Ka Nupepa Kuokoa, Volume XXV, Number 17, 24 ʻApelila 1886 — Ulesia S. Kalani, KA UMIKUMAMALINA O NA Peresidena o Amerika, KA MEA I KAPALA Ka Alihikaua Kaulana loa iloko o ke Kaua Huliamahi Kuloko o ka Akau me ka Hema. [ARTICLE]

Ulesia S. Kalani, KA UMIKUMAMALINA O NA Peresidena o Amerika, KA MEA I KAPALA Ka Alihikaua Kaulana loa iloko o ke Kaua Huliamahi Kuloko o ka Akau me ka Hema.

Ke Kaua Huliamahi. Oka waiho ana aku a Kalani i kana mau kumuhana i hoomakaukau ai no ka nee mua aku o ka puali, oia kana i kahea ae ai i na Kenela ma kekahi halawai c malama ia ana ia ahiahi. I ka wa i akoakoa ae ai na j Kenela, ua pane aku la o Kalani imua| o na aliikoa i keia mau olelo: " He hookahi wale no kulana e hiki ai ke hooko aku, a ua ike o Kenela Rolena i ka'u mea i manao ai/' He mau minute pokole keia oka hoomaha ana. a aole nae i lohe ia aku kekahi mau leo e noi mai ana a i ole e kue mai paha, nolaila, hai pau aku la o Kalani i kona manao mua e like me kana Phooholo ai iaia iho i ka la mamua aku. Hai aku laoia i ke kulana pi likia ona koa mamuli o ka mamao ana aku o na lako ai mai ia lakou aku. E maki ana lakou maloko aku o ke pohopoho nui o kapa wai o ka muliwai, a e holo hoi na moku e lawe ai i na lako kaua me kekahi hapa o na koa Imaloko o ka Misisipi. O Kenela Rolena a me Pemasona, o laua wale no (na Kenela i apono a kokua i keia mau hoomakaukau kaua a Kalani no ke kulanakauhale o Vicksburg. No ka loaa pane ole ona Kenela no keia mau mea, ua ninau pakahi aku la o Kalani i ko lakou manao, a pela wale no hoi e hiki ai ke imi ia aku na Kenela e aa ana e kokua maluna o keia hoomakaukau. Oka pane a kekahi mau Kenela no ka ninau, oia ka lakou i pane aku ai ia Kalani, — '• O ka lawe ana i ka puali kaua no hope o Vicksburg maloko aku o keia wahi poho, oia ko lakou hoomamao loa ana aku i na lako ai mai ia lakou aku." | Oke ano o keia pane, he hooko maopopo loa keia aole i aa e komo aku iloko oka aina oka enemi. Ua ninau hou aku o Kalani i kekahi hapa o na aliikoa, a ua pane mai lakou i ko lakou manao penei:

"He kulana ma'kai kela a kakou e manao nei e lawe, aka, ina e komo ana ka enemi mawaena oka puali me na lako ai, he mea oiaio,—ua haulehia a pio kakou. M Ua pane mai la hoi kekahi e kue ana na i keia mau lawelawe ana penei: "O ka lawe ana ika puah no hope 0 Vicksburg, he hoomaunauna wale no ia 1 ke ola o na koa me kekahi heluna nui. Aole no ka nee ana oka puali 1 kela kulana, he mea ia no ke aupuni e apono a kokua mai ia kakou! Aole oia e kokua mai ina e haulehia kakou iloko o ke kuhihewa." Mahope iho o kekahi hoopaapaa loihi ana, aohe 1 like ka manao ona Kenela no na kumu e hele ai īmua, a i ole, e noho no i kahi a lakou e hoolulu la, a oia ka Kalani i pane aku ai ia lakou, — "He oiaio," wahi ana i pane aku ai, " O kahi a kakou e makemake loa nei e kii aku, he mea pono e hooko ia; a pehea la e hiki ai ke hooko aku ? Eia wale no paha ka kakou mea e hana at ina aole kakou iae e hele imua, alaila, me keia kakon e hana ai,—aohe hiki ia kakou e hooko ike kauoha, a e noho wale no kakou ma ktia wahi a kahea mai ke aupuni ia kakou e hoi, alaila hol Eia wale no ko*u manao," wahi hou a Kalani, " E lawe mai au i na ahewa ia a pau maluna iho o'u ke pilikia ka puali; a oka mea a 4 u i olelo mua aenei no ka nee ana imua, e nee kakou no hope o ke kulanakauhale nae ka awiwi nui, mamua oka pii mai a puipui loa ka enemi mai na koa mai o ki lukina." I ka wa i lohe ia ai ka manao o Kalani e kona mau Kenela, he mea keia na iakou i peku nui loa ai ka hele ana aku e hui me ka enemi ena kahi hiki Ika makapo ke ike aku 110 ka poīno. O Kenela Sherman ua heie i aku la oia e hui pu me Kenela Thayer, ' a 0 « kana i pane aku ai ma kona ipukā.— | "Ke ala nei no oe e Mr. Thayer, w wahi a Shermafi.

" Ae/' wahi a Thaycr. "Ma ka halawai o iea po nei, aa ae o Kalani e lawe aku ika puali kaua i hope o V r icksburg t " wahi a Sherman. "He mau iawelawe kela na 4 u i manao mua ai, ao!e nae au i mahalo loa i ka onou maoli ana aku 1 na waapa kaua e holo aku ma ka muliwai Misisipi, oial na batari o ka enemi ua makaukau i na wa a pau. Ua hooholo oia i kona manao, a nolaila, eia wa!e no ka mea hiki ia kakou ke hana, e lokahi kakou a e hooko hoi i na kiuoha." O ka hoomakaukau ana no ka manawa e hooko ia ai keia mau hana, oia kekahi ona minute a ka pihoihoi nul O Kenela Mekalenada, ua maki aku oia me ka puali Helu 11 maloko o ke pohopoho 0 New Carthage, a o Kenela Kaiani hoi, ua noho iho oia e lawelawe [X)noi i ka mea ana i heomakaukau ai no kona puali. Ma kekahi po pouli nai, ua haawi ia ae la ke kauoha ina koa kuikawa a pau, e makaukau a kau aku maluna o na waapa nunui, a na na mokuahi liilii e kolo aku ia lakou iloko 0 ka muliwai Misisipi, malalo o ka hoopakele ana a Komodoa Pota me kona mau aumoku kaua. Aok i pau.