Ka Nupepa Kuokoa, Volume XXV, Number 12, 20 March 1886 — KA HOME AU E NOHO AI, HE MEA NUI IA. [ARTICLE]

KA HOME AU E NOHO AI, HE MEA NUI IA.

E like me ka malamalama o ka la e kau nei, a e alohi ana iwaena o na mea kino o ke ao holookoa, a e kula'i pau ana hoi kona nani iwaena 0 na mea hilu alohilohi 0 ka lewa-luna, pela hoi ka mama uwila anapu o kuu makasila e panee aku nei i ka weli o na hua e kau ae la maluna, a i mea na o'u hoa e ike at a hoomanao iho. Ua hiki ke kau ae ma ka napa ekahi o na mea hilu. E n/makamaka, na hoa'loha, a me na opio o keewe hookahi, oiai i kou \va e lawelawe ana no na hana au i manao ai, a e imi ana hoi kou naau i kela a me keia mea a kou puuwai i kuko ai, a 0 na mea paha i moeuhane mua ia e oe, aka, riai na sekona hope o kou noonoo, e lawe auanei oe a hoomanao i kou home noho kahi hoi a kou kino e luakaha ai i na ea oluolu kupono o ke ola kino, kahi hoi a kou ohana i noho pumehana ai, a o ka palena pahu hopu ia o ke kanaka e hiki ole ai i na aia ke kue aku, a he mea nui hoi ka home noho no ka noho ohana ana. Pela hoi ke kanaka \ koho ia no ka hooponopono aupuni ana. He mea hiki ole iaia ke hana a pakaha, a paeli, a hoino wale i ke kahua o ka home nolio, (ke aupuni), a he mea hiki ole no hoi iaia ke hana i kekahi mea e kue ai, a e mokuahana ai ka noho oluolu ana o ka ohana, (ka lahui). Ea ! Ena makamaka, a me na ewe ponoi o ka aina, l;e mea nui ka hooponopono ana i ke aupuni, ka home pumehana 0 ka lahui, a he mea makaala ia hoi ka hoomaemae ana i ke aupuni ma na mea e noho oluolu ai ka lahui.

0 ka pomaikai a me ka holomua ke kaana ia iwaena o ka lahui, a o ka mai kai"Ea a me ke Kuokoa," ka makia ia iluna oke aupuni. Oke kanaka makee ana i kona home noho, (ke aupuni), a e aloha ana i kona ohana, (ka lahui), ua like ia me ke kukui uwila anapu e hoomalamalama ana i na mea i lunaia ma kahi pouli, a he molaelae kona niau alanui hele, a o ka mea pono wale iaia e hana aku, oia ka imi ana aku i na no'a huna aka poe kolohe. Ka hoomaemae ana i na wahi i kapuluia o ko kakou mau oihana kuloko a kuwaho, ke kue ikaika ana aku i na hana pakaha a ka poe kolohe, ke kipapa ana i na lua miinilo hoopaa pala 0 ka aina, a o ka imi ana ma na mea-kupono wale no e hana ia ai, a pela aku. A oia ka mau ana o ka noho oluoiu ana o ka lahui, a oia ka paa ana o ka ea p'umehana o ka aina, a oia wale no na mea e hiki ai ke koo i maloeloe ke aupum, a oia auanei ka imi ana ma na meheu o keia olelo kaulana. u O ka p>ono ke hana ia a haule inai na lani. E na kuhikuhi puuone, na kilo au puni kaulana o kuu paeaina aloha, <na hoku hele o ka moana Paeihka, e lawe oukou i keia a hoomanao, a papahi iho ma ka piko o ko oukou mau poo, a hookomo hoi Uoko e na puuwai, a hoopiha hoi 1 ko oukou mau ulena, a e paie hoi ia oukou mai loko ae o na hana pakaha i ka pono o ka lahui, a me na hoopuka ana 1 na o lima no ka haawi aina, a pela auanei oukou e lilo ai ipo e makua kupono no ka bhui f a i Kahuuna naauao. Me ka haahaa, Louis S. Keanuni. Kawaihie-uka, Hawaii