Ka Nupepa Kuokoa, Volume XXV, Number 17, 24 April 1886 — MAKE I ALOHA IA. [ARTICLE]

MAKE I ALOHA IA.

Oiai na hana hooweliweli a ke ahi o ka po Sabati nei i hala e nune nui ia ana mawaena o ko ke kulanakauhale nei, ua wawa pu īa mai la na lono no ka make hikiwawe ana o ka Hon. Mrs. E. A. Kapena, wahine a hoapili aloha oko ke aupuni Kuhina Waiwai. Ua komo na manao kanalua iloko o kekahi poe, oiai aole i mamao ka manawa o ka hui kino pu ana me ia ma ke ala, a lohe koke ia no kona make. No ka oiaio o keia mau lono, ua hele kino aku kekahi poe e ike, a ua hoopauia na kanalua ana, no ka mea, he kino puanuanu ke waiho mai ana, a ua hele hoi ka uhane ka hoapili o keia ola ana. Ua hoikeia mai, ika wa aka bele pauahi e kani-ke ana, ua loaa mai oia maluna o kona kaa i kekahi mau makamaka e pii aku ana no Kaoalama. Aole i liuliu ma ia hope iho, loheia mai la ua make. Nui na lono wawa ho kona make ana, aka hookahi lohe a makou i hooiaio ai ua make hikiwawe oia ma kekahi mau ulia ano e. Ma ka auina la oka Poalua ae, ua maneleia aku kona kino lepo no ka luakini Sana Anaru; malaila kahi i lawelaweia ai na hana haipule maluna o kona kino, a lawe loa ia aku la no ka ilina o Kawaiahao. Ua ukaliia aku kona huakai hoolewa e na makamaka a me na hoa'loha lehulehu, ka bana o ke aupuni a me kekahi poe hanohano. He wahine oia i kamaaina imua o na alo alii a me na poe hanohano, no kona oiuolu, lokomaikai, « heahea; a ma o kona hele hookahi ana aku la ma ke ala mau o ke kino, ua waiho iho oia i kana mau hana maikai mahope nei me ka heomanao ia e kona mau makamaka. Ua haalele iho oia he kane he keiki, a mc na hoa'loha be nui e paiauma aku ana nona Hala a\u la oia ike 39 a oi o kona mau makahiki. Aloha wale ia.