Ka Nupepa Kuokoa, Volume XXV, Number 15, 10 April 1886 — He Hui "Liliuokalani." [ARTICLE]

He Hui "Liliuokalani."

0 " Liliuokalani" ka inoa o kekahi hui i hoalaia iho nei e kekahi poe o ke kulanakauhale nei, he poe wahine wale no na lala, aua aneane aku paha ko lakou huina 1 ke kanalima. Ua kukuluia keia hui ma ke ano hookuo noono dala, 1 noho hooponoponoia e Mrs. L. Wilcox Peresidena, Mrs. J. Kaae hope Feresidena; Mrs. E. Beckley Kakauolelo, a o ka Hooilina Alii ka Puuku. Ua ku aua paa ka Hui i keia wa, nolaila ua pai iho nei ua poe ala he mau buke rula no ka hui, a ma lalo o ia mau alakai ana ana rula e hooholo mua ai i na hana a na lala o ka hui me ka maikai, a e loaa ole ai na paewaewa iwaena o lakou. He hoahu dala mau ka lakou maloko o ka waihona no elima dala pakahi o lakou i kela a me keia mahina, a ma o kekahi mau hana ; manao ia he pono ke hoohana aku i ke dala i hoahuia, i loaa mai ai ka pomaikai, pela no e hoohana īa aku ai. He hana maikai maoli keia i hookahuaia e na noonoo naauao o keia poe wahine, a ua lana no hoi na manaolana e holomua a e hoohua nui mai ina pomaikai ma ka lakou lawelawe ana, ao ka maemae a me ka maluhia oka lakou mau hana ke ukali mau ia lakou.

Ua hoolahaia mamua aku nei he kekahi hui 0 keia ano i hoalaia e kekahi poe keonimana Hawaii ponoi oke kulanakauhale nei, a ua lohe pu ia mai no hoi ko lakou hoahu ana i ke dala. A hiki i keia wa, aohe i lohe hou ia no lakou; eia no paha ke hana nei, aole paha. Ina eia no, alaila e holomua like na hana a keia mau hui hookuonoono dala.