Ka Nupepa Kuokoa, Volume XXV, Number 11, 13 Malaki 1886 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

 

No ka Makahiki . . . . . $2.00

No Eono Mahina . . . 1.00.

--KUIKE KA RULA.--

Poaono . . . MARAKI 13, 1886.

 

KALI ANA

[@NL@ WAHIN@,]

G. H. No. 375.

 

1

Eia au e kali ana

No kuu Haku kuu Iesu,

Nana e oki kuu kaumaha,

Kuu mau eha, kuu luuluu.

 

Cho.    Kali a---- na, kali ana

kali ana.

 

I pau----ae kuu ola nei.

Kali a---na, no kuu hiki

no kuu hiki.

I kuu Haku nani ma o ae.

 

2

Kali ana me ka luhi,

Paio ana o Iesu,

Kali ana no ka lei la,

Lei mae ole ma ke ao.

 

Cho.  Kali ana, &c.

 

3

Kali me ka manaolana

E loaa he home mau,

Kahi no ka maha ana

Ma ka aina ao mau no.

 

Cho.  Kali ana, &c.

 

4

Kali ana no ka hui

Me na kini maluna'e,

Ma ka home paa a nani,

Me kuu Iesu e ola'i.

 

Cho.  Kali ana, & c.

 

--HAWAII.

 

--

 

Haawina Kula Sabati.

HAPAHA ELUA.

            Hel@ 1.  Apr. 4, 1886.  Kumuhana.

Liko ka Logou i kanaka.  Io. 1: 1--18.

--

 

1  KINOHI ka Lagou, me ke Akua ku Logou, a o ke Akua no ka Logou.

 

            2  Me ke Akua no hoi ia i kinohi.

 

            3  Hanaia iho la @a a pau e ia; aole kekahi mea i hanaia i hana ole ia e ia.

           

            4  Hoko on a ke ola, a o ua ola la ka malamalama no na kanaka.

 

            5  Puka mai la ka malamalama iloko o ka pouli, aole nae i hookipa ka pouli ia ia.

 

            6  Hoounaia mai la e ke Akua kekahi kanaka, o Ioane kona inoa.

 

            7  Hele mai la oia i mea hoike, i hoike ai ai no ua malamalama la, i manaoio ai na kanaka a pau ma on a la.

 

            8  Aole no oia ka malamalama, aka, ua hele mai e hoike i ka malamalama.

 

            9  O ka malamalama io ia, ka mea nana e hoomalamalama na kanaka a pau e hele mai ana i ke ao nei.

 

            10  I ke ao nei oia, a i hanaia keia ao e ia, aole nae ko ke ao nei i ike ia ia.

 

            11  Hele mai la ia i kona iho, aole kona poe i malama ia ia.

 

            12  Aka, o ka poe i malama ia ia me ka manaoio i kona inoa, haawi mai la ia i ka pono no lakou e lilo ai i poe keiki na ke Akua,

 

            13  O ka põe i hanauia, aole na ke koko, aole na ka makemake o ke kino, aole hoi na ka makemake o ke kanaka, na ke Akua no.

 

            14  Lilo mai la ka Logou i kanaka, a noho iho la me kakou, a ike kakou i kona nani, i ka nani o ka hiwahiwa a ke Akua, ua piha i ka lokomaikai a me ka oiaio.

 

            15  Hoike akaka mai la o Ioane, i mai la, Oia ke mea nona wau i olelo ai, O ka mea e hele mai ana mahope o'u, mamua o'u ia:  no ka mea, ua mua ia no'u.

           

            16  Noloko mai o kana mea i piha ai, ua loaa ia kakou na mea maikai a nui loa.

 

            17  Ua haawiia mai ke kanawai ma o Mose la; aka, ia lokomaikai a me ka oiaio ma o Iesu Kristo la ia.

 

            18  Aole loa i ike pono kekahi i ke Akua, o ke Keiki hiwahiwa, aia ma ka poli o ka Makua, oia ka i hoike mai ia ia.

 

            Pauku Gula.  Lilo mai la ka Legou i kanaka a noho iho la me kakou.  Io. 1: 14.

 

            Manao nui  O ko kakou Hoola he ano Akua a he ano kanaka.

 

NA HELUHELU LA.

 

            Poakahi,          Io.        1: 1--18.

            Poalua,                        Is.        9: 1--7.

            Poakolu,          Pil.       2: 1--11.

            Poaha,             Heb.    1: 1--14.

            Poalima,          Mat.     1: 17-25.

            Poaono,           "           2: 1--23.

            Sabati,             l.u.       2: 1--19.

            Mele.   Aole inoa maikai ae.    H. A.

N. 125

            Pule.

 

NA NINAU.

 

            Mahea kahi e kula'i i keia hapaha?  Nawai i kakau i keia e@anelio?  Mahea ko Ioane home?  Mahea @o B@te@aida?  Aia ma ka hapa o ke kai hea?  Owai kona hoahanau?  Heaha kana oihana?  Mat. 4: 21.  Mahope ua lilo i haumana nawai?

            Ua lohe pinepine ia anei no ko Ioane hele pu ana me Ioane?  Mar. 5: 37.  Mat. 17: 1.  Mat. 26:36-43.  Io. 19: 26.  Owai kana i malama'i mahope o ko Iesu make ana?  Io. 19: 25-27.  Mahea kona noho ana?  Oih. 1: 14.  3: @.  4: 13.  Ua hoouna ia ihea e hai i ka euanelio?  Oih. 8: 14-25.  A make o Marie, ua hele oia ihea e noho ai?  Ma Epeso.

            Ua kipaku ia oia i ka mokupuni hea? Hoik. 1:9.  Owai ka palapala ana i kakau malaila?  Mahea kona make ana?  Ma Epeso.  Owai na buke ana i kakau ai?  Io. na episetole ekolu o Io., a me Hoikeana.  Nui anei kona mau makahiki i kona make ana?  Aneane 100 makahiki.  Heaha kona ano?  He aloha, he akahai, he palupalu ka naau, eia nae, he ikaika, he wiwo ole ma ka hana a ka Haku.

            Ehia euanelio?  E hai ana i ka moolelo awai?  Heaha ke ano o ka huaolelo euanelio?  Nuhou maikai. Nawai i kakau i na euanelio?  Ua like anei na mea a keia mau kanaka i hai mai?  Aole anei he nui na mea a Ioane i hoike mai, i komo ole ma na buke e ae?  Me he la ua manao nui oia ma ka Iesu mau olelo, a e hoike nui ana nona.

            Ina e huli kakou i ka pauku mua o Kinohi, pehea ka heluhelu ana?  Pehea hoi ka ka pauku mua o Ioane?  Heaha i kinohi?  Heaha ka Logou?  Oia hookahi anei i hai ia ma Kinohi?  Aole anei i pane mai ke Akua ia kakou ma o Iesu la?

            Mahea ka kanau ia ana o Iesu?  Ua hai mua ia wai no kona hanau ana?  Owai ka i imi iaia?  Owai ke alii i manao e pepehi iaia?  Ma ka euanelio hea ka hai ana no ia mau mea?  Heaha ka manao nui a Ioane ma kona kakau ana?  Io. 20:31.  Ua hele mai o Iesu e lawe i ke aha?  p. 4, 14.  Ua hele mai iawai?  p. 11.  Owai kona poe?  Ae anei na Iudaio o Iesu ka Mesia?  Kuhihewa anei lakou e hiki mai ana ka Mesia ma ke ano hanohano o ke alii?  Aole anei i oi aku ke keiki a ke Akua mamua o kekahi alii o ke ao nei?  Heaha ka ke Akua i hana'i?  p. 3.  Nana anei i hana i na mea nui me na mea makalii?  Nowai ke ola: p. 4.  Owai ke ola?  Io. 11: 25.  Lilo ke ola i aha?  Owai keia malamalama?  Io. 9: 5.  He mea nui anei ka malamalama ia kakou?  He mea nui anei no ka uhane?  Ola pono anei kekahi mea ke ole ka malamalama?  Pehea ko Iesu haawi ana i malamalama?  Aole anei ma ka hoano hou ana i ka naau?--  Aole anei na kana ao ana e hoomalama mala mai?  A ma ka nana ana i ke ano o kona noho ana, a ma kana mau hana, a na ka Uhane no hoi ana i hoouna mai?

            No na pouliuli o ka naau, ua hoomaopopo anei no Iesu?  Owai ka i hoouna ia mai i hoike no keia malamalama?  p. 6, 7.  Mahea ka hai ia ana no Ioane Bapetite?  Lu. 1.  Mat 3.  awai i wanana no kona hiki mai ana?  Heaha ka Ioane hoike?

            No na Iudaio wale no anei keia euanelio, no na kanaka e paha kekahi?  Heaha ka malamalama oiaio?  p. 9.  Eia nae, i ko Iesu noho ana i ke ao nei, ua hoomaopopo ia anei, oia ka Hoola?  p. 10. 

            No na Iudaio anei o Iesu?  Aole anei i koho ia lahui mamua loa no ke Akua?  Aole anei mamuli o kona hoopomaikai ana, ka mahaahua ana, a lilo i lahui nui a kaulana?  Aka, i ko Iesu hiki mai ana, ua ae anei lakou iaia?  p. @@.  He hana aloha anei ia?  E makaala o hoohalike auanei kakou me lakou? 

            Ua ana ia ka poe i ae aku iaia? p. 12.  He nui anei ka poe i manaoio iaia?  Ma ia lilo ana i keiki na ke Akua, aole anei i ano hou ia?  Lilo ka Logou i aha?  14.  Mahea ko Iesdu noho ana?  Mahea kona lawelawe ana i kana hana?  Ua loaa anei i na pilikia ma keia noho ana?  Ua hoowalewaleia anei?  Ua lanakila anei oia?

            Heaha ka Ioane Bapetite hoike nona?  p. 15.  Peaha ka Ioane?  p. 16.  Ua ao oia i na haumana, a ua lilo lakou i hoike nona mahope mai.  Heaha ka Mose i haawi mai?  p. 17.  Heaha hoi ka Iesu?  Ua ike maka ia anei ke Akua?  Ua hiki anei ke hoomaopopo nona ma kana mau hana?

            Aole anei i kupono loa keia olelo a ke Akua no kanaka a pau?  Mahea ka hewa i oi mamua o ka hoole ana e lilo o Iesu i kumu ao, i alii, i alakai?  Ke kali  nei ka Hoola no na pokii a pau--e hele mai ano.

            Mele.  Ke hea nei Iesu.  H. A. N. 269.

            Pule.

 

--

 

NA PA ME NA POHAKU E HOO-

PUNI A HOOPAA ANA.

 

            "Ua hoopuni mai oia ia'u i ka pa i ole au e puka iwaho.  Ua hoopuni mai oia ia'u me na pohaku i kalaiia."  Ke Kanikau 3: 7, 9.

            Owai keia e uwe ana no ka hoopaaia i ka pa me na pohaku?  Nawai hoi i hoopuni iaia pela?  O Ieremia ke kaula.  Ua hoopilikiaia oia.  Ua hoopaaia me he pio la iloko o ka pa pohaku.  Aole hiki ke puka iwaho a hele, ahana e like me kona makemake.  A kuhi oia, na ke Akua oia i hoopaa mai.  He oiaio, na ke AKua i hoopaa i kekahi poe i hiki ole ke puka iwaho, a na ke kanaka i hoopaa i kekahi poe.  Noi hoi na pa pohaku e hoopuni ana, e keakea ana i ole e hana ia ka makemake o ka mea i pono, a o ka mea i hewa.

            E nana kakou i na pa pohaku me ka poe i hoopuni ia, a hoopaa ia iloko, a hiki ole ke puka iwaho.

            1  Ka nawaliwali o ke kino.

            He Kino opio a ikaika ko'u mamua aku, a hiki ia'u ke hele io ianei maloko o kuu kihapai, a mawaho, e helen ana, e hana ana, e like me ko'u makemake.  Iloko nae o keia mau makahiki i hala, ua hoopuniia mai au i keia pa pohaku, ka nawaliwali, ka palupalu ke ano elemakule, a hiki ole ke puka iwaho me ka wa mamua.  Nui hoi ia poe.  Ikaika ka makemake e ku a hele a hana i na hana maikai no ke kino, no ka uhane no lakou iho, no hai, no ka ekalesia, no ka hoolaha ana i ka ke Akua olelo.  Ua hoopuniia nae lakou i keia pa pohaku, ka mai, ka nawaliwali, ka palupalu.

            2  Ka hookuli me ka hoomaioka.  Ua hoopunia Ierusalema i na koa o Nabukaneza.  Ua hoopaaia na Iudaio iloko, aole hiki ke puka iwaho.  No ke aha?  No ke hookuli me ka hoomaloka.  Paipai ke kaula Ieremia ia lakou e mihi, a hoopau i ka hewa.  Ina aole, e hele mai no na koa o Nebukaneza a hoopu ni i ke kulanakauhale, a pepehi i kekahi, a lawe pio i kekahi.  Aole nae lakou i ae.  Hoomau no i ka hewa. Puka mai na koa o Nebukaneza, a hoopuni ia Ierusalema.  Pilikia loa kanaka.  Paipai Ieremia ia lakou ia lakou e haawi pio aku ia lakou iho i ke'lii o Babulona i pakele lakou i ka make.  Hoole nae lakou.  Nolaila, ua komo no na koa o Nebukaneza, a pepehi i kekahi poe, a lawe pio aku i kekahi poe i Babulona, a make kekahi poe i ka wi, a i ka mai ahulau.

            He pohaku nui keia, ka hookuli me ka hoomaloka.  Nui wale ka poe i hoopaaia iloko o ka hewa, a iloko o na kaulahao o Satana, no ka hoomaloka a hookuli, e hoolohe ana aole lakou e make ana, aole paha he luaahi?  A in a he make, a he luaahi, aole paha ia i kokoke mai.  Naaupo!  Ea.  POhaku hewa nae.  Ua paa lakou i ka lima menemene ole o ka make.  Aole hiki ke wehe ia ae.  Hoohamama ia ka lua'hi, a haule lakou iloko, a hoopaaia i na kaulahao, a hiki ole ke puka iwaho.  Auwe ka poe hoomaloka a hookuli a mihi ole no.  Ua puni ka wahahee, a make mau loa no.

            4  Ka hoomaau ia ana.  He pohaku nui ia e hoopuni ana i na miliona he nui i ole lakou e puka iwaho.  Pili keia pa i na hoomana.

            1  Ka hoomana pegana.  Nui na miliona pegana i hoopaaia i ka hoomanakii.  Aia iwaena o lakou na misionari e ao ana, e kuhikuhi ana i ke ola ma o Iesu Kristo la, e hoole ana, aole e ola i na kau kii.  Hookahi no AKua oiaio, o Iehova wale no, a hookahi kalahala o Iesu Kristo.  A komo no ka malamalama iloko o kekahi poe, a makemake lakou e haalele i ka hoomanakii a e huli mamuli o Iesu la.  Ke ola no ia o na hoahanau o lakou, a hoopuni ia lakou i ka hoomaauia.  A maka'u lakou i ka huli.  Maka'u ole nae kekahi poe, a aa e huli no, hoomanawanui ke inoia me ka lilo paha o ke ola kino.  Ka hapanui nae o na pegana i makemake e puka iwaho o ka hoomana pegana, ua hoopaaia lakou i ka pa pohaku o ka hoomaauia.

            2  Ka hoomana Mahomeda.  Nui na miliona i hoopaaia iloko o keia hoomana, aole e hiki ke puka iwaho.  Ua ao ia no lakou e na misionari.  A ua ae no kekahi, ua hewa ko lakou hoomana.  He kaula hoopunipuni no Mahometa.  He oiaio no kana ao ana.  HOokahi no Akua o Allah.  Aka, aole o Mahometa kona kaula.  O Iesu Kristo ke kaula, a oia hoi ke kaalahala e ola'i.

            Ke kanawai Mahomeda, eia ia.  E make ka mea haalele i ka aoao Mahomeda, a huli i ka aoao Karisetiano.  Nolaila, maka'u ka nui i ka haalele a huli mamuli o Iesu.  Ua aa no nae kekahi poe, a ua huli mai no me ka hoopilikia ma no paha mahope a lilo ke ola kino.  Ka hapanui nae o na Mahomeda i makemake e puka iwaho o ia hoomana, ua hoopaaia ia pa pohaku o ka hoomaauia.

            3  Ka hoomana Katolika, oia hoi ka hoomana o ka ekalesia o Roma, o ka Pope ke poo.  Nui na miliona i hoopaa ia iloko o keia hoomana.  No ka naau po paha ka mea e paa ai?  No ka mea, aole makemake na poo e hoonaauao ia kanaka.  Ua hoopauia ka heluhelu wale ana i ka baibala okoa.  He karaima ka ia ke heluhelu wale kekahi i ka baibala okoa, a i ike Kauoha Hou ma ka aina Katolika.  Ka baibala a ka Pope i hoapono ai, oia ka baibala i ae ia e heluheluia.  Aole i unuhina ia baibala ma ka olelo Hawaii.  Aole i unuhiia ia baibala ma ka olelo Hawaii.  Nolaila, ua nele paha na Katolika Hawaii i ka baibala ole, ke ole i aeia e heluhelu lakou i ka baibala Hawaii.

            Ma ke ao ia o na Katolika e ka ekalesia euanelio, ua hee aku ka naaupo o kekahi poe Katolika.  Ua ike lakou i ka hewa o ia ekalesia.  Nolaila, ua ala ko lakou makemake e haaleele ia ekalesia, a e hui me ka ekalesia euanelio.  Aka, ua hooopaa@a i ka pa pohaku o ka hoomaauia.  Aole hiki ke puka iwaho.  Weliweli ka pilikia.  Ua aa nae kekahi poe e puka iwaho a e hui me ka ekalesia Hoole Popoe me ka maka'u ole i ka hoomaauia.  Aloha inoi.

            Na ke Akua e wawahi i keia pa pohaku nui, a e hookuu i na pio iwaho.  Aole paha i hoomaauia na Katolika ma Hawaii nei.  AOle paha i makemake e puka iwaho.  Ua oluolu no paha i ka noho pio ana iloko o ka pa pohaku, e like me na Iudaio i paakiki ka manao e noho iloko o Ierusalema, oiai ua ao@a e puka iwaho. 

            Heaha ka hope?  Pilikia loa e!  A nowai ka hewa?  No Ieremia ke kaula anei?  Aole loa.  No lakou no.  A make na Katolika Hawaii me na pokiki iloko o ko lakou pu pohaku, nowai ka hewa?  Auwe ka poe e alakai hewa ana!

            (Aole i pau.)

 

--

HE MOOLELO KAAO

-NO-

Baretile Muda,

-KA0

HIWAHIWA LUA OLE O KA NANI,

-A O-

KE ALII HOI O NA KUPUA A PAU,

Ka mea nona ka Mana Kupanaha loa maluna

o na Haku o ka pouli a me na Uhane ino o

ka po, ka mea i oleloia "Ke Ki o ke ola

a me ka make mau loa" &c. &c.

--

 

I ka lohe ana o ka Moi Hitegela i ka manao o kana aliiwahine, ninau aku la oia; He mea nui loa no ka paha keia au i ike ai?  Ae, wahi a kana aliiwahine.  Pane hou aku la kana alii-kane:  Eia no imua o kaua kekahi kaikamahine opiopio, a he ike kilokilo no hoi kona, a ke manao nei au hiki paha iaia ke hoakaka mai i ke ano a me ka hiohiona o ia mau mea, oia hoi kela kaikamahine opio ui nana e malama nei ka hua o ko kaua mau puhaka a pau wale ae nei i ka nunui.  Ina pela, e kii koke aku ano, i pane ae ai kana aliiwahine.  No keia mau huaolelo i pa-e mai mai kana Moiwahine mai, ua kii ia aku la ua kaikamahine nei e kekahi elele.  I kahi elele i hiki aku ai i ka hale o ua kuhikuhi puuone nei a kikeke aku la ma ka puka iwaena o ka po, ua ninau mai la kela:  Heaha keia?  I hoounaia mai nei au i ou la no ka makemake o ke alii ka Moi e ike ia oe i keia po, no kekahi hana nui, a ke kali ia la o kou hiki aku.  I ka lohe ana o ua iwa kuhikuhi puuone la i keia leo kauoha o ke aumoe, ua hoomakaukau ae la oia iaia iho no ka hele ana i ka hale alii.

            Aole i liuliu ko laua hele an akau, hiki aku la oia ma ka puka owaho loa o ka hale alii; ku iho la oia malaila a e noonoo iki ana no kekahi mau minute pokole, a komo loa aku la iloko o ka hale alii.  I kona hiki ana aku imua o ke alo alii, nana aku la keia ma na wahi a pau, e a ana na kukui o na waihooluu like ole, ua piha hoi i na makaainana, na ohana alii, a me ka poe koikoi a  hanohano o ka aina.  Ike aku la oia i ka Moi o ke aupuni me kona mau nanaina kaumana me ka pilihua, a aole hoi kana aliiwahine.  Hele loa aku la keia a ma kahi kokoke loa imau o ka Moi, a kunou haahaa aku la me ka hoalu iki ana iho, a pane aku la:  E ke alii, e ola mau loa oe.  Heaha ka makemake o kuu mau haku i ae ia mai ai ka olua kauwa nei e ku imua o kou laahia a me ke anoano o ka noho alii i keia po?  O aku la ka Moi i kona koo koo alii gula i hoonani ia me na momi makamae o na kumukuai kiekie, a pane mai la:  I kauohaia aku nei oe no ke kahi hana nui i ili iho maluna o ka Moiwahine i keia la a hiki wale iho la i keia hora o ke aumoe, a mamua iki iho nae o keia manawa koke iho nei, ua ili hou iho maluna on a kekahi mea ano nui loa ana i makemake ai i mea nana e hoakaka.  A o ke keiki nae iloko o kona opu ua nalowale oia ano.  A aole oe a me a'u nei i lohe i keia mau mea ano nui ana i makemake ai e hoakahaia.  A ke ninau aku nei au ia oe ma kou ano he kilokilo: E hiki ana anei ia oe ke wehewehe in a he mau akaku a me ka hihio ka ka Moiwahine i ike ai i keia po?  A i ole e hiki ia oe, alaila, e lawe koke no au i kou ola ano me keia kookoo, a aole hoi oe e ike i na helehelena o ka Moiwahine a me ka lehulehu o ko'u mau makainana i keia po.  Hookuu iho la oia i kona kookoo ilalo a haka pono mai la maluna o ka ui nohea kilokilo.

            Me ka eehia nui o ua kuhikuhi puuone la, ua ku koke mai la imua on a na mea a pau e pili ana no ka hihio a ka Moiwahine, oiai ka Moi e hoopuka ana i kana mau olelo a pau.  Ua pane aku la oia me na maka uila o ka inaina, a me maka ala no kekahi koa puuwai ahi e haka pono ana imua o kona enemi e i ana:  Ma ko'u ano he kilokilo, ke hoohiki nei au ma ke anoano eehia o na Moi a me ka laahia o ka noho alii a me na kapu o kou aupuni, a ma ka'u hoohiki ana.  Aole loa e hanaia pela kekahi o kau mau kauwa e ke alii, in a he lede a he keonimana paha in a he kiekie a he haahaa paha, a e kahe kona koko mamua ponoi o ka nohoalii i keia po, a in a pela maluna o'u nei, oia auanei ka mea nana e hoohaahaa i ka ihiihi o ka nohoalii a me ke kalaunu o kou aupuni; a ke hai aku nei au ia oe e ke ALii, a i hana ia pela ma keia hope aku, alaila o kahi au e ke alii e malama nei i ka hanohano o ke aupuni, ka nohoalii, ke kalaunu, na paku silika e kuuwelu nei me na alohilohi o ke gula a me ke daimana, he kahua hookahe kokoko me ka weliweli loa, a o ke kiekie auanei o keia mau paia nani a kau kauwa e ike nei, pela auanei ke kiekie o na kino make e hoahu ia ana ma keia kahua a kau kauwa e ku nei i keia hora ano ma keia po, aole auanei e hala kou mau la, e ike no oe i keia mau mea a pau a'u e hai aku nei imua ou e ke Alii ka Moi; aole no he koko e ae ke kahe ana ma keia wahi me he muliwai la aka o ke koko no o kou mau makaainana mai na paehumu o kou nohoalii a ka mea e noho ana ma ke kae o ke kapuahi, i lohe oe e ke Alii.

            Mahope o keia manawa, pane aku la ka ui puuwai wiwo ole me ke ake nui e ike a e lohe i ka manao o ka Moiwahine:  E ke alii ka Moi, e ola mau loa oe.  Auhea la ke aliiwahine?  A ke makemake nei au e lohe i kona leo, a e kauoha koke ia na kuhina o ke aupuni, na 'lii, na poe kiekie o ka aina, e hoakoakoa kokeia ma na paia anoano o kou hale alii i keia po.  Ma kko'u manao a me ka aa o kuu puuwai, mamuli o ka mana kilokilo i loaa ia'u, aohe o'u kanalua no na akaku a me na hihio, in a ma ke aouli a ma na wahi malalo o ke aouli, a in a ma ka lewa a ma ka honua, a malalo hoi o na wai maloko o ka hohonu, na mea e hiki mai ana ma keia hope aku; a no na mea e pili ana i ka Moiwahine, ano e ke Alii, ke puana ae nei au me ka manao paa:  Ae: a e hana koke ia.  I loa no a pau ka olelo a ka ui kuhikuhi puuone, kunou mai la ke Alii a hookuu aku la i kona kookoo alii mai kona lima aku, a kahea koke ae la oia i kona alihikaua nui a hoouna koeka ka lohe i na makaainana a pau o ka poe e hiki mai ana, e akoakoa koke mai i ka hale alii nei i keia po me ke kali ole aku.  Ua laha koke ka leo kauhaua o ke alii, a emoole, piha ku'i mai la ka hale alii a noho mai la kekahi hapa ma na lanai pohai o ka hale o ke alii me ka nalu ana no ke kumu o keia akoakoa ana mai i keia mau hora o ke aumoe, aia hoi na kukui e aa ana me na waihooluu like ole, a o ke kahua o ka pa 'lii i keia po, me he awakea o kekahi la lailai maikai.  Ua makaukau koke ae la ka Moiwahine no ka hele ana aku e lohe no na mea e hai ia mai ana no kana hihio in a eia iwaena o ka laui he mea hiki: e hao ana a "ohi ka lau o ke pahili."

 

Ka Imi Akamai Kelakeal Hope loa i loaa iho nei o America!

--

KA LANAKILA O KA UWILA!!

 

            Mahope mai o ka laweia ana o ka Uwila i mea hoomalamalama, ua hui pu na hooikaika ana a pau o ka poe Imiakamai ma na mea paahana i loaa ke kukui hoomalamalama uwila i kupono ke paa lima ia maloko o na home.  O ke kumu i loaa mua ole ai keia pomaikai a hiki i keia wa, oia no ka hiki ole o ka poe imiakamai ke hookaawale aku i na noonoo ana no ka mahu ma ke ano hoomalamalama, a ua hoopaaia lakou a pau ma ka manao aia i kahi hookahi e hanaia ai ka uwila me na mikini ano nui a koikoi, aole hoi lakou i noonoo o ke kumu nui e pono ai ke kukui, oia kona kupono e paa lima ia ma o a maanei e like me na kukui aila.

            Ua loaa maopopo iho nei i ka hui THE NORMAN ELECTRIC LIGHT COMPANY ka ike lea i na ano o ka Hoomalamalama Uwila, aohe kanalua i koe e auhulihia ano na ano hoomalamalama kahiko a nalo aku.

            O ko makou Ipukukui Uwila, he hiki ke hoaia me ka milikini ole, aole hoi nui o na lilo, aohe pohihihi, aole hohono aila.  Eia wale no ka hana, aia a hala eha a elima paha la hoopiha iho i ka paakai (acid).  Ua emi loa na lilo o ka hoa ana e like me ka mahu, 3/4 ceneta no ka hora, a o ka oi loa o ka maikai o keia, aole wela, aole uwahi, aole mahu, no keia mau kumu aole e inoino ke ea, he oia mau kona ano.  Ao he hohono, aole no hoi me ke ahi e hoa ai, e wili ae no oe i ke ki a o ka a no ia; nolaila aole hopohopo ana no ke ahi, o ke pahu ana paha e like me na kukui e ae ke hoohemahemaia, ma keia ua maopopo ka oi keia ano kukui.  Eia hou no hoi kahi mau mea e akaka ai o ka oi o keia mamua o na ano kukui e ae:

            1.  Ole akaka loa na lawelawe ana, e hiki i ke keiki uuku ke hooponopono.

            2.  He hiki ka paa lima ia keia ma o a maanei e like me na kukui aila.

            3.  Aole uwiki, aole no hoi luhi i ka hoomaemae ana.

            4.  He oluolu ka malamalama, a he ano mau, aole hulili, he ikaika ka o, a he hiki no nae ke hoemiia a hoopiiia e like me ka makemake.

            5.  Aope hopohopo ana no ke ahi, no ka mea in a e naha ke aniani e hoopuni ana i ke omo o ka pio koke no ia.

            6.  E a no keia kukui iloko o ka makani ikaika, he hiki ke kau ia ma na lanai a mana pa hale e hoomalamalama ai.  He ekolu ano o keia kukui i ke@a wa

            A. Kukui uuku, kona kiekie 14 iniha; koikoi 5 paona, no ka hoomalamalama i na hale noho, hale kaa, a mena wahi hoahu ukana.  Kumukuai, @ 1.-- --no ke kukui hookahi, a e laweia aku i na wahi a pau o ke ao nei.

 

            B.  Maluna iki ae o ka mea mua, no ka hoomalamalama ana i na hale noho a pau.  Ua hoonaniia keia kukui me na mea nani, a he aniani poepoe keokeo maluna iho.  Kumukuai, @2.-- -- no ke kukui hookahi, a e hoounaia i na wahi a pau o ke ao nei.

 

            C.  Ano nui loa keia no na hale halawai, hale aupuni, a pela aku.  Ikaika kona malamalama, ua hoonaniia, a he aniani poepoe keokeo nunui maluna.  Kumukuai @4.10 -- o ke kukui hookahi, a e hoounaia i ma wahi a pau o ke ao nei.  Ke kahua o ke kukui ua haaia ma ke keleawe, o Iapana, a metala e ae no hoi.  He hiki no hoi ke hanaia na ano e ae ke kauohaia.

           

            Ua makaukau na kukui a pau no ka hoa koke ia, a e hooilina no hoi iloko o na pahu laau i hoopaa pono ia, me na kuhikuhi kupono i paiia, me na paakai e lawa ai ka hoa ana no kahi mau mahina, a me na omo elua no ke ano A, a me ekolu omo no na ano B a me C.  E loaa mau ana no na paakai no ka hoa ana maloko o na halekuai laau o na kulanakauhale a pau.

            Ua hoopaaia keia mau kukui no hookahi makahiki, a e hoihoi ia ke dala ke ko ole ka makemake a pau.

            No na kauoha a pau no eono kukui a oi, e hoemiia ke kumukuai he 6 pa ceneta.  Aole hookoia na kauoha ke hoouna pu ole ia mai ke dala.

            O na hoouna ana o ke dala, e pono ma na bita kikoo banako no Nu Ioka, e loaa no ma na hale banako a pau, a i ole e hooili mai ke dala pepa o na banako, a i ole ma na pooleta o na aina a pau o ke ao nei.

            E nana pono ia no na kauoha a pau a e hooilia me ka hakalia ole.

            Ua hoomaluia ko makou mau Kukui Uwila ma ke kanawai, a e hoopii ia ka poe imi apuka ma ka hoohalike ana.

            Ua makemakeia na agena no ko makou mau kukui ma na wahi a pau.

            E hoouna mai i na kauoha ia,

 

THE NORMAN ELECTRIC LIGHT CO.

            Philadelphia, U. S. of America.

 

            Makaukau na mea a pau, na alii ma ka noho alii, na kuhina, ka poe koikoi o ka aina, na luna nei o ke aupuni.  A i ke anaina e nu hoolai ana, ku mai ia ko ke Ahi kuhina kaua a pane mai la:  E na makaainana o ke alii ka Moi, e oluolu oukou e noho me ka maluhia, a e hoolohe kakou i ke kumu o ka akoakoa ana mai nei i keia po, mai ka waha mai o ka Moiwahine no kekahi mea ano nui i ili iho maluna on a i keia po, a ua makemake ia in a eia iwaena o oukou kekahi mea hiki e hoike i ke ano o ia mau mea, in a he kane a he wahine paha, a he makana nui ke loaa ana iaia mai na Moi mai.  I ke kuu ana iho o kana mau olelo, ua noho iho la ke anaina me ka nalu ana o keia mea, Heaha la keia?

            He mau sekona pokole, ua ku ae la ka Moiwahine Juriana mai ka nohoalii ae, mamua pono o ke anaina, a pahola mai la i kona leo alii:  E na lii, na kuhina, na alihikaua, na poe koikoi o ka aina, na makaainana o ke Alii ka Moi Hitegela Muda, ALoha oukou.  Ano, ua kau iho maluna o ko oukou makauhine nei kekahi haaawina ano nui ma ka hihio, a ua hoohiki iho wau ma ka laahia o ke aupuni, in a a iwaena o oukou he mea hiki e wehewehe mai i ke ano o ka'u hihio, oia pu kekahi kuleana pu ma ka nohoalii o ke aupuni, in a he kane a he wahine paha, in a he kiekie a he haahaa pa ha.  A penei ua hihio nei:

            Oiai na ehaeha o ka hanau keiki e hoalii ana maluna o'u, ka ino hoi e uhi paa ana maluna o ka honua, ua maluhiluhi loa ia mai la wau me ka hemo ole o ke keiki, a pili iho la ko'u mau maka e hooluolu; aka, ia'u e hoonanea ana ma ko'u wahi moe, ike aku la wau ma ka hihio, he elua mau anuenue ma ka lewa e kau kea ana me kekahi ao opua o kekahi maluna o kekahi, a ma ka huina iluna pono o laua, e noho ana he keiki opiopio ni kupanaha loa, a me kona mau maka ohaoha maikai e haliu mai ana i o'u nei, a ma kona poe e kau ana ka la me kona alohilohi nui e lilelile ana i kona ikaika, a ua like hoi kona aahu me ka hau aiai, a ma kona umauma he mau huapalapala e kau ana he mau huaolelo elike me ka ula o ke ahi e lalapa ana, "Ke Ki o ka Make a me ke Ola," a ma ka welelau o kona mau mamanana lima e poai mau ana ke ahi a me ka uila, ka hekili &c.  A pane mai la kona leo, ua like me kekahi hekili e paapaaina a na ma na ao kaalelewa o ka lani, aole hoi au i lohe aku i kona manao a hikilele e ae la wau me ka pioo a me ka weliweli nui, aia hoi, aole ke keiki iloko o ko'u opu.  Ua nalu iho wau i keia mea nui, me kuu hai ole aku ia ianei (Hitegela) a akahi no oia a lohe elike me oukou i keia po a ua hooholo maua e hai aku imua o oukou, malia paha, aia he mea e ku mai ana a i mai, Owau.

 

KAKELA & KUKE,

 

E laa na pahiolo, koi hole,

            hamale, koi nui a me liilii, kila,

            wili puaa, rula, apuapu, kui o na an@

            a pau, kala kaa, hao hoopaa puka

 

pohaku hoana, kepa, lei ilio, kau-

            la hao ilio, pahi, upa, pahi umiumi.

            kalapu, kope hulu, pulupulu, oepa ka

            lakala, lina hao, ami, keehi, a me ke

 

--KAULA OPU.--

 

Palau o na ano a pau,

            Oo, ho, koala, pe kipi-

            kua, hao kope, au ho a pe-

a aku, kua bipi, lei bi-

            pi, kaula hao bipi, uwea

            pa, uwea keleawe, hao pik@

piula, kaa palala, ipuhao, ipu @@

 

PA-PALAI MAKAU ME KE AHO

--

 

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhi-

kuhi, pena keokeo, aila

pena, aila hoomaloo,

vaniki kaa, a me

vaniki põe,

 

PENA HOOMA-

LOO

--a me aniani hale--

 

AILA MAHU, AILA MIKINI, AILA HANO ILI,

AILA KAA, INIKA KAMAA.

 

PAUDA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU

--

 

LOLE MAKEPONO

 

-E ua na--

 

AHINAHINA, KALAKOA.  KEO

KEO, LEPONALO, HULUMANU

UWE-WAHINE, KUI HUMUHU

MU, A ME KA LOPI.

 

Ke Kuike a loaa no ia ma kahi @

 

Kakela & Kuke!

 

--

 

NA MEA PIULA,

--

 

Mikini Humuhumu

Makini a WHEELER a me WILSON

MIKINI A WILCOX ME GIBBS

NA MIKINA A

--REMINGTON.--

 

He nui loa na mea hoa me na ukana e

ae o na anoa pau, aole hiki ke hai pau

ia aku, hewa i ka wai na maka ke ike.

 

--

 

Laau Lapaau Kaulana Loa

A DR. JAYNE.

LAAU HOOMAEMAE KOKO

LAAU HOOPAU NAIO, LAAU

KUNU, PENIKALA, HUAALE

PAAKAI, LAAU HOOPAA HI.

 

Me na Laau Hamo a Pela 'ku.

 

KAKELA-KUKE.