Ka Nupepa Kuokoa, Volume XXV, Number 12, 20 March 1886 — KA MIHI ANA O KE KANAKA NONA IHO, MAHOPE IHO O KA HOOKO IA ANA KONA MAKEMAKE. [ARTICLE]

KA MIHI ANA O KE KANAKA NONA IHO, MAHOPE IHO O KA HOOKO IA ANA KONA MAKEMAKE.

(Hoohenoia e ka makasila Uleleioaihui.) Mamua ae o na kohokoho ana no na baioie elua, oia hoi ka haloia lahui a me ka balota kuokoa, a oiai ka manawa no ka hooko ia ana, a o ke kanaka hana hoi malalo o kona haku hana e ku makaukau ana no ka aoao kuokoa, a e kokua an& hoi i ka pono kuokoa o ka lahui, a e puhi ana hoi 1 ka olelo maikai i kona kanaka hana e koho, a e kokua maoli i ka aoao kuokoa, ua hoike mai la oia i kona ae ma ke panau ana o ka hnelo e like me ka ilio ; a he mau sekona pokole iho mahope, ua kuli ae la ka pepeiao a holo aku la ka lohe ma ka maka, ua awihi ae la hoi ka maka, a nakeke ae la ka ike i ka ihu, a pela wale iho la no ka epa ana a koho ana i ka balotalahui. A oiai ua kanaka nei e koomau ana i ka momono lilelile a ua balota nei, a e penu ana hoi i ka hinuhinu wakawaka a ua poe eepa nei, a he imo ana na ka maka, ua īke iho la oia ua nele i kahi mea hookomo ole ma kena waihona ai, a ua haukae maopopo hoi i kahi mea pumehana ole o ka pauku kino, a ua hooniaka iho la oia e imi hou i kona haku hana e like me ka mea mau. Oiai ua eepa nei imua o ka haku ha na, a noi aku la i hana nana e like me ka mea i maa mau iaia mamua, ua pane mai la ka haku me keia mau olelo : "Aole pilikia makou keia manawa, lawa no ko makou hana, aka, ina pilikia oe aole loaa hana, aole pii mai kenikenioe, hiki no makou aloha ia oe hapaha ka la hana ina oe makemake ia hiki no ; akahi pauku hee ka la hana, īna makemake ai alima hua ualakahiki ka pule, a iaa aole oe makemake pau no. Oe hele pololei balota lahui lakou nui loa opala aupuni lu wale." I ua kanaka nei e ku ana ma kahi o ke kumu-niu, a e kalele ana hoi kekahi hapaha o kona kino i ke kumu maia. a e haka pono ana hoi kona mau maka i ka lewalewa iho a na huihui-niu, a e nalu ana hoi kena naau no keia mau olelo a ka haku hana, me kona hiki hou ole hoi ke hele hou aku imua o ka balota Jahui e noi ai i hana nana,,. oiai o kona mea mua loa ia nana i hoohoka. A oiai ua inanawa la ona e nalu ana i ka hoka, ua ikeia aku na helehelena mihi o ua kanaka la nona iho, mahope iho o kona hookuli ana i ka olelo ao maikai a kona haku hana iaia, kahi hoi ana i hana ai mamua ae me uku maikai i hoihoi ai ua kanaka la nona iho. Ua ikeia aku na hiona haikea maluna ona, e mae ana na hulu o ke kuemaka, e lewa kakale ana na pepeiao, e ume ana ka ihu i ka hupe, a e ha'u ana ka opi i ka makani, a pela i ili ai ka haawina o ka neo maluna o ka mea kue i ka maikai. Me ka haahaa, L. S. K. Ul-ELF,WA IHUIAKANAUI.U. Kawaihae-uka, Hawaii.