Ka Nupepa Kuokoa, Volume XXV, Number 18, 1 Mei 1886 — NO KE KO. [ARTICLE]

NO KE KO.

Ma na lono hope mai nei i lohe ia mai ai ua pii iki ae ke kumukuai o ke kopaa ma KaleponL He nu maikai keia e hoolana ai i ka manao, aole wale o ka poe mahiai, aka o na poe e ae a pau e makee nei no ka holomua o na hana maikai a me na pomaikai o ka lehulehu mai o a o. O na pomaikai kino oka lehulehu, ua ulu ae no loko mai o na hana imi loaa i hoohana ia aku maluna oka aina, ao na ha»a hooulu loaa i keia wa oia no na hana aka poe mahiai. Oia iho la no na kumu hoowaiwai o ka aina, a o na hana hoowaiwai e ae, a hoonaauao i ka lehulehu, he mau lala īa no ke kumu nui hookahi, oia hoi ka mahiai. Oka mahiai ka makuahine o na hana hoopomaikai kmo a pau. E like me ke kino o ke kanaka mai ka lepo mai, pela no hoi oia e kii ai i kona pomaikai kino iloko o ka lepo ma ka mahiai ana. Nolaila ua aie nui ka aina a me ka lahui nana e noho nei ka aina i ko kakou poe mahiko mai Hawaii a hiki i Kauai. Na lakou e hoohana aku na ainaahuamai na hua, ana ia hua i lawe mai ke dala a hoohana hou aku /waena 0 na poe hana a pau, a pela no hoi i loaa ai i kela a me keia oka poe hana a pau kau wahi loaa mailoko ae o na hua o ka poe mahiai, koe wale no 0 ka poe palaualelo, a ua pono no ke nele lakou, no ka mea o ke kanawai 0 ke ola, oia no ka hana. Mamuli o keia ano pomaikai i loaa mai ai ma na aina hana mahiai, he mea pono i ka lehi lehu ke makee nui 1 keia hana, a e mahalo ia ka poe mahi i ka aina. Ua paipai pinepme keia pepa i kona poe heluhelu ma na apana kuaaina e mahiai no lakou iho, ke loaa kau wahi aina, e kanu i ko a i ke kope a me na mea e ae. Mai hoowahawaha kakou i ka poe mahiai, ka poe nana e imi nei .na loaa 0 ka aina, a puunaue ia aku iwaena o na ano paahana eae a pau. A elike me ko makou paipai mau, pela no hoi makou e paipai hou aku nei 1 najmakaainana ma na apana kua a pau o ka aina, e hooulu ina mea ulu o ka honua a e ai i na hua o ka aina.