Ka Nupepa Kuokoa, Volume XXV, Number 31, 31 July 1886 — Page 3
| This text was transcribed by: | Daniel Kalauawa |
| This work is dedicated to: | Kawehi Lucas |
Ka Nupepa Kuokoa
KE KILOHANA POOKELA NO KA LAHUI HAWAII.
Paiia e THOS G THRUM ma ka Halepai e ka Hui "PRESS PUBLISHING COMPANY," Keena Hooponopono, ma na kihi o Alanui Moiwahine me Nuuanu.
E hoouna muaia mai na Olelo Hoolaha ma ke Keena Hooponopono mamua ae o ka hora 12 o ka awakea o na Poaha a pau. Aole e hoopukaia na Olelo Hoolaha ke laweia mai mahope o ka hora i hooikeia maluna. E hooko piha aku ana makou i keia rula maluna.
E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu. Ina e loaa pono ole aku keia pepa i kona poe lawe, e hai mai me ka hakalia ole i keia Keena.
O ka uku a keia pepa e haawi ai i kona poe luna, he umi keneta no ke dala, koe ka apana o Kona, Oahu, a me kekahi mau apana e ae kahi nui o ka luhi i ka halihali ana i ka pepa, ma ia mau apana, e hooiia ka uku luna.
-------------------
MA KE KAUOHA
-------------------
[SEAL]
OLELO HOOLAHA.
------
Banako Hoahu Dala o ka Hale Leka Hawaii.
----
O ke Keena Oihana o ka Banako Hoahu Dala o ka Hale Leka Hawaii, e hamama mau ana i kela la a me keia la, koe nae na la Sabati a me na la kulaia ma ka Hale Leka Nui mawaena o na hora 9 A.M., a me 4 P.M. A ma na Poaono e hamama ana a hiki i ka hora 6 P.M., no ka lawe ana mai a me ka hookaa ana aku i na dala.
E malama ia no na hoahu dala ma ka 25 keneta a hiki aku i ka $1000.
E haawi ia no he 5 pa-keneta no ka maka kuai no na dala a pau i hoahu ia i hiki aku ka huina i ka $5.00 a oi aku.
Na wahine mare a me na keiki opio maluna aku o 7 makahiki, e hiki no ia lakou ke hoahu ma ko lakou mau inoa iho.
O ka poe hoahu a pau, e loaa no ia lakou ka malama pono ana a ke Aupuni i ko lakou mau dala a me ka hookaa pono mai.
Na rula i pai ia a me kekahi mau mea e ae, e loaa no ma ke koi ana aku ma ke Keena Oihana.
JOHN LOTA KAULUKOU.
@@@ Hale Leka, Luna Leka Nui.
Honolulu, Iulai 1, 1886. 2084-3m
Kela me Keia
Ke hoomaka mai nei na luna helu i ka lakou hana i loko o keia mau la.
Ma ka pao hou ia ana iho nei o Moanalua, ua hu bou he wai aniani i keia mau la.
Pakele kauhale hoomoa puna o Ulakoheo inai pau i ke ahi ma ke ahiahi Poakolu nei mamua o kona lanakila loa ana. ua kinai koke ia.
Ua hoike ae ke Kuhina o ko na aina a e hoea mai ana ke keiki alii o Wale me kana wahine no Honolulu nei. I ka manawa hea la. ?
HANAU. -luiai ag. 1886 Ma Holualua, Kona Akau. Hawaii. ua hanau ae ke keikikane mohaha a maikai na Mrs. K D kaahaihao a me Mr. D Kaahaihao. E hoomani ia ka Haku.
Ua hopu ia kehahi pake ma ka uwape mokuahi Oceanica e kekahi kiai o ka hale papaa, oiai ua pake la e hoao ana e hele mai-iuka nei me elua tini ko aina ma kona kino.
Pakele na kauhale o Kapauhi ina@@@@@ho o ka Y.M.C.A o na pake @@@ hamo ka hulu i ke ahi, ma ka po Hoalua iho nei, e ole na lima kokua.
Ua Ibible Malenio iho nei ka Aha@lelo ma ka Poakahi nei, a e hoomalelo ana a hiki i ka la o o Augate. Nui ka @@ no ka nui o ka hana, oia hoi no @@@paio hahana mau me ka aoao kuo@@@ puuwai hopo ole. Na ahikanana o @@@o.
Ke halaola mai nei na kauhale hou o ke kahua pauahi i keia mau la, a o na hiohiona o keia mua aku ke paa pono @@ hale i ke kukulu, he nani a he hiehie. He mau hale pohaku nunui ke hookahuaia nei.
Ma ke kakahiaka Poakahi i ku mai ai ka moku kaua Beritania Pelican : he wahi @@ @ panaiki no kiea o 1,130 kona a @@ 1,060 ka mana ikaika i kona enekini mahu. Mai Esekimola loa mai oia. E lawe ana keia wahi moku he ewalu nukuniahi nunui; a ma o na lono, aole oia e loihi loa ana maanei.
E makaala na kalaiwa kaa i keia mau apana koho. oia o Hanalei i Kauai a me Hamakua i Hawaii; aia no a lele mua mai kahi bapaha, no ka mea ina e kau ana keia mau onabala a bala elua hora. he hapaha iho la no ka mea e hawila mai. He onabala ke kulana aohe nae he imi pakeke. KALAIWAKAA.
E hoomaka ana ke kula olelo Beritania o Kamoiliili ma keia Poakahi ae, Augate a, a ua makemakeia na haumana a pau o ke kula e akoakoa pau mai; a o na makua mea keiki e makemake ana e hoomahele ia ka lakou mau keiki ma ka ike olelo Beritania, e pono e lawe mai i na keiki i ka la e wehe ia'i ke kula.
ke kahea ia aku nei ua luna. na lala. a me na pilikoko o na lala i make o ka Ahahui Opiopio Puuwai Lokahi, i loaa he kuleana ko lakou iloko o ua hui la, e akoakoa ae ma ko lakou hale halawai mau ma ka po Poalua Aug. 3@ E waiho aku ana ka Peresidena a me ka Puuku hou i ka nui o na dala e paa @@ ma ka huna o ka Puuku, a ioa e h@@@ ole ae kekahi mea, e wehe ia aku no mai loko o ka hui. Ma ke kauoha a ka Peresidena.
Ua loaa na nalapu eha ia Mr. Jaeger ma kona haule ana mailuna iho o ka uwapo o Maalaea iaia i hoi aku ai ma ka Malulani o ka pule i halo. Iaia i kau aku ai ma ka @wapo me ka paa ana i ka lima o kana keiki niah ope ona. ua poholo aku la kona mau wawae ma kekahi wahi i loaa mau na ulia poino i kekahi poe, a haule pu aku ia laua.
E kuu lilo Biute, aole a makou aukuneko no kou laki, oiai, ua hiina kou kupaa i ka pelo a ke kaikamahine kanu pua o ke kihapai pua o Elenale, he kiu a he lala no ka poai nohea o ka lae ino. O ka Lameka, aia i ka liko pua i ka wekiu kana. Ua makemake ia kekahi ilio i mea halihali i-e apala nana; hoao hoi ia Leinahiu he uuku loa, kauaiako ke i-e, o Biute paha ka pono. E aho nae hoi oe, o Elele ae ke oki. he kimopo kana loaa, ka hana a ka powa.
MOOLELO
o ka
Ahaolelo o 1886
La Hana 67. Iulai 22.
Hora 10:12 akoakoa mai la na kuhina eha, na lunamakaainana he 17 a me 3 alii. Heluhelu ia ka moolelo a apono ia.
Hoike Komite Kumau.
Na ka hapanui o ke Komite Waiwai i waiho mai i ka lakou hoike no na palapala hoopii lehulehu, penei: Ka hoopii a M. Kealoha e hoihoi aku i na dala he 65 iaia a i ole ia e haawi aku ke aupuni i 65 eka aina kula e waiho ana ma Kamaole, Kula, apana o Makawao, ua hoohole ke komite, e hoihoi aku i na dala he 65 ia Kealoha. a e hookomo ia ma ka Bila Haawina. Ka hoopii a ka Puali Kinai Ahi Helu 4, e hoakaawale okoa ia i 5,000 dala no lakou; ua manao ke komite, he hiki no ke hooponopono ia keia pilikia me ke Kuhina Kalaiaina, nolaila, aole i ae ke komite i keia hoopii, a e waiho ia ma ka papa. Ka hoopii mai Kaanapali e hoole ana aole e ae aku i ka bila buikala i ke Kuhia Waiwai ua nana ke Komite i ka hoopii a me ka bila huikala no na dala he 61,000 a oi, ua ike ke komite aole i lilo ka bila i kanawai i keia wa, a e waiho ia ka hoopii ma ka papa a noonoo pu@ me ka bila huikala. Ka hoopii a Waialeale no kona auhau papalua ia ana, ua manao ke komite e waiho i ka hoopii ma ka papa. Ka hoopii a Rev. W. P. Kahale i waiho ia mai e Hon. J. W. Kalua @no ka auhau papalua ia ana i na dala he 12, ua hooholo ke komite e hoihoi aku i keia mau dala ia Kahale, a e hookomo ia maloko o ka Bila Haawina, oiai ua kupono a pololei na hoike i waihoia mai. Kakau ia e eha lala o ke komite.
Na Dickey ka hapa uuku o ke Komite Waiwai i waiho mai i kana hoike, aole oia i apono i ka hoike a ka hapa nui no ka hoopii a ko Kaanapali e pili ana i ka bila huikala i ke Kuhina Waiwa, ua manao ka hapa @uuku, e apo no aku i keia hoopii.
Waihoia na hoike a elua ma ka papa a noonoo pu me ka bila huikala.
Ninau o Kakela no ka rula hou o ka Hale i ke Komite Pai ina ua pai ia.
Pane ke Komite Pai, ua hoomanao oia no ia rula. aka, aole i waiho ia aku iloko o kona lima.
Hoike Komite Wae
Na kakela i waiho mai i ka hoike a ke Komite WAe no na hoopii e pili ana i na halekula i waiho ia mai e Nahinu Kaai a me Paehaole, ua manao ke komite, he mea pono no ke hooko ia ke ike ka Papa he hiki: a e waiho ia keia mau hoopii a pau ma ka papa a na ke kakauolelo o ka Hale e hoike aku i ke ia mea i ka Papa Hoonaauao. Apono ia ka hoike.
Na ke Komite Kakau poepoe i hoie mai, ua pau i ka hanaia kekahi mau bila.
Plelo Hooholo & Na Bila.
Ninau o Baraunu i ke kuhhina Waiwai e hoike mai i ka inoa o na luna auhau i hoihoi pau ole mai i ka lakou mau ohi ana a me ko lakou mau hope a me ke koena o na loaa i pau ole i ka ohiia.
Na Kipikona i heluhelu mai no ka wa mua i ka bila e pili ana i ka hookuu ana i kekahi mau mea mai ka oihana dote aku. Kapaeia na rula, heluhelu alua ia ka bila ma ke poo. Haawiia i ke Komite Wae e pili ana i ka oihana dute.
Na Kalua he olelo hooholo e pili ana no ka hoopuka ana i palapala Sila ia Kunukau e like me ka hooholo ana a keia hale ma ka hoike a ke Komite Hookolokolo. Hooholoia.
Na kaunamano he olelo hooholo e pili ana i na noi dala alanui a me na alahaka, na olelo hooholo a me na itamu o ka Bila Haawina, e haawi aku ke Kakauolelo i ke komite o ia hana Hooholoia.
Kapaeia na rula heluhelu mai o Kakina he hoopii mai Kipahulu, na ewalu poe no ko lakou uku ole ia ana mao ko lakou hoohana ia ana me ke alanui. Haawiia ka hoopii i ke Kuhina Kalaiaina.
Na kaunamano he olelo hooholo e hookomo ia ma ka Bila Haawina $5000 no ke alahaka o Waiaka, Kohala Hema. Waihola ma ka papa a noonoo p@ me ka Bila Haawina.
Na ka Peresidena o ka Paapa Hoonaauao i @oakaka mai, oiai ma kona ano he poo no ia oihana, e hoike ana ke kula o Alanui Papu i ke@a la. a o ke kula o Kahehuna i ka la apopo, noliala e oluolu keia hale e hookuu aku iaia no ia bana. Ae ia.
Noi o kaulukou e hoomaha ka hale a noho hou i ka ho@a @ auinala. Aeia.
Hoomaha ka hale.
Hora 2:15 akoakoa hou ka hale . Noi o Dickey e hookuu iaia no hookahi pule. Ae ia.
Na Hana O Ka La
Heluhelu ekolu ana o ka bila e hoololi ana i ka paukku 517 Haawina 15 o ke Kinila. Ua hooholo loa in ka bila. Heluhelu ekolu ana i ka bila e hoololi ana i ka pauku 20 ka mokuna 28 o na kanawai o 1878 e pili ana i ke dute maluna o na waiwai. Haawila i ke Komite Wae no ka oihana dute.
Heluhelu akolu ana o ka bila e pili ana i ka hookaawale ana o na uku o na luna aupuni e like me ka Bila Haawina o 1884 a hiki i ka makaukau ana o ka Bila Haawina o 1886-9. Hooholo loa ia ka bila.
Noonoo ana i ka bila auahu imua o ke komite o ka Hale. e hoomaka ana ma ka pauku 2. J. K. Kaunamano ka lunahoomalu.
Noi O Dickey e kapae ae i ka huaolelo na aie ma keia pauku, no ke kumu o lilo auanei ia i mea e auhau papalua ia ai maluna o ka mea i aie mai a me ka mea hoaie aku e like me keia ka hoohalike ana. Ina ua aie mai kekahi ia'u i $1000, alaila e auhau ia ana ka mea i ke tausani dala, a e auhau pu ia ana ka mea i hoaie aku i kela tausani dala hookahi no, he auahu palua ana keia maluna o ka puu dala hookahi a keia kanawai e ake nei e auhau ia. Ua kokua o Palaunu a me Kakina i keia manao hookahi.
Pane o kikaha, aile paha na luna o Makawao. Koolauloa a me Molokai me Lanai i nana pono i ka bila, oiai o ka pauku 15 o keia bila, aia malaila ka hoakaka no keia pauku, no ka mea, ina ua aie aku oia ia hai no kekahi huina a ua aie mai kekahi iaia no ka huina emi a oi aku paha, alaila o ka like ole o ka aie oia ka mea e auhau ia ai. Kokua ka Loio Kuhina i keia manao.
Na Dole i hoakaka mai he hemahema keia ina e like me ka ka luna o Honolulu e olelo nei, no ka mea, ina ua aie aku au i hookahi tausani dala i kekahi aole nae he mea i aie mai ia'u. alaila, pehea la e hiki ai ke unuhi ia ka like ole, he mea maopopo aole e hiki ana, alaila, ma keia kanawai e auhau ia auanei au no kela mau dala a'u i aie ai.
Hooholo ia ke kapae i ka huaolelo "na aie" e like nie ke noi a Dickey a hooholo loa ia ka pauku e like me ka hoololiia ana.
Heluhelu ia ka pauku 3 e pili ana i na hui pani hakahaka ma ka elua dala o ka haneri hookahi.
Waiho mai o Kaulukou he hoololi i hookahi dala no ka auhau no ka hui panihakahaka i hoala ia a e ku nei ma keia aupuni no ka haneri dala.
Na Kakela he hoololi e auhau ia na hui o na aina e e hele mai ana ianei.
Hooholoia ka pauku me ka hoololi.
Hoopau ia ke Komite o ka Hale a noho hou i ka Poaono me ka aponoia o ka hoike a ka lunahoomalu.
Hoolaha mai o kakela e halawai ana ke komite wae no na alanui a me na alahaka ma ka hora 9 A.M. apopo ma keia keena. E halawai pu ana hoi ke Komite Kalepa i ka manawa like a ma keia keena hookahi no.
Hora 4:37 hoopanee ka HAle a noho hou i ka hora. Io kakahiaka apopo.
Hoopanee ka Hale.
La Hana 68. Iulai 23.
Hora 10:22 akoakoa ka hale e like me ka mau. Heluhelu ia ka moolelo a aponoia me na hooponopono.
Hoike Komite Kumau.
Na ke Komite Pai i waiho mai i na bila pau i ke pai ia a pela me na hoike o na aie o ke aupuni o na keena a pau a me ka rula hou o ka Hale. Aponoia.
Hoike Komite Wae.
Na Baraunu ke komite wae i kohoia no ka noonoo ana i ka bila e hoopau ana i na luna alanui nui i waiho mai i ka lakou hoike me ka hana ana i bila kanawai hou e pili ana no na luna ala nui, a o na palapala hoopii a me na bila kanawai i waiho ia mai e hooponopono ana i na luna alanui, ua waihoia ma ka papa. Apono ia ka hoike.
Kapae ia na rula, a heluhelu alua ia ka bila a ke komite ma ke poo a haawi ia no ke pai.
Olelo Hooholo & Na Bila.
Noi o kaulukou e kapae ia na rula a e hapai ia ae mai ka Papa Ola Hawaii ina ua pai ia: e haawi aku ke Kakauolelo i ke kope o ua kanewai la i ke Komike Pai, a waiho koke mai i ka Hale. Kauoha ka Noho i ke Kakauolelo e haawi aku i ka bila e paha.
Na Likikini i heluhelu mai no ka wa mua i ka bila hoololi ana i na pauku 214, 218, 219, a me 221 o ke kanawai Kivila, e pili ana i na halepaahao, hale hoopaa lawehala a me na hale ao. Waihole no ka heluhelu elua.
Na Kauhale he olelo hooho'o e ka uoha ana i ke Kakauolelo e noihoi aku i ka palaiula hoopi@@ Awa a me Ahi no ko laua uku he $42.75 no ka hoohanaia ana ma ke aianoi o Kau Hooholoia.
Na Hana O Ka La.
Noonoo ana ika Bila Haawina i mua o ke Komite o ka Hale. J. Keau ka @@nahoomalu.
Oihana O Na Aina E.
Lilo no na elele i na Aiea E $30,000
Hora ia awakea hoomaha ka hale a noho hou i ka hola i me hapa auina la. Hora 1:30 auina la akoakoa hou ka hale.
Kamailio mai o Kauiukou no keia haawina a ua ili ke koikoi o kana mau olelo maluua o ke ihi Bihopa e pale ana i ka oiaio o ka olelo a ke @lii i hoopuka ai no keia kaawina i na la i hala e olelo ana he mau hana mahaoi wale no na ke aupuni ka noonoo ana e haawi i pua dala nui no na elele i ko na aina e, e hana mua ke aupuni iloko iho ona, mamau o ke kiola ana aku o ke dala iwaho: kanalua au i keia mau olelo ua mahaoi anei ka Papa Misionari o Amerika i ka hoouna ana mai i na misionari i Hawaii nei, a pela me Hawaii e hoouna nei i na aina pouli o ka hema. Maluna o ka noho o Hilo, ke olelo nei au he mea kanalua ka apono ana aku i kana mau oleloao. Ke noi nei au e hooholoia keia haawina i $35,000.
Olelo o Kalua, he elua aoao e paio nei i keia haawina a hookahi no ninau i ulu ae ua loaa anei ka pomaikai i ke aupuni aole paha? Ma ka nana ana i na olelo a kekahi aoao, ke hooikaika loa nei lakou e hooholo ia keia haawina me ke kokua ikaika o na kuhina. O ka hooholo ana i keia haawina nui hewahewa, o ka hua wale no e loaa mai, oia ke kahiko ia o ke kanaka me na kahiko hoonani mai ka piko o kona poo a hoea i kona mau wawae, oia wale no; a oia mea e ake ia nei e hooholo loa i keia haawina. He mea mau i ka luna o Hilo ka hapai mau ana ma kana mau haiolelo ana a pau imua o keia hale i kona lili nui i ka poe mikanele, mamuli o ka hoonele ia ana o lakou i na pomaikai a lakou i hooikaika ai a na kekahi poe okoa e ai nei na loaa.
Kamailio mai o Brown, nana i lawe mai ke noi e kapae loa i keia haawina aka i ke kamailio ana o na hoa o ka hale ua manao au e hoihoi mai i ka'u noi, aka i ko'u ike ana i ka hoike no na aie o ke aupuni i waihoia mai i keia la, ke hoomau aku nei au i ka'u noi mua e kapae loa i keia haawina, no ka mea, o ka huina aie o ke aupuni e ku nei i keia wa, ua hiki aku ia i ka hookahi uniliona dala me ewalu haneri tausani a oi aku: a ina o keia ka aie o ke aupuni, alaila aole au e ae e lu wale ia keia puu dala nui e nona nei no keia haawina he mea pono e hookaaia na aie o ke aupuni mailoko ae o keia puu dala nui. mamua o ka lu wale ana aku iwaho me ka waiwai ole, oiai, ke uew mai nei na apana kuaaina o kakou no ko lakou mau alanui i ka inoino, a pela me na alahaka, aka eia nae kakou ke ake nei e kiola aku i keia puu dala no kekahi hana i ike ole ia ka waiwai a me ka pomaikai o ka aina, eia ka lahui ke kahea mai nei a puni ka aina, homai na dala auhau alanui e hoolilo ia iloko o ko makou mau apana iho, aka aole nae i naliu ia aku ia leo, ua hoolilo wale iaaku no kekahi mea okoa a he aie ia o keia aupuni i na apana no na dala au hau alanui. Ua ike au ma keia hoike, ua aie keia aupuni no ka hoohanonano ana aku i ke Keiki Alii o Suedena i kipa mai ai i o kakou nei no $159.25; he aie kahiko keia o ke aupuni no elua makahiki i hala, aole nae i uku ia a hiki i keia wa. No ke aha i oku ole ia ai keia wahi aie uuku loa? Eia ke kumu aole he dala o ke aupuni, a me ia nele e hooholo anei keia hale e haawi i kanakolu tausani dala lu wale no keia hana i wahi e komo hohonu aku ai kakou iloko o ka aie kuapapanui.
Noi o Dole e kakauia na ae me na hoole no keia haawina
Eia na ae: Kipikona Creighton, Dare, Dominis, Ake, Kuihelani, Kaae, Sam. Parker, Kikaha, Lilikalani, Beka, Kaulia, Kaulukoui Pabia, Kaunamano, Nahale, Nahinu, Kekoa, Aholo, Kaukau, Likikini, Kaai a me Palohau. Huina 24.
Eia na hoole. Bihope, Waila, Bush, Martin, Brown, Kauka Waita, Kauhane, Kalua, Kakela, Kakina, Paehaole a me Dole. Hina 17.
`Hooholoia ka haawina $30,000 no na lilo o na Elele i ko na Aina E.
Hoopauia ke Komite a aponoia ka hoike a ka lunahoomalu.
Kapaeia na rula a hoike mai ke Komite Hooiaio Bila Kanawai, ua kakau inoa ka Moi i ka kanai e hoakaka ana i ka uku o na luna aupuni a hiki i ka makaukau ana o hila haawina o 1886-7.
Hora 4:40 P.M hoopanee ka hale a noho hou ma ka hora 10 o ke kekahi aka o ka la apopo
La Hana 69 Iulai 24.
Hora 10:25 akahi no a akoakoa mai no hoa a heluheluia ka moolelo a aponoia.
Hoike a na Komite WAk
Na ka @@@@ Kuhina i hoike mai aole he mea i @@@@@ ia no k@ hela pii ana i ke a@@@ wale ia o na aianui o Honolulu Lahina Wailoku Kah@l@@a me Hilo, bo ia mea, ua hoihoi mai ka lunahoom@@@ o ke komite i ka @@@@ imua o ka hale. Anonoia ka hoike.
Noi o Likikini e haawila ka bila i hoihona mai imua o ka hale i ke komite hookolokolo.
Noi hou ia mai e hoihoi aku ka bila i ke komite mua. Aponia.
NA OLELO HOOHOLO ME NA BILA.
NA Kakina he ninau i ke Kuhina Waiwai, ehia la keneia ka uku o na luna helu o 1884 a me 1885. a ehia ka nui o na dala i ukuna aku iloko o keia mau makahiki elua.
Na Kaunamano he olelo hooholo e hookomo ia ma ka bila haawina i $200 no ke kokua a me ka hoohoihoi ana i S. H Meekapu no ka hoolaia ana o kekahi poe i loaa i ka mai poke no lakou keia mau inoa Rev. D. Keaweamahi Namuu, Kealoha, Kunane, Haolemaikai, Mahiai, Mose, Maleana i a ma Meleana 2.
Us waiho pu mai o Kaunamano he palapala hoike mai ia Keaweamahi e hoakaka ana i kona iapaauia ana e Meekapu a hoolaia mai ka mai i loohia ma luna ona a loaa ka maikai me ka palapala hooia a ka Peresidena o ka Papa Ola e olelo ana, aole o Keaweamahi he kanaka i loaa i ka mai pake aka ua hoolaia oia a maikai; pela pu no hoi me ka papa hoike o na laau Hawaii no ka hoola ana i keia mai. Haawiia ka olelo hooholo i ke komite malama ola.
Kapaeia na rula a hapai ia ae ka bila no ke kokua aua i ka lawe leia mawaena o America a me Hawaii nei a heluhelu elua la ma ke poo. Haawii ka bila i ke komite kalepa.
NA HANA O KA LA
Noonoo ana i ka bila auhao imua o ka hale.
Noi o Kakina e kapae ae i keia bila a e nee aku ma na bila e ae ma ka lima o ke Kakauolelo. Hooholoia.
Heluhelu elua ana o ka bila no ka malama ana i na buke helu oihana o ke aupuni ma ka olelo. Hawaii me Beritania Haaiia ka bila i ke komite hookolokolo.
Heluhelu elua ana o ka bila e hoololi ana i ka pauku 101 o ke Kanawai Kivila.
Noi o Likikini e hooholo ia ka bila a haawiia no ke kakau poepoe.
Noi o Kikaka e hoohalikeia ka laikini o na waapa o Honolulu me ko na awa o Lahina, Kahului a me Hilo, oiai, ua keikei ae ka laikini o ko Honolulu nei i ko na wahi e ae oia hoi ewalu ko Honolulu a i eha no na awa e ae.
Hooholoia ka bila me na hoololi a haawiia e kakau poepoe a heluhelu ekolu ma ka Poalua.
Heluhelu elua ana o ka bila e hooponopono ai i ka hele ana mai o na Pake. Haawiia ka bila i ke komite kalepa.
Heluhelu elua ana o ka bila e hoohana ia na lawehala i hoahewaia e na Lunakanawai Hoomalu a me apana ma ko lakou mau apana iho. Haawiia ka bila i ke komite hookolokolo Hora 12:7 hoopanee ka hale a noho hou i ka Poakahi hora 10.
Hanau Kupanaha.
Ua hanau mai kekahi wahine no Laupahoehoe, Hilo, i kekahi mau keiki mahoe i ka wa hookahi. O kekahi o keia mau keiki he moo-na ano no a pai o ka moo, a o kekahi hoi he keiki kanaka. I ka puka ana mai o keia mau keiki, aole i hooloihi hou ia aku ko laua hanu ana i na ea o keia honua, aka, ua kaili koke ia ae la ko laua ola. Ua ma ke like laua. Eia ka makuahine ke waiho nei i ka nawaliwali. Pela na lono i hoikeia mai.
Ka Moho Hakaka Kaulana
O ke ao nei e hoike hou ana oia i kona mau puupuu lima koikoi me Chas. Mitchell, ko Pelekane moho hakaka kaulana i hoonahea hou mai nei. Oianei no ka i hoonahoa hou mai nei. Oianei no ka i hoonahoa mua a olepelepeia i ka lewa e ka hainale puupuu hookahi a ua moho kaulana la Keoni L Silvana, a kaaoini ana ke alo iluna o ka lepo mailuna mai o ka awai a laua e hookala puupuu ana. a eia hou no. Malia nae paha. ua loaaa na moeubane laki nana e kaniu i ka la@ o ua moho la ke hoao hou. Ma Nu loka laua e hakaka ai.
Ma keia kakahiaka nui i hopuia ai o Mikela, kela haole Peiekiuma nona ka halekuai lole malalo iho o ke Keena o ka Nupepa Ka Hoku o ke Kai. ma o ka loaa ana o ka opiuma maloko o kona halekuai.
NA HOOLAHA HOU
OLELO HOOLAHA
Ma keia ke hoikela aku nei i ka lehulehu ua loaa mai i ke Komite o ka pane ahi e ka la 18 o Aperila 1886, na dala he Elua haneri me iwakaluakumamalima mai ia Henry Waterhouse a me J Wahineaua mai no ka hui Po@la a me ka Hui Puawai Lokahi a ma ka inoa o ka lehulehu ke haawi aku nei ke Komite i na hoomaikai ana no na Hui oleiola maluna ae.
Ma ke kauoha. W.C ACHI, Kakaaolelo 2087-@@
LEN SING.
Helu 135 Nunahu Street
MEA HUMUHUMU LOLE
He mea Hana, Hoomaemae a me hana hou @@@ i na @@@@ @@@@@@
NA HOOLAHA HOU
@@@@@@@ @@@@@ @@@@@@ @@@@@@@ @@@@
ASHFORD
ASHFORD & ASHFORD
@@A HOA HANA@ AKIPOKA
He mau L@io. H@@kuka. Pul@ @@ ko Ka@@@@@, Kaka@@@@. Luna Hoop@@@p@n@ @ @@ ko hana @@@ i na kalape@a H@@@@@@
LAWELAWE ILOKO O NA AHA A PAU O KE AUPUNI
@ @@@@@ @@@ @@@@@@@
Keena Hana Helu 21, N@@@@ Kalepa, Honolulu Hale @@@@
Laau Mai Lepera Helu 1
A
S. H MEEKAPU
E loaa a e hoouna ia no ma ke kauoha ka laau mai l@@@@@ ma na wahi a pau ke laua he mau hoike oiaio no ka mai Lepera a ke hoouna mua mai i na @@@ o ka laau. E loaa pu no hoi me ma Kula o ka inu ana.
Helu 1, Aianui Nuuanu Honolulu
KE KAUKA LAPANA
MR. M. Goto
He Kauka no ka mai lepera. ua mai e pil ana i ka ili o ke kanaka. ka mai kaokao
etc. etc. etc.
Keena Hana- Aia ma K@p@@@@ mauka p@@@ o kahi a@@@ o ka H@@ @ K@@@
NA HORA HANA @@@ @ @ @ @
@@@
WOLFE & CO.
Mea Kuai i na Ano a pau o na Mea
AI, HUA AI, O NA ANO A PAU.
UA NEE AE MA
Helu 66, Alanui Hotele, Halekuao mua o Lewis & Co.
E loaa koke aku no na kauoha a pau loa me ka hak @@@ ole, a me ka ina@ka o @@ h@@ malu ia ana. E hooko ia na kauoha o ke kula @@@@@hale nei @@e ka hi@iwawe ma @@ @@ me ka uku ole. O na kauoha mai na in@@@@@@@ @ @@@@@@@ @@@ ia.
B.F. EHLERS & CO. PAINAPA
Poe Kuai i na Ano Lole A Pau
Helu 99 alanui Papu. @ Honolulu
E loaa mau ana na lole hou o na ano a pau maluna o kela a me keia moku.
Kaulana o Kohala i ka Aina Haaheo
E naue mai e kiioh i na nani mai ole. Na Luhiehu o ke kip@ e l@n@hao ai oe. E awihi iho ai oe i ka ha@ a na Pi@@pahi. A hi@o @o Papale i ka pipia a ka Ai kala.
EIA LA! EIA LA! EIA LA!
HALEKUAI LOLE NUI.
MA
KAIOPIHI & KAPAAU
Malaila e loaa ai na ai@@@@@ ka makemake o na Kane, Wahine a me na Keiki. E wiki. Mai @@@@
P. A. DIAS.
LADIES' BAZAAR,
HELU 88. ALANUI PAPU.
HALEKUAI HOU. HALEKUAI HOU.
Hele imai e ike i na panio he nui wale o na Lu@hiehu Kino: o ke ano nahou loa o na paikina. A peia pu no hoa.
KA HUMUHUMU LOLE ANA
Makaukau i ka wa pokole a me ka haahaa o ka uku.
Napapale a me na Hulu, no ka hoomaemae a me ka hooiuu.
Na Pua me na hulu hoonani he nui wale o keia an@ keia an@
E hana ia no hoi na Papale mai ka Pua-ko ma na ano pau.
Na mea ano nui ma keia Hale na Papale o na Wahine, Hooluuia, Hoomaemae hou ia a me na Hulu Papale i hooluuia a like me ke ano hou.
Mrs. J. LYONS ona wawai
Kalo Palaoa! Kalo Palaoa!
HE KALO PALAOA ANO HOU LAO.
UA MAEMAE, A HIKI I KELA ME KEIA KE HANA I POI NONA IHO
POI ONO! POI ONO!
Aeae, a pahee maoli ke moni aku. He ona a mokaekae no hoi o ka poi maoli ke ai k@@. He 25 paona o ke eke hookahi no ke kaniokuai haahaa loa he 40 kene@a. Nolaila, ua lawa no ke kanaka hook@@hi no ka @ni i ka @iahina holo@@ho@ ke hooli@@ oia i $1.600 no o@ eke Kalo Palaoa eha @@@.
Ua hana hou ia a hoomaemae ho@ iho nei keia Hui i ka mikin no ka hana ana i ke KALO PALAOA, a ua hoolawa pa ia no hoi he dala no ka hoolako ana mai i na mea paahana helu ekahi (1) no ka hoohana a hoomoa ana i na Palaoa Palai, Palaoa Oma, na Meaono, a me na P@dina etc. etc., me ka maalahi a me ka maikai mai ka painoa maoli mai.
He nui na hooialo ana no ka maikai loa o keia POI mai kela a me keia i hoao, a ua @i ka a, wahi a lakou, mai ka poi i hana lima ia.
O ke KALO MUSH no ka paina Kakahiaka, he Ono a Mikololohua maoli no hoi.
HE mao hooia no hoi mai na Kauka mai no ke kupono loa o keia poi no ae opu @@@ ikaika ole a naliwaliwali.
NA KUHIKUHI NO KA HANA ANA
O keia na kuhikuhi no ka hana ana i ka poi mai ka Palaoa Kalo mai, a o ke kumu no ko makou hoololi hou ana i ka hana ana, ua ike ia ka nui o ka hana ma ke ana @@@@, a o keia, he nuku ka hana: he hookahi oe hana o keia, oia ka hanai ana i ke ahi.
E lawe ma ka PALAOA KALO kupono au i manao ai a e hoowali me ka wai huihui, e like ia me ka hoomakaukau @na o ka Palaoa palai, me ke akahele o hakuhaku. @@@ hookahi eke @ iloko o kekahi eke lole kukaenaio maemae a hookomo iho iloko o ka ipuhai a kini aila mahu paha (ua paila mua nae ka wai) no 2 a 2 1/2 hora paha ka loihi e hoomoa ai. e like no @ie ka opi o ka PALAOA KALO i hoomakaukau ia a hookomo la iloko o ke eke. E malama pono ia lalo ae o ke eke o paapaa a he mea pono paha e hookomo ia i mau pohaku liilii a apana pinla paha ilalo o ka ipuhao i loaa ke kaupa@@ ana mai ka hoopaapaa ia o ka ai. Ke @uoo@a @ hoomaalili ilina o ka papa ku'i ai no ka wa pokole. a oiai e pumehana ana no, e hoomake e ku'i; ke maalili loa, nui ka paakiki a nui pu nae ka hana. E ku'i a moku ka ai, a laila, ho@@ iloko o ka umeke, o ka loaa no ia o ka poi ono loa. Ina ua makemake ia e awaawa koke ka ai; e waiho ma kahi ma hana, no hookahi la: a ina e mau ka makemake e ai @au i ka ai awaawa e hoomo'a i olua ia mamua ae o ka pau ana o ka ai e ai ia ana.