Aniani, Na Olepelepe,

Na Pou, Na O-a, Na Papa Hele, Na Papu

Ku, A me na Papa Mo@ nei loa

 

 

Na Pili o na Hale o na Ano a Pan

 

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniari, Na Ami

o na ano a pau, Na Aila Pena, o

kela me keia ano Na Aila Hoo-

maloo, he lehulehu wale,

Na Aila e ae o n@

ano a pau.

 

 

NA WAI VANIKI

 

A ME NA

 

WAI HOOHINUHINU NANI!

 

O NA ANO A PAU LOA.

 

NA BALAKI ANO NUI WALE.

 

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka lana oihana

 

NO KA

 

UKU HAAHAA LOA.

 

E likeme kamea a holo ana ma waena

 

LAUA a mo ka mea ku ai.

 

HELE MAI E WAE NO OUKOU.

 

 

Kakela a me Kuke

 

E laa na pahiolo, koi hole,

   hamale, koi nui a me @@u, @@

     wili puaa, rula apuapa k@@@ @@

       a pau, kala kaa, hao hoopa@@@

 

pohaku hoana, kepa le@ iho, ka

   la hao ilio, pahi, upa, pa@ @@

     kalapu, kope hulu. pu@@pu @@@

       iakala lina hao ami kee@ @@@@@

 

 

KAULA @@@

 

Palau o na ano a pau

   Oo, ho, kopala @@

     kua, hao kope @@

a aku, kua bipi @@@ @@

   pi, kaula hao @@@@

     pa, uwea keleaw@@

 

piula, kaa palala.  @@@@

 

 

PA-PALAI MAKAU ME KE A@

 

 

Ili wai, papa holoi, kopa ala ka

   kuaina, hu akai. ehi waw@@

     hulu pena, a pela @@

 

Pena wali, kini nui a me @@@

   ano a pau, me ka pepa @@@

     kuhi, pena keoke@, @@@

       pena, aila hoomal@@

         vaniki kaa, a me

           vaniki moe.

 

 

PENA HOOMALOO

 

--a me aniani hale--

 

Aila Mahu, Aila Mikini, Aila N@@

Aila Kaa, Inika Kan@@

 

PAUDA, KUKAEPELE, K@@@

PAUDA, UIKI IPUKUKU@@

ANO HE NUI A LEH@@@@

 

 

LOLE MAKEPONO

 

--E ka oa--

 

AHINAHINA, KALAK@@@

KEO, LEPONALO, HUI@@@

UWE-WAHINE, KU@ H@@

MU, A ME KA LO@

 

kE KUIKE A @@@@ @@ @@ M@ @@@

 

 

Kakela & Kuke

 

NA MEA PIULA

 

Mikini Humuhum@@@

 

M@kini a Wheeler a me Wilso@

 

MIKINI A WIILCOX ME GIBB

 

NA MIKINI A

 

---Remington---

 

He nni loa na mea hao me na uka@@ ae o na ano a pau, aole hiki ke h@@@ ia aku, hewa i ka wai na maka @@ @

 

 

Laau Lapaau Kaulana Loa

 

A DR. JAYNE,

 

LAAU HOOMAEMAI KOKE

LAAU HOOPAU NAIO, LAAU

KUNU, PENIKILA, HUAALE

PAAKAI, LAAU HOOPAA@@@

 

@@ na Laau Hame a Pela 'ke

 

Kakela me Kuk@