Ka Nupepa Kuokoa, Volume XXV, Number 16, 17 April 1886 — Ka Malamalama o ka La. [ARTICLE]

Ka Malamalama o ka La.

E na makamaka, e hoomaopoopo kakou, 0 ka la, oia kekahi o na mea hilu alohilohi o na huina ao uli a ke Akua i hana maT ai. e hoomalamalama ana i na mea hana, e hoomolaelae ana hoi i ko kakou mau alanui hele, a e hooipo ana me kakou no keia a me keia mau hana .1 kakou, a i ole ia me kakou ua haha poele ka papai o Honolulu, ua kipa hewa ke aloha i ka Ilio, a ua nele i na hookuina holomua o na hana, a ua like ia me ke kukui i huna ia malaio o ke poi, aole e ike ia kona malamalama. Aka, o kekahi poe, ke hoao nei lakou e pee malalo o na kukuna malamalama oka )a, aua ikaika hoi lakou, e hoopunana iwaena 0 na ula ahi lapa lapa o ka waiona. Ua pakele lakou i ka mehana o ka la, aua pipili lakou i ka wela o ka waiona: Ea! ke ku mai nei keau o ka naauao e like me ka malamalama o ka la, e pale īa kakou fnawaho o na rumi waiona a e hoomaopoopo iho ua like la me ka Alopeka imua o ka Ilio hahai, oiai, uaike ka Alopeka i kahi oka pilikia, a o ka Ilio nae, ua īke ole. Aia he lua nui mawaena o laua, aka, he puka ia no ka Ilio e hei ai, pela no kakou, ke ku nei he lua oka popilikia mawaena o kakou ame ka waiona. Oia hoi ka make kanu maoh oia hoi ka nele o ka waihona, a pela wale aku. L. S. K.