Ka Nupepa Kuokoa, Volume XXV, Number 15, 10 April 1886 — AHEA LA HOOLOHE? [ARTICLE]

AHEA LA HOOLOHE?

Ua hoolaha pinepine nakou iloko o na kolamu o keia pepa, no na leta a me na mea no ke Kuokoa, e hooili mai ma ka inoa o ka Nupepa Kuokoa wale no. Ke ku mau nei no hoi ka olelo hoolaha ku mau ma ke poo o keia pepa e hoomaopopo ana e like me ka makou e hoike ae la maluna. Ina i malama j>ono ia keia mau olelo ao a makou, aole e pilikia na leta, a me na kauoha, a me ke dala no hoi kekahi i hooili ia mai no ke Kuokoa. No ka malama ole ia o keia rula, nolaila ua pilikia kekahi mau makamaka.

Ke hai mai nei o S. Kapela o Puako, Kawaihae, iloko ka o ka malama o lanuari o keia makahiki ua hooili mai oia he leta me na dala pu kekahi o keia pepa ma ka inoa o Mr. A. P. Kalaukoa. Oia leta ame ia dala aole i loaa mai ia makou a hiki i keia la. Eia la ihea kahi i hele ai ? Ua kaawale o Kalaukoa mai lokr aku o ke keena o keia pepa iloko o ka malama o Deke maba, o ka makahiki i hala, no kana hana ma Hawaii. Nolaila ua hoaa ka leta a me ke dala a ko makou makamaka o Kapela, aua poho oia ke loaa ole ma keia hope iho. Ina ua loa ka leta a me ke dala i kekahi mea, e pono e hoihoi poiolei ae ika mea nona ka inoa i kauia mawaho oka wahi, oia o A. P. Kalaukoa. Ina i malama pono o Kapela ika rula e hoolaha mau ia nei ma ke poo oke kolamu mua o ka aoao ekolu o keia pepa, ina ua hohia ole oia i keia pilikia. Ina e hoolohe ole na makamaka i ka makou mau hoolaha no ka pepa, aole paha me inakou ka hewa ona hopena e hiki mai ana.