Ka Nupepa Kuokoa, Volume XXV, Number 23, 5 June 1886 — Page 2
| This text was transcribed by: | Randson |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki, $2.00
No Eono Mahina 1.00.
KUIKE KA RULA.
Poaono Iune 5. 1886.
NA MEA ANO NUI O KEIA MAU LA
He mau la o ka ahaolelo i lilo i ka hoopaapaa no ka olelo hooholo e ahewa ana i ka luna o Molokai, ka Hon. L. A Kakina. no kana pakui i hoopuka ai no kekahi o na pauku o ka bila kuai waiona. He haiolelo loihi kai hoopukaia e Kakina i ka Poalua nei e pale ana nona iho mai na hoahewa ana a ia olelo hooholo, a me ka hoike pu aku i na huaolelo kala i kupono i kona noonoo, no na mea i kamailioia e ia e pili ana i ka aha kuhina a me ko ka Hale. No ka haiki a piha e o ko makou mau kolamu aohe e hiki ke hoopuka aku i keia pule. Iloko nae o ka pepa o keia pule ae e hoopuka aku ai makou ia haiolelo a pau.
Ua noho ka Aha Euanelio i ka Poalua nei a ua holo pono na hana a ka aha.
I ka Poakolu nei i hoike ai ke kula kaikamahine o Kawaiahao. Ua hele a piha ua iuakiui kahiko nei i ka poe makaikai i na hana o ke kula. Ua oleloia o ka oi keia o na hoike o ia kula. Ua pau aku nei ka hapa nui o na haumana i ka hoi no na home o lakou. He mea maikai ka loaa ana o ka wa hoomaha iwaenakonu o ka makahiki, he wa e ike ai na keiki i na makua a hookuu ka luhi o na la imi naauao. A pau na la hoomaha, hoi hou ae ua oi ae ka ikaika o na keiki a me ka maikai o ko lakou ola kino no hoi, a o kahi mea no ia e holopono ai ka imi ana i ka naauao.
Ma ka la i nehinei i hoike ai na kula Sabati ma Kaumakapili. Ua piha ka hale a ua maikai na hana. I keia la e hoike ai ke kula kahunapule, a ka Poakahi e hookuu ana paha ka aha Euanelio.
KE KULA HANAI KAIKAMAHINE O KAWAIAHAO.
Ma ka Poakolu nei i malamaia ai ka hoike makahiki o ke Kula Hanai Kaikamahine o Kawaiahao maloko o ka luakini o Kawaiahao. Malaila ae i akoakoa ai na makua mea keiki, ke kama aliiwahine Likelike, ka wohi Kaiulani, na 'lii a me na hoa o ka ahaolelo, a me na makaikai he nui i akoakoa ae. Ua hoomaka na hana ma ke mele ana mai o na haumana i ka himeni "The Lord is King; paipai nui ia keia himeni no ka nahenahe a anoano maikai o na leo; pau ia, ua pualu like mai lakou i kekahi mau pauku Baibala ma Halelu 139. Ua hai paanaau ia mai na pauku a pau ma ka olelo haole.
Ku mai kekahi papa a hoike ma na ninau palapala aina e pili ana i na paemoku o kakou, a e kuhikuhi pu ana i na aina ma kekahi palapala aina imua o lakou. Hoike mai kekahi papa ma na ike huamele me na manamana lima, a he mea nuhou loa keia, aia no ka he mau huamele ma na manamana. Paipai nui ia lakou e na makaikai.
Ua hoikeia na papa kula a pau ma na buke o na ike hohonu, a aole he mau haawina o kela me keia papa kula i panai ole ia aku me na mahalo kiekie mai ke anaina nui e makaikai aku ana. Mahope o ka pau ana o kela a me keia haawina i ka hoike, ua panai pu ia mai na himeni me ka leo o ka ogana. Na kekahi haumana o ke kula e hookani, he wahi kaikamahine pake ia. Kekahi mea hou loa keia i ikeia ma keia kula. He mau hoike maopopo ana hoi ia i ka ikaika o ke ao ana a na kumu a me ka aapo pu o na haumana.
He papa kaikamahine liilii ka panina na hope o na hana maloko o ka luakini. Pualu mai lakou i kekahi haawina paanaau, a mahope o ia he mau mele me ka hele poai puni ana maluna o ka awai. Ua hanaia na mea a pau mai ka hoomaka ana a hiki i ka pau ana me ka eleu loa, a ua nui ka paipai me ka hehihehi o ke anaina.
He manao paipai pokole ko ka Rev. C. M. Hai e pili ana no na hana, a ua hoike pu mai e hoopau loa ana na mea i aoia i na haumana ma na hana hooikaika kino a me ka paikau mawaho o ka luakini. I ka hookuuia ana o ke anaina, ua akoakoa pau ae la mawaho, a malaila na haumana kahi i ku laina ai me he mau koa la me na lole like a pau. Ma ka leo o ka pahu ko lakou oni like ana, kunou ana, hele ana, me ka hewa ole o kekahi wawae a pela 'ku.
Ua maheleia na papa kula a kapaia, A.B. C. D. He kanaiwa a oi ka nui o na haumana, a i noho kumu ia e na Misses Alexander, Malone, me Brewer. Mahalo nui ia ka lakou mau alakai a ao ana i na keiki ma na hana pono a pomaikai e ulu ae ai lakou a lilo i mau makuahine no ka lahui. Na lakou auanei e alakai ia Hawaii imua ma na hana mikiala a maemae o na home.
Hookahi a makou leo i ka lahui, eia ka wa no na opio, e hookomo ma na kula e hoonaauao ia.
PALAPALA HOOPII A KAHUI WAHINE MISIONARI
I ka Hale 1 Mahaloia ka Hale Ahaolelo o na Alii a me na Lunamakaainana no ko Hawaii Pae Aina:
O ka poe nona na inoa malalo oia hoi ke komite i hookohuia e ka Hui Wahine Misionari no na mokupuni Pacifica, a me ko lakou mau hoahana, ke hoopii aku nei makou me ka manao hoolohe i ko oukou Hale Hanohano: E kapae loa i ke kanawai nona ka inoa "E hoemi ana i na ino a me na mai i laha mamuli o ka hookamakama" i aponoia Aug. 24 1860, koe nae ka pauku 7, oia no ke kanawai maikai kahiko e pili ana i ka hookamakama.
Eia na kumu a makou e waiho aku nei na oukou e noonoo pono mai:
1 Mamuli o ka inoa hoopaewa o keia kanawai a me na hana ana i kukulu ai, ua manao lapuwale na wahine malihini a me na wahine kupa hoi, ua aponoia keia hana e ke aupuni. Ua kapaia na wahine a na kauka i halalo ai, na "wahine lakini," me he mea la ua loaa ia lakou ka palapala hoomana e lawe lawe i kekahi hana haumia, oiai e hoopaiia lakou in a paha e ikeia ko lakou hana ana i keia hewa ino.
2 Ke alakai huhewa nei keia kanawai i na manao o kekahi poe, me he mea la, ua kukuluia e ke aupuni no ko lakou pono i mau mea pale no kekahi mau poino e pili paa ai i keia hewa nui a nolaila ua hoemiia kekahi hapa o ka makau kupono ma ko ke aupuni hoakea ana i ka puka komo no keia mau hana lealea ino loa.
3 Ua nui na hua ino i mahuahua mai keia kanawai mai, e hooikaika ana i na manao maikai o ka poe imi pono a noonoo pono, ma ko lakou iini nui e kapae loa ia keia kanawai no kona @n ino loa. He kanawai keia e hooemi mea kokua oia i ka hewa a me ka pono. He kahua hoi no ka hoolaha ana i (na mea ino). Aole loa ia he mea e hoemi, uumi, a hoopau ai i na kuko ino a me na hua ino o na hana lealea kue i ka pono.
4 Ua hooikaika ia keia palapala hoo pii ma ka nana pono ana i na hua ino o kekahi kanawai ano like i hanaia e ke aupuni Beritania. Ma ua aina la, he nui ka poe inu pono a noonoo pon@ no lakou hoi na manao ano like me ko makou manao paa e hoopii mau ai i ke kapae loa i keia kanawai hoohilahila a me ka hoopoino.
Na Helehelena o ka Hale Ahaolelo.
O kekahi o na ouli ano maikai ole o keia Hale a makou e hoomaopopo nei, oia no ka hakalia o ke komo ana aku o keia hale i na hana ano koikoi o keia kau. Me he mea la, ke nana 'ku, he wahi ano hopohopo iki ke waiho nei iloko o ka noonoo o na lala o ka hale no na hopena o na mea e hana ia ana ma keia mua iho. O@a paha ke kumu o ka hoolilo nui ana i ka manawa ma na mea aole he ano nui. Aka, in a o keia kanalua i ka hopu koke a lawelawe kanaka makua i na kumuhana e waiho nei, a e waiho ia mai ana paha ma keia mua, -ina o ka hakalia no ka ike o ka hale he mea eehia ka he ouli pono ia. He oiaio, he mea pono ole ka hooholo pupuahulu ana i keia mau kumuhana ano nui. O kahi a na enemi ou e Hawaii, e hoohalua nei no kou ola, aia no ia maluna o ka puu o ka aie nui. Ina e paa ko kakou aina iloko o na upiki o ka a@e nui hiki ole ke hookaa ia, malaila e pilikia ai ke ea o ka aina.
Ua ulu ae na manao pihoihoi i waena o kekahi hapa o na hoa lunamakaainana iloko o kekahi la o keia pule, mamuli o ka hoike o ka Lunakanawai Preston o ka Aha Kiekie i waihoia aku e ua Lunakanawai nei imua o ka Hale. e pili ana no ka hookolokolo ia ana o E. Kekoa no kekahi hana paewaewa e pili ana i ke koho balota ma ka apana o Puna i Hawaii. Ua waiho ae ka Lunakanawai i kana hoike a me na olelo a na hoike imua o kona aha, a me ka olelo hooholo a ka poe kiure e hoahewa ana, me ka hoopai no hoi a ka aha i hookau aku ai maluna o Kekoa, He nui na olelo hoohalahala a kekahi hapa o ka Hale no keia hana a ka Lunakanawai. Ua hahai nae oia i na rula i ikeia iloko o kona aupuni. Malia paha ua manao oia, oiai o na hookumu ana o ke kanawai o Hawaii aia no maluna o ke kahua hookahi me ko Enelani me ko America, nolaila aia no ma ia mau meheu na alakai ana a ko Hawaii Hale Ahaolelo. Ua hemahema ko Puna poe i ko lakou makaala ole mai me na palapala hoopii no Kekoa iloko o na la mua o ke kau. Ua palaka paha lakou ma keia mea no ka manao ua kaa ka hana a pau iloko o ka aha hookolokolo. E pono e makaala na makaainana i ko lakou mau kuleana iloko o ka ahaolelo.
Ma ka nana maka ana a me ka hoolohe aku i na nune iwaena o ka poe makaikai o ka Hale o keia kau, aia ka manao o ka hapa nui o ka poe makaikai e kokua ana i ka hapa uuku o na hoa o ka hale. Ua lohe nuiia mawaho na leo mahalo no na haiolelo ana a me na hana a ka hapa uuku e ku nei mamuli o ka pono o na makaainana o ka aina, a me ka pono kaulike mawaena o na ano kanaka a pau o ke aupuni. Ua lohe pinepineia na olelo kokua o keia ano mai na waha mai o ka poe mawaho o ka Hale. He ouli maikai i ae lea ia mawaena o na lahui naauao a pau loa, ka lawelawe maoli ana o ka noonoo o ka lehulehu ma ko lakou mau aha kau kanawai. He poe kuleana maopopo na makaainana iloko o ka Hale Ahaolelo. He mea pono ke hakilo mau lakou i na hana a ko lakou mau wahaolelo, me ka hoopoina ole no na kau e hiki mai ana. O ka makaainana ka iwi kuamoo o ka aina. Ke ole ka makaainana aohe ahaolelo, a aohe no he aupuni. He mahalo ko keia pepa ke ala like mai ka noonoo malamalama o ka lehulehu, a hoopuka manao lakou no na kumuhana a pau e hanaia nei e ko kakou aupuni. Aia iloko o nei lehulehu e noho mai nei kahi mau manao malamalama e pono ai.
MOOLELO
O KA
Ahaolelo o 1886.
LA HANA 20, Mei 22, 1886.-Hoomaka na hana e like me ka mau, a me ke kahea ana i na hoa.
AN PALAPALA HOOPII.
Na Kakina mai Kaanapali mai, e hoonoa i ke koho ia ana o J.A. Kaukau. Waihoia i ke komite hookolokolo.
Na Kaulia mai Koolaupoko mai, i $75,000 no ke alanui pali o Nuuanu. Waihoia ma ka papa a lawe ia mai i bila kanawai.
Na Dickey mai Makawao mai, i $300 no ka hoakea ana i ka hale hoopaa o Paia. Waihoia i ke komite o na hana hou.
Na Kauai mai Waimea mai, i $2,000 no ka palekai o ka uapo o Waimea. Waihoia a noonoo pu me ka bila haawina.
HOIKE A NA KOMITE MAU.
Hoike mai ke komite Pai, ua pau i ke pai ia kekahi mau bila kanawai. Aponoia.
HOIKE A NA KOMITE WAE.
Hoike mai ke komite wae no ke kaukau poepoe ana i kekahi mau bila, ua paa i ke kakau poepoe ia ka bila e pili ana i ka hoohalahala ana i na poe i kohoia i kiure. Apopoia.
NA OLELO HOOHOLO ME NA BILA.
Na Kipikona, he olelo hooholo, e noho ka hale ma ka Poalua, Mei 25, no ka hoomanao ana i ka la hanau o ka Moiwahine Victoria a Emepera Wahine o Inia. Hooholoia.
Noi mai ke 'lii Kapena Loke, e hookuu loa aku ka hale iaia no ke koena o ke kau, no ka hooluolu a hoomaha ana i kona ola kino. Aeia.
Hoike mai ke Kuhina Kalaiaina i na inoa a me na huina dala i hooholoia no ka poe o Makiki, no lakou na aina i lawe ia e ke aupuni no ka pono o ka Oihana Wai o Honolulu, e like me ka olelo hooholo a Kakina o ka la hana 19, a oia keia:
John Schnack $900; Rev. H.H. Paleka, $500; Moiwahine Emma, $2190; Opu, $12,500; Pauahi bihopa, $650; Maui, $455; Kainoa, $350; Makaliilii, me Alapai, $1,225; Puu, $650; Nunui (w), $950; Herring, $3,300; Huina $24,670.
A ma ke kauoha a ka Aha, ua hookomo hou ia he $245 no Maui, a he $2,700 no Herring, nolaila, ua hiki aku ka huina dala a pau i ka $27,615. Waihoia ka hoike ma ka papa.
Hoolaha mai o Keau, e lawe mai ana oia he bila e dute ia na mea hoomomona lepo e lawe ia mai nei.
Hoolaha mai ka Loio Kuhina, e lawe mai ana oia he mau bila kanawai.
Nana no i heluhelu mai ma ke poo i ka bila e hooponopono ai a me kukulu ana i na hale o Honolulu, a n@i mai e haawi i ke komite. Aponoia.
Na Keau i heluhelu mua mai i ka bila kanawai e pili ana i ka uku hoomau no W.C. Parke no ka $2,000 i ka makah'ki. Waihoia no ka heluhelu elua.
Nana no keia mau olelo hooholo. 1 E uku aku i ke koena o ko W.H. Tell uku, he $480. Haawiia i ke komite 13. 2, e kauoha ana i ke Kuhina Kalaiaina e hana koke ia ka welau kikina o ke alanui Moiwahine. Waihoia a noonoo pu me ka bila haawina.
Ma ke kapaeia ana o na rula, ua heluhelu mai o Kakela he ekolu mau hoop@i mai Wailuku mai. 1 E hookaaweleia i haawina, no ka hoomoe ana i mau ohe wai mai Wailuku a Kahului. Waihoia i ke komite o na hana hou. 2 Aole e ae i ka aie $10,000,000. Waihoia i ke komite waiwai. 3 Aole e ae i ka Banako Lahui a me ka laikini ana i ka opiuma. Waihoia i ke komite hookolokolo,
Na ke alii Ake, he olelo hooholo, e koho i komite 5 lala, no ka nana ana i na hehu mea kanu a me na Paka ekolu, me ka hoolako pu ia aku i mau kaa no lakou. Hooholoia me kekahi pakui.
Koho ka noho ia Kikila Palaunu, Kikaha, Kaunamano, Kalua a me ke Ku@ina Kalaiaina.
Na Kaunamano i heluhelu mua mai i ka bila e pili ana i ka hoopau ana i na Luna Alanui Nui. Waihoia no ka heluhelu elua.
Na Lilikalani he olelo hooholo, e uku ia na nupepa Pae Aina, Kuokoa, Gasette, Daily Press, P.C.A. Daily, a me ka Pae Aina Puka La, i 10 keneta no kela a me keia kope. Waihoia i ke komite o na buke helu. Hoolaha mai o Kauai, e lawe mai ana oia he bila e pili ana i ke dute ana i na wai ikaika.
NA HANA O KA LA.
Heluhelu akolu ana i ka bila kanawai e pili ana i ka hoohalahala ana i na kiure. Hooholo loa ia ka bila.
Heluhelu alua ana i ka bila kanawai e pili ana i ka ho-a ana i na ahi ma ke kulanakauhale o Honolulu. Haawiia i ke komite o ia hana.
Heluhelu alua ana i ka bila e hooponopono ai i ke kuai ana i na waiona. Waihoia ka bila no ka noonoo ana imua o ka hale ma ka Poalua Mei 25.
Ma ke kapaeia ana o na rula, ua hoike mai ke komite o na buke helu e uku ia na pepa puka la a pau, ma ka 5 keneta o ke kope, a o na nupepa puka pule a pau ma ka 10 keneta pakahi. Hooholoia.
Heluhelu alua ana i ka bila e pili ana i ka ohi ana i na uku hoolimalima. Haawiia i ke komite.
Ma ke noi a Kakela, ua heluheluia ka bila e pili ana i ke alai ana i na alanui o Honolulu,Hilo a me Kahului ma ke poo. Waihoia i ke komite pale ahi.
Hoopanee ka hale a noho hou i ka Poalua, Mei 25, hora 10 kakahiaka.
LA HANA 21, Mei 25, 1886.-Hoomaka na hana e like me ka mau.
NA PALAPALA HOOPII.
Na Keau mai Pauoa mai, i $2,500 no ke alanui o ia wahi. Waihoia a noonoo pu me ka bila haawina.
Na Pahia mai Hilo mai keia mau hoopii. 1 I $30,000 no na alanui o ia wahi. Waihoia a noonoo pu me ka bila ha@wina. 2 I $15,000 i uwapo no Hilo. Waihoia i ke komite o na hana hou. 3 E hoonoa ia na kai lawaia o Hilo. Waiho a i ke komite hookolokolo. 4 I $3,000 no ka makeke o Hilo. Waihoia a noonoo pu me ka bila haawina. 5 I $10,000 no na ohe wai o ke kulanakauhale o Hilo. Waihoia i ke komite o na hana hou.
Na Kaulukou mai Hilo mai, e kukuluia i kula haole ma Puuohua, oia kahi mawaena o Hakalau a me Laupahoehoe, oiai 20 aenei makahiki, aole hookahi kula i kukuluia. Waihoia i ke komite hoonaauao.
Na Keau mai Honolulu mai, e hoololiia ka pauku 198 o ke Kivila. Waihoia ma ka papa a lawe ia mai ka bila.
Na Paehaole, mai Molokai mai, e kukulu ia i kula haole ma Kaunakakai. Waihoia i ke komite hoonaauao.
Na Kauai mai Waimea mai, e malamaia na lepera ma ko lakou mau wahi iho, aole e lawe ia i Kakaako a me Kalawao. Waihoia i ke komite Malama Ola.
Na Likikini mai Wailuku mai, e kukulu ia i kula haole ma Keawakapu. Waihoia i ke komite hoonaauao. Nana no, aole e auhau ia ka poe i oo a palupalu. Waihoia i ke komite hookolokolo.
Na Kaunamano mai Kohala Hema mai, e hookomo ia ma ka Bila Haawina i $1,000 no ka Hale Hookolokolo o Waimea, a i 4,000 no na alanui a me na alahaka o ia wahi. 2 I apana koho okoa o Kohala Hema. 3 E hoopau i ke kanawai e hoonoho ana i mau luna alanui nui. 4 E mahele ia ka apana o Hamakua i elua apana hookolokolo. 5 Ehoopau i ka uku $5.00 maluna o na makua mea keiki e hele ana i na kula haole. Waihoia i na komite kupono.
Na Kekoa mai Puna mai keia mau hoopii lehulehu. 1 E hoopau i ka luna alanui nui o Hawaii. 2 E ae ia i laikini kuai liilii i ka awa no ka $25 o ka makahiki. 3 E hookuu ia ka auhau o na makua mea keiki e hele ana i na kula haole. 4 I $10,000 no ke Kula Hanai o Hilo. 5 E mahele ia o Hilo i elua apana auhau okoa. 6 E uku ia aku ia Haau i $10 no kona noho kakauolelo ana no ka Papa Nana Koho Balota o Puna mai ka 1884 a me 1886.
Na Nahale mai Kona Akau mai, i lunakanawai hoomalu no ia apana. Waihoia ma ka papa a laweia mai ka bila kanawai.
HOIKE A NA KOMITE KUMAU
Na Kaulukou i hoike waha mai, o na hoopii lehulehu i waiho ia aku ia lakou, ua manao lakou e waiho ia a pau ma ka paap. Aponoia ka hoike.
Na ke Komite Malama Ola i hoike mai, o ka hoopii a ko Wailuku e papa ana i ka hana kanawai ana no ka opiuma, ua manao ke komite e waiho ma ka papa. Aponoia.
Na ia komite no, o ka hoopii a Koolauloa i kauka no ia apana a me ke kuai akea ana i ka awa, ua manao ke kemite e hoonoho koke ia i kauka no ia apana e like me ke noi mua, la o ke noi ho@pe, ua manao ke komite e waiho aku i ke komite hookolokolo. Aponoia.
Hoike mai ke Komite Waiwai, ua apono akou i ka hoihoi aku ia Kama no kona auhau palua ia ana, a o ka hoopii mai Koolauloa mai, o hoole ana i ka aie 10,000,000, ua waihoia ma ka papa a lawe ia mai ka bila e pili ana ia mea, a no ka hoihoi ana kau hoi ia Puniia (w) i na dala 3 me 75 keneta no ka auhau palua ia ana ua ike ke komite aole oia i auhau palua ia, e like me ka hoike a kekahi olelo hooholo e pili ana i keia. Aponoia ka hoike.
NA OLELO HOOHOLO ME NA BILA.
Heluhelu mai o Kipikona he olelo hooholo hoalohaloha na ka hale i ke 'lii Kapena Loke no kana huakai imi ola kino, na ka Mea Mana Loa e kiai a e haawi iaia i ka ikaika a me ka oluolu a hiki i kona hoi ana mai.
Noi o Kaulukou e hoouna ia aku ke kope o ka olelo hooholo i ke alii Kapena Loke. Pakui mai o Likikini, mahope iho o ke kakau poepoe ia ana. hooholoia.
Hoolaha mai o Keau, e lawe mai ana oia he ekolu mau bila kanawai. 1 E hoololi ai i na pauku 265, 266 me 267 o ke Kivila. 2 E hoololi ai ka pauku 198 o ke Kivila. 3 I haawina uk@ hoomau no Mrs. P. Kanoa.
Na Nahale i heluhelu mai ma ke poo i ka bila e uku hoomau ana ia Poomaikelani.
Hoomaha ka hale a noho hou i ka hora 1:30 auina la.
Hora 1:45 auina la noho hou@ka hale.
Heluhelu mu@i o Dickey i ka bila e hoololi ai i ka pauku 83 o ke Kivila. Waihoia no ka heluhelu elua.
Heluhelu mua mai o Keoni Beka i ka bila e pili ana i ka haawi i uku hoomau no Abr. Fornander. Waihoia no ka heluhelu elua.
Na Kaulia i heluhelu mua mai i ka bila e hoololi ai i ka pauku 2 o ka mokuna 60 o ke Karaima. Waihoia no ka heluhelu elua.
Na Kakela he olelo hooholo, e hoopanee ia ka noonoo ana i na bila kanawai a pau e pili ana i ka waiona, a pau loa mai na bila o ia ano no ka heluhelu elua, a hookahi wa e noonoo ia ai imua o ka Hale. Hoopanee loa ia.
Na Kauai i heluhelu mai i ka bila e pili ana no ka mea e on a ai. Waihoia no ka heluhelu elua.
Hoolaha mai o Dole, e lawe mai ana oia he bila e pili ana no ke komo ana mai o na pake.
Hoolaha mai o Lilikalani, he bila e pili ana i ka laikini ana i ka opiuma i na lahui a pau.
Ma ke kapaeia ana o na rul@, ua waiho mai ke Komite Pai i na bila i pau i ke pai ia a me na hoike a ka Luna Hooia ma na olelo elua. Aponoia.
Na Kipikona i waiho mai kekahi hapa o ka hoike a ka Papa Ola.
NA HANA O KA LA.
Komite ka hale, ke 'lii Dominis ka lunahoomalu.
Heluhelu ekolu ana i ka bila e hoololi ai i na pauku 16, 16A, 18 a me 23 o ka mokuna 44 o na kanawai o 1882, a i hoololi ia e ka mokuna 36 o 1884, e pili ana i ke kuai ana i na waiona.
Noonoo pakahi ia na pauku a hooholo okoa ia ka bila me na hooponopono.
Hoopau ia ke komite me ka hoike mai i ka hale i na mea i hana ia. Apono ia ka hoike
Haawiia ka bila e kakau poepoe a e heluhelu ekolu ia i ka Poaha.
Hapaiia ka noonoo ana o ka bila no ka hoi hou ana o na aina i ke aupuni. Oiai e kamailio ia ana ka hila na noiia maila e hoopanee ka hale a noho hou i ka hora 10 A.M. apopo.
Hoopanee ka Hale.
LA HANA 22, Mei 26-Ha@awai ka hale e like me ka hoopanee ana, heluheluia ka la hana i hala a apon@ia.
NA PALAPALA HOOPII.
Na Keau he hoopii na Haalou (lawe leta o Oahu) e noi mai ana e @ku ia aku oia i $160, kona koena dala uku lawe leta o na makahiki eiua i hala.
Na Kekoa mai Puna mai, e hoolakoia i kauka aupuni no ia wahi. Waihoia i ke Komite Malama Ola
Nana no he hoopii e hoololi ia ke kanawai auhau e pili ana i ka uku ana i na auhau ma ke gula. Haawiia i ke komite hookolokolo.
HOIKE A NA KOMITE MAU.
Hoike mai ke komite pai, ua makaukau na bila kanawai i ke paiia.
HOIKE A KE KOMITE WAE.
Noi hou mai ke komite 13 lala na lakou e hooponopono na makai a pau o ke aupuni e haawi aku i manawa hou no lakou. Aeia.
NA OLELO HOOHOLO & NA BILA.
Hoolaha mai o Palaunu e lawe mai ana he bila kanawai e hooponopono ai i na ipuhao mahu o na moku me na hale hana.
Hoolaha mai o Kalua e lawe mai ana oia he kanawai hooponopono ohi auhau alanui.
Heluhelu mai o Nahinu i kana bila kanawai i hoolaha mua mai ai e pili ana i ka laikini ia o na hale tela humuhumu lole. Waihoia no ka heluhelu elua.
Noi mai ke Kuhina Ka@aaina e haawi ia ka bila kanawai e hooponopono ana i kekahi aha niele pauahi i ke komite no na hana pauahi. Hooholoia.
Hoolaha mai o Keau he bila kanawai e hooponopono ana i ka oihana loio.
Hoolaha mai o Nahale he bila kanawai e ae ana i lunakanawai hoomalu no Kona Akau.
Nana no he olelo hooholo i $1,000 no ka hoomaemae ana i na alanui o Kona Akau mai Honalo a Kailua. Waihoia ma ka papa a aoonoo pu me ka bila haawina.
Ma ke noi ua hapaiia
NA HANA O KA LA.
Noho ke komite e noonoo i ka bila haawina no ka Oihana Papa Ola. Ma ke noi, ua hoopaneeia ka noonoo ana a makaukau ka hoike a na komite.
Ma ke noi ua hapaiia ka noonoo ana no ka
OIHANA PAPA OLA.
Uku kakauolelo Papa Ola..$6,000 Hooholoia
Ma ke noi a ke alii Bihopa ua hoopanee hou ia ka noonoo ana i na haawina malalo o ka Oihana Papa Ola a pau pono mai ka hoike a ke komite.
Hoopauia ka hoike a noiia e hapai ka hale i ka noonoo ana no
NA HANA PAU OLE.
Noonoo hou ana i ka bila kanawai e hooponopono hou ai i ka hoi hou ana o na aina i ke aupuni. Ua hooholoia ka bila no ke kakau poepoe a heluhelu akolu ma ka Poaono (Mei 29.)
Heluhelu alua ia ka bila kanawai hoailona pai ma kona poo, a waihoia ma ka papa no ka noonoo pu ana me ka bila kanawai a ka Loio Kuhina
Heluhelu alua ia ka bila kanawai e hooponopono ana i ka la Sabati. mahope o na noonoo ana, ua hooholoia e haawi ma ka lima o ke komite hoonaauao.
Ma ke kapaeia ana o na rula, ua noi mai ke alii Wilimana e hookuu ia oia no ke koena o keia kau ahaolelo, e hele aku no ka hooluolu ana i kona nawaliwali. Aponoia.
Hoomaha ka hale a hui hou i ka hora 2 P.M
Halawai hou ka hale ma ka auina la hapai hou ia na hana o ka la.
Heluhelu alua ana o ka bila e hoololi ana i ka pauku 191 o ke kanawai kivila e pili ana i na auhau wai. Haawiia i ke komite pauahi.
Heluhelu alua ana i ka bila e hoololi ai i ka pauku 387 me 388 kanawai kivila e pili ana i na kai lawaia. Ma ke noi ua heluheluia ka bila a Amara e pili ana ia mea hookahi a haawiia i ke komite hookolokolo.
Heluhelu alua ia ka bila e hooponopono ana i ka moni a haawiia i ke komite wae Bihopa, Dole, Kakela, Aholo, me ka Loio Kuhina
Noonoo hou ia ka bila kanawai i ka mok@ 39 kanawai karaima no ka piliwaiwai a ua haawiia ia S.B. Dole no ka hooponopono ana.
Hapaiia ka noonoo ana no ka bila kanawai ho-a bipi a Keau. Noi o Palaunu e hoopanee loa, noi o Kaunamano e haawi i k@ komite hookolokolo a hooholoia.
Heluhelu alua ia ma ke poo ke kanawai e pili ana i ka auhau a haawiia i ke komite hoonaauao.
Ma ke kapaeia ana o na rula, ua hoolaha mai ka Loio Kuhina he bila kanawai e hoomana ana i ke Kuhina Kalaina e hoawaawa i ka bia ma keia kuanakauhale.
Ma ke noi ua hoopanee ka hale.
SH. MEEKAPU.
Tela humuhumu lole.
HALE HANA: HELU 11 a@anui Nuuanu.
AHA HOOKOLOKOLO KIEKIE O Ko Hawaii Pae Aina, Ma ka hoooponopono Waiwai. Ma ka hana o ka waiwai o William Harbottle of Honoluu i make kauoha ole. ma ke Keena imua o ka Lunakanawai Preston.
Ma ka heluhelu a me ka waiho ia ana mai o ka Palapala Noi a me ka Pap Hoike a H. Riemenschneider, Lunahooponopono o ka waiwai o William Harbottle no Honolulu, Oahu, i make, e noi ana e apono ia no hoolilo he $539.44, a e hoike ana o na mea i loaa mai iaia he $2347.97, a e noi ana e nana a e apono ia kela mau mea, a e kauoha ia e mahele ia na waiwai e waiho ana ma kona lima i na mea i kuleana malaila. a e hookuu ia oia a me kona mau hope mai ko lakou noho ana ma ia ano.
Ua kauoha ia, o ka Poaha, ka la 15 o Iulai M.H. 1886, ma ka hora 10 o kakahiaka, imua o ua Lunakanawai la, ma ke Keena ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i @a Noi la, me na Papa Hoike i oleloia, a o ka poe a pau i pili malaila e hele mai a e hoike i ke kumu, in a he kumu @o ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii me Enelane, e pai ia maloko o ke KUOKOA me Hawaiian Gazette he mau nupepa i pai ia a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.
Kakauia ma Honolulu, ko Hawaii Pae Aina keia la 3 o Iune 1886.
EDWARD PRESTON
Lunakanawai o ka Aha Kiekie.
Ikea: HENRY SMITH.
Hope Kakauolelo.
$5.00 Makana.
UA NALOWALE he lio wahine ulaula kuni ia ma ka uha akau MC. Ua nalowale ma ka Po@ono mai kahi aku o Sam Lung, Pauoa. E ukuia no ka mea nana e hoihoi mai ua lio la ma ka helu 129 alanui Nuuanu. 2079-1t
NA HOOLAHA HOU.
200 DALA.
O WAI la ka mea kolohe, nana i hoao i ke ahi i na mala ko o makou, i ka po o ka la 27? Ke ike, a in a e ku ka hewa, alaila, e uku ia oia i $200 e makou.
KOLOA SUGAR COMPANY.
Koloa, Mei 29, 1886. 2079 @t.
HOOLAHA HOOKO MORAKI ME KE KUAI.- Mamuli o keka@i mana kuai i hoikeia maloko o kekahi palapala m@raki i hanaia mawaena o Ah Chow o ka nono mua, a me Ho Sun o ka aoao elua. ma ka la 1 o Mei 1884 i kakau kopeia ma ka buke 88 aoao 118 a mamuli o ka uhaiia ana o na kumu aelike o kela moraki. nolaila, ke hoolahaia aku nei e ka mea nona ka aoao elua o @a moraki nei, e h@oko ana oia ia mana kuai. a ma ia hooko a@a, e kudala akea ana ia i ka aina i hoikeia ma ia moraki, ma ka Poaono la 12 o Iune 1886 ma ke @eena Kudala o E.P. Adams, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 18 o Mei 1886.
HO SUN
Mea Moraki Mai
Penei ka waiwai e kudalaia ana.
O ka mahi raiki o ka Mea o ka aoao mua e waiho la ma Kalihi, Oahu, a oia hoi na hoolimaiima malalo nei.
1 O ka hoolimalima o Pedro Smidio ia Hee Cun i hanaia i ka la 27 o Augate 1879 no 10 makahiki.
2 O ka hoolimalima o F.W. Beckley ia Ah Chow i hanaia i ka la 24 o Iune 18@0, no 10 makahiki i kopeia ma ka buke 66 aoao 88@
Na Hale a pau, elua lio, hookahi paa pipi hana, a me na holoholona a pau, na lako hale, na mea hana a me na mea ulu a pau o luna o ua aina la. 2077-3ts
AHA Kaapuni Apana Ekolu o ko Hawaii Pae Aina:- Ma ka hooponopono Waiwai hooilina. Ma ka waiwai o Nakaikuaana (k), no Hilo, Hawaii i make.
Ua heluheluia a ua waihoia ka palapala noi a Kahanapaka *w), e noi ana e hooponopono ia ka waiwai o Nakaikuaana (k), no Hilo, Hawaii, i make kauoha ole, a e hoonoho aku iaia i Lunahooponopono no ia waiwai: Nolaila, ua kauoha ia na mea a pau i pili, o ka Poalima oia ka la 16 o Iulai, 1886, i ka hora 10 kakahiaka, ma ka hale hookolokolo ma Hilo, Hawaii, oia kahi a me ka manawa i koho ia no ka hoolohe ana i ua noi la, me na mea kue ke hoike ia. F.S. LYMAN.
Lunakanawai Kaapuni Apana Ekolu o ko H.P.A. Hilo, Hawaii, Mei 12, 18@6.
2077.3ts.
AHA Kapuni Apana Ekolu o ko Hawaii Pae Aina:- Ma ka hoopono Waiwai hooilina. Ma ka waiwai o Pukaua (k), no Kau, Hawaii, i make.
Ua heluheluia a ua waiho ia ka palapala noi a Beniamina (k), e noi ana e hooponopono ia ka waiwai o Pukaua (k), no Kau, Hawaii, i make kauoha ole, a e hoonoho aku iaia i Lunahooponopono no ia waiwai. Nolaila, ua kauoha ia na mea a pau i pili, o ka la 22 o Iune, oia ka Poalua M.H. 1886, i ka hora 9 kakahiaka, ma ka hale hookolokolo ma Waiohinu, Kau, Hawaii, oia kahi a me ka manawa i koho ia no ka hoolohe ana i ua hihia la me na mea kue ke hoikeia. F.S. LYMAN.
Lunakanawai Kaapuni Apana Ekolu. H.P.A. Hilo, Hawaii Mei 12, 1886.
2077-3ts
AHA KIEKIE O KO HAWAII PAE Aina. Ma ka hooponopono waiwai. Ma ka hana o ka waiwai o Charles Kahili o Honolulu, Oahu, i make kauoha ole. Ma ke Keera imua o ka Lunakanawai McCully.
Ma ka heluhelu a me ka waiho ia ana mai o ka Palapala Noi a Maria Kaoopa e hoike ana ua make kauoha ole o Charles Kahili ma Honolulu, i ka la 6 o Feberuari 1886, a e noi ana e hoopukaia ka Palapala Hookohu Luna Hooponopono Waiwai iaia.
Ua kauohaia o ka Poakolu ka la 23 o Iune, M.H. 1886 ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo, ma Honolulu, a ma ia manawa a ma ia wahi no, e hele mai ai na mea a pau i pili e hoike mai i ke kumu, in a he kumu oiaio ko lakou, e ae ole ia ai ua noi la. A o keia kauoha e hoolahaia ma ka olelo Hawaii i ekolu pule maloko o ke KUOKOA he nupepa ma Honolulu.
Kakauia ma Honolulu, Mei 27 1886.
L. McCULLY.
Lunakanawai o ka Aha Kiekie.
Ikea: HENRY SMITH,
Hope Kakauolelo. 2078-3ts.
Olelo Hoolaha.
OIAI, ua kohoia ka mea nona ka inoa malalo iho i Kahu malama waiwai no ka waiwai o Kukuinui (w) e ka Lunakanawai Preston o ka Aha Kiekie, nolaila, ke hoolaha ia aku nei o ka poe a pau i aie ia Kukuinui i oleloia e hookaa koke mai iaia, a o ka poe a pau a Kukuinui i aie a@e waiho koke mai lakou i ka lakou mau koi i hooiaio pono ia me A. ROS@ Loio ma Aliiolani Hale. KAAHALEPAAKAI.
Kahu Malama Waiwai
Hanaia, Hanolulu, Jan. 23, 1886, 2076-3ts
HOOLAHA:- Moanalua, Oahu, Mei 27, A.D. 1886. Ua hookohuia mai ka mea nona ka inoa malalo iho ma ka la 15 o Aperila, A.D. 1886, i lunahooponopono no ka waiwai me ka palapala hooilina i huiia o A. PAULELEAHANA e Edward Preston, lunakanawai o ka Aha Kiekie, a ke hoike nei ke@a hoolaha o ka poe a pau he mau koina ko lakou i ka waiwai i oleloia e hoike mai ia'u iloko o na mahina eono mai keia la aku, a i ole e h@ole mau ia lakou. KAWAHAOI PAU.
2078-4ts.
Olelo Hoolaha.
E IKE auanei na kanaka a pau ke nana mai i keia olelo h@olaha. Owau o Lam Kai Wing; e wehe ana au i hale kuai lole a e kuai ia aku ana me ke kumukauai haahaa loa na lole o kela ano keia ano o na wahine me na kane
Ma keia Poaono Mei 15, aia ma Kaopuaua ma ka helu 137, alanui Nuuanu. E hele mai e na makamaka a e ike no oukou iho.
Owau no o LAM KAI WING.
2076-4ts
HOOLAHA A KA LUNAHOOPONOPONO WAIWAI O E.S. MAUNALOA.
KE HOIKEIA aku nei ka lohe i na mea a pau i aie i na waiwai o E.S. Maunaloa o Kawela, Molokai, i make kauoha ole: mai ka la e puka aku ai o keia hoolaha ma na nupepa a hiki i ka la 31 o Mei, 1886, e hoihoi mai ka poe i koe aole i hookaa mai i ko lakou mau aie iloko o kuu lima, a o na waiwai i koe o ka mea i make e paa ia nei ma ko hai lima, e hoihoi pololei mai ia'u me kali hou ole, o hoopiiia e a'u. E hoolohe i keia leo, mai hoopanee o pilikia oukou. E loaa no au ma "Kalauonaona Home," Kamalo, Molokai.
J.W.M. POOHEA,
Lunahoponopono Waiwai o E.S. Maunaloa
Kamalo, Molokai. Mei 10, 1886. @076-4t
OLELO HOOLAHA.
E IKE auanei na kanaka a pau loa ke nana mai i keia ol lo hoolaha; owau o ka mea nona ka inoa malalo iho, ke papa loa ia aku nei n@ holoholona lio, bipi, hoki, miula, aole e hele wale maluna o kuu aina kuai e waiho la ma Kaumakani me Papaluana. Kipahulu, Maui-Oia hoi ka Apana Aina o Keaukoa i hoike ia ma ka Palapala Sila Nui Helu 2541. Ina e loaa na holoholona i hai ia ae la maluna i ku@ hope, ia Kamai (k). alaila. he mana iaia e hopu a paa a e uku ka mea nona holoholona i $5.00 no ke poo hookahi, no ka mea, he Aina mah@ kalo keia me ka Apana Ku a, a i ole e hoopaa ia ma ka Pa Aaupuni, e like me ke kanawai; a no ka puaa, hipa me ke kao $1.00 no ke poo hookahi. MRS. K. KALUNA.
Kipahulu, E. Maui. Mei 11, 1886.
2077-4ts
NA HOOLAHA @
AHA HOOKOLOKOLO @
KO HAWAII PAE A@
Ma ka Hooponopono Wai@
na o ka Waiwai o Mrs. Mary L@
mea, Hawaii i make ku@
Keena imua o ka Luna@a@
Judd.
Ma ke heluhelu a me ka wai@
ka palapala noi a Mrs. E@
worth a me Samuel @
kane e hoike ana ua mak@
Lindsay ma Waimea, Hawaii,@
Ianuari, 1880, e noi ana @
lapala Hookohu Luna Ho@
ia J.M. Monsarratt o Hono@
Ua kauohaia o ka Poai@
M.H. 1886 ma ka h@
manawa i konia no ka @
la imua o @a Lunakanawai @
ma ka Hale Hooko@
ma ia manawa a ma @
na mea a pau i pili e hoike ma@
in a he kumu oiaio ko @
noi la. A o kei@a kau@
olelo Hawaii me Enelani @
o ke KUOKOA a @
mau nupepa ma Honolulu.
Kakauia ma Honolulu. @
@
Lunakanawai Nui @
Ikea: HENRY SMITH.
Hope Kaka@
MA KE KEENA O KA @
WAI KAAPUNI A@
Hawaii Pae Aina. Ma ka @
Spencer, no Hilo, Hawaii @
Ua heluheluia a ua wa@
a C.S. Kittr@@ge, ka L@
lalo o ka Palapala Kau @
Spencer no Hilo, Hawaii @
nana ia a e apono aku i @
hooholoia ka waiwai i na h@
aku iaia a me kona hope m@
Nolaila ua kauoha ia i @
o ka POALIMA oia ka la o @
hora 10 o ke kakahi@
Hookolokolo ma @
kahi a me ka manawa i @
he ana i ua noi la me na @
F.@
Lunak@
@
AHA HOOKOLOKOLO @
KO Hawaii Pae Aina. @
ponopono waiwai. Ma ka hana @
MAHOE (k) o Kalihi, Honolulu, @
ke kauoha ole. Ma ke Keena @
nakanawai nui A.F. J@dd.
Ma ka heluhelu a me ka wai@
ka Palapala Noi a Lu@@
wahine e hoike ana ua make @
Mahoi (k) ma Kalihi i ole@
Aperila, 1886. a @ nui n@i ana e @
Palapala Hookohu Lunaho@
wai ia H.A. Widemann, o H@
Ua kauohaia o ka POAONO, ka @
ne, M.H. 1886, ma ka h@
oia ka manawa i kohoia no k@
noi la ima o ua Lunakanawai @
keena, ma ka Hale Hookolok@
lulu, a ma ia manawa a ma ia @
mai ai na mea a pau i pili e hoike @
kumu, in a he kumu oiaio @
ia ai ua noi la. A o keia kauoha @
ma ka olelo Enelani a me Hawa@
p le maloko o ka KUOKOA a me @
GAZETTE he mau Nupepa i p@
ma Honolulu.
Kakauia ma Honolulu, Mei 1@
A.F. J@
Lunakanawai Nui o ka A@
Ikea : HENRY SMITH,
Hope Kak@
HOOHALA HOOKO @
ME KE KUAI
MAMULI O kekahi mana @
maloko o kekahi palapala moraki @
waeno o Tsen Tin Lee a me E@
wahine mare no Kohala akau, h@
aoao mua, a me Le Aseu o ka @
ka la 24 o Maraki 1885 i kakau @
buke 95 aoao 79 me 80 a ma@
ana o na kumu aelike o kela m@
ke hoolahaia aku nei e ka mea @
elua o ua moraki nei, e hook@ ana @
kuai, a ma ia hooko ana, e k@
ia i ka aina i hoikeia ma ia mor@
Poalima la 14 o Mei, 1886, ma ka @
alahao, Niulii, Kohala, Hawaii, @
12 o ia la. Aia ma kahi o @
Akipoka na olelo hoakaka no k@
Hanaia i keia la 22 o Aperila @
L. ASEU
Penei na aina e kudalaia ana @
aina ma Niulii i oleloia mal@
ka palapal Sila Nui 3664. K@
10861 i kakauia ma ka inoa o P@
nui o kela mau aina he 20@
emi mai paha; a o ke ano o keia @
aina kalo, laiki, a me kula. O @
la i @oolahaia maluna ae, ua @
ka Poakahi la 14 o Iune, i ka h@
o ia la, ma ka hale kuai k@
Adams & Co., ma Honolulu. @
HOOLAHA: Ua hookohu p@
mea nona ka inoa malalo @
hooponopono no ka waiwai o ALU@
Honolulu i make, a e kono aku ana @
laha i ka poe a pau he mau k@
ua waiwai la o Aliu i oleloia, e wah@
na kumu oiaio a kupono, in a paha @
raki a ma kekahi ano e ae p@
Hackfeld ma ke keena oihana o H @
& Co., ma alanui Moiwahine, H@
h ikeia iloko o na malama eono @
aku, a i ole e hoole mau loa ia aku @
põe i aie i ua waiwai la i oleloia. e @
ke mai ia J.F. Hackfeld i oleloia.
J.F. HACKFELD & J RUBI@
Na lunahooponopono o @a wa@
make. Honolulu 13,1886 @
AHA Kaapuni Apana Ekolu o@
Pae Aina- Ma ka hoo@
wai hooilina.- Ma ka waiwai o @
puuole (k). no Hilo, Hawaii, i m@
Ua heluheluia a waiho ia ka p@
M. Polapola, ka Lunahooponopono @
waiwai o Kaawapuupuuole @@
way, i make, e noi ana e hoa@
hook hope, a e hooholo ia na waiw@
na hooilina a e hookuu aku ia a @
hope mai ka oho Lunahooponop@
mai. Nolaila, ua kauoha ia na mea @
li, o ka Poalima, oia ka la 16 o I@
1886, i ka hora 10 kakahiaka. @
hookolokolo ma Hilo, Hawaii, @
ka ma@awa i kohoia no ka hoolohe @
noi la, me na mea kue ke hoike @
F.S. LYM@
Lunakanwai Kaapuni Apa@
A. Hilo, Hawaii. Mei 12, 1@
2077@3@
AHA Kaawuni Apana Ekolu o ke @
Pae Aina-Ma ka hooponopono @
wai hooilina. Ma ka waiwai o @. K. @
ponia no Kau, Hawaii, i make.
Ua heluheluia a ua waiho ia ka p@
a W.Kua, e noi ana e hooponopono @
waiwai o S.K. Kawaiponia no Kau, @
i make kauoha ole, a e hoonoho @
Lunahooponopono no ia waiwai @
kauhoa ia na mea a pau i pili, @
oia ka la 22 o Iune, 1886, i ka hora @
aka, ma ka hale hookolokolo ma @
Kau, Hawaii, oia k@hi a me ka m@
ho ia no ka hoolohe ana i ua noi la. @
mea kue ke hoikeia. F.S. @
Lunakanawai Kaapuni Apana Eko@
A. Hilo, Hawaii. Mei 12, 18@
@077-@@@
HOOLAHA NO KA HOOL@
LIMA.
HE aina nona ka eka he 70 a me @
e ku ana ma Kaupo, Maui. @
maikai a ano hou keia, he hapalua @
mauka iho o ke kahawai. He aina @
keia ke kanuia i ke Kope, alani a me @
oia no hoi kekahi o na apana aina @
loa o ka apana o Kaupo. Uku hool@
$80 no ka makahiki.
E ninau ia J.M. MONSARR@
2077-3ts Mauna @