Ka Nupepa Kuokoa, Volume XXV, Number 30, 24 July 1886 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA.

@

@

@

@

@

@

@

@

@

@

@

@

@

@

@

@

@

@

@

@

 

MA KE KAUOHA

 

OLELO HOOLAHA.

 

Banako Hoahu Dala o ka Hale Leka Hawaii.

@

@

@

@

@

@

@

@

@

@

@

@

@

@

@

@

@

@

@

@

@

@

 

@

@

@

 

 

Kela me Keia.

            Hana nao ole a’e mai nei ka hana keahi i honuaMadame Pele. wahi a n@ lono.

            Ma ka Poaha nei i ku mai ai ka mokuani Australia mai Kapalakiko mai nei na ohua kakaikahi

            O ka nui o na paona maha i hoohanaia ai ka uwiia i ka po Poakolu nei. he 70. Nui ka hana.

            Ke puka aku nei ma keia helu he hoolaha na S. H. Meekapu e pili ana no kana laau hoola Mai Lepera helu ekahi. E nana ae.

            Ua make o Bolster maloko o ka halewai ma ka ponei. Ua hopuia oia ma nehinei a hoopaia iloko o ka halewai: a i ka nana ia ana aku i keia kakahiaka, ua make. He @ ke kumu i make ai.

            Ina mai ka kakou mau olali moole lo ke oiii aku ia. Ke olelo nui mai nei, he nele wahi ulua loa no ka paha o Biunte ma e noke mai nei i ke aumeume ia Loinaala. Hilahilaole.

            E nana ae i ka hoolaha hou me ke ku ma ke poo e puka aku nei. He hoolaha e hooakaka ana i ka Laau Sasaparila hoomaemae koko a kauka J. C Aver.

            O kekahi nuhou ano nui o ka hikina i lohe ia mai, oia no ka hoomakaukau nui o Farani i kona mau pualikoa nui hewahewa a me na lakou kaua. O an kohokoho wale ia no, o Geremania no kona hoa paonioni e hoomahoa aku ai.

            Aole i holo aku ka mokuahi Hoku. Ao no an Paeaina o ka hema e like me ka hoolaha ia ana, oiai ua ike ia kekahi poino nui mamua o ka ihu o ka moku oia hoi ka popopo o an papa. Ana ia poino i hookaulua hou i kona holo, a ua manao ia i keia la @ e haalele iho ai ia Honolulu nei ke pau an poino i ka hana ia e an kamana.

            E halewai ana ka Ahahui o na A.O. I. K@ mokupuni o Maui, maka luakini e Kaluaha ma Molokai e hiki ke aku i ka Poalua mua o Augate, hora 10 kakahiaka, oia ka la @ o ia mahina.

Nolaila, ke paipai aku nei an Persidena a me an Elele o an A.O.I.K. e liuliu, e makaukau no ka hele ae no ko kakou ahahui. Mai kumu keakea pela no hoi ka poe i loaa ua haawina heluhelu, e hoomakaukau, mai hele ae me ka hana ole. J.K. H@O

_____

Ahaolelo o 1886.

(Keena e ka ia hana @)

            Alanui mamua ioa aku nei, e wehe ia ua alanui la, ua paa nae i ke pani e ke Pukiki, a ke ku nei he hale malaila. Aole au I ae aku I ke aupuni I ka wehe ia ana o ke alanui a’u e koi nei I ke poho. O ke kaawale mai ke alanui hou a ke alanui kahiko, aneane ekolu paha kaulahao. Mai ko’u wa kamalii mai ko’u ike ana he alanui malaila, a ua maa hoi i ka hele ia e ka lehulehu, aole paha i emi iho malalo o ko’u mau makahiki, ua elemakule au i keia wa. No kahi manawa i hala aku nei, ua ike no au i ka hele ia e kanaka ma kahi o ke alanui i keia wa. he l@ ka hele ana, no ka mea, he waiho hamama wale no ka aina, aole paa’i ka pa ia, nolila, aohe alanui maoli i hoomaopopo ia e like ine ke alanui a’u i olelo iho nei ma ka aoao hema o keia alanui.

A@ hoohiki ia.

            O Kalihi ko’u wahi noho, ua kamaaina au ia Kainapau. a ua ike no hoi au he aina no kona no @ oiai ua aina ia. A@ alanui kah@ malaila, aia ke alanui kahiko a keia wahi maanei mai o kahi a ke Puaiai e @ @a. A he alanui no hoi oia aku ma Ewa o ke alanui e @ nei i keia manawa, ua maa au i ka hele ma ia mau alanui, i na @ iuka, a i ka iho mai no a puka i ke alanui n@. O ke alanui Kamehameha aia mawaena o ke alanui kahiko loa a me ke alanui hou e olelo ‘a nei. Ua hana ia iho nei keia alanui maluna iho o kahi maawe hele ia e kanaka, aole pae ia he alanui kahiko. Ua lohe au ka Kanapau olelo ana ina e ho@ pololei ia keia alanui o Kamehameha a puka i ke alanui Moie, ae no oia aole hoi e koi poho i ke aupuni.

            Res. S. Paaluhi, hoohiki ia.

            Umikumamaoono makahiki ko’u noho ana ma Kalihi, owau no ke Kahunapule o @. He alanui no ma kela aina, aole n@ i hoomaopopo pono ia, aka, he ano laula ka hele ia ana, he alanui @ ma kahi o ke alanui i wehe ia iho nei, ua pani ia mai e ka pa hale pule o makou, a ua hoomoe ia ke alanui ma kahi o ka aina o Kainapau. Ma ko’u lohe i an kamaaina aole ia he alanui kahiko.

            A i mea e hiki pono ai i kou komite ke hoomaopopo i ke alanui e hoopaapaa ia nei, a ino ka waiho ana o ka aina kona loa a me kona laula, nolaila, ua maoli ke komite e nana kino, a ua loaa pu ia makou ka ulia laki i ka hele pu ana o kekahi mau hoa o kelia hale, oia an mea hanohano L. Aholo. J. Keau a me G. B. Palohau.

            Ua hele ia e makou ka loa a me ka laula o ke alanui e olelo ia nei, a penei kekahi mau hoomaopopo.

            Mai ke alanui Moi pii pololei iuka, a hiki i ka ua pohaku huli i ka akau, he mau anana pii kapakahi iuka a kokoke i ka pa hale pule, huli i ka akau a hui me ke alanui Kamehameha. Hiki aku la kou komite i ke kini e hui ai me ke alanui Kamemeha, olelo mai la o Kainapau. “eia ke alanui a’u i olelo ai e wehe maanei a hiki i ke alanui Moi, oiai he ano moe pololei keia, a ina e ae ia e hana pela, ina aole au i koi poho aku i ke aupuni, oiai, no’u no ka hapa nui o keia wahi.”

            Nolaila, ua noonoo kou komit, a ua hoomaopopo, ina no i ae ke Kuhina i ka Kainapau ina no aohe koi poho ana o keia manawa.

            A me ka ike no o ke Kuhina ua ulu mai he hoopaapaa mamua o ka weheia ana o ke alanui, wehe ia no nae. No laila i ka houluuiu ana o ke komite i na mea i loaa mailoko mai o ka olelo ike a na hoike, ua manao manao makou e hoike aku imua ou, he mea pono e loaa ia Kainapau kekahi pono no kona aina. Alaila, pehea la ka nui o ia poho?

            O ka palapala hoopii he $2,500, ina paha i hoopii maoli o Kainapau imua o na aha hookolokolo, e loaa ana paha keia huma. He mai lilo no honi kona no ia hoopii ana, aka hoi aia he alanui ua moe maluna o ka aina, e lilo ana kela aina i mea waiwai mahope aku. A ina hoi hoolohe ke Kuhina i ka Kainapau mea maikai, ina no ua loaa he alanui i oi aku ka maikai i ko ke alanui e oleolo ia nei, a aohe hoi hoopaapaa ana.

            Nolaila, na manao ke komite o ke poho kupono elima haneri dala. A ke koi aku nei ke komite i ka hanohano o ka hale e hooholo loa i na dala i olelo ia a e hookomo ia ma ka Bila Haawina ma ka inoa o Kainapau.

            Aole no e uku ia dala i olelo ia, aia a hana aku o Kainapau i kekahi palapala e haalele ana i kona kuleana a me kana inau koi ana a pau i ke aupuni no kela a’anui i olelo ia ma keia hoopii.

 

            O makou no kau mau kauwa hoolohe

            SAM'L PARKER

            JOHN. W. KALUA

            F. PAHIA

            D. H. NAHINU

            Waihoia ka hokie ma ka Papa.

           

_____

            Halawai hoa ka hale hora 1:45

            Na Kaunamamo i hoolaha mai e noho ana ke komite wae o na alanui e pili ana i ke no@a Kaulukoa ma ka hora @ o ka la apopo. E hoolako pu ia ke komite me na olelo hoohele e pili ana ia mea.

            Hoololi mai o Paehaole, e noho pu no na komite e ae na lakou e noonoo nei kekahi mau olelo hooholo: hoololi mai o Kalua e haawi aku i ka olelo hooholo a pau i kela komite wae na lakou e noonoo. Hooholoia.

           

            Hoolaha mai o Aholo he bila kanawai e hooponopono hou ana i ke kanawai e pili ana i na Luna Hooia. A he kanawai no hoi e haawi ana i uku hoomau no Daniela Napela.

            Heluhelu mai o Kaunamano i kana kanawai i hoolaha mua mai ai e pili ana i ka Papa Hoonaauao. Ma ke kapaeia ana o na rula ua heluhelu elua ia ka bila ma ke poo, a haawiia i ke komite pai no ke pai ana.

_____

            La Hana 60. Iulai 13.

            Halawai hou ka hale e like me ka mau.

            HOIKE A KE KOMITE MAU.

            Hoike mai o Palaunu ika hoike a ke komite hookolokolo e pili ana i ka heopii a Honukau e haawi aku ke aupuni i sila no kekahi aina aupuni ana i kuai ai, a ua hooko'o ke komite e haawi aku ke pupuni e like me ke noi a ma ke no ua anonoia ka hoike. Nana no i heluhelu mai i ka buke e pili ana i kekahi sila kanawai e hoomana ana i B@ kanu laau hoi, a ua holo ke komite e waiho ia keia @ ma ka papa, oiai, ua noonoo ke komite he nui na hoolilo dala no keia hana Aponoia ka hoike Nana no i hoike ma i ka hoopii mai Hana e paa ana i ka hoomana ana i elu apana hookolo kolo. hookahi ma Hana a ma Kipahulu. a ua hooholo lakou na ke Kuhina Kalaiaina no ia hana i hoomanaia ma ke kanawai a e waiho i ka lakou hoike ma ka papa. Aponoia ka hoike a ke komite

            HOIKE KOMITE WAE.

            Na ke Kuhina Kipikona i hoike mai i ka hana a kekahi komite i kohoia no ka haawi ana i na kokua no ka poe i hooneleiu e kela ahi nui iho nei o Honolulu. Ua hoomakaukania he hoike nui penei. O ka nui o ka poe i kokua he 1,948 o na hoolilo dala no ke kokua ana i keia poe ne $6,339.09: a ua manao ke komite e hookomo hou i haawina ma ka Bila Haawina no ka uku ana i kela mau haawina. Haawiia no ke pai ana.

            Na kaulukou i hoolaha mai he kanawai e hoomana ana i elima lunakawai o ka Aha Kiekie.

            Heluhelu mai a Kalua i kana bila kanawai i hoolaha mai ai e hoopau ana i ka pilikia o C. B. Wilson. Heluhelu alua ia ma ke poo. a haawiia i ke komite hookolokolo.

            Na Dole i hoolaha mai he kanawai e hoololi ai i ka pauku 4 mok. 40 o na kanawai o 1884 e pili ana i ka loaa ana o na aina i na kanaka &c. Heluhelu mai oia i ka hoololi ana i hoolaha mai ai e pili ana i ke kumukanawai &c.

            Na Kaunamano ha olelo hooholo, e haawi aku keia hale i na hoomaikai palena ole i ke lii Waila no kona haawi manawalea ana mai i ka mokuahi Likelike i ke komite e makaikai aku i ka panalaau o na lepera ma Kalawao. Ua hooholo loa ia.

            Noi mai o Palaunu i ke Kuhina o na aina e e pano mai i na ana i waiho aku ai. Hoike mai ke Kuhina, o na pake a pau e komo mai ana ma Honolulu nei, ua hoikeike ma i lakou i na palapala apono i loaa ole he kanalua no ka oiaio ole o ia mau hoike a ua kupono hoi e like me ka rula i hoopukaia ma ka la 1 o Sepatemaba 188@ e pili anp no keia. Waihoia ma ka papa.

            Hoolaha mai o Kaulukou he kanawai e hooponopono ana i na laikini e pili ana i na hana kalepa ma kauhale ma keia aupuni.

            Na Kakela he olelo hooholo e koho ia i komite na lakou e huli pono i na hoolilo o ka Papa Ola &c., a e hoike mai lakou ma ka palapala i e lua pule mai keia la. Aole i holopono keia olelo hooholo a hoomaha e ka hale.

            NA HANA O KA LA.

            Heluhelu elua ana i ke kanawai e hoololi ana i ka p. 1, mok. 4 kanawai o 1876 pili ana i ka ona.

            Hoike mai o Kakela, ua haawiia keia bila kanawai i kekahi komite wae.

            Heluhelu alua ana i ke kanawai e haawi ana i laikini maluna o na hale telalole. Ma ke noi ua waihoia ma ka papa.

            Heluhelu elua ana o ke kanawai e hooponopono ana i na laikini no ka poe e lawelawe ana i ka oihana lolo. Hooholoia ke kanawai a heluhelu ekolu ma ka Poaha Iulai 15.

            Heluhelu elua ana i ke kanawai e hoomana ai i kekahi mea kakau hoopokole no na aba hookolokolo o keia aupuni. Ma keia kanawai ua nui ka hoopaapaa o na hoa, a ma ka ninau ana. ua hoopanee loa ia kela kanawai.

            Heluhelu ekolu ana i ke kanawai e hoololi ana i ka p. 47 mok. 10 kanawai Kivila e pili ana i na Palapala Ae mare &c. Hooholo loa ia ka bila.

            Heluhelu elua ana i ke kanawai e hooponopono ai i ke kulana o na paahao, a haawiia i ke komite hookolokolo

            Hoopanee ka hale.

_____

            LA HANA 61 Iulai 14.

            Halawai ka hale e like me ha mau.

            HOIKE KOMITE WAE

            Na ke Kuhina Kipikona i hoike mai i ka pane o ka o ka olelo hooholo a Kakina e pili ana i na aina o Opea, Keleau ma Apuhi, a e hoike ana he mea pono no e lawe mai ke Kuhina Kalaiaina ma kona lima &c. A ma ke noi a Palaunu ua waihoia ka hoike ma ka papa.

NA OLELO HOOHOLO & NA BILA.

            Na Kakela he olelo hooholo e ninau ana i ke Kuhina o na aina e, e pane mai imua o keia hale ma ka Poaha la 15 penei: Ehia ka nui o na palapala ae i haawiia i na pake. Ehia pake @? haalele i keia aupuni mai Sept. 1 1885 a hiki i keia wa? Ehia ka nui o na pake komo mai iloko o Sept. 1 1885 a hiki i keia manawa? Heaha ka uku e auhau ia nei na pake? Ua hoihoi ia anei keia mau dala auhau iloko o ka Waihona?

            Na Kaulukou i heluhelu mai he kanawai e haawi ana i puu dala no ka papa kuauhau o na lii. Heluhelu elua ia ma kona poo

            Kamailio mai o Kakela no ke kupono ole o ka hooholo !uahulu ana i keia kanakwai, a ua noi mai oia he pono ka haawi ana i kekahi komite mau o ka hale.

            Kamailio pu mai o Dole malalo o ke kumuhana hookahi a wahie ana, he hana lalau wale no keai haawi ana i $10,000 no keia hana. Ua haawi mua ia he haawina o keia ano i ke kau ahaolelo i hala, a mamua aku paha, a ma ia wa mai a hiki i keia wa a’u e kamailio nei, aole he mau hoie o ia ano i waiho ia mai imua o keia hale. Auhea la ia mau dala? Mahea la kahi i hooliloia ai? Ke ake nui nei au e ike, pehea la ke ano o ka hoohana ia ana o ia mau dala?

            Pane pokole mai o Dickey, o keia $10,000 ua like ia me 10 halekula; nolaila ke kue loa nei au i keia haawina.

            Pane pokole mai ke Kuhina Kipikona ma ka aoao o ka bila kanawai, a ua kokua pu hoi i ke kali ana o na noonoo no keia mea.

            Pane pokole mai o Kaulukou ma ka hoomau ana mai kana noi, a wahi ana eia ke kahea mai nei ka leo o Kamehameha mai ka po mai, e noi i puu ai kona mau iwi. Aole e loaa na iwi alii ke loaa ole ke dala.

            Ma na hoakaka ana a Kaunamano, ua waiho mai ola i ka ninau ano a ua ae ia.

            Ninauia no ka haawi i ke komite a ho oleia. Ninauia no ke kakau poepoe i ka bila, ua ae ia.

            Ma ke noi ua hoomaha ka hale.

_____

            LA HANA 62 IULAI 15.

            Hora 10:30 akoakoa ka hale e like me ka mau.

            HOIKE KOMITE WAE.

            Hoike mai ke Komite Kakau Poepoe us pau i ka hanaia elua bila kanawa. Aponoia,

            NA OLELO HOOHOLO ME NA BILA.

            Hoolaha mai o Likikini e lawe mai ana oia he bila e hoololi ai i na pauku 214, 219, 219 a me 221 o ke Kanawai Kivila.

            Heluhelu mai ka Loio Kuhina no ka wa mua i ka bila e pili ana i ka hana ana i na hoailona pooleta ma ke ano apuka. Waihoia no ka heluhelu elua ana.

_____

Ulesia S. Kalani,

            KA UMIKUMAMALIMA O NA

Peresidena o Amerika,

            KA MEA KAPAIA

            Ka Alihikaua kaulana loa iloko o ke Kaua Huliamahi Kuloko o ka Akau me ka Hema

            KE KAUA HULIAMAHI.

_____

            O KE KI POKA mau ana aku ia Vikebaga i na wa a pau, oia ka ka mea e ike ia nei ua nahaha kona mau kauhale, a ua helelei na pukuniahi i kau ia iluna o na puu kaua. Ua kauoha ae o Kalani e kukulu hou i kekahi papu lepo mamua pono o ko Kenela Logana pauli, aka, no ka mau o ke ki pinepine ana mai o ka enemi i na koa e hana ana i keia mau wahi, aole i loaa ia lakou he wa kupono e hoomaka ai no ka hana, aka, ike mai la o Kalani i ko lakou pilikia iloko o kela wa, pii ae la oia ma kekahi wahi kiekie me ke laau ma kona lima, a haawi aku la i ke kauoha no ka holo aku e pee mahope o na kumulaau nui, i ka wa ana e ike ai i ke ki mai o ka enemi, oia kona wa e hookuu ai i ka laau ilalo.

            Iloko o keia mau pule loihi, aole i loaa iki ia Kalani he mau lono e pili ana ia

loko o ke kulanakauhale, pehea la ka nui o na poino o na kanaka. Ua maopopo mua no iaia iloko o keia mau la loihi, e pololi ana na kanaka i na lako ai a ahea la hiki mai ia manawa o ka haawi pio ana mai. Ua laweia aku na lono ia Kalani mai na koa kiai kuwaho mai, a penei ke ano a ka lakou mau kamailio ana:

            "Heaha ka oukou hana e noho nei mawaho o keia wahi?" wahi a ke koa kiai kipi i ninau aku ai ke koa kiai aupuni.

            "E kiai ana makou  ia oe a me kanakolu tausani o kou mau koa pio: a ia oukou no oukou e a-i ai ia oukou iho wahi a ke kiai aupuni.

            "Heaha ka hoi ko oukou  mea komo ole mai iloko o ke kulanakauhale nei a lawe pio ae ia Vikebaga holookoa me kona mau papu?"

            "Aole o makou i makemake e wikiwiki koke no ka hana ana pela, no ka mea, aole makou i makaukau no na halepaahao e hoopaa ai ia oukou a pauloa iloko olaila."

            "Nui loa na hae aupuni a oukou e waiho nei me makou ua lawe pio ia mai a ua weluwelu?"

            "O! He mau palule maikai loa kela no oukou e komo ai . ua ahona ia mamua o kena mau lole a oukou e komo mai nei!"

            Na keia mau kamailio ana a na koa kiai, na lakou i lawe mai ka lono o ka pilikia nui o ke kulanakauhale i na lako u a@, a ma ka la 27 o Mei paa pio ino la kekahi koa e lawe ana i kekahi leta na Kenela Pematona o loko o Vikebaga ia Johnston, a penei na olelo o loko o na palapala.

He iwakalua tausani ka nui o na kanaka iloko o Vikebaga i keia la, a ua like ia me na la he kanakolu a makou e ola ai, ma ka hookahi ai ana o ka la. E hele mai i o’u nei me ka awiawi nui me na koa he kanakolu tausani, a i hiki ole mai oe, alaila, aole e loaa ia’u ka ikaika e hoomau aku ai i ke kue ana i ka enemi me ke kino nawaliwali o na kanaka, a ua kokoke hoi e pau na lako kaua iloko o keia mau la pokole.

Ma ka la 19 o Iune, ua palapala hou aku, o Kenela Pematona ia Johnston, a e hai hou aku ana oia i ko lakou pilikia nui, a oia kana i palapala aku ai penei:

            "O ka piha ana keia o na la he kanakolu mahope mai o kela palapala mua ana aku a@u ia oe. Ua kokoke loa mai ka enemi mawaho o ke kulanakauhale a ua hiki ia lakou ke kamailio mai i ko makou mau koa kiai waho. Heaha ke kokua a u e hilinai aku ai ia oe no kou hiki mai?"

            O keia mau leta e loaa nei ia Kalani he mau kokua nui loa kela ma kona aoao, oiai, ua ike oia me ka malu i ke kulana pilikia o kona enemi a oiai oia e noho ana me ka makaala loa no ka hiki mai o Kenela Johnston e kokua ia Pematona, ua lohe ia mai la, ua hiki ae oia me na koa he kanakolu tausani ma kauhale Jackson, a no kona pii koke ole ana mai iloko o keia mau la pokole ma ka la 3 0 Iulai, ua ike ia aku la kekahi hae keokeo e kau ana maluna o ka papu kaua o na koa kiai waho o Vikebaga, a iloko a keia manawa i pau ai ke kipoka like ana o na aoao elua he mau hoailona, ua haawi pio mai na mana kaua o Vikebaga ia Kenela Kalani me kona mau koa aupuni mawaho o ke kulanakauhale.

            He manawa loihi keia o ka hoomaha ana o na aoao elua. a iloko o ia wa i puka mai ai o Kenela Bowen e lawe mai ana i kekahi leta mai a Kenela Pematona o Vikebaga ia Kenela Kalani. a i kona wa i hiki mai ai iloko o ka laina kaua o na koa aupuni, ua lawe pololei ia aku oia imua o Kalani. haawi aku la i ka leta, a penei na olelo o ua leta la i palapala ia aku ai ia Kalani:

            "Vikebaga, July 3, 1863.

"Ia Mekia Kenela Kalani:

            "Alakai o na koa aupuni imua o

                        "Vikebaga

            "E ke Kenela ----Ua loaa ia'u ka hanohano o ka hoike ana aku ia oe,-----no ka hooponopono ana iloko o kekahi mau hora pokole i na kumu e hoopau ia ai ke kahe ana o ke koko mawaena o na aoao elua. Ina oe e apono ana i keia, alaila e koho au i mau Komisina ekolu, a pela no hoi kou, a nau e hai mai ka manawa a me kahi e hui ai o keia mau Komisina e like me kau i manao ai he pono.

            "O keia leta , e haawi ia aku no ia oe mai ko'u Kenela i hilinai ia Mekia - Kenela J.S. Bowen, malalo o ka hoopake le ana a ka hae keokeo hoopanee kaua.

                                                J.C. Pematona."

                                                            (Aole i pau)

 

 

 

                                                NA HOOLAHA HOU,

 

Laau Mai Lepera Helu I

A

S. H. MEEKAPU.

_____

            E LOAA A E HOOUNA IA NO MA

kekauoha, ka laau Mai Lepera ma na wahi a pau ke loaa he mau hoike oiaio no ka mai Lepera. a ke hoouna mua mai i na lilo o ka laau. E loaa pu no hoi me na Ruia o ka inu ana.

 

Helu 1, Alanui Nuuanu - - - Hono;u;u.

                                   

                        2086 - 1yr

 

 

 

                                                OLELO HOOLAHA

 

                                                            --------

 

E IKE AUANEI NA KANAKA A PAU

 

            Ke papa aku nei au i ka poe Hale Kuai Pake, Pukiki, Haole, mai hoaie mai i kuu wahine mare ia PUULOA (w,) no ka mea ua haalele kumu ole mai ia i ko maua wahi moe ia'u. E hoolohe i keia i ka poe e hoale mai iaia aole loa au e hookaa i kona mau aie ke ole a'u e ae aku.

             Ke papa aku nei au i ka poe a pau i na wau e ike i ka poe nana e malama ana i kuu wahine e hoopii no ao ma ke kanawai no kuu pohe. O wau.

 

                                                MR. JOHN KAAUAMO

                        Honolulu, Oahu, Iulai 10, 1886.

                                                2085-3'

 

---------------------------------------------------------------------------------------------------------------------

 

CLARENCE WILDER WOLNEY VAILLANCOURT

            ASHFORD ASHFORD

 

ASHFORD & ASHFORD

 

(NA HOAHANAU AKIPOKA)

 

He mau Loio, Hoakuka, Palemake Konowai, Kakaolelo, Luna Hooponopono u mw ka hana ana in a Palapala Hoolilo

 

LAWELAWE ILOKO O NA AHA A PAU O KE AUPUNI

 

E HANAIA KO  NA PALAPALA PILI KANAWAI A PAU.

 

Keeoa Hana Helu 21, Alanui Kalepa , Honolulu Hale 2082-1 y

 

---------------------------------------------------------------------------------------------------------------------

 

S.B. DOLE.

 

            LOIO. LOIO. LOIO

 

                        He Luna Hooiaio Palapala

 

            KEENA HANA: HELU 1@ alanui Kaahumanu

 

                                    2079-1y

---------------------------------------------------------------------------------------------------------------------

 

 

                                    LEN SING

 

            Helu 135 Nuuanu Street

 

----MEA HUMUHUMU LOLE-----

 

He mea Hana, Hoomaemae a me hana hou

 

ana i na lole kahike 2085-3ms

 

 

_____

 

                                    NA HOOLAHA HOU

 

---------------------------------------------------------------------------------------------------------------------

 

                        HUA KIAWE KUAI

 

O KA POE MEA @ E MAKEMAKE Ana e h@ na @ Kuu

@

@

@

@

@

@

@

            O wau no

                        @EE @

@

@

 

                                    KE KAUKA IAPANA

                        Mr. M. Goto.

            He Kauka no ka mai lepera, na mai kaokao

 etc. etc. etc.

 

            KEENA HANA --Aia ma Ka@, mauka pono o kahi @ o ka Hae, J Keae

 

            NA HORA HANA, Hora i a ka 1 p.m.

                                     : Na la Sabati hora 5 a i @

@

---------------------------------------------------------------------------------------------------------------------

 

                                    OLELO HOOLAHA

 

            E IKE AUANEI NA KANANA A PAU

 

            Ma keia, ke hoihoi mai nei au a hoopaa i ka mana o ka Palapala Hookohu Hope i hanaia e a’u e hoomana ana ia @ D. IAEA i kakauia i ka la 13 o Novemaba, A.D. 1884, a kakau kopeia iloko o ke keena Kakau Kope ma Honolulu, maloko o ka @, ma na aoao 205 me 206; a ma keia ke hoolaha aku nei au aohe wahi kuleana i koe @ D. Iaea nei i oleloia iloko o ka’u mau hana, a aole no hoi ana wahi mana @ ma mua o ko’u waiwai.

                                                                                                KIKAHA

            Wailuku, Iuiu 4. 1886

 

---------------------------------------------------------------------------------------------------------------------

 

                                    WOLFE & CO.

                        Mea Kuai i na Ano a pau o na Mea

            AI, HUA AI, O NA ANO A PAU.

                        UA NEE AE MA

 

            Helu 66. Alanui Hotele, Halekuai mua o Lewis & Co.

 

 

            E loaa koke aku no na kauoha a pau loa @ ka @ a ma @ malu ia ana. E hooko ia na kauoha o ke kulanakauhale me ka hikiwawe @ ka uku ole. O na kauoha mai @ mokupuni 3 lawelawe @ keia. @

-----------------------------------------------------------------------------------------------------------------

 

                                    B. F. EHLERS & CO.,

                                                PAINAPA.

                                    Poe Kuai i na Ano Lole a Pau

                                    Helu 99 Alanui Papu, - Honolulu

            E loaa mau ana na lole hou o na ano a pau maluna o keia a me keia moku

@

----------------------------------------------------------------------------------------------------------------

 

                                    Kaulana o Kohala i ka Aina Haaheo

            E naue mai e kilohi i ua mae ole. Na Luhiehu a k @ @ Linohou ai oe. E awihi iho ai oe i ka hoa a na Pihipihi. A @ o ka Pa pale i ka pipi: i ka Ai kala.

 

                                                EIA LA! EIA LA! EIA LA!

 

                                                HALEKUAI LOLE NUI

MA

                                    KAIOPIHI @ & @ KAPAAU

 

            Malaila e loaa ai na anoi a ka makemake i na Kane. Wahine a me na

                                    Keiki E wiki Mai @hi

 

P. A. DIAS

---------------------------------------------------------------------------------------------------------------------

 

LADIES' BAZAAR

HELU @ ALANUI PAPU

HALEKUAI HOU HALEKUAI HOU.

Hele mai e ike i na panio ha nei waie on a Lahiehu Kino, o ke ane nuhou @oa o na paikini. A pela pu ao hoi

KA HUMUHUMU LOLE ANA

Makaukau ika wa pokole a me ka haahaa a ka uka.

Na Papale a me na Hulu. no ka hoomaemae a me ka hooluu.

 Na Pua me na hulu hoonani wale o kela ana keia ano.

 

E hana ia no hoi na Papale mai ka Pua-ko ma na ano a pau.

 

Na mea ano nui ma keia Hale na Papae o na Wahine Hooluuia. Hoomaemae hou ia. a me na Hulu Papale i hooluuia a like me ka ano hou.

 

                                    MRS. L LYONS. Ona Waiwai

 

2074-@

---------------------------------------------------------------------------------------------------------------------

 

Kalo Palaoa! Kalo Palaoa!

 

HE KALO PALAOA ANO HOU LAO.

UA MAEMAE A HIKI I KELA KE HANA I POI NONA IHO

POI ONO! POI ONO!

 

Aeae a pahee mauia ke moni aku. He @ ia mokaekae no hoi o ka poi amo@ ke a@ He 25 paona o ke eke hookahi, no ke kumukuai haahaa loa he 40 keneta. Nolaila, ualawa no ke kanaka hookahi @ ka puu i ka mahina holookoa ke @ oia i $@600 no na eke Kalo Palaoa eha @

            Ua hana hou ia a hoomaemae hou iho nei keia Hui i ka mikini no ka hana ana i ke KALO PALAOA, a ua hoolawa pu ia no hoi he dala no ka hoolako ana mai i na mea paa@ helu ekahi (1) no ka hoohana a hoomo’a ana i na Palaoa Palai, Palaoa Omi, na Meaono, a me na Pudina etc. etc., me ka maalahi a me ka maikai mai ka palaoa maoli mai

            He nui na hooiaio ana no ka maikai loa o keia POI mai kela a me keia hoao, a @ a, wahi a lakou, mai ka poi i hana lima ia.

            O ke KALO MUCH no ka paina Kakahiaka, he Ono a Mikololohua maoli no hoi.

            He mea hooia no hoi mai na Kauka mai no ke kupono loa o keia poi no na opu ano ikaika ole a nawaliwali.

NA KUHIKUHI NO KA HANA ANA

            O keia na kuhikuhi no ka hana ana i ka poi mai ka Palaoa Kalo mai. a o ke kumu no ko makou hoololi hoe ana i ka hana ana, na ike ia ka nui i ka hana ma ke ano mua, a o keia. he uuku ka hana: he hookahi no hana o keia, oia ka hanai ana i ke ahi.

            E lawe ma ka PALAOA KALO kupono au i manao ai a e hoowali wai huihui, e like @ me ka hoomakaukau ana o ka Palaoa palai, me ke akahele o ha@haku. No hookahi eke o 5 paona e hoowali me o kiaha wai huihui kiaha piula lula o hookahi paina. Hookomo iloko o kekahi eke lole kukaenalo maemae a hookamo iho iloko o ka ni ana mahu paha lua paila mau nae ka wai no 2 a 2 1/2 hora paha ka loihi e ho@ e like no me ka nui o ka PALAOA KALO i hoomakaukau ia a hookomo ia iho iloko o ke eke . E malama pono ia lalo ae o ke eke pauona,  a he mea pono paha, e hookomo ia i mau pohaku liilii. @ apana piula paha ilalo o ka ipuhao, i loaa ke kaupule oa maai ka hoopau@ ia o ka ai . Ke @oa , e hoomaalili ilana o ka papa ku'i ai no ka wa pokole, a oiai e pumehana ana no, e hoonaka e ku'i : ke maalili loa, nui ka paakiki a nui pu me ka hana. E ku'i a moku ka ai, alaila, ho o iloko o ka ameke, o ka loaa no ia o ka poi ono loa. Ina ua makemake ia e awaawa koke ka ai, e waiho ma kahi mahana, no hookahi la; a in a e mau ka makemake e ai mau i ka ai awaawa, a hoomo'a i elua la mamaua ae o ka pau ana o ka ai e ai ia ana. 2074-3@

 

-----

 

NA HOOLAHA HOU

---------------------------------------------------------------------------------------------------------------------

Ua Hookaawaleia Keia Kowa

----NO----

Mrs. Thomas Lack

MEA KUAI A LAWELAWE I

----NA----

Aahu Nani, na Mikini Humuhumu,

Me na Kui.

E NEE AE ANA OIA I KA

Helu 81., Alanui Papu

Honolulu.

I ka la 28 o Iune . '86

@