Ka Nupepa Kuokoa, Volume XXV, Number 26, 26 June 1886 — EIWA MAKAHIKI ME UMI MAHINA ILOKO O KA HALEPAAHAO. Ka Hoopai o ka mea Lawe i ka Waiwai Kipe. [ARTICLE]

EIWA MAKAHIKI ME UMI MAHINA ILOKO O KA HALEPAAHAO.

Ka Hoopai o ka mea Lawe i ka Waiwai Kipe.

Iloko o ka mahina i hala te nei ua hoopiiia kekahi luna aupuni o ke kulanakauhale o Nu loka no kona lawe ana ika waiwai kipe. Ua hanaia keia hihia imua o kekahi aha kiure, a ua hoahew«iia ua luna aupuni nei a hoopaiīa ma ka hoopaahao ana no eiwa rna* kahiki me umi mnhina. Ua hoao ka aoao i hoopiua e imi i pono iho maka lawe ana i kana hihia imua o kekahi aha e ae, ao!e nae i hiki, a aia oia i keia wa ke paa la iloko o ka halepaa hao. O ke kumu i ala mai ai keia hihia ano nui, a hoopaaia ai ua luna aupuni uei, oia no ke noi a kekahi poe hui hana alanui hao e haawi ia ia lakou ka mana e hoomoe i na ala hao a e hooholo i na kaa hali ohua ma ke alanui o Broadway. Oia kekahi o na ala loa a laula loa iloko o ua kulanakauhale eei oNu loka. He alanui keia i hoomoe oie ia nr ai mua mai me na ala hao. Ua manaoia, ina e loaa i ua hui nei ka mana na lakou wale no e hooholo i na kaa heo ma ia alanui, he waiwai nui ia no lakou. A ua hoaoia e kipe i na luna aupuni, ka poe ia lakou ka mana hooholo no ka hana ana i ke alanui. A o keia īho la ka hopena i hiki mai maluna o kekahi o lakou i lawe i ka uku kipe. He eiwa makahiki me n» mahina keu iloko o ks noho ana paahao, a iuakou i ike iho nei iloko o kekahi nupepa o Nu loka, e hoakaka ana eo na ano a pau o keia hihia.

I keia mau makahiki ua ulu nui ke kipe iwaena o kakou, a ua hanaia no hoi keia hewa iwaena o kekahi o ko kakou poe luna anpuni wahi a na lono i lohe nui ia. Ahe kanawai no hoi ko ka aina e waiho nei e papa ana i keia hewa, a e hoopai ana i ka poe kipe a me ka poe lawe ika uku kipe. Pono e hookoia ke kanawai me ka ewaewa ole. E hoopiiia ka poe kipe imua o na aha hookolokolo, a ina akaka ka hewa e hoopai aku; a pela no hoi me ka po« lawe i ka waiwai kipe. Ua hewa oo na aono a elua, a he mea pono ke hoopii pu ia ka haiwi i ka uku kipe a me ka poe lawe. He mau mahina i hala ae nei, ua hoopukaia ma keia pepa ka hana kolohe a kekahi makai ma kekahi o na apana kua o keia mokupuni neL Ua loaa i keia makai h« rae ka opi» uma; ua kipeia mai ka makai me ke dala, he kanaha dala ka uku kipe i laweia e ka makai mai ka lima mai o ka Pake, a hookuu aku la ua makai nei i ka lawehala. Na kekahi mea i ike raaka i keia hana i hoike maka mai ia makou. oka hana i kuj>ono i na luna aupuni o ua apana nei i oleloia; o ka hopu a hoopii la laua a elua, ka mea nana i haawi ka uku kipe, oia ka Pake, a me ka makai ka mea i lawe i ke dala kipe. Aole nae he mea i hanaia. oka hopena o ka ulu ana o keia ano hana, ke keakea ole ia e na lima lawelawe o ke kanawai, he mea e poino ai ka aina. E puka «uanei ka popo kuloko o ko kakou aupuni. £ like me ka mu ai laau e pao ana iloko o ke kumu laau nui a maikai, a hiki i kona wa e maloo ai a hiolo iho, pela no ke kipe. He mea ai malu keia i ke ola o fee aupuni.