Ka Nupepa Kuokoa, Volume XXV, Number 15, 10 ʻApelila 1886 — Na Opio [ARTICLE]

Na Opio

[Kakau ia no ke Kuokoa.] Ona opio; oia ka hauoli o na la o ke kanaka makua, na kawowo hoi ia mai ka puhaka mai o ke kane a me ka wahine. He makana makamae i haawi la mai na laua e ka Mea Mana Loa. He hewa loa a pono ole ka makua ke hele pinepine a hoolauna mau a noho paa ma kahi e ike ia ana he mau mai lele, a hiki ole ke hoola ia. O lele mai ia mea a hoopoino i ke ola o ua mau opio nei, a me ke ola kino o ka makuahine pu kekahi.

Ano ka makau o na makua i keia mau kumu ulia maa mau maluna o na kamaiki o kakou, ua pulama nui ae la na makua makee keiki i ka lakou mau. opio me ka hookokoke ole aku i na pilikia oia ano. Me keia ano i minamina loa ai makou ia Puuohau a me kana mau keiki opiopio a me kana wahine. No ka mea ua hoolilo iho nei o Puuohau iaia i kauwa e noho mau ana inawa a pau oka la ma ka Halemai 0 Kakaako ma ke ano Kiaaina no na pauku wahie, he makana hoi i loaa iaia no kona hooikaika ana i ka Balota Lahui. E noho huikau ana ua makamaka la iwaena ona mai kane a wahine oua halepaahao la. Ai na manawa o ka po, e hoi aku oia e hii a milimili i na keiki, a e moe pu i ka poh o ka wahine. Ama o keia noho huikau ana ona i minamina nui ai makou no ka Puuohau mau opio keiki a me kana wahine. Aole makou i kamailio wale 1 keia me ka manao e hoonele aku i ka makamaka i kana hana e lawelawe la. Aka, ua kono ia mai makou e hoike a e kuiiikuhi aku i ke ala maikai a maemae no kona ohana ; e waiho aku oia i kela mau dala haumia. Ua hoaiai hou ae la makou no keia haumia mamuli o na olelo hoike a kauka Stallard imua o ka Ahaolelo o 1884 penei: " Nolaila, aole no he mea hiki ole ka lawe »a ana oke kumu o ka mai lepera e na makika, na nalo a me kekahi mau moo e ae ma kekahi kowa pokole mai ka Halemai a ke kulanakauhale." Ua maopopo koke keia i ko makou poe heluhelu ina e hiki i na nalo a me na moo ke lawe mai i na lepera, alaila, ua oi loa aku ke kanaka i hoolilo iaia iho i mea kuhinu iwaena o na mai a hoihoi mai e hapala i kona

ohana. Ke lana nei ko makou manao, aole e hoomau aku ana ko makou makamaka Puuehau i ka lawelawe ana ia hana ana. Aka, me he la nae hoi, ua lawa kela mau la ana i lawelawe ai a hoi a noho pu nie ka ohana no ka hoo laha ana ika mai lepera mawaena o lakou no kekahi manawa aku.