Ka Nupepa Kuokoa, Volume XXV, Number 12, 20 Malaki 1886 — O KUU MAKUAKANE UA HALA. [ARTICLE]

O KUU MAKUAKANE UA HALA.

Me ka naau i piha i ke aloha, a ine na kulu waimaka walohia e hoohanini ana Mana i ka waiopua, ke hoike aku nei au imua 0 ka nui lehulehu i ike na ohana a pau e noho ana mai Hawaii a; Kauai 110 kuu makuakane i aleha nuiia ; oia o Mr. K. Keliiholoikauai, oiai ua wehe inai oia i ka pili ia makou na keiki he ehiku ka nui e ola nei, a elua hoi i make, na moopuna he eono, a ua hoi aku hookahi i ka lepo, a ke noho nei makou me ka mama i hooneleia e ke kane ole, aka, hookahi makua o ke Kahikolu Mana ma ka lani. Ma ka nora 5:40 0 ke ahiahi Poaono la 20 oka mahina i hala, nuu mai la i kona luhi, maha aku la kona uhane, a hoi aku la me ka mea nana oia i haawi mai. Nolaila, ua kii mai la ka make a me kona mau lima nienemene ole a lawe aku la 1 ke ola makamae o ko makou papa i aloha nuiia. He oluolu, he lokomaikai, he heahea, he malama mai ia makou na keiki a me na moopuna, a me na hoa'loha he nui. Ua hanauia oia ma Puapuaaiki, Kona A., Hawaii, i ka 1820. Oka nui o kona mau la oke ola ana ma keia ao mauleule, he 66 makahiki, a haalele mai la īa makou e paiauma aku i ke aloha nona. E hoonani mau ia ke Akua no kona i ka lawe ana aku i kana o ka uhane. He mahu ke ola o ke kanaka i pu-a ae a nalo iho. Ma ke ahiahi Sabati ae ua hoi aku la kona kino i ka lepo, no ka mea no ka lepo mai no kakou, a e hoi aku no kakou ilaila, a o ka home hookahi no ia o na kino; a o ka home hoi ona uhane, aia ma kela Paredaiso. A ke haawi ae nei au i ko'u hoomaikai i ka Ahahui Opiopio o Kahului, Kona, Hawaii, no ko lakou lawe ana na lakou e uku ka pahu, ka uhi o waho, a me ka eli ana i ka lua; na keia Ahahui no hoi 1 malama ke anaina pule i ke kakahiaka a me ke ahiahi Sabati. Owau iho no me ke kaumaha. J. E Kaiewe Jk.