Ka Nupepa Kuokoa, Volume XXV, Number 10, 6 Malaki 1886 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

            @

 

 

Kela me keia.

 

            @ ae e hoio hou aku ai @ pu aku ana @ ma kana huakai.

            @ ana ma Kona i keia pu@ Kula Sabati nui. H@lau @ ana @ p@h@ malino la.

            @ hou mai nei na hui kini@ ke kokoke aku i ko lakou ma@.

            @ ana ka hale o ka ma@ Kau @ noho iho nei, ma @ mahina.

            @o ke aupuni i na mai@ na mai. @ma ka Poaha nei@ me o ka Hooiana @ ma @ Malaila pu ae ka p@ah@ pahi @.

            H@ makahiki i hala ae nei aole @ nupepa ma Iapana, aka i ke @ aku maluna o 2,000 @.

            K@ he wale ia mai nei, e @a @ hauoli h@hei ina ka @ mahina, ka la hanau o ka @ Kamehameha III, a ia kulaia o @.

            @na mai o ke kuna Liholiho i ka @ hona mai ai he huina @ na mea hana mahu o ka moku @ moe mai Nuhau ai.

            Ma ke Sabati la 14 o ka mahina i @ la kekahi hekili ikaika @ a ma keia kuʻi ikaika ana @a a ke ahi iuka o Koai, e @ kanaka i pai ai e kinai pio ai.

            Ua hopuia e ka makai kiu Mr. G. @ pahupahu wahi opiuma ana, o ka hale keaka pake ma Ewa @ ko makou nei keena oihana. Ua @ ae oia i ka halepaahao.

            He wahi paele kai hoao ae e holo @ mai kekahi moku e pali nei ma ka uwapo, aka, ua hopuia iho la oia oi@ e holo ana ma na alanui no kahi @alo.

            He hoikeike hoomakeaka ko keia po ka @ M@ Makers maloko o ka @. He elua aku po i koe @ hou ai, a huli hoi @ ka home.

            @ mai o Mr. Hale Pinao i ka @ nui ana no ka Home @ kona pani o Mr. Deve@ ae oia i Kapena no kekahi @ kona holo pili @ pela ka loheia.

            Ma ka Poaha nei i haalele iho ai ka @ nei no na awa o Lahaina, @, Makena, Mahukona me Kauhae, a e ka@alulu hoe mai ana ianei @ keia kakahiaka, ia makou nae e pu@ nei, aole i keia aku oia.

            @ no dala no na wa @ hookahuaia ma ke kulanakau nei ma ka inoa "Hui Hookaono @ Liliuokalani." He iwakalua ka @ na lala a i hoopaaia malalo o na @ me na Kanawai. He hana mai @ keia.

            Ma Kaholoakeahole i ka la 23 o Feb. @ i haalele mai ai o Miss Lucy @ i keia ola a hele koh@ aku @ keia aoao o ka mahuwai eleele o @ make i ka 18 mak. 3 mal. a me 8 @ kona ola.

            Ma Palama uka, ua hanau mau la na Frank Harvey a me Lizzie kana @ me he kaikamahine mohaha maikai. @ uwali ae nei makou e hoomau ia @ ana i ka lahui i paa @ a ko kakou Lani Moi.

            He halawai makaainana ka i loheia @ e malama ia ana maloko o ka lua @ o Kaumakapili i ka po Poakahi o @ noa iho. E hiki ae ana ka Moi ia @. He mea hou keia, a e hele ae @akaikai.

            Ke hoopukaia aku nei ma keia pule moolelo hou, a he nani hei kona, i ole ia mamua. Ma mula o ka ulolo@ na kope moolelo paa mau o ka pe@ keia mau la, nolaila, i hoopiha ia @ ai ka hoonanea o na po he 1001, @ Muda."

            @ hanau mai na Kaapipi (w) me @ Adamu he keiki kupanaha, o ko @ akau, he ano e na lala; ma ka @ akau he elua manamana i ike po @ o ke koena ua hui pu a uuku loa @ kekahi mea nui e lewalewa ana, o @ wawae hoi, ua kaapahu pu a pela @ kekahi lima. Ma Kalihi ae nei. Pe@ na lono.

            Maluna mai o ka moku hao Stirlingshire i hoi mai ai kekahi o ko kakou mau keiki Hawaii i hoounaia no ka hoonaauao ana ma Enelani oia o Hugo Kawelo.

            I ka Poaha nei, ua ku aku la kekahi keiki i kekahi poka pu ma kona lima, no Milolii, Kona. He pu keia na P@lua kona makuakane i hoopiha ai i mea ki pololei. Ua hoike ae la oia imua o ka aha @, ua hoopiha oia i ka po he eha piha, a ua ki oia a pau na piha pu eha: O ka pololei nae ua hoopiha oia he elima piha pu au kuhihewa nae he eha. Ua hooholoia, ua poino ma o ka uiia.

            Ma ka Poakolu nei ua hoea mai la kekahi kanaka ma ka ipuka o ko makou hale hana i uluhia ia e na akua daimonio o ka omole kini, a anee iho la ma ka paepae pohaku o ka ipuka. Iaia i ku ae ia a hoao aku la e hele, kikiwi aku la oia a hookui me na huila o ke kahi kaa lio e ku ana ma ke kae alanui; a i ka manawa i hoomaka aku ai ke kahu e hoohele aku i ka lio, hihia ae la kona hope i ka epaepa o ka huila a hina aku la o@a ilalo waiho mahe. Ma kona hanai ia ana ae iluna, ikeia iho la he mau kiheahea koko e waiho ana. O ke noho ma keia hina ana, he elua paka auneki koko i kahe wale aku iluna o ka lepo.

            Ma ka la Sabati la 21 o Feb, ua hoohui iama ka berita mare, ke kumu elua o ke kula olelo Beretania o Wananalua, Hana, Maui, oia o Henry Z Kaipo me Miss. Mary Ann Kauwe; o ke kai malino a Ehu, o Kona Hema Hawaii. Na ka Rev. J. K. Iosepa laua i hoohui, ma ka luakini pohaku o Wananalua. A mahope o ka mare ana, ua naue aku la ke anaina i akoakoa ae iloko o ka luakini: ma kahi o ke kaikunane Luna Kanawai a Lunamakaainana hoi o ka mea i mareia, a ua hoopiha ia iho la na houpo lewalewa, a ua hoonuu iho la i na kohi kelekele a Kapuukolu. A o ka makou pule i ke Akua, e hoohalawai ia na paa mare me na ulia pomaikai o keia oia ana. MEA MARE.

 

NA HANA A KA LIMAKOKO.

 

            Ma ka la 21 o Feb. iho nei, la Sabati ua la nei, ua kau iho la ka lima koko o Kalehua maluna o kana ewa a me kekahi keiki uuku a laua nona na makahiki he elua a oi, a ua loaa i ka wahine a me ke keiki uuku ke alina o ka lima koko, a ma ia po iho, ua aneane no e make ana ka wahine no ka eha i loaa iaia, a no ka pohala ana ae, ua paa ka manao e hoopii imua o ka aha apana o Hana. Ua lawe koke aku la ka makai kauwai Hakuole i keia hihia, a hoike aku la, "He hihia ano nui keia, e ola ana paha aole paha." Ma ka wanaao o ka la 23, ua eleu koke mai la ka Luna Makai nui me ke kauka, a ma ka hora 8 ae, hiki mai ka Lunakanawai a me na loio C. K. Kakani, J. K. Hanuna me na keonimana o ua Apuakea ala, me ka manao ia e noho ke Kolonelo: i ea mai ka hana, ua loaa ke ola maikai. Ua noho ka aha apana ma ka halekuai hui, e hoolohe i keia hihia, a i ka noho ana, ua ae aku ka lima paumaele i ka hewa i hanaia e ia. Ua hoopuka ka aha i ka olelo hooholo, e hoopai ia i na dala he 40 me na koina pu. Ma ka moolelo pololei i loheia mai e ka mea e kakau nei, ua puka mai keia pepehi aloha ole ana i ka ohana, oia hoi ka wahine ka hoe moe pu o na po anu, o ka ona no. K. KALEOPAA.

 

Na hana Powa me ka Aihua.

 

            Ma ka po Poakolu iho nei, ua hoao ae la kekahi mea e komo aihue i ka hale o Mrs. E. Mactarlane ma Waikiki ae nei i ke aumoe. I ka manawa i ikeia ai keia kanaka e hoomakaukau ana e komo aku iloko o ka hale, ua hoouna koke ae la o Mr.s Mactarlane i ka lohe ma ka pele uwila ia Mr. E Mactarlane oiai oia e hiamoe ana ma kekahi hale e aku e pili koke mai ana. Ala awiwi ae la oia a holo aku la i kahi o ke kahea, a iaia i kaalo ae ai ma ke kihi o ka hale noho o Mrs. Mactarlane, ike aku la oia i ke kolohe e holo ana. Hahai aku la oia mahope me ke kahea ana e ku iho, aole nae i hoolohe ia mai, nolaila ki aku la oia i kana pu mahope, a kani hou no, aohe nae i ku mai ka powa. Ua hoomauia keia alualu ana iloko o ka pouli a hiki i ka nalowale ana o ua kolohe nei.

            Ma ka po hookahi no o kela kolohe i komo ai ma ka hale o Mrs. E. Mactarlane, ua komo ae la no he kolohe ma kahi noho o Geo. Smith, ma ke alanui Kukui. Ua ikeia ke kolohe ma o ka nakeke ana o na omole e waiho ana mahope o ka hale, oiai kona wawae i poholo aku ai maloko o ka pahu. Na keia nakeke ana i hoopuiwa ae iaia a kuupau aku la i ka holo. Ke holo la ka hoi e holo ai ua kolohe.

            Ma ia po hookahi no hoi, ua hoao ae la no ka powa e wawahi i kekahi o na halekuai pake e ku nei ma ke kihi mauka o alanui Beretania am e Maunakea, aka, ua ike iho la ke kolohe he mea paakiki ke komo ana, nolaila ua haalele iho la ia laila me ka nele. Ke nui mai nei na powa hilahila ola, e hoolewalewa ana no ka paha i na lima malalo iho o ka la. E makaala e na makamaka i keia poe e hele hokai nei.

            Ua aihue hou ia no he mau puaa na Mr. Gerke, kela hanai puaa e noho mai nei i Moanalua. Mahope iho o ka hala ana o kekahi manawa loihi i ka huli ana, ua loaa aku la ua poe puaa nei maloko o kekahi ana, a i ikeia mamuli o ka uwe o na puaa i ko lakou aina kakahiaka. O kahi i loaa ai keia mau puaa, aia ma ka puu o Halawa, maloko o kekahi ana ma ka pali. He 15 puaa i lawe aihueia, a ua haawi ae ke ona puaa he uku makana i ka mea nana e hoike aku i ke ala kahi e hopu ia ai ke kolohe. I ka ona puaa no ka loaa ana o ua poe puaa nei.

            O na moa kekahi e nokeia mai nei i ka aihueia. Lehulehu wale o ka poe aihua moa e pau mai nei i ka hopuia. He pake ka hapanui o ia poe. E makaala hou no e na makamaka i ka oukou mau moa me na puaa me na kaka, o pau auanei.

 

Waa poino ma Puuloa.

 

            Oiai kekahi poe e hoi ana maluna o ka waa no Puuloa, ma ka la 20 aku nei o kela mahina i hala, ua poholo iho la ka waa o lakou iloko o ke kai ma kahi kokoke aku ana e komo i ke awa o Puuloa. He elima ko lakou nui maluna o ka waa, a he mau kini poi, a me kekahi mau uha bipi. O keia mau ukana a pau, ua nalowale aku la iloko o ka hohonu, a eia lakou nei a pau ke lana nei iloko o ke kai. Ia lakou e au ana, ua ikeia aku la kekahi mano nui e ai mai ana i ka uha bipi a me na kini poi a lakou, a e ole kekahi waa e aku, pakele ai lakou i ka mano. Ina no nae aole kela mau ukana a lakou, ina ua pau lakou i ka amu ia. He mau ukana e ae no kekahi a lakou i lilo aku, a ua nalowale loa aole i loaa hou. He 3 o keia poe no Kakaako ae nei, oia o Naeka, Kanakaloa, a me Kala; o Namealoha no Puuloa, a o Kahaku hoi no Manoa ae nei. Aole nae he ola i poino mamuli o keia ulia poino. E na makamaka, e hoonoonoo mai i ka hele ana o ke kai loa.

 

Na Lono Huikau.

 

            O na hale holoi lole a pau o na pake Sana Helena, ua auhauia lakou no $600 o ka makahiki.

            O ka nui o na mile alahao o ka mokupuni o Kolorako, Amerika he 2,415, a nona hoi ka waiwai io i hiki aku i ka $20,734,761,70.

            Ua kauoha aku ke keiki alii Bisimaka e hookuu iho i ka hae Geremania ilalo e welo la maluna o na paemoku Caroline.

            O ka haole nona ka inoa o Thomas James o Gainesville Fla, oia ka mukua @ na keiki he 54. Auhea ko Hawaii nei i like meia? Hooulu Lahui maopopo.

            Ma ka hoomaopopoia aia ma kahi aneane i ka 2,500 na kauka lapaau i laikiniia ma ke ao nei. Ehia la kanaka Hawaii i komo pu iloko o keia heluna?

            Ua hooikeia o ka mokupuni o Misisipi me Amerika ka mokuaina i kuikahi ole ia he papa a mau papa loio paha mailoko ae o kona heluna ui o na loio.

            O ka pukuniahi nui loa i hanaia ma Amerika, ua hiki i kona ikaika hoolele he 1.080 paona poka. E lele no ka poka no elua me ka hapa a hiki i ka 3 mile ka loihi.

            O ka nui o ka aie o ke alii o Batavia he 4,000,000 dala, a ua banekarupa oia. Ua kauoha ae oia e kudala i kona mau waiwai, i mea e pau ai keia aie nui kuahewahewa. He hoike ana mai keia i ka palaleha o kona mau luna malama waiwai.

            He wahi paonioni mawaena o Amerika- Columebia me Italia ma o ka hopu ia ana o kekahi kanaka Italia i komo pu iloko o na hana e pili ana i ka puali Panama. Ua koho ae o Italia ia Sepania i mea uwao no keia hana.

            Aia maluna o na paemoku o Samoa he eha mau mana nui e kiai la, oia o Geremania, Amerika, Enelani me Farani. No ka loaa pakahi ia lakou, he mau pomaikai ma ia mau paemoku keia kiai ana. He paonioni mawaena o lakou.

            Ma kahi o ke 60,000 kanaka a oi o ka mokuaina o Kaleponi, he 10,000 wale no ko lakou oi aku mamua o na pake, a ua aneane no hoi he 23 o ka huina nui o na pake malaila he poe aea wale iho no i nele i kahi malumalu a me ka hana.

            Ua hoouna ae o Mr. Paddy Raiana ka moho hakaka mua o Amerika, he palapala e aa ana e hakaka me John L. Sulivan: ka moho hou iho nei o Amerika. E halawai pu ana laua e hooko i na @ a ka manao ke holo pono na mea a pau. Ua apo kokeia keia aa hookuku ikaika a Raiana e ke keiki lima wikani o Bosetona Sulivan.

            Ma kekahi mau lono e hoike ana, ua hopuia o Mr. Burns: ke alakai o na hana hoohaunaele e na mana aupuni o Beritania. Ua hoouna pu aku no hoi ka Moiwahine he mau palapala e hoike ana i kona kaumaha no na poino i ili iho maluna o na kino kanaka, na waiwai a me na mea e ae i hoopoinoia e kela hoohaunaele na ke K@ i T@. Ua @ na haunaele.

            Ua aa ae o Wallace Ross a me Fred Plaisetes e hoo@na ka lua mimiʻo o ka Wailelel o Niagara, Amerika, a pae ma kekahi kapa me ka poino ole. Ua hoike ae laua o ke kumu i make ai o Weha, ka haole nana i au mua ua lua mimiio la, mamula wale no ia o kekahi @. He waapa ko keia mau haole e holo aku au a laua i hooiaio loa ai e hiki ka lawe oia ia laua a pae ola ma kela kapa.        

 

NU HOU O KALAWAO.

 

            I ka Nupepa KUOKOA e, Aloha oe: NO NA MAI. Ma kekahi la o keia mahina, ua pae oluloa mai i ka papa pahoehoe o Kalaupapa nei he elima mai o ko makou haawina like, maluna mai o kahi moku kuna Mile, aka mai ia lakou mai no i pae mai ai kekahi leo a lohe iho la ka mea e kakau nei. Aole keia o ko makou huina nui manaoia mai nei e lawe ia no Kalawao nei, he 50 ko makou nui; aka, no ka popo o mua o ka ihu o keia wahi moku, nolaila ko lakou kumu i hauʻe aku la, a he mea hiki ke hoomaopopo iho o Kalawao nei no ka pahu hopu, ka lua kupapau kanu ola. O ka wa noke mai paha keia i ka hopuhopu ia o na kuaaina, ke aneane aku nei la hoi i kona mau la.

            NO KAHI MOKUAHI. Ua halulu mai o Mokolii i ke kai halai lana malie o Kalaupapa nei, a maluna mai ona i hoihoi hou ia mai ai na ukana o na keiki a na makua mai lepera, oia hoi ko lakou mau pono kino i hoolako ia aku ai e ko lakou mau makua. Eia ka no ka haumia i ka mai pake, he oi maoli ka hoopunipuni, ina pela a pehea aku la hoi i hoonoho ia aku la na keiki iloko o kela pa mai ma Kakaako, ina he haumia io i ka mai pake. J. J. KAWENA.

 

KA ALOPEKA IMUA O KA ILIO HAHAI

Ka Haiolelo Kohu Ole a me ka Imihala.

KA PAPA-NANA KOHO BALOTA PAEWAEWA O KONA AKAU, HAWAII.

(Kakauia no ke Kuokoa.)

 

            I ka Nupepa KUOKOA a me kou Luna Hooponopono ke aloha nui, a i na keiki hoonoho hua koʻu hoomaikai piha. He mau wahi hunahuna materia kaʻu e hoouna aku nei maluna o ka kakou hiwahiwa "Kilohana Pauaho ole" a o oe pu mai hoi kona hookele ina he mea hiki.

            Ma ka la 26 o January, ua pii mai o J. Kahoopaa Nahale, ka moho a na Kuhina ai Dala o ke aupuni i uka nei o Kohanaiki e haiolelo ai no kona pono, a me D. Makainai ka Luna Maikai a me James H. Waipulani, he koo no na Kuhina mahope o Kahoopaa. Ua weheia na hana ma ka hora 11 a oi a.m. ma ka noho Luna Hoomalu ana o G. Mose Paiwa no ka halawai. Ua haiolelo mai ua moho nei a na Kuhina a eia ka mea ano nui: "Ina wau e puka ana, alaila, e paa koke no na alanui a me na palekai, na Hale Hookolokolo a me hoopaa o Kona nei." He nui na pono a me na pomaikai he nui, ina oia ka L.M. Ua hoike pu mai oia ma kana haiolelo, Ina no ka e hele maoli aku Pilipo e noi maoli aku i ke Kuhina, a i ole ia, i ka Moi ka, ina ua loaa kahiko mai ke dala a hanaia na alanui me na uwapo, aole ka o ke kaukai wale aku no ka pono i ka Ahaolelo. Ea! Kupanaha maoli keia olelo a ke keiki pu niu o Kahaluu, ka mea e olelo ana, ina e hooko ole mai e noi maoli aku no ka. Aole anei he kue kanawai maopopo loa ia, a he mahaoi maopopo i ke kuleana o ka mana Kau Kanawai. Ua pane aku au iaia. Ua hookaawale ia ma o ka hooholo ana o ka Ahaolelo ma ka Bila Haawina $5,000.00 no na alanui o Kona Akau, $50,000.00 no na uwapo &c. A e noi hou aku no ka, ka iala ae mai no ia. Pela wale no ka e loaa ai ke alahaka, a kuhihewa iho ka poe i koho iaia, i loaa io a hana io ia na ala nui no kona puka ana i L.M.

            Mahope ona, o D. Makainai; eia hoi kana haiolelo olalau: "Aole au i hele mai nei e hooweliweli aku ia oukou. O na Kona aku nei o kakou la, ua pau loa i ka huli mahope o ianei, (Nahale) o ka pau ia mai kahunapule a na luna ekalesia, ua hu@mahi a pau loa i ka lawe i ko ianei balota." A mahope, olelo hou mai la i ka hakaka ona ma ka aoao o Pilipo, a me ka hoopaapaa. He oi aku a ka hoopunipuni o ua Makai Nui ala: wahi ana, ua pau loa na kahunapule, eia no ka o ke kahunapule mare wahine ole ana kai huli a me kahi haiolelo kamalii o na Ekalesia Hui o Kailua a me Helani. Wahi a ua Makainai nei, ua haiolelo ae o E.M. Hanuna, a ua kapa aku ka ia Pilipo he kekahi kahiko, a ua pau ka ka ikaika, a o ka mea hou ka ka maikai. E kahi haiolelo olalau o na Ekalesia Hui o Kailua a me Helani: Eia kaʻu ia oe, ua lalau oe no ka ike ole i ka Palapala Hemolele. Kai no o ke kekake kahiko i maa i ka hoounauna, oia kai ike i na kikee a me alu o ke alanui, aole hoolalau a hooluhi i kona haku, aka, o na ekake hou i maa ole elike me ko kekake au e kuhihewa la he pono, oia na ano ekake luhi i ke alakai me ka owala e lu ai i ka ukana. Eia hou iho no na olelo a ua Makai Nui nei. Heaha no la hoi ko oukou mea e koho mau nei ia Pilipo, oiai, aohe ana wahi pala? O ka hele wale iho no i o e koʻu ai ka waha a ula ka maka. (a helei pu mai la ua Makainai nei i ka maka ona) Mai koho hou oukou ia Pilipo, ua loaa i ka mai pake, o ka noho aku koe i Kalawao.

            Me keia mau mea, hoomanao ae la wau, he enemi maoli no ka. Kauoha mai la i na wahi kauna wahine e noho aku ana, e hoi a hoomalimali aku i na kane a lakou e koho ia Kahoopaa, aole waiwai o Pilipo, he noho wale iho no i Honolulu a hiki i ka wa koho, hoi mai e hoomakaukau i kanaka e koho aku iaia. A wahi no a ua Makai Nui nei o Kona, ua kauoha aku oia i na haipule a pau o Helani e pule ikaika i ke Akua i puka o Nahale: aole ka i liuliu, ua huli mai la ko Kahaluu a pau mahope o ua Kahoopaa nei. Akahi no keia a hoomanao iho, ua lohe ke Akua i kana kauoha. He oiaio ia, he pule ka hoi na Elia na ke kaula nui o na Pope. O kekahi kumu ka o lakou i koho ai ia Kahoopaa, o ka paa ana o na hale hui a me na hale ahaaina. Ua pono no, he kanaka puni no ka Kahaluu i ka waiwai kipe, kahe ka hinu mawaho o ka lolewawae, ola ka noho hale ke hoi aku, olioli ka wahine ke hoi aku me ka puolo, no ka mea o ka makemake nui no ia o ko kuaaina noho ana, o ka hoi puolo o kahi alii. Ua lohe iho no hoi au ma ka la koho balota nei, e olelo ana na hoahanau o na Ekalesia Hu@ ia e hoopau ana ia Esekiela M. Hanuna no ka hoopilimeaai ma ka aoao aupuni a me ka ae wale aku i na hana kipe a me ka ona rama mai o na hoahanau o kahi mau apana. Ua puka a ua kohoia o Kahoopaa me ke kolohe a me ke kue kanawai maopopo loa am ai nahaha ka pahu balota i ka la koho iho nei, ina e ae mai o Pilipo i ke noi a na kanaka e wawahi i ka pahu balota a e ole no o Pilipo.

            No Hon. G.W. Pilipo….181

            J.K. Nahale (moho kuhina)….200

No ka moho o ka aoao kuhina. Aole nae i maopopo pono, oiai, he mau balota kanawai ole na balota i puka ai, oia hoi no na koa a me na ohua o ka Moi ia mau balota a me ka poe he 17 wale no makahiki, a o kahi poe, he hupo aohe ike i ka heluhelu, aka, ua aeia nae, a o ka poe hele aku no ko Pilipo aoao, ua hoole mai la ka Papa Nana koho kapulu o Kona Akau nei.

C.K. KAPA Kohanaiki, N. Kona. Feb 11, 1886

 

HE MELE KANIKAU NO LOKE.

 

Kanikau la he aloha

Nou no la e Loke;

Ke uwe helu mai nei

O Pahia kou papa,

He aloha ino kuu lei

O ka lei o ke kaona

Ona mai nei ke aloha,

Ka piiʻna o Nuuanu,

Anu mai nei kuu poli,

Ua hala kuu milimili;

Aʻu i alo mai ai

I ke kai holu o Kaiwi,

Mea ole ia anu nui

I ka hana a ke aloha

O koʻu kuleana no oe,

A i hiki malihini ai,

A i hui ai kaua

I na makahiki eono;

Ke hoolono nei au,

Ka pae leo hou mai.

 

2

Kanikau la he aloha,

Nou no la e Loke;

Ke uwe helu mai nei

Lahina kou mama,

He aloha ino kuu lei lose

Kuu hoapili o ka uka,

Kuahiwi o Ihuanu

Anu mai nei kanahele

Paoa i ke ala,

Onaona mai la ko aloha

Ka naʻu hai o Kapuakea,

Akea ka ike a ke aloha,

Ka makani apaapaa o Kohala;

Oia wahi a kaua

I pili ai me ke aloha;

He aloha no kuu lei,

O ka ua Ulalena

Oia ua lihau mai

I ka pua o ke pili,

Kahiko ana i ka luna

Kanahele o Puuloa.

 

3

Kanikau la he aloha

Nou no la e Loke;

E uwe haole mai nei

Hanale kou kaikunane,

Aloha ino no kuahine,

Kuu ike ole ia oe,

Elua no kaua

I ka papuu hookahi,

Hookahi aʻu mea nui,

O ko aloha e kuahine,

Alai ia mai au,

E ka mana o ka Papa Ola.

 

4

Kanikau la he aloha

Nou no la e Loke;

E uwe haalipo mai ana,

O ka ninau mau kou pokii;

He aloha no kuaana,

Ka lai o Honolulu,

Noho ai kaua i ka olu

Ka malu o ke kiawe;

Hoolono ana i ka leo,

I ke kani hoene a ka pele:

Ua lai no kaua

I ka home olu o ka makua.

 

5

Kanikau la he aloha

Nou no la e Loke;

Ke uwe helu mai nei

Kulia he makuahine,

Aloha ino kuu lei momi,

O ka lai o Pilemana,

Ia wahi a kaua i pili ai

I ka pono o ka uhana

E aloha ae ana au

Kuu hoapili he keiki

Kuu kapa e mehana ai,

O nei aina anu,

Anu maeele kuu kino

I ka hana a ke aloha

E aloha ae ana au

Kahi wai o Wailai e

A kaua i pili ai,

I ke anu oia uka

Oia uka iuiu,

Wehiwehi i ka malie,

Onaona i ke ala

Ke koho@na a ka wahine

 

6

Kanikau la he aloha

Nou no la e Loke;

Ke uwe helu mai nei

Punana he makuakane,

Aloha ino kuu lei hulu

Kuu hoa haʻhaʻi olela

Hoa noho o ka malu hale,

O ke ane a ke ahiahi:

A hiki mai no ko aloha

E uew no hoi au.

Kuu kaikamahine

Mai ka ua kualau

Ke nihi ae la no hoi,

Makai o hoolehua

He lehua ko aloha

Naʻu e lei nei,

Maikai lima mohala i ke pili

Ke kela lai la o kaupokiawa,

O ka hale kapaku ole

A kaua i noho ai.

 

7

Kanikau la he aloha

Nou no la e Loke:

Ke uwe helu mai nei

Palau no he makuahine,

He aloha kuu kaikamahine,

O ka lai o Kalaupapa:

Oia wahi a kaua i noho ai

Me ou mau pokii,

Kiina ke ola ilaila,

I ka wa olenalena.

Huli aku ke ola i na pali

Ke ala pii a ka malihini,

I imi aku au e ike

Na kukui o Haupu,

Ke upu nei ka manao,

Ka liʻa aloha ia oe.

 

8

Kanikau la he aloha

Nou no la e Loke;

Ke uwe helu mai nei

Pokai he makuahine,

Aloha kuu kaikamahine

Ka home olu o Halaulani

He lani nui no ke aloha

Naʻu e hiipoi nei.

I walea no kaua i ka laʻi,

Ka nani o kaulana ka opua,

Ke pua mai la iluna

Ka opua hiki kakahiaka,

Akaka wale no oe,

He pua i ka hikina a ka la.

 

9

Kanikau la he aloha

Nou no la e Loke;

Ke uwe paiauma mai nei

Akenaki kou mama,

He aloha kuu kamalei,

Ka malu kukui o Hauola

Ilaila kaua i wale ai,

Ke oho lipo o ka pali,

Ua lai ke kula i papa loa

Mea ole i ka ihu o ka @

Ke halia nei ke aloha,

Ka piina o Koloa

Aohe loa o ke kula

Ka luna i Mahulili,

I pia pu ia me ke ala lauae

Aheahe ko leo i ka pane ana mai

Hoea kaua i ke alo o ka makua

E imi ka pono o ka Haku

Kaʻu ia e aloha nei

Na pilina me ka makua.

(Aole i pau.)

 

NA HOOLAHA HOU.

 

            AHA HOOKOLOKOLO KIEKIE O ko Hawaii Pae Aina. Ma ka hooponopono Waiwai ma ka hana o ka Waiwai o Thomas Cummings o Honolulu, Oahu, i make. Ma ke Keena imua o ka Lunakanawai Nui A.F. JUDD.

            Ma ka heluhelu a me ka waihoia ana mai o ka Palapala Noi a me ka Papa Hoike a Alexander J. Cartwright, Luna Hooko Kauoha o ka waiwai o Thomas Cumminso Honolulu, Oahu i make, e noi ana e aponoia na hoolilo he $1065.72, a e noi ana e nana a e apono ia ke a mau mea, a e kauoha ia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona hope mai ko lakou noho ana ma ia ano.

            Ua kauohaia, o ka POALUA, ka la 30 o Maraki, MH 1886, ma ka hora umi kakahiaka, imua o ua Lunakanawai nui la, ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i au Noi la, a me na Papa Hoike i olelo a a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Enelani me Hawaii, e pai ai maloko o ka Hawaiian Gazette a me KUOKOA, he mau nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.

            Kakauia ma Honolulu ko Hawaii Pae Aina, i keia la 17 o Feb., 1886. A.F. JUDD, Lunakanawai nui o ka Aha Kiekie, Ikea: HENRY SMITH, Hope Kakauolelo 20643@

 

HOOLAHA HOOKO MORAKI. Ke hoolahaia aku nei, i kulike ai me kekahi mana kuai i hoikeia ma kekahi palapala moraki i hanaia e @. Ten Siau ia H. Hackfeld & Co., ma ka la 6 o Iune, M.H. 1885, i kope ia ma ke Keena Kope o ke aupuni, ma ka Buke 95 a ma na aoao 292 a me 293, e hooko ia ana ua moraki la no ka hai ana o kekahi o na aelike. H. HACKFELD & CO. Mea Moraki.

            L.A. THURSTON, Loio no ka mea Moraki. Honolulu, Feb, 25, 1886.

            O ka waiwai i hoikeia ma ua moraki la, he @ Eka ua kanuia i ka maia me ke ko, a me ka hale ma ua apana aina la e noho ia nei e ka mea i moraki mai ma ke ano he hale kuai, aia ma ka aoao makai o ke alanui Moi, ma Pawaa Honolulu, kokoke i ka pa kanu laau o ke aupuni. A i hoolimalima ia J. Ten Siau e H. R. H. Liliuokalani a me J.O. Dominis ma kekahi palapala hoolimalima ma ka la 10 o Jan. 1885 no 10 makahiki, no ka uku hoolimalima he $100 no na makahiki mua elima, a he $125 no ke koena aku o na makahiki. 2063 3t

 

HOOLAHA A KA LUNA HOOKO KAUOHA. Ua hookou pono ia mai ka mea nona ka inoa malalo iho nei i Luna Hooko Kauoha no ka palapala kauoha a David Makaliu i make. Ke kahea ia aku nei ka poe o ka mea make i aie ai e hoike koke mai imua oʻu, a i ole i kuu loio oia o J. Kealahula, a me ka poe i aie mai i ka waiwai o ka mea make i oleloia, e hoike koke mai imua oʻu a i ole i kuu loio i oleloia ae la maluna iloko o na mahina eono mai keia la aku, o hoole mau loa ia ke hala ka manawa i oleloia. Mrs. H.O. MAKALIU. Luna Hooko Kauoha. Hanalei, Kauai, Dek. 19, 1885. 2063-3t

 

NA HOOLAHA HOU.

 

            AHA KAAPUNI APANA EHA O KO Hawaii Pae Aina. Ma ka hooponopono Waiwai. Ma ka waiwai o PETER RICHMOND no Waimea, Kauai, i make. Imua o ka Lunanawai Kaapuni ma ke Keena.

            No ka mea, ma ka la ao o Febuari M H 1886, ua waihoia mai imua o ka Aha, kekahi Palapala i olelo ia, oia no ke Kauoha Hope Loa a Peter Richmond, i make aku la; a me ka Palapala Hoopii e noi ana e hooiaioia kela Palapala Kauoha a e hoopuka ia hoi ka Palapala Luna Hooko no Mrs. Hana Richmond, ua waihoia mai e Kahumu Richmond (w).

            Nolaila, ua Kauohaia o ka POAONO oia ka la 20 o Maraki, M. H. 1886, ma ka hora 10 kakahiaka ma ka Rumi Hookolokolo o ia Aha, ma Koloa, Kauai, oia ka la me ka hora, e hooiaio @ ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.

            A ua kauoha hou ia, e hoolaha @ ia mea no na pule ekolu iloko o ke KUOKOA, he nupepa i pai ia a i hoolaha ia ma Honolulu.

            A ua Kauoha hou ia, e hoopukaia na Palapala Kena no na hoike no ia Palapala Kauoha a me na hooilina o ka mea i make, ma Kauai, e hele mai a e kue i kela Palapala Kauoha i ka wa i oleloia. Kakauia ma Koloa, Kauai, Feb. 20, 1886.

JACOB HARDY, Lunakanawai Kaapuni Apana Eha, 2065-3t

 

AHA HOOKOLOKOLO Apana Eha o ko Hawaii Pae Aina. Ma ka hooponopono waiwai. Ma ka waiwai o JOHN PUNI no Koloa, mokupuni o Kauai, i make. Imua o ka Lunakanawai Kaapuni, ma ke keena.

            Kauoha e hoike kumu, ma ke noi a ka Lunahooponopono waiwai, no ke kauoha e kuai aku i ka waiwai paa.

            Ma ka heluhelu a me ka waiho ana mai i ka palapala noi a Jared K. Smith Lunahooponopono o ka waiwai o John Puni, i make, no ke kauoha a ka Aha e kuai aku i kauwahi o ka waiwai paa o ka mea make i oleloia, oia hoi, eha hapahaneri (4@100), mahele ole ia, o ke Ahupuaa o Mahaulepu, mokupuni o Kauai, a ua hoikeia ma ua palapala noi la, he mau kumu kupono ma ke kanawai no keia kuai ana.

            Ua kauohaia i na mea pili a puu e hele mai imua o keia Aha ma ka Poaono, oia ka la 20 o Maraki, M.H. 1886, i ka hora umi kakahiaka, ma ke Keena o keia Aha ma Koloa, Kauai, e hoike mai i ke kumu, ina he kumu io ko lakou e ae ole ia ai ua noi la.

            A o keia olelo kauoha e hoolaha ia ma ka olelo Hawaii i ekolu pule mamua ma ke KUOKOA, he nupepa i pai ia a i hoolaha ia ma Honolulu. Kakauia ma Koloa, Kauai, Feb. 19, 1886. JACOB HARDY, Lunakanawai Kaapuni Apana Eha. 2065 3ts.

 

MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina, ma ka Waiwai o MAUHILI opio no Wainaku, Hilo, Hawaii, he keiki oo ole.

            Ua heluheluia a ua waihoia ka palapala noi a Kaaekuahiwi (w), ka makuahine o ke keiki opio Mauhili (k) no Wainaku, Hilo, Hawaii, e noi ana e haawi aku iaia ka mana e mahele i na apana aina hui, i kaawale ke kuleana o ua keiki nei, malalo o kekahi mau apana aina elua e waiho nei ma Wainaku, Hilo, Hawaii.

            Nolaila, ua kauohaia na mea a pau i pili, o ka Poalua oia ka la 30 o Maraki, M.H. 1886, i ka hora umi o kakahiaka, ma ka hale hookolokolo ma Hilo, Hawaii, oia ka manawa me kahi i koho ia no ka hoolohe i ua noi la me na mea kue ke hoikeia.

F.S. LYMAN, Lunakanawai Kaapuni Apana Ekolu o ko Hawaii Pae Aina. Hilo, Hawaii, Feb. 18, 1880. 2065-3t.

 

MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina, ma ka Waiwai o J. @ no Kalapana, Puna, Hawaii, i make.

            Ua heluheluia a ua waihoia ka palapala noi a Kaanaana (w) a me Awa (k), a me kekahi palapala i oleloia oia ka palapala kauoha hope loa J. Ili no Kalapana, Puna, Hawaii, e noi ana e hooiaioia kela palapala a e hoonoho aku ia Awa (pake) i luna hooko no ia kauoha hope loa.

            Nolaila, ua kauohaia na mea a pau i pili, o ka Poalua oia ka la 30 o Maraki, M.H. 1886, ma ka hora umi kakahiaka, ma ka hale hookolokolo ma Hilo, Hawaii, oia ka la me kahi i kohoia no ka hoolohe ana i ua noi la a me na mea kue ke hoikeia.

F.S. LYMAN, Lunakanawai Kaapuni Apana Ekolu o ko Hawaii Pae Aina. Hilo, Hawaii, Feb. 18, 1886. 2065-3t.

 

HOOLAHA LUNAHOOPONOPONO WAIWAI. Ua hookohuia mai ka mea nona ka inoa malalo iho i Lunahooponopono no ka waiwai o NAKI (w) o Kailua, Oahu, i make; ke kaheaia aku nei ka poe a pau he mau koina ko lakou i ua waiwai la, e hoike koke mai iaʻu iloko o na mahina eono mai keia la aku, a i ole ia e hoole mau loa ia aku no kakou; a o ka poe a pau i aie i ua waiwai la, e hookaa koke mai iaʻu.

ABERAHAMA KEKAI, Lunahooponopono Waiwai o Naki (w). Honolulu, Feb. 24, 1886. 2065-4ts

 

HOOLAHA A KA LUNAHOOPONOPONO WAIWAI. Ua hookohu pono ia mai au e ka Aha Kiekie i Lunahooponopono no ka waiwai o AHUNA, a i ole o LEONO@ PIO o Waialua, mokupuni o Oahu i make, a ke kauohaia aku nei ka poe a pau he mau koina ko lakou i ua waiwai la, e hoike mai me na hoakaka kupono imua oʻu ma ke keena o M.S. Grinbaum & Co., ma Honolulu, ina ma ka moraki a ma kekahi ano e ae paha, iloko o na mahina eono, a i ole pela e hoole mau ia no lakou.

            O ka poe a pau i aie i ka waiwai i oleloia, e hookaa koke mai lakou; a o ka poe a pau i aie ma kona halekuai, e hooponopono ia no me A@ Lin@o Waialua i oleloia. S. SELIG, Lunahooponopono Waiwai o Ahuna. Honolulu, Feb. 23, 1886. 2056-3ts.

 

HOOLAHA HOOKO MORAKI.

 

            Ma keia ke hoolaha nei ka mea nona inoa malalo iho, mamuli o ka mana kuai iloko o kekahi moraki i hanaia ma ka la 30 o Dekemaba 1881 i hanaia mawaena o Susan Kealoha a me DAvida Kaapa kana kane, no Honolulu, i me John FArnsworth, no Honolulu, a i kope ia ma ka Buke Kope Palapala Helu 70 ma ka aoao 497 me 498, a no ka uhai ia ana o ka aelike iloko o ua moraki nei, e hooko ia ana ea moraki nei a e kuai ia ana ka waiwai i moraki ia ma ke kudala. Eia ka waiwai i morakiia a kudala ia ana, @ Kela apana aina ma Waikane, Koolaupoko, Oahu, i hoikeia ma ka Palapala Sila Nui Helu 574 ia @, ekolu apana, a i hoolilo @ Susan Kealoha e Kekuahi, a i kopeia ma ka Buke Kope Palapala Helu 59 aoao 136. JOHN FARNSWORTH, Mea Moraki. L.A. Thurston, Loio no ka Mea Moraki. Honolulu, Feb. 25, 1886.

 

HOOLAHA A KA LUNAHOOPONOPONO WAIWAI: Ma ka la 11 o Ianuari, 1886, ua hookohu pono ia ka mea nona ka inoa malalo iho e k a Mea Hanohano Abe. Fornander, Lunakanawai Kaapuni Apana Elua, H.P.A. i lunahooponopono waiwai, ma ka waiwai o K.S. Maunaloa (k) o Kawela, Molokai i make kauoha ole.

            Nolaila, ke kauohaia aku nei na mea a pau i aie iaia, e hookaa koke mai iaʻu, a o ka poe ana i aie aku ai, e hoouna mai i na bila pololei i hooiaio ia imua oʻu iloko o na malama eono, a ina he waiwai ko ka mea i make ma ko hai lima e paa ia ana, e hoihoi koke mai iaʻu, a e loaa no au ma "Kalauonaona Home," Kamalo, Molokai. L.W.M. POOHEA. Lunahooponopono Waiwai. Kamlo, Molokai, Feb. 12. 1886. 2064-1m

 

S. H. MEEKAPU.

Tela humuhumu lole.

HALE HANA: Helu @ alanui Nuuanu.