Ka Nupepa Kuokoa, Volume XXV, Number 19, 8 Mei 1886 — LUCY KINAU KANOHOLOA. [ARTICLE]
LUCY KINAU KANOHOLOA.
Ma ka Poakahi o keia pule i waiho mai ai keia kaikamahine opiopio i kona mau makamaka oka noho ana kino a hoi aku la iluna. Ua hanauia o Kinau ma ka mokupuni o Moloka», mailaila mai oia a noho i Honolulu me kona jkaikuaana Mrs. Ane Lma Naone. Eia |no kona makuahine ke noho nei a me ke kaikunane, a me kekahi mau kaikai na. He kaikamahine akahai, he oluolu a he naauao. He loea no ka ahahui o ka poe opiopio o Kawaiahao, he hapai mau no hoi ina hana maikai oia aha. He makaala ina hana maikai a pau. He hoomanawanui; iloko o na mahina 1 waiho ai i ka mai, ua hoomanawanui i ka eha me ka uwe ole. Na kona manaolana i kokua nui mai i kona noho ana ika eha oke kino Aohe i kanalua no ka Puuhonua kahi ana i hilinai ai, a hele wale aku la iloko oka ianakila, iloko o ka 21 o kona mau makahiki.