Ka Nupepa Kuokoa, Volume XXV, Number 15, 10 ʻApelila 1886 — APOPO. [ARTICLE]

APOPO.

E kamaiiio ana o Mr. William Nobie ma Kawaiahao ike awakea, hora 11 o ka la apopo. A ua lohe mai makou i na makamaka o Kaumakapili e manao ana lakou e hui pu ko lakou anaina o ka ia apopo me ko Kawaiahao. He manao maikai keia, oiai he lehulehu no ka poe ma na apana e pili ana mawaho ae oke kuianakauhaie i makemake e iohe i na manao o keia haiolelo kauiana, a he mea hiki ole hoi ke hele mai i na halawai po. Nolaila he wa maikai ke awakea o ka ia ai>opo no na mea a pau e makemake ana e lohe, e hele mai i Kawaiahao a e lohe no ame ka ike maka no hoi kekahi. Aole paha he nui na la i koe e noho ai o Mr. Nohle me kakou a hele aku no na panalaau o Auseteralia, a o ka wa kupono loa keia e lohe ai i kona mau manao hope. Ma ko makou hoomaopopo ana i ke ano o keia kanaka, ma na kamailio ana imua oke akea, he puuwai aloha nui kona i na ano kanaka a pau o kela a me keia lahui. He manao aloha me ka minamina kona no ka poe i haule iloko oka poino o na waiona, a ke haawi nei oia i kona ola e hele ma o a maanei o ka honua e kokua a hoopakele i kanaka i na poino weliweli ana wai awaawa. Ua hoopomaikai mau ia na poe a pau i lohe i kana mau olelo ao mamuli oka hooikaikaia o ko lakou mau noonoo maikai, ame ka hoolanaia no hoi oka manao no ka hookanaka ana me ka lanakila maluna o na mea mo. E hele nui ae ena makamaka i ka la apopo ma Kawaiahao, e lohe a e ike kela a me keia nona iho.