Ka Nupepa Kuokoa, Volume XXV, Number 22, 29 Mei 1886 — Page 2
| This text was transcribed by: | Gordon Rosete |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki . . . $2:00
No Kono Mahina . . . 1.00.
Kuike Ka Rula
Paoino Mei 29. 1886
KA AHA EUANELIO.
I ka Poalua o keia pule ae, ka la i o June, e hui ai ka Aha Euanelio Hawaii ma Kawaiahao. He ahahui keia o na kahu ekalesia Hawaii a pau a me ne eiele no kela a me keia ahahui mokupuni. Ua lohe mai makou e pau nui mai ana na kahu a me na elele maluna o na mokuahi o keia la a me ka la apopo. Ina pela, e piha ana keia hui aole e like me kekahi mau makahiki ka hapa mai o na lala o ka Aha.
O ka Ahahui Kula Sabati o ka Pae Aina kekahi e hui ana iloko o keia pule ae a me ka Ahahui Opiopio.
Iloko o keia Aha na kahu kula Sabati a me na elele o na kula Sabati o na moku. He lehulehu ola no lakou. Ma no lono i loaa mai, e hele nui ana na lala kula Sabati iloko o keia halawai hui makahiki. A i ka nana aku e laukanaka ana na hale o kakou iloko o ke ia mau la iho.
I ka po o ka la apopo e haawi ana o Rev. Kekanuna o Waianae i ka haiolelo makahiki o ka Papa Hawaii no na oihana kuwaho, ma kawaiahao. I ka po o ka la Sabati, June 6, e haawi ana o Rev. A. Pali i ka haiolelo e pili ana i na oihana kuwaho ma kaumakapili.
E hoike anake kula kaikamahine o Kawaiahao i ka auina la o keia Poakolu iho, a e hoike ana ke kula Kahunapule i ke kakahiaka Poaono June la 5.
HE PALAPALA HOOPII MAI
KONA AKAU.
Imua o ka Ahaolelo kau kanawai o ke aupuni; M. H. 1886. I na’@ii a me ka Poeikohoia no ka Hale Ahaolelo kau kanawai o ke aupuni. Me ka mahalo:
O makou o ka poe nona na inoa i hoikeia malalo iho o ko ka Moi Kala kaua mau makaainana koho balota ma ka apana o Kona Akau, mokupuni o Hawaii. Ke hoopii aku nei makou imua o ko oukou Hale Hanohano e hoonoa loa ia ke koho ia ana o J. K. Nahale i lunamakaainana no keia apana no na kumu paewaewa loa me ke kue i na kanawai o keia aupuni:
1 O ka hoole ana o ka Papa Nana koho aole e haawiia i mau pono koho o kekahi mau elemakule o keia apana he 8 ko lakou nui, oiai ua hiki lakou i kahi a i ka was a ka Papa i kahea ai e kii aku ua poe la. He poe keia e koho ana ia G. W. Pilipo. Ua hooleia na olelo ao a ka Loia Kuhina e ka Papa Nana.
2. O ka ae ana o ka Papa Nana e koho kekahi poe malihini no kekahi mau apana e, he mau la a he mau pule wale no ko lakou. He 14 ko lakou nui alole i komo iloko o na pepa inoa o ka poe koho. Ua keakeaia keia poe malalo o na p 801 o ke Kanawai Kivila, aka, ua ae aku ka Papa Nana e koho i ka balota o J. K. Nahale.
3 O ka ae ana o ka Papa Nana koho i ke koho ana o kekahi poe i aukau ole ia ma ka hele ole ana e noi imua o ka Papa Nana i mau poao koho no lakou a na ka Luna Ohi Auhau wale no i hoopuka i mau pono koho. Ua koho he 13 poe i hoomaopopoia ia Nahale. He kue i ke kanawai keia hana ana pela.
4 Ua ae ka Papa Nana i ke koho ana o kekahi poe keki aole i piha na makahiki he 20 ia lakou. He 3 o ke ia poe i koho ia J. K. Nahale.
E hoolikeia ka helo oiaio ana penei:
J.K. Nahale i heluia . . . 200 balota.
Komo kolohe kue kanawai . . . 30 “
____ “
Huina pololei . . . 170 “
G.W. Pilipo i heluia . . . 181 “
Hooleia ka pono koho o kani poe . 8 “
____ “
Huina Pololei . . . 189 “
Ua hoomaopopo makou ma ka pololei aole i kupono o J.K. Nahale ke noho i kela noho o ka apana o Kona Akau. Ke pule nei makou i ke Akua e kokua i ka oukou mau hana no ka pono o ka aina, ka mohoalii a me ka ehulehu. O makou no:
Na inoa - - Etc. Etc. Etc. Etc.
(O keia ka palapala hoopii i heluheluia imua o ka ahaolelo ma ka Poaha i hala, no ke kupono ole o ko J.K. Nahale kohoia ana i lunamakaainana.)
G. A. R.
E akoakoa ana ka Hui nona nu hua kumu e kau ae la maluna, apana o ka mahele Kaleponi, i keia la ma ko lakou hale ma ke alanui Moi a kai huakai aku no ka ilina ma Maemae, a ilaila e kahikoia na he o ka poe koa Amerika me na pua. E hele ana ka huakai maialo o na hooponopono ana a Major Robert Hoapili Baker, a e komo pu ana i ka huakai he puali makai, ka poe puhi ohe o ke aupuni, ka puali Prince’s Own, na Koa Ponoi o ka Moi, poe Mamalahoa, a me ka Honolulu rifles, a me ka hui i oleloia maluna Geo. W. DeLong Post, No 45, Mahele o Kaleponi, G. A. R. O na makamaka a me ka lehulehu mahope aku ma na kaa a ma ka hele wawae.
Na Heiehelena o ka Hale Ahaolelo.
Ua hala iho nei he eha pule o ka noho ana o ka ahaolelo o keia kau, a he mea hiki ke hoomaouopo ia ka helehelena oiaio o ka Hale i keia wa. E hoomaopopo ana ko makou poe heluhelu, o ka hapa nui o na lunamakaainana o keia kau he poe i wae mua ia e na kuhina i mau waha olelo na lakou, a i poe kokua i ka lakoa mau hana a pau ina paha he pono a ina no he hewa. Ua kohoia keia poe mamuli o ka lu nui ana a na kuhina i ke dala a me ka haawi nui ana i ka waiona iwaena o ka poe koho, a me na hana hooweliweli no hoi ma kekahi mau apana. A ua kupono ka helehelena o ka Hale i na hopena o na mea i hana mua ia iloko o na la mua o Feberuari i hala. He keiki kupono keia Hale no na hana i hanaia iloko o na la mua o keia makahiki. Aohe wahaolelo o na makaainana iloko o keia ahaoleio, koe wale no kekahi mau apana kakaikahi. Elike me ka kekahi i puana ae ai e hoohepa ana i ka inoa o ka Lunamakaainana o Hamakua i Hawaii, a makou i lohe ai, e ie ana he “kauna mano”, pela io no ka hapa nui o keia poe, ke nana iho oe i ko lakou moni holookoa ana i na haawina puu dala nunui i waihoia mai i mauna imua o ko lakou mau maka. He mau “ Kauna nano io no,” a o Hawaii ka mea e ale ola ia nei.
Ina he poe naauao io lakou, ina ua hakilo mua lakou i na hana a na kuhina no na makahiki elua i hala ae, a akaka hoi kahi i lilo ai na miliona o ke kau i hala, mamua o ka hooholo hikiwawe ana o na miliona no na makahiki elua o keia mua iho, me ka ike ole i kahi’e loaa mai ai ke dala; aka ma ke hoho wale aku he mea loaa wale ke dala ma ka aie. Aohe noonoo nui ia ka hopena o ia aie. Na lakou nei e nakinaki ia oe e Hawaii an paa luna a me lalo i ka aie, a i ka was a na ona miliona o na aina e e kii mai ai ia oe a hopu ma kou pua-i e kaili ae i kou ola e hiki anei ia lakou ke hoopakele? Na lakou nei anei e kala ae i ka la o ka popilikia Aole hiki; he helehelena kaumaha keia e hooiliia mai nei e keia Hale maluna o ko kakou aina hala ole i aloha nui ia.
Ma kekahi la i hala mua aku nei, ua ku ae kekahi kuhina imua o ka hale me ka uhi paapu ia mai o kona noonoo e ka wai hoomalule kino.
“Eleele Nuuanu i ka noe”
He mea ano hou keia iloko o na hale ahaolelo o Hawaii. Aol paha i maa ko kakou poe opio o ka hanauna hou e ulu mai nei i ka ike ana i na poo kiekie o na oihana o ke aupuni e hoanoe ana ia lakou iho elike me keia imua o ka lehulehu, a iloko hoi o na paia eehia o Aliiolani Hale, kahi o na helehelena hiwahiwa o na Kamehameha e kiei mau mai ana me na alii no hoi e ola nei, a me Lee Alani a me Hailaki hoi. Me he mea la, ina he hiki i keia mau helehelena ke pane ae ma ka leo, e puana mai auanei lakou, “E oukou e malama ia ka hauohano a me ke eehia o keia Hale e pono ai”. Ua kahea nui ia ua hea kanaka nei a hoa kuhina no hoi e noho iho, aole nae hiki. He ouli kaumaha keia no na Hawaii ponoi a he mea hoopoho manaolana. Aka nae, o ka hua oiaio maoli no keia o na hana i hoike mua ia e keia poe. Ina he mea pono i ke kuhina ke hoolaha ae i ka waiona iwaena o na makaainana i kumu e ko ai kona makemake ma ke koho balota, aole anei he mea pono i ke kuhina no hoi ke hoomalule ia mai oia e ua wai anoe nei, elike me ia i hoomalule aku ai i ka lehulehu? Ina ua pono ka mua, alaila ua pono no ka hope. A ma hoi ua hewa ka hope (ka ona o kekahi kuhina iloko o ka Hale Ahaolelo) mai noho hou kekahi kuhina o ke aupuni a hoolaha hou i ka waiona iwaena o ka lehulehu, i mea e lapuwale ai na makaainana. “Me ke ana a oukou e ana aku ai, pela e ana ia mai ai no oukou,” wahi a ka Olelo. Ke ike ia nei ka oiaio o keia.
Mawaena o na lunamakaainana o ke poai pili kuhina, he mea hiki ole i ka noonoo ke hoole aku i ke kiekie a me ke akamai o ka Hon. L. Aholo a me ka Hon. J. L. Kaulukou ma ke alakai ana a me ka hoohulihuli ana i na manao o ko lakou mau hoa lawehana o ka lahui hookahi. Ua apoia a ua hooloheia ka laua mau olelo a me ka laua mau alakai ana e ia aoao o ke hale. Ma ka nana ana, me he poe kamalii na hoa e ae o ia poai imua o laua nei. He kuhi wale ae no ka laua nei, o ka hoolohe ka lakou. Eia wale no ka hewa, o ko laua pili ana ma ka aoao kahi e hoopukaia nei na hana e poino ai ke aupuni a me ka lahui. Aohe kiki ke haalele ia aoao. Ina e huli ae laua e kokua i ka pono kaulike o na makaainana, e apo koke aku no ka lima a ke kuhina i ko laua pua-i, a e aumi ia ana ka hanu a me ka a-i. Aka, o keia makaukau o Aholo a me Kaulukou, ina aia mamuli o ka pono o ka aina hanau a me na makaainana o ka aina me ka hoole ia laua iho, ina ua pomaikai oe e Hawaii i kau mau keikikane.
Aole i pau i ka hoikeike ia e makou na helehelena o keia Hale, aka, ua piha e keia kowa. I keia pule ae e kau hou aku ai makou i ke aniani hoolele aka, a e ike ia ke koena. A e ike ana kakou aole o na oaii hookaumaka wale no. Aka, he mau helehelena a@ kekahi e lana ai ka manao. A e hauoli ai no hoi ka puuwai o kanaka Hawaii. A Maanei e puana ae kakou a pau: e ola o Hawaii i ke Akua.
Ka Nune Kaua ma Helene.
Ua malamaia kekahi halawai hoalaala kaua ma ke kulanakauhale o Atenai, Helene. He mau haiolelo hoolanalana manao i na koa puuwai ahi Helene i panai pu ia mai e na leo uwa a huro o na kanaka. Ua hooholoia kekahi olelo hooholo e hana ia kekahi mea nana e hooholo e hana ia kekahi mea nana e hoolako mai i na koa kokua i kela a me keia manawa e makemake ia ai me ka hikiwawe loa. Ua kai huakai aku na koa ma na alanui e kahea leo nui ana: “E ku e na moho, e ala mai waena mai o ka lehulelehu.”
Ke haalele la na luna aupuni o na mana nui ia Helene no ko lakou mau home – Ke hoouna pu la na mana nui i ko lakou mana kaua moana e holo aku no wa wahi kokoe ia Helene no ka malama ana i ko lakou mau pono.
Ke nee mua la na puali kaua o na aoao a elua me ka puahi nui, a me mau hora wale no e olapa ai na huna ahi o ma mea kaua – Ke laulaha pu la na lo no, eia ke kokua malu nei o Rusia ia Helene, a me he mea la no, nana i hookokono iaia e kaua me Tureke.
Ke hoea pu la na palapala o na mana e kaohi i kona mau koa mai ke kue ana aku ia Tureke, a i ole pela, alaila e holo kokua no lakou ma ko Tureke aoao a kue mai iaia.
Ua pau na kuhina o Helene i ka haalele i ko lakou mau kulana, a ke hooikaika la ka Moi e loa hou ona aha kuhina – Aia na moku kaua o na mana ke hoohahani la ma na kapakai o Helene no ke ki poka ana aku ia uka.
Ua manao ke Kuhina Kalaiana o ka aha kuhina i pau iho la, ua hiki iaia ke hoala hou i aha kuhina nana e kaohi i na uilana kaua o Helene e like me ka makemake o na mana.
Aka, he mea paakiki paha ne hana ana pela oiai aia imua na koa, a he wa wale no e ulele ai. He ano nui aku ana paha keia hana aole paha.
KIPI NA KOA OPIO.
Ua loaa mai na lono o ke ala kue ana o na haumana koa opio o ke Kula nui Sana Mateo, kahi i hoounaia aku nei o ko kakou mau keiki alii Kawananakoa ma. Penei kahi moolelo i ikeia: Ua kauohaia kekahi haumana e haalele iho i ka halekula a hoi aku no kona home, mamuli o kona ahaki ana i na rula o ke kula. He kipaku ke ano a keia. Ua haawiia he mau hora mai ke kakahiaka a ka hora 12 awakea nona e hoomakaukau ai no kona mau wahi opeope paha. A hiki nae i ka hala ana o na hora i kauohaia nona, aole oia i hooko i ke kauoha a ke kumu. Ua kauohaia ka makai no ka hopu ana iaia, aka, ua hooseliseli aku keia haumana iaia me ka pu panapana. Ua kauhoh pu ia ka Ilamuku me kona hope e hopu iaia, aku, ua puka mai la he 120 haumana koa a kue aku la i na luna aupuni. He was ia no ka uluaoa mawaena o na haumana; e hoopauia aku ana paha kekahi mau haumana nana i alakai keia mau hana. O. Rev. A.L. Brewer ke kumu nui o keia kula.
Mai Kau i Kula.
Oiai ka mokuahi Australia e hookomo mai ana no ke awa nei i ke ahiahi poeleele o ka Poakolu nei, ua akelekele iho la oia mai ili makai koke aku no o ka` hale ipukukui. Oiai no hoi e aneane aku ana e kau i kula, ua eleu koke ae la ke kapena me na luina i na heleuma a paa iho la ka moku. Ua ano okolakala mai la ke kapena i ke pailata oiai aia malao o kana hookele ana; aka, ua mae koke ae la no ia mau noonoo ana a hoopili mai la ka moku i ka uwapo. Oia iho la kahi lono i loheia.
Ahauhui Euanelio Hawaii.
PAPA HOONOHONOHO HANA.
Sabati Mei 30, hora 7:30 p.m., Na haiolelo makahiki kuwaho.
POAKAHI, Mei 31. Ahahui Kula Sabati Pae Aina ma Kaumakapili, hora 10 A.M. a me 1 P.M. ahahui Imi Pono Karitiano Pae aina ma Kaumakapili i ka po hora 7.
POAKOLU, Iune 2, ahahui Euaelio, hora 9 A.M. Ahahui Imi Pono Karistiano ma Kaumakapili, hora 7 P.M. Hoike makahiki o ke Kula Kaikamahine o Kawaiahao, ma ka luakini o Kawaiahao hors 1:30 P.M.
POAHA, Iune 3, Ahahui Euanelio, hora 9 A.M. (Na hoike makhiki a ka Puuku me ke Kakau Leta). Hora 1 P.M. Ahahui Euanelio. Iou @i ma Kaukeano, hora 5 P.M. Ahahui Kula Sabati ma Kaumakapili, hora 7:30 P.M.
POALIMA, Iune 4, hora 10 A.M. hoike hui o na kula Sabati o Oahu ma Kaumakapili. Hora 7 P.M halawai ka Papa Hawaii.
POANONO, Iune 5, hora 9 A.M. hoike o ke Kula Kahuanapule o ka Pakitika Akau, ma Kawaiahao. Na haiolelo a na haumana o ke Kula Kahunapule ma Kawaiahao, hors 7:30 ahiahi.
Sabati, Iune 6, hora 7 P.M. na haiolelo makahiki Kuloko.
MOOLELO
O KA
Ahaolelo o 1886.
LA HANA, 14 MEI 15.
Hoon@a`ea na hana e Uka ine ka inea mau.
NA PALAPALA HOOPII.
Na Kikila Palauau. Mai Koolauloa mai. 1, E ae ia ma dala gugla a me na dala keokeo o na aupuni a pau. 2, E hoopau i ka uku o ka Luna Alanui Nui. 3, E eli ia ke awa o Laie a ho honu. 4, E uku hoomauia na makua mea keiki lehulehu. Waihoia keia mau hoopii i ke kimite Huikau. 5, I kauka no ka apana o Koolauloa. Waihoia i ke Komite Papa Ola. 6, aole kanawai no ka opiuma e hooholoia. Waiho ia ma ka papa a laweia mai i bila kanawai. 7, Aole e ae ia ka aie 10,000.000. Waihoia i ke Komite Waiwai.
Na Amara, mai Waialua mai, e hoohui mai ka apana o Waimea ma Koolauloa Oahu me Waialua. Waiho ia i ke Komite Hookolokolo.
HOIKE A NA KOMITE MAU.
Na ke Komite Pai i hoike mai, ua pau i ke pai ia kekahi mau bila kanawai. Aponoia.
Na ke Komite Waiwai i hoike mai, e waiho i ka hoopii a Molokai e hoole ana i ka aie $10,000,000 ma ka papa, a laweia mai ka bila aie. Aponoia.
Na ke Komite Hookolokolo, e waiho ia ka hoopii a ko Wailuku e noi ana, e hookuu ia ka auhau o na makua elima keiki ma ka papa a laweia mai ka bila kanawai; a o ko Kona Akau, i hale hookolokolo a me hoopaa, e hookomoia iloko o ka Bila Kanawai i ka wa e noonoo ia ai. Aponoia.
Na ke Komite Waiwai i boike mai no ka hoopii a ke poe i ahau paiua ia, ua hooholo lakou e hoihoi ia Mose Nakuaau i $5, a ia Lohe $3, a e hookomoia keia mau itamu iloko o ka Bila haawina i ka was e noonoo ia ai. Aponoia.
HOIKE A NA KOMITE WAE.
Kamailo mai ke Kuhina Kipikona, o ka manao a’o e hoike aku ai, aole paha ia i pili i ka hoike a ke Komite Wae, aka o ka’makemake nae ia o kekahi olelo hooholo i kela mau la aku nei, e hoike aku au no na mea e pili ana i ke Kuikahi Panailike. Ma keia kanahiaka, ua ike au maloko o kekahi nupepa mai ko na aina e mai, i kekahi manao e pili ana i ke Kuikahi, (hoikeike mai ke Kuhina i ka pepa panai o ka nupepa “ P.C. Advedrtiser” o keia kulanakauhale) ua paiia na pauku a pau o ke kuikahi me ka panai aina pu a me ke kakau inoa ana o na aoao elua. O keia mau mea i hana ia no ke kuikahi aohe oiaio, he hana epa ke kakau inoa ana o ko kakou Elele Komisina a me k Kakauolelo Nui o America i ke Kuikahi hou e manao ia nei. eia ka palapala a ko kakou elele Komisina Hanale Kaaka e hoakaka ana i na mea pili i ke kuikahi aole nae he hoakaka o ka panai aina kekahi. Eia iho ka palapala:
Keena Komisina
Hawaii ma Wasinetona Apr. 27 ‘86
America Huipuia
Aloha oe:
Ma keia palapala helu ioi o Maraki 18, 1885, ua hoakaka aku au ia oe i na mea a pau a’u ike ai ia wa no ke kumu i hoea mai ai o ke kumuhana o ke awa o Puuloa iloko o ke Senate. O ka Luna Senate, iaia i hoi mai ai mai Kapalakiko mai, ua hoopaa loa oia ma ka hapai ana i ka ninau, a ua hoopahua koke ia nae ia mea imua o ke Komite Senate, aka ua ikea nae ua loaa hou mai iaia ka aeia ana e hoouwai houaku i kana kumuhana imua o ke Senate ma ka noho kuikawa ana a Aha; o na olelo alakai maoli nae e pili ana i ke kumuhana, aole i maopopo ia’u. Ua nui maoli na me i olelo ia iho nei no ka mea e pili ana i ka hiki loa ana o ka lolohe ia ana o ka lono e kokua ana i ka ae io ia ana mai o ka noho ana o ka Aha Senate kuikawa, a o ka poe Senae he poe hamau loa lakou, aole hoi e hiki i kahi mea ke manaoio i ka olelo a na nupepa e pili ana ia lakou.
Eia nae ua hoolilo au ia mea na’u e ike aku i ko kakou mau hoaloha lehulehu a hai aku la ia lakou he manaolana ko’u aole he hoololi ana, no ka mea e pili ana no ka panai ia ana mai o kekahi awa a okana aina paha, oiai aole ia mea e ae ia mai ana e ka Moi, a ua oi ae ko’u makemake e kapae ia ana e hooholo me ia ano hoololi.
Ina ua pololei ko’u manao no ka mea e pili ana i ka hoololi, alaila, e koho mua ia ana ia mea, a e holo ana paha mamuli o ko ka hapanui koho ana, aole nae he mui o ia poe, alaila o ke kuikahi aku i hoololi ia ae la pela, he mea pono ke loaa ke koho ana a ka elua hapakolu, a ua manaolana au e haule ana no ka hoololi.
aohe maua i kamailio pu me Mr. Bayard no ka mea e pili ana i ka panai ana mai i ke awa o Puuloa a hiki i kela la aku nei, a’u o hele aku ai e ike iaia, a e hoike aku hoi iaia ua ike au ua hooiaha ia ae ua noonoo ia he kumuhana o ia ano, a ua manaolana au e haule ana ia mea imua o ke Senate. Ua pane mai oia aole i hoea aku imua ona he lono no ia mea, a ua kue no hoi oia i na hoololi o ia, aka e kali nae kaua a hiki i ko ke Senate hoike ana aku i kahi lono imua ona alaia, ia wa oia e hoike n ai aie ia’u a kuka pu hoi me a’u.
Ua hai mau aku no hoi i na lala o ke Komite, aole e ae ia ka panai aina ana, aka ua hai ia mai nae au, ua haiia aku i kekahi Senate e ae ia ana no ia mea, a o kahi i loaa mai ai ia hooia ana aole au i ike. a ina he oiaio, ua haiia inai ia lono, alaila, aole i loaa mai ia makou ma ke ano pili aupuni, aka e hoihoi mai ana ma o Mr. Bayard la (no ka Peresidena) a i ke Senate me ka olelo aole ae ka Peresidena ia mea. Malao o keia hoomaopopo ana aole o’u manao he mea no kakou e lele ai ka olili. H.A.A. KAAKA.
Eia no ke kopeo ke kuikahi, a e ike no na mea a pau maloko o ka’u hoike o ko’u keena. O ke kuikahi hou, no like no na olelo me ke kuikaoi kahiko me na pakui hou ole, e like me ka mea i hoea mai ma na nupepa o na aina e, he epa me ke apuka maopopo keia kuikahi i paiia, ua like loa ka la a me na olelo.
Noi o Llikikini e paiia na palapala ine ka pane a pau e piliana i ke kuikahi, a noulaha aku ma kela a me keia apana a puni ka aina, i hoomaalili ia na manao uluku o ka panai aina i kamailio nui e ko kakou mau nupepa Hawaii a o ka makemake no ia o na makaainana nana oia i koho a pela na apana e ae.
Kamailio mai o Paehaole, he mea makehewa wale no ke pai ia mau mea oiai ua lawa no ka ike ana o ka lehulelu ma o ka poe kakau nupepa la e hoopuka nei i na hana o keia hale.
Kokua loa mai o Kaunaamano a me Keoni Beka i ke noi e pai.
Ninauia ke noi e pai i na palapala me na pane no ke kuikahi, a haule.
Noi o Kakela e ae ia na kakau nupepa e kope i na palapala e pili ana i ke kuikahi. Hooholoia.
OLELO HOOHOLO ME NA BILA.
Na Kakela i heluhelu mai he bilaoia ka pakui 128 A o ke Kivila; ma ke kapae ia ana o na rula ua heluhelu alua ia ka bila ma ke poo, a waiho ia i ke Komite no ka noonoo ana i na palena pauahi o Honolulu.
Hoolaha mai o Kakela e lawe mai ana oia he hoololi no ka pauku 870 o ke Kivila, e pili ana i ke kau hookolokolo kaapuni o Maui.
Noi ka Loio Kuhina e kapae loa ia ka bila. Kokua o Kakina i ka manao o ka Loio Kuhina, a olelo mai la, o keia no ka bila ano hookahi no ka hoihoi ana i ke kau hookolokolo kaapuni ma Wailuku i kapae loa ia ai e kakou.
Mahope o ke kamailio ia ana o ka bila, uaninau ia a kapae loa ia.
Na Kipikona i hoolaha a heluhelu mai no ka was mua i ka bila e pili ana i kekahi aie aupuni. Waiho ia no ka heluhelu elua.
Na Kale Kika i heluhelu mai no ka was mua he elua mau bila. 1 E pili ana i ke koho balota. 2 E hooponopono ai i ke kuai awa ana. Waiho ia no ka heluhelu elua.
Heluhelu mua mai ka Eoio Kuhina i ka bila e pili ana no ka pepehi wale ana i na manu ahiu. Waihoia no ka heluhelu elua.
Hoolaha mai o Kaunamano e lawe mai ana ia he elua mau bila. 1 Ma ka olelo Hawaii e pane ai ke alii ka Moi me na poo aupuni o na aina e. 2 e hoohalike ana i ka olelo Hawaii me ka olelo Beritania.
Hoolaha o Kalua e lawe mai ana oia he elua mau bila. 1 Hoololi i ka pauku 101 o ke Kivila. 2 Hoololi i ka pauku 30 o ka mokuna 50 o ke Karaima.
Hoopanee ka hale.
La Hana 15, Mei 17. – Halawai ka hale e like me ka hoopanee ana. Heluheluia ka moolelo o ka la hana i hala a aponoia.
NA PALAPALA HOOPII.
Na kaulukou he hoopii mai kekahheluna Pukiki. Ua noi mai oia e kai pae ia na rula, a hooholoia. Penei ua mau hoopii la: e wehe ia kela apana aina awawa o Pololu no lakou me ka hana ana i alanui. – E haawi wale ke aupuni i mau aina no lakou malaila. –Hookuuia na auhau aina no 5 makahiki.—I halepule me hale kula no lakou malaila – E haawiia i mau palapala hookupa no ka poe e noho ana ma ia mau aina.
Na Paehaole he hoopii mai Molokai e noi ana ehookaawale ia ma ka bila haawina i $6,000 no ka eli ana i mau luawai no Molokai.
HOIKE A NA KOMITE MAU.
Hoike mai ke Kuhina Kalaiaina ua paiia na bila a ua makaukau no ka haawi ana aku i na hoa.
HOIOKE A KE KOMITE WAE.
Na Cole i hoike mai, ua noonoo lakou i ka bila kanawai e pili ana i ke kuai waiona a ua hooholo lakou me kekahi mau hoololi. aponoia ka hoike a ke komite a waihoia no ka heluhelu elua –Nana no i hoike mai i na bila kanawai e pili ana i ke kuai liilii o na wainona, a ua hooholo lakou e kapae loa i ka noonoo ana no ia mau bila kanawai i waihoia mai e Nahinu.
Hoike mai ke kuhina Kipikona, ua makaukau kana hoike e pili ana i na olelo hooholo lehulehu i kauohaia e hoike aku, a i paiia ma na olelo elua koe ka hoike e pili ana ho ka Oihana Koe alole i Paiia. Nnoi mai oia e haawi i ke komite Waiwai.
Noi mai o Kalua e paiia kela hoike i maopopo.
Kokua mai o Kakela i ka hoike a ke Kuhima me kekahi mau wehewehe e pili ana i ka hemahema o ke kanawai &c.
Noi mai o Dole: Oiai aole i hoike mai ke Kuhina i na hana a pau i hooliloia ai ke dala i hookaawaleia no ka oihana koa, nolaila, ke noi aku nei au e hoihoi hou ia keia hoike i ke Kuhina.
Pane pokole mai ke Kuhina, e hoike ana ua hoakakaaia no na lilo a pau e pili ana i kela a me keia pono a ka oihana koa. ma kekahi mau hoolilo ua maopopo ole ia’u, a o kekahi ua maopopo ia’u, oiai na’u i kauoha.
Ninaninauia no ka haawi i ke komite pai, a hooholoia.
Hoike mai ka Puuku o ka Moi, ua makaukau kana hoike e pili ana no na lilo alo alii e like me ka olelo hooholo a kalua. Hooholoia e pai.
NA OLELO HOOHOLO ME NA BILA
Hooiaha mai ka Loio Kuhina e lawe mai ana oia he bila kanawai e haawi ana i ka mana i ke Kuhina Kalaiaina e haawi aku i ka Bihopa Oiba i ka aina a-na e noho nei ma ke ano manawalea, ma ka aoao o ke aupuni.
Ma ke noi a Kaulukou, ua kapaeia na rula a heluhelu ia ka hoike a ka Puuku o ka Moi e pili ana i na lilo alo alii. O ka huina nui o na lilo i hoakakaia he $28,284 251/2. Koe ke kahi mau bila i hookaaia ma ko ka Moi dala ponoi a he mau lilo keia i kupono e ukuia mai ka haawina i hookaawaleia no ia mau lilo a pela aku.
NA HOOLAHA HOU.
AHA HOOKOLOKOLO KIEKIE O KO HAWAII PAE AINA.
Ma ka Hooponopono no Waiwai. Ma ka hana o ka Waiwai o Mrs. Mary Lindsay a Waimea. Hawaii i make kauoha ole. Ma ke Keena imua o ka lunakanawai nui A.F. Judd.
Ma ka heiuhelu a me ka waihoia ana mai o ka palapala noi a Mrs. Elizabeth Chillingworth a me Samuel F Chillingworth kana kane e hoike ana ua make kauoha oie o Mary Lindsay ma Waimea, Hawaii, i ka la --- o Ianuari, 1880, e noi ana e hoopukaia ka Palapala Hookohu Luna Hooponopono Waiwai ia J. M. Monsarratt o Honolulu, Oahu.
Ua kauohaia o ka Poahiua ka la 18 o Iune M.H. 1886 ma ka hora 10 kakahiaka, oia ka mauawa i kohoia no ke hoolohe ana i ua noi ia imua o ua Lunakanawai la ma kona keena ma ka Hale Hookolokolo, ma Honolulu, a ma ia manawa a ma ia wahi i o, e hele mai ai na mea a, au i paii e hoike mai i ke kumu, ina he kunau oiaio ko lakou, e ae ole ia ai ua noi la. a o keia kauoha e hoolahaia ma ka olelo Hawaii me Enelani i ekolu pule maloko o ke Kuokoa a uae Hawaiian Gazette mau nupepa ma Honoluia.
Kakauia ma Honolulu, Mei 26, 1886 A.F. Judd.
Lunahakawai Nui o ka Aha Kiekie.
Ikea: HENRY SMITH. Hope Kakauolelo. 2078-3ts
AHA KIEKIE O KO HAWAII PAE
Aiaa. Ma ka hooponopono waiwai. Ma ka hana o ka waiwai o Charles Kahili o Honolulu, Oahu, i make kauoha ole. Ma ke Keena imua o ka Lunakanawai McCully.
Ma ka heluhelu a me ka waiho ia ana mai o ka Palapala Noi a maria Kaoopa e hoike ana ua make kauoha ole o Charles Kahili ma Honolulu, i ka la 6 o Feberuari 1886, a e noi ana e hoopukaua ka Palapala Hookohu Luna Hooponopono Waiwai iaia.
Ua kauohaia o ka Poakolu ka la 23 o Iune, M.H. 1886 ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Luuakanawai la ma kona keenam ma ia manawa a ma ia wahi no, e heie mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia kauoha e hoolahaia ma ka olelo Hawaii i eklou pule maloko o ke KUOKOA he nupepa ma Honolulu
Kakauia ma Honolulu, Mei 27. 1886 L. McCully.
Lunakanawai o ka Aha Kiekie.
Ikea: HENRY SMITH, Hope Kahauelelo 2078-3ts.
MA KE KEENA O KA LUNAKANA WAI KAAPUNI Apana Elolu o ko Hawaii Pae Aina. Ma ka waiwai o Thos. Spencer no Hilo, Hawaii, i make.
Ua heluheluia a ua waiho ia ka palapala noi a C.s. Kittredge, ka Lunahooponopono malalo o ka Palapala Kauoha hope loa a Thos. Spencer no Hilo, Hawaii, ola kahi a me ka manawa i kohoia no ka hoolohe ana i ua noi la me na mea kue ke hoike ia.
F.S. LYMAN
Lunakanawai Kaapuni 2078-3ts
Olelo Hoolaha.
E I KE auanei na kanaka a pau ke nana mai i keia olelo haolaha. Owaii o Lam Kai Wing: e wehe ana au i hale kaui lole a e kuai ia aku ana me ke kumukuai haahaa loa na lole o kela ano keia ano o na wahine me na kane.
Ma keia Poaono Mei 15, aia ma Kaopuaua ma ka helu 137, alanui Nuuanu. E hele mai e ma makamaka a e ike no oukou iho.
Owau n o LAM KAI WING 2076-4TS
Olelo Hoolaha.
UA HOOKOHU pono ia ka mea nona ka inoa malalo iho i Lunahooponopono no ka Waiwai o CONRAD HENKE, o Humuula i make, a e hoike aku ana keia hoolaha, o ka poe a pau he mau koina ko lakou i ka waiwai o conrad Menke i loeloia, e waiho koke mai ia’u me na hooia kupono, ina paha ma ka moraki a ma kekahi ano e ae paha. e waiho koke mai i na koina a pau ia B.F. Hackfeld ma ke Keena Oihana o H. Haekfeld & co, alanui Moiwahine, Honolulu, iloko o na mahina eono mai keia la aku, a i ole, e hoole mau loa ia lakou. A o ka poe a pau he aie ko lakou i ua waiwai la i oleloia e hookaa koke mai ia B.B. Hackfeld i oleloia.
J.F. HACKFELD Lunahooponopono o ka Waiwai o Conrad Menke i make
Honolulu, Mei 5, 1886 2076-3t
Hoolaha Palena Aina.
NO KA MEA, ua noi ia mai e hooponopono ia na Palena o na aina i kapaia, o kaupulehu, Keauhou 2, me Puaa 1, ma Kona Akau Mokupuni o Hawaii, na aina o Bernice Pauahi Bishop. Nolaila, ua kauoha ia na mea a pau i pili, a me na mea nona na aina e pili pu ana me kela mau aina, o ka Poalua, oia ka la 15 o Iune, 1886, i ka hora 9 kakahiaka, ma ka Hale Hookolokolo o Kona Akau, Hawaii, oia kahi a me ka manawa no ka hoolohe ana i ua noi la, me na na mea kueke hoikeia. F.S. LYMAN,
Komisma Palena Aina,
Hilo Hawaii,Mei 6. 1886 2076-31s.
HOOLAHA PALENA AINA.
NO KA MEA, na noi ia mai e hooponopono ia na Palen a o ka aina i kapaia o Hawaii, no H.N. Greenwell me Manuela. Nolaila ua kauoha ia na mea a pau i pili, a me na mea nona na aina e pili ana me kela aina, o ka Poalua, oia ka la 15 o Iune, 1886, i ka hora 9 kakahiaka, ma ka Hale hookolokolo o Kona Akau, Hawaii, oia kahi a me ka manawa no ka hoolohe ana i ua noi la. me na mea kue ke hoikeia. F.S. LYMAN,
Komisina Palena Aina.
Hilo, Hawaii. Mei 6, 1886 2076-3ts
HOOLAHA A KA LUNAHOOPONOPONO WAIWAI O E. 8 MAUNALOA.
KE HOIKEIA aku nei ka lohe i na mea a pau i aie i na waiwai o E.S. Maunaloa o Kawela, Molokai, i make kauoha ole: mai ka la e puka aku ai o keia hoolaha ma na nupepa a hiki i ka la 31 o Mei, 1886, e hoihoi mai ka poe i koe aole i hookaa mai i ko lakou mau aie iloko o kuu lima, a o na waiwai i koe @@@ me@ i make e paa ia nei ma ko hai lima, e hoihoi pololei mai ia’u me kali hou ole, o hoopiiia e a’u. E hoolohe i keia leo, mai hoopanee o pilikia oukou. E loaa no au ma “Kalauonaona Home, “Kamalo, Molokai
J.W.M. POOHEA,
Lunahoponopono Waiwai o E.S. Maunaloa
Kamalo, Molokai. Mei 10, 1886. 2076-4t
Olelo Hoolaha
UA HOOKOHU pono ia ka mea nona ka inoa malalo nei i Lunahooponopono no ka Waiwai o WERNER GUBBEN onHumuula, Hawaii i make, a e hoike ana keia koolaha, o ka poe a pau he mau koina ko lakou i ka waiwai i oleloia ina i hoopaa ia ma ka moraki a ma kahi ano e ae paha, e hoike koke a me na hooia kupono ia B.F. Hackfeld ma ke Keena oihana o H. Hackfeld & Co., alanui Moiwahine, Honolulu, iloko o na mahina eo no mai keia la aku, ai Ole pela e hoole mau loa ia lakou. A o ka poe a pau i aie i ua waiwai la i oleloia, e hookaa koke ae ia J.F. Hackfeld i oleloia. J.F. Hackfeld,
Lunahooponopono o ka Waiwai o Werner Gubben i make. Honolulu, Mei 5, 1886
2076-3ts
MA KE KAUOHA
I KEIA la ua hookohuia o G.W. AKAO HAPAI i Lunakanawai Hoomalu no Hilo Mokupuni o Hawaii. POOMAIKELANI.
Kiaaina o Hawaii.
Hilo, Hawaii, Feb. 1 st , 1886. 2076-3ts
NA HOOLAHA HOU.
NUHOU NA ni@
Ua loaa mai nei na waiwai nahu nani hou a auo kou loa, me ka wainohia a ka hie mai na aina e mai ma ka mokuahi hope i ka mai nei.
NA PAPALE
Eia inaapei e loaa ai na papale ano kou lea ike ole ia mamua, a e kuai emi loa ia ai@ no.
Na papale o na kaikamahine , na muu@@@ lihilihi nani, a me na waiwai he nui lea o ke ano hou loa.
NA WEHI O NA LEDE
He nui ua lihiiihi kua, na pua na hulu a ma na lako he nui wale.
NA HOOHIE
Oia na aila kupukupu aala ioa, a me na waiala o na ano a pau.
O ka poe e hele mai ana e ike. e loaa an@ na papale makeopono loa, e like me ke ma@@@
o ka halekuai ma alanui Nuuanu.
E kipa mai e ike i na waiwai i pau kuhihe@i
GOO KIM (kUKIMA).
Halekai i ma Monikahaae, 2007 3t-s
HOOLAHA HOOKO MORAKI
ME KE KAUI.
MAMULI O kekahi mana kuai i hoikeia maloko o kekahi palapala moraki i hanaia me waena o Tseu Tin Lee a me Emnoa ka@@ wahine mare no Kohala Akau, Hawaii, o ka aoao mua, a me Le Aseu o ka aoao elua, maka la 24 o Maraki 1885 i kakau kope ia ma ka buke 95 aoao 79 me 80 a mamuli o ka uha@a ana o na kumu aelike o kela moraki, nolaia ke hoolahia aku nei e ka mea nona ka @o@@ elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma @@ Poalima la 14 o Mei, 1886, ma ka hale keena alanae. Niulii, Kohala, Hawaii, ma ka hora 10 o ia la. Aia ma kahi o Akipoka a me Akipoka na olelo hoakaka no keia mea.
Hanaia i keia la 22 o Aperila 1886
L.ASEU.
Penei na aina e kudalaia ana: Kela wai aina ma Niulii i oleoia maluna i hai ia ma ka palapala Sila Nui 3664. Kueleana H@@ 10861 i kakauia ma ka inoa o Puanaiwii @@ nui o kela mau aina he 20 ¼ eka, oi akua emi mai paha; a o ke ano o keia mau aina, he aina kaol, laiki, a rue kule. O ke kuai ku@a la i hoolahaia maluna ae, ua hoopaneeia a@ ka Poakahi la 14 0 Iune, i ka hor 12 awakei o ia la, ma ka hale kuai kudala o F.B. Adams & Co., ma Honolulu. 2070-4ts
I loko o ka Aha Hookolokolo Kiekie o ke Aupuni Hawaii:
KALAKAUA, ma ka lokomaikai o ke Akua, o ko Hawaii Pae aina, Moi:
I ka Ilamuku o ke Aupuni, a i ole i kona Hope, me ka mahalo:
Ke kauohaia aku nei oe e kii aku ia ENOS M. NORDBERG ka mea i hoopiiia, e noho nei ma San Francisco, Kaleponi, kekahi o na P@ nalaau o America Huipuia, ina e waiho ma ana oia i kana pane i kakauia iloko o na la heiwakalua mahope iho o ka hookoia ana o h@@ e hele mai imua o ka Aha Hookolokolo KieK@ ma ke kau a Aperila o ua aha la e malaim@@ a an ma ke keena hookolokolo o ka Hale Hookolokolo ma Honolulu, mokupuni o Oahu ma ka Poakahi la 5 o Aperilia e hiki mai an@@ ma ka hora 10 kakahiaaka, e hoike mai no ke aha la e ae ole ia ai ke noi a Ida E. Nordberg ka mea hoopii, e like me ka mea i hoakakaa iloko o kona palapala hoopii i pakui pu ia me keia:
Ikeia ka mea hanoha no A. Franc@@
Judd Lunakanawai Nui o ko make@
Aha Hookolokolo Kiekie ma Hoo@
lulu i keia la i i o Maraki M. M. @@
HENERY SMITH
Hope Kakauolelo
Ilamuku
Honolulu Mar 16 1886
Ke hoihoi nei au i keia palapala kii me @@ pakui pu ia no Enos M. Nordberg me ka @@@
Ko ole ia no ka mea aole oia maloko o k@@@ apuni, ua huli pono ia. J. H. SOPEI@@@
Ke hooia nei au o na mea i hoikeia ae@@ maluna, he kope oiaio no ia o ka palapala @@
o ua hihia la a me ka hooike o ka Ilamuku @@ ia mea; a ua kauoha ua aha la ma ke kau @@ aperila 1886, e hoopaneeia ua hihia la a hik@ e aku i kope i hooia ia o ua palapala kiila@@
like me ke kanawai.
Ikea , kou lima a me ke sila o ua i@@
la ma Honolulu i keia la 10 o Aperila 1886 WILLIAM FOS@@
(Sila) Kaka@@@@@
2073-6t
HOOLAHA: Ua hookohu pono ia @@@ hooponopono no ka waiwai o ALIU ) pake@@@
Honolulu i make, a e kono aku ana keia @@ laha i ka poe a pau he mau koina ko lakou ua waiwai la o Aliu i oleloia, e waiho ma @@@ na kumu oiaio a kupono, ina paha ma ka @@@ raki a ma kekahi ano e ae paha, ia J. @ Hackfeld ma ke keena oihana o H. Hackfeld & Co., ma alanui Moiwahine, Honolulu @@ aku , a i ole e hoole mau loa ia aku no. O @@ poe i aie i ua waiwai la i oleloia, e hooka@@
ke mai ia J. F. HACKFELD & RUBENSTEIN
Na lunahoopouopu no o ka waiwai o A@@ make. Honolulu 13, 1886 2076-4t
A HA kaapuni Apana Ekolu o ko Hawaii. Pae aina - - Ma ka Ihooponopono @@ puuole (k). no Hilo, Hawaii, i make.
Ua heluheluia a waiho ia ka palapala @@ M. Pelapola, ka Lunahooponopono no @@ waiwai o Kaawapuupuuole )k) o Hilo, Hawaii, i make, e noi ana e hoapono ia @@ hoike hope, a e hooholo ia na waiwai: koe na hooilina a e hookuu aku iaia a me k@@@ hope mai ka noho Lunahooponopono w@@@@@ li, o ka Poalima, oia ka la 16 o Iualai, M. @@@@ 1886, i ka hora 10 kakahiaka, ma ka @@@ hookolokolo ma Hilo, Hawaii, oia kahi @ @@@ ka manawa i kohoia no ka hoolohe ana @@ noi la, me na mea kue ke hoikula.
F. S. LYMAN.
Lunakanawai Kaapuni Apana Ekolu H @@@@@ Hilo, Hawaii Mei 12, 1888 2077 – 3ts
A HA Kaawuni Apana Ekolu o ko Ha@@@@ Pae Aina – Ma ka hooponopono @@@ wai hooilina. Ma ka waiwai o S. K. K@@@@@ poma no Kau, Hawaii, i make.
Ua heluheluia a ua waiho ia ka palapala @@ a W. Kua, e noi ana e hooponopono a @@@ waiwai o S. K. Kawaiponia no Kau, Ha@@@@ i make kauoha ole, a e hoonoho aku @@@ Lunahooponopono no ia waiwai; N @@@@ Kauoha ia na mea a pau i piii, o ka @@@@ oia ka la 22 o Iune, 1886, i ka hora 9 @@@ aka, ma ka hale hookolokolo ma Wai@@@ Kau, Hawaii, oia kahi a me ka ma@@@@@ ho ia no ka hoolohe ana i ua noi la. @@ mea kue ke hoikeia. F.S. LYMAN
Lunakanawai Kaapuni Apana Ekolua H@@@@ A. Hilo, Hawaii Mei 12 1886 2077-3ts
HOOLAHA: Moanalua, Oahu, M@@@ A.D. 1886. Ua hookohuia ma @@@ mea nona ka inoa malalo iho ma ka la @ Aperila, A. D. 1886, i lunahooponopono ka waiwai me ka palapala hooilina i hu@@@ A. PAULELEAHANA e Edward Preston, @@@ kanawai o ka Aha Kiekie, a ke hoike nei @@@ hoolaha o ka poe a pau he mau koina ke @@@ kou i ka waiwai i oleloia e hoike mai ia’@ ko o na mahina eono mai keia la aku, a @@@ e hoole mau ia lakou. KAWAHAOI P@@@ 2078-4ts