Ka Nupepa Kuokoa, Volume XXV, Number 9, 27 February 1886 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXV, HELU 9.

HONOLULU, POAONO, FEBERUARI, 27, 1886.

NA HELU A PUA, 2065.

 

NA HOOLAHA KUMAU.

 

W R. KAKELA.

Loio a he Kokua me ke Kanawai.

He Luna Hooiaio Palapala

tf.

 

A rosa.  (Akoni.)

Loio a he Kokua ma ke Kanawai.

He Luna Hooiaio Palapala.

            Keena Hana :  Ma ke Keena Loio Kuhina.

tf.

 

Dillingham & co.

Mau Mea Kuai Lako Hao

Alanui Papa, Honolulu.

 

Frank Pahia .

ANA AINA !   ANA AINA !!

Keena Hana :  Aia ma alanui Moi, kokoke loa i ka Uwapo o Hooliliamanu.           tf

 

J p. hanaaumoe.

            He Loio a he Kokua ina ke Kanawai ma na Aha Hoomalu a Apana o keia Aupuni.

            E loaa no au ma Puna, Hawaii.

 

Chas h pulaa.

            he loio a he kokua ma ke kanawai

            A e loaa no au ma Honomakau, Kohala Akau, Hawaii.                     200@-tf

 

Cecil brown.

Loio a he Kokua ma ke Kanawai.

A he Agena Hooiaio Palapala no ka Mokupuni o Oahu

            Keena Hana :  Helu 8 alanui Kaahumanu.

tf.

 

W a kini.

LOIO, LOIO, LOIO.

            Keena Hana :  Helu 15 Alanui Kaahumanu, Honolulu.                  tf.

 

W. C. akana (kalauki.)

U@ Mahele a Un@hi-olelo ma ka olelo Pake me ka olelo Hawaii.  Ua makaukau no hoi e hana i na Palapala Kuai a Hoolimalima a pela aku mawaena o na Pake a me na Kanaka Hawaii.  E loaa no au ma ke Keena Helu 7, Alanui Moi, ma kahi e kokoke ana i ka uwapo Hauliliamanu.

                                                                                                                                    2010 1y

 

Wilder & co. (waila ma.)

Mea kuai papa a me na lako kukulu hale na ano a paa, a me na me @e pono a pau no ka hale.

Kihi Alanui Moiwahine me Papu.                  @

 

Richard f. bickerton.

( Pexekona .)

Loio a he KokuA [ as printed ] ma ke Kanawai.

            Keena Hana :  Helu 27 alanui Kalepa.

tf.

 

William auld.

Luna Hoolaio Palapala Kepa Pauhana

no ka Apana o Kona

Keena Hana :  Ma ke Keena Wai o Honolulu

                                                                        tf

 

Joseph william keliikoa.

He loio, a he kokua, a he pale, a ke koo ma ke Kanawai.  E loaa no au ma ke Keena o J. M. Poepoe, kihi o na Alanui Alii a Anini, Honolulu.  Ua hiki no hoi ke hana i na Palapala pili Kanawai o kela me kea ano.                                                                                                        1yr.

 

ke kauka iapana

Mr. m. Goto.

He Kauka no ka mai lepera, na mai e pili ana i ka ili o ke kanaka, ka mai kaokao,

etc.                  etc.                  etc.

            keena hana – Aia ma Kapalana, mauka pono o k@@@ noho o ka Hou, J. Keau.

            na hora hana            Hora 1 a ka 3 p. m.

                                                Na La Sabati hora 8 a 12 @

                                                                        @@@@

 

E holoholo mau ana ka Moku Kuna kialuna

hou o MR. J. PAIKO i kapaia ma

ka inoa o kona makuahine oia o

“DOMITILA”

ma na awa o ––

            Mal@@,

                        Kaneohe,

                                    Heeia

                                                Kahaluu

                                                            Waiahole,

                                                                        Waiakao,

            A me na awa e ae o Koolau:  he oluolu ka aku @@@@ a me na @@ana he moku @maikai a @aem@@                                                                                                tf

 

JAMES DOWER.

Oia hoi o Kimo Kapiolani, ka ona mua o ka mokuahi Kapiolani.  Ua makaukau oia me na lako apau, no ka hana ana i na waapa, a me ka hana hou ana i na waapa naha.  Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa.  E hele mai ma kona hale ma Manamana, Honolulu.

                                                                                                                        2029-tf

 

NA HOOLAHA KUMAU.

 

S h. meekapu.

                        Tela humuhumu lole.

            Hale Hana :  Helu 11 alanui Nuuanu.

 

M thompson, [kamikana]

He Loio a Kokua ma ke Kanawai

            Keena hana maluna o ka Hale Pohaku o Kamapela, (Campbell’s Block,) Rumi helu 8 me 9.  Puka komo e huli la pono i ke Alanui Kalepa, Honolulu

 

H i. chase.  (Keiki.)

                        Mea Paikii kaahele ma na mokupuni.  E hanaia no na kii me ka maikai a me ka elou pu no hoi.  E paiia no na kii nui a liilii me ka makemake o na makamaka.

 

J a. magoon, [ Makuna. ]

loio a he kokua ma ke Kanawai

            Keena Hana, Helu 42 Alanui Kalepa, kokoke i ke Keena o Pekekona.

                                                                                                            tf

 

James m. monsarrat.

(Maunakea.)

Loio a he Kokua ma ke Kanawai.

He Luna Hooialo Palapala.

            E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii.  Dala no ka hoaie ma ka moraki ma na waiwai paa.

            Keena Hana :  alanui Kalepa.                                                                                  tf

 

John mahiai kaneakua .

Loio a he Kokua ma ke Kanawai

He mea Unuhiolelo ma ka Olelo

            Beritania a me ka Olelo Hawaii.

            Keena Hana ma Alanui Kalepa, Honolulul, ma Ewa iho o ke Keena Kuai Buke o ka Papa Hawaii.                                                                                                            1 yr.

 

PAPA !   PAPA !

aia ma kahi

LEWERS & COOE,

(o lui ma)

ma ke kahua kahiko ma alanui Papu a me Mol.

E loaa ai na

papa nouaiki.

@ kala a me keia ano.

Na P@ni Puka, Na Puka Aniani, Na Olepelepe,

Na Pou, Na O@a, Na Papa Hele, Na Papu

Ku, A me na Papa Moe nui loa

 

Na Pili o na Hale o na Ano a Pau

 

Na Papa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoo-

maloo, he lehulehu wale,

Na Aila e ae o na

ano a pau.

 

NA WAI VANIKI

––a me na––

WAI HOOHINUHINU NANI !

o na ano a pau loa.

NA BALAKI ANO NUI WALE.

 

A ke hai ia aku nei ka lono i na Makamaka a

pau, na makaukau keia mau Makamaka

o  oukou  e hoolawa aku ma

na mea a pau e pili ana

ma ka laua oihana

 

––– no ka –––

UKU HAAHAA LOA.

 

E like me ka mea e holo ana mawaena o

laua a me ka mea kua.

HELE MAI E WAE NO OUKOU

 

Ulesia S. Kalani,

ka umikumamalima o na

Peresidena o Amerika,

ka mea o kapaia

Ka Alihikaua kaulana loa iloko o ke Kaua Huliamahi Kuloko o ka Akau me ka Hema.

Ke Kaua i Mekiko.

            O KE kaua ma Mekiko, oia ke kaua mua loa nana i hoike mai ia Kalani, pela iho la e hooko ia ai na hoopaapaa aupuni ana ma ka ikaika.  O ke kahua kaua o Palo Alto, nona na kula laula e ulu ana na ululaau a e holo ana no holoholona hihiu, ua puhi ia ae la ia e ka enemi, a he ululaau ia e a ia ana e ke ahi no na mile lehulehu wale.  Ua puhi ia keia ululaau e na koa Mekiko i kumu he hiki ole aku ai na koa Amerika ma ko lakou mau palena, aka, o ia mau hoao ana, aole i kuemi hope mai na koa Amerika mai ko lakou mau kulana mua mai.  Ua kaua kaawale na aoao elua ma kahi mamao i ka wa i hoomaka ai i kinohi, a o ka pukuhiahi ka mea nana e hoohana nei ka ikaika o keia la hooili kaua, a i keia wahi i ike mua loa ai o Kalani i ke ano o ke kaua hahana, kona mau hoa’loha e haule make ana ma kona mau aoao.  O Kapena Page o ko Kalani puali, e ku pono ana oia mamua o ka laina kaua, ua lele pololei mai la kekahi poka pukuniahi a ku ma kona poo, haule aku la kona kino i ka honua ua make loa aohe poo.  Ua ku aku la kekahi mau koa ma ka opu, ua hu mai na mea a pau o loko, aka, aole nae i manao o Kalani opio no keia mau ewliewli ana e ike nei, he mea nona e maka’u ai, malia paha, he mau minute pokole koe, alaila, oia aku ana kekahi e loaa ana ia mau haawina like.  He mea kupanaha ke olelo ae iloko o keia la hooili kaua, aole loa i loaa ia Kalani kekahi eha mai ka enemi mai, oiai oia ma ka aoao o kona mau hoa’loha i hala e aku i ka make.

            Mahope iho o keia hoouka kaua o Palo Alto, ma keia auwina la no ua hoouka hou ia kekahi kaua ma Resaca de la Palma.  I keia wahi i kaa ai ka hanohano o ke alakai ana i kekahi puali malalo o Kalani, a o kahi a lakou i wahi aku ai imua o ka enemi, maloko aku ia o na lala laau me na kauhale nahaha e ku ana.  O ka mau o ke kipoka ana mai a ka enemi, he mea paakiki i ka wiwo ole o ke kanaka ke hoonou aku, a oia ka ke Kenela Nui i hai mai ai ia Kalani, aole lakou e hiki ke hoomau aku i ka nee ana imua mamula o ke ki hoomau loa ana mai o ka enemi me na poka pukuniahi, a o ka mea pono wale no, e emi hope aku lakou a hiki i ka manawa e ma-o ae ai o ke kipoka ana, alaila, pii hou aku no ke kulana mua,––a oia ka Kalani i pane aku ai,––

            “Aole au i ike i ke kumu nui o ko kakou emi hope ana.”  wahi ana i ke Kenela alakai,  “no ka mea, ina kakou e hele iki ana imua, alaila, o keia mau poka e ki ia mai nei e haule ae ana ia mahope o kakou.”

            O keia mau kuhikuhi a Kalani, ua hoapono keia Kenela no ia mau alakai ana, a i ko lakou wa i nee aku ai imua maloko o na lau laau, ua palekana a ua loaa he wahi kokoke loa e hakilo aku ai i ka nee mua ana mai o ka enemi.  Mamua o ka uhi ana mai o ka po, ua hoouka aku o Kalani ma i kekahi kaua iloko o ko lakou nanea, a o ka hua i loaa mai loko mai o laila, oia ka loaa ana o ka lanakila me ke kahe nui ole o ke koko, a o ka lilo ana hoi o kekahi o na kulana ikaika loa o na koa Mekiko

            O ka ekolu o kana mau kaua i hoouka ai, oia ke kaua o Monetere, a me ko Kalani lawe ana i ke kauoha maloko aku o ka laina kaua o ka enemi.  Ua hoouka ia ke kaua mai ke kakahiaka a hiki i ka hora 3 o ke ahiahi, o ka mea i ike ia ma ka aoao o na koa Amerika, ua kokoke e pau ko lakou mau lako kaua, oia hoi ka pauda me na poka.  O Kenela Twiggs, aia oia ma kekahi aoao mai o ka enemi kahi i hoouka ai i ke kaua, a aia pu me ia na koa lawe lako kaua kahi i hele pu ai.  O ka ninau nui o ka manawa, oia ka wa e loaa mai ai o kela mau lako kaua, a owai ke kanaka e aa ana e lawe aku i ke kauoha a ka Alihikaua ia Kenela Twiggs, ua makemake oia i mau lako kaua hou.  Ke po keia la ia lakou, alaila, e opa pu ia ana lakou e ka enemi ke hoomau ole aku lakou i ke kaua ana, nolaila, huli ae nei o Kenela Worth imua o ka puali, a nana kau la oia i ke kulana o ka enemi ma ke alahele e hiki aku ai ia Kenela Twiggs, a oia ka mea hiki ole i ka Alihikaua ke haawi aku i ke kauoha i kekahi kanaka e lawe i keia apana hana,––o ka mauna ana i ke ola imua o ka enemi.  No ka hiki ole ia Kenela Worth ke koho aku i ke kanaka e aa ana e lawe i keia kauoha, nolaila, kamailio aku la oia iwaena o ka puali me keia mau olelo :

            “Owai ka mea e aa ana e lawe i ke kauoha ia Kenela Twiggs no ko kakou mau lako kaua?”

            No kekahi mau sekona pokole, aole he hookahi mea i aa e lawe i keia kauoha a ko lakou Kenela, aka, ua lohe ia aku la ma kekahi kihi o ka laina kaua kekahi leo i pane mai ai,––“Owau ke hele.”  Ma ka nana ia ana aku o ka mea nona ka leo i pane mai ai, ua ike ia kau la o Kalani opio ka mea i aa e lawe i keia kauoha ma ke alahele aku o ka enemi.  Iloko o ia manawa, haawi mai la o Kenela Worth i kana leta kauoha, kau ae la o Kalani maluna o kona lio, a holo pololei aku la ma ke alo pono o ka enemi, oiai na poka pukuniahi a me pukaupoohiwi e lele pololei mai ana mamua ona.

            Ua ulu ae kekahi noonoo iloko o Kalani no keia huakai ana e lawe nei i ke kauoha, ua koho iho oia, o kona la hope loa keia e mauna nei i kona ola, aka, o ke kauoha iloko o ka manawa maluhia, he mea hiki ia ke kali ia no kekahi mau minute, a o ke kauoha iloko o ka manawa kaua, he mea nui loa ia i kela a me keia minute.  O ka makaukau piha o Kalani ma ke kau lio ana, ua like oia me kekahi o na Ilikini i maa i ke kau ana i na lio ahiu, a o ke alanui ana e holo aku nei, eia oia mamua pono aku o ka enemi, a oiai lakou i ike mai ai i keia kanaka opio e holo aku nei, ua kikoke ai mai la na pukuniahi mamu pono, a o na poka i ki ia mai la, halahu ae la ia ma ko Kalani mau papalina a ku aku la na kumulaau nui e ku kokoke ana, a ia wa ke keiki opio i pili ae ai ma ka aoao o kona lio me kekahi wawae e lewalewa ana ilalo.  Nana mai la ka enemi i ike aohe kanaka oluna o ka lio, hooki ae la lakou i ke ki ana; a o ka hala ana o ia mau minute pokole, hala loa aku la o Kalani ma kekahi aoao kahi a na koa aupuni o Kenela Twiggs e hoouka mai ana i ke kaua, ala ae la oia iluna o kona lio, a ike hou ia aku la oia aole i haule, i kela wa i kipoka ia aku ai e ka enemi.

            Ua haawi aku o Kalani i ka leta kauoha ia Kenela Twiggs, a iloko hoi o @a wa i houna ia mai ai na lako kaua malalo o ka hoopakele ana a kekahi mau pualikoa i hoouna pu ia mai ai.  Na keia hana wiwo ole a Kalani ka mauna ana i kona ola no keia kauoha, pela i pakele ai kela heluna nui o na tausani koa malalo o Kenela Worth mai lawe pio ia e na koa Mekiko ma ke kahua kaua o Monetere.                            (Aole i pau.)

 

KA MOOLELO KAAO O

LAMEKA PULUKA

Ka Makahiapo mua i oili mai, mai ka puhaka

o ka Ui Pua Rose a me Kahanuopaineki.

ka mea i kapaia ka

Ka liona o na mauna hui o Arabia, he @@@@@ nana

ulupa na kupua o ka lewa lani a me na kupua

e noho ana i ka papaku o ka moana, o ka

mea hoi nana i pani ka maka o ka la.

 

IA LAKOU e nanea ana iloko o ka rumi hookipa o ka hale alii, ua piha ku’i mai la o loko o ka rumi i na ohana alii a pau me ke ake e ike a e lohe hoi i na mea hou o ka huakai a na alii opio me ko laua makuakane.  No ko lakou ake nui e lohe ia mau mea hou, ua nonoi aku la lakou i ko lakou Moi Kahanuopaineki e hoike mai, a ua hoike mai la no hoi ua olomana nei i ko lakou moolele mai ka mua a ka hope a hiki i ka make ana o ke kupua Matone.  I ka lohe ana o na kanaka i keia moolelo ua haawi ae la lakou he mau leo hulo hauoli.  A oiai hoi na ’lii a me na makaainana e hauoli ana, ua ku mai la ka Ui Pua Rose a pane mai la me ka leo nahenahe olu :  E na alii a me na makaainana aloha, ke kauoha a ke kuahaua ia aku nei no hoi oukou, e komo ke aupuni holookoa iloko o ka hauoli a hiki i ka piha ana o ka mahina hookahi a oi, me ka malama pu nae hoi i ka maluhia a me ke ola o ke kanaka.  I ka lohe ana o na mea a pau, ua nui loa ko lakou hauoli:  ua holo aku la no hoi keia lono a lohe na kuaaina.  Iloko hoi o ia mau la e hauoli ana, ua ike ia na mahele Naita e hookahakaha ana ma na huina alanui me ka hoike ana i ko lakou ike ma ka lakou hana i hele a paulehia, a e hauoli ana ka lahui mai o a o.

            I ka pau ana o na la lealea kulaia aupuni, ua hoi iho la ke aupuni iloko o ka maluhia, a iloko no hoi o ia manawa i kupu mai ai ka makemake iloko o ke alii opio Lameka Puluka e hele makaikai oia i ka honua a puni.  A i kekahi ahiahi, ua nonoi aku la oia i kana mau wahine e hookuu mai iaia, e hele oia i ka makaikai honua a e luku hoi i na kupua ino o ka honua a hala loa aku i na papaku o ka hohonu, mamua o kona noho nanea wale iho no; eia nae he ole ka ae mai o kana mau wahine; a no ka nui paakiki loa o ka laua kane, ua ae mai la laua i ka manao o ka laua lei aloha, a he mea olioli loa keia i ka manao o na opio nei.  Eia ka mea hopohopo, wahi a Mahinakauahiahi; ina paha oe e haalele mai ana ia maua, nawai auanei la maua e malama ?  Pane aku la ka laua kane :  Ke hoonoho nei au i na nunui he 16, e noho a e kiai i ko olua maluhia, a pela pu hoi o papa, na lakou hoi olua e malama.  Nolaila, i ko’u la e haalele iho ai ia olua, e noho olua me ke aloha o kekahi i kekahi; a pela olua e noho ai me ka maikai a hiki i ko’u hoi ana mai.  Puai mai la na huaolelo aloha mai ka Ui Wilela mai me na waimaka e hiolo ana ma kona mau papalina a pane mai la :  Ke ike nei @e ia maua ua pili paa ko’u aloha i ko’u hoa nei, a aole no paha maua e hana i kekahi mea kue ia maua iho; hookahi wale iho no, o ko maua auamo aku i ke aloha wela nou e ka maua kane i kou wa e haalele mai ai ia maua, a noho kokoolua iho hoi i kahi o kakou; Aloha no.

            I ke kokoke ana mai o ka manawa e haalele iho ai o ke alii opio i kona home, @a paneeia mai la he papaaina i hele a luluu i na mea ai ono, a pela ke alii opio i hoopiha iho ai i kona houpo lewalewa; a i ka maona ana, ua liuliu ae la keia nona iho, oiai he po keia wa ona e hele aku ai ma kana huakai; a i ka makaukau ana, ua kau ae la oia maluna o kona lio a heo aku la, a o ka hora 12 ponoi loa no hoi ia.  Haalele iho la hoi ua opio nei i kana mau wahi me iloko o ka pouli o ka po, a aia hoi ke luaiele ia la e aloha.  Oiai hoi ua opio nei e lele ana iloko o ka lewa, ua loaa mai la oia i na makani puahiohio o ka lewa e alai mai ana i kona alahele, aka, ua hookaawale koke ia lakou e ka mana o ua opio la, a ua laelae hoi kona ala e hele aku ai.  A ma ke kakahiaka nui poniponi, kau hoolai ana keia maluna o ke aupuni o Peresia; a no kona ake nui e lohe a e ike hoi i na mea hou o ia aupuni, nolaila, hoemi iho la oia i ka lele ana o kona lio a ku iho la i ka honua, ma kahi kokoke i kekahi hotele me ka ike ole ia mai.  Holo aku la oia a hiki i ka hotele, a i kona hui ana me ka haku hotele, ua ninau aku la oia ina paha he runi kaawale kekahi o ia hotele nona e noho ai, ua ae mai la no hoi ua haku nei a no ko ianei kanaka ui i oi ae mamua o kekahi poe e ae o ia wahi, (oiai o na maka wale no o ua opio nei ka haku hotele e ike, a koe hoi kona nui kino ua paa i ka kapa kila.)

            Ia Lameka Puluka e nanea ana me ka haku hotele i ka kamilio, ua ninau aka la na opio nei i na mea hou o ia kulanakauhale, ua hoike mai la no hoi ua haku hotele nei :  O ka mea hou ano nui o keia aupuni, apopo, e hookuku ai na alii powa o ke kuahiwi ma na mea kaua, a o ka mea o laua e lanakila, alaila, e lilo ke kaikamahine alii a me ke aupuni o Peresia nei, a oia auanei ka Moi maluna o ke aupuni holo okoa o Peresia nei.  I ka lohe ana o Lameka Puluka i keia mau olelo a kona hoa’loha, na pane aku la oia   Ina pela, ua laki loa au i ko’u hiki ana mai nei mamua o ka la hookuku o ua mau alii powa la; a nolaila, apopo, o oe auanei ka Moi o keia aupuni, a nau auanei e wawahi ka maluhia o ua kaikamahine nei.  A pehea, wahi a ka opio, he kaikamahine ui no ia ?  Ae, o ka oi hookahi paha keia o ka ui a puni o Peresia nei a’u i ike, a aole no paha ona lua e like ai a puni ke ao holookoa; a o kau i olelo mai nei e lilo ana oia ia’u a me ke aupuni, he mau olelo hoohenehene paha ia.  A ina oe e makemake e ike iaia, o ka hora 12 o keia la e hiki mai ai oia ia nei, a maanei e paina ai kona aina awakea iloko o na manawa a pau.  A mai hea mai nei oe i hele mai nei?  Mai na apana kuaaina mai nei o Peresia nei:  wahi a ke alii opio.  Ke hoomaopopo aku nei au i kou ano, a me he la he naita paha oe mai ke kuahiwi mai, a ke hoike mai nei hoi kou kulana nana ma kou kapa kila; a he mau miliona dala paha ke kumukuai ?  Ae, wahi a ke alii opio.  A ke hauoli nei au i ka ike ana i keia mea hou, a hoi aku au a hoolaha aku i keia mea hou ma na kuaaina.

Oiai no laua e kamailio ana, komo ana ke kaikamahine alii me kona mau ukali.  Haalele iho la ka haku hotele i ka kakou kamaeu, a kauoha mai la e kali oia a hiki i ka manawa e kani mai ai o ka bele, alaila komo aku oia iloko o ka rumi aina a ke kaikamahine alii e paina ai.  Wehe ae la hoi ua opio nei i kona kapa kila, a komo iho la i kona keonimana me ka huna ana hoi i kona mau hoailona alii, a ua huna loa aku la hoi keia i kana mau mea kaua me ka hoonoho pu ana aku i mau kiai nana e malama.  I kona lohe ana i ke kani o ka bele, hoomanao ae la oia i ka olelo kauoha a ka haku hotele, a hele aku la me ka malie.  A i kona komo ana aku iloko, ike aku la keia ua piha o loko o ka rumi i na maka hanohano, a ike pu aku la no hoi oia i ke kaikamahine ahi; komo aku la oia a haawi aku la i kona hoomaikai ana imua o ke kaikamahine alii, a noho iho la ma kona wahi i haawi mai ai, a oia no hoi ka hope loa i komo aku ai.  Ia manawa no i kauolona pono mai ai ua maka o na mea a pau maluna o ka kakou kameu opio, a he mea e ke ohohia o ko lakou manao a me ka makemake i ka ui lua ole o keia keiki, a he kulana alii hoi kona ano; a aia pu no hoi na onohi uliuli o ke kaikamahine ahie ke haka pono mai la maluna o ka kakou kamaeu opio.

            Oiai ua loaa he mea nana e hoonaue i ka puuwai palupalu o ke kaikamahine alii, no na hiona nani kamahao o ke keiki malihini, ua hiki ole iaia ke hookomo hou mai i kekahi mea ai iloko o kona waha no ka hoopiha ana i kona waihona; a no ka hiki ole hoi ke hoomanawai iho i kona iini maluna o ke koa opio, ua pane mai la ua ui nei :  E ka opio malihini i haiamuia e ka nani kamahao a’u i ike ole ai ma ko’u aupuni nei, ke kono aku nei au ia oe e hele mai maanei, a e noho hoi oe ma kuu aoao akau nei.  Aka, hoole aku la keia me ka pane ana aku me ka huna i kona kulana alii :  E ke alii, aole paha i kupono kau kauwa a he malihini hoi imua ou, ka hele ana aku a noho pu me oe e ke aliiwahine, a ua lawa no paha wau maanei:  a hooki iho la ke koa opio i kana mau kamailio ana.  A no ko ianei hele ole aku e like me ke kauoha a ua kaikamahine alii nei, ku ae la ua ui nei a hele mai la a ku iho la ma ko ianei aoao, hopu mai la hoi oia i ka lima o ka kakou kamaeu, a hawanawana iho la :  E ka opio malihini a kuu puuwai i hoohihi ai, e ku ae a hele hoi kaua ma ko’u papaaina, a e ai pu hoi kaua i na mea ai i hoomakaukauia.  Na keia leo kono a ke aliiwahine opio i ka kakou kamaeu i ku ae ai oia a kuikui pu aku ai laua a noho iho la ma ka papaaina.

            Kauoha ae la hoi ua kaikamahine alii nei i kona poe kauwa e kiia na mea inu o kela a me keia ano, a e hauoli hoi ke anaina no ko laua ai pu ana me ke keiki malihini, a ua hookoia keia kauoha, a e ona ana hoi kela a me keia me ka hauoli palena ole; aka, he wahi kamau oolopu waina hoi ka ua mau opio la.  Mahope iho o ka paina ana, ua koi mai la ke kaikamahine alii i ka kakou kamaeu e hele laua i ka makaikai ma na rumi a pau o ka hale hotele, ua ae aku la no hoi keia, a hoomaka aku la laua e hele.  A oiai laua e hele ana ma na lumi o ka hotele me ke kuhikuhi ana a ke kaikamahine alii i ka kakou opio.  Pau ka makaikai ana, ua hoohuli ae la laua i ko laua ala hele no na rumi i ka wekiu, a ia laua i hoea aku aia i ka rumi iluna loa, ua hoomaha iho la ua mau opio nei, a huli aku la ke alii opio nana i ke kuahiwi, a e kaomi mai ana hoi ke aheahe makani, hu mai la kona aloha i ka aina hanau, a kulu iho la kona mau waimaka.  Ike mai la hoike kaikamahine alii i keia haawina kaumaha o kana malihini, puili mai la oia i ka a i o ka kakou eueu a pane iho la, e ka mea nana i kaili aku ke aloha o kuu puuwai nou, heaha la keia au e uwe nei ?  Hoole aku la o Lameka Puluka me ka huna ana i ke kumu o kona uwe ana, oia hoi ka hoomanao ana i kana mau wahine a me kona hale alli [ as printed ] nani, a pela hoi na kuahiwi e haawe mai nei ma ke kua o ke kulanakauhale alii o Peresia, ua like loa no me kona mau kuahiwi.

            Huli hoi aku la laua nei ma na alanui kikeekee o ka hale hotele, e kilohi ana hoi i ka nani o na rumi, a i ko laua hiki ana aku ma rumi hope loa, ua haule aku la laua hooluolu, a pela i hooko ia ai ka makemake o ke kaikamahine alii maluna o ke kamaeu hookalakupua o na mauna hui, a huli hoi loa aku la no kahi a na ukali o ka ui e kali mai la o ka hoi aku o ko lakou haku.  Ia laua nei i hiki aku ai, ua makaukau ae la ka huakai alii e huli hoi aku no ka hale alii oiai ua pau ka hora 5 o ke ahiahi, a ke hoomaka mai nei na eheu o ka po e uhi mai maluna o ka honua.  Ku iho la ua mau opio nei a pane mai la hoi ke kaikamahine alii :  E ka opio malihini, eia aku ke makaukau nei e hoi no ko’u home, a e hoomakaukau oe nou iho mamua o ke kani ana o ka hora 7 o keia ahiahi, a hiki mai au, no ka mea, e haawi ana au i na hoohanohano ana maluna ou e ka eha a nei puuwai; haawi na muki aloha a huli hoi aku la ke kaikamahine alii me ka pono ole o ka manao.

            I ka hiki ana aku o ua kaikamahine alii nei i ka hale alii, ua kauoha aku la oia i na kuene e hoomakaukau koke ia kekahi papaaina nui e lawa ai kekahi heluna kanaka mahuahua.  Ia wa no i hao mai ai na kuke aole i piha ka hora me ka hapa, ua moa na mea ai a pau, a lilo aku na na kuene ka hoomakaukau ana i ka papaaina, a oiai he hapaha koe kani ae ka hora 7, ua makaukau na mea a pau, a oia ka wa i kono ia aku ai na luna nui o ke aupuni me na maka hanohano e akoakoa mai iloko o ka hale alii, a o na alii powa pu hoi kekahi i hele mai.  I ka makaukau pono ana, ua kauoha aku la ua kaikamahine nei i kona kaa e hoomakaukau ia, a i ka makaukau ana, kau ae la ua ui nei a no ka hotele ka pahu hopu.  I ka hiki ana aku o ke kaa alii, aia hoi ka kakou kamaeu e noho ana me ka makaukau, a e alohi ana hoi na kinohinohi o na mea nani maluna o kona kino, a o kona aahu hoi, kahi i omau ia aku ai o keia mau mea nani, ua like ia me kekahi imu ahi i pa tausani ia kona enaena ; a na keia mau nani i hooi loa ae i ka ui a me ka nohea o ka kaou opio kaapuni honua, a koe no nae kona hoike ana i kona kulana alii, ua huna loa no oia ia mea maloko o kona mau aahu nani.

            Oiai ke kaikamahine alii i komo aku ai iloko o ka rumi o ka kakou opio, a i kona ike ana aku i kana malihini, ua hoalii koke iho la ke anoano eehia maluna o kona kino a puni, me ka hiki ole ke hoopuka mai i kekahi huaolelo.  A i ka ike ana aku o Lameka Puluka i keia mau haawina maluna o ke kaikamahine alii, ku ae la oia a hele mai la, hopu iho la i na lima o ka ui, a huki aku la a noho iho la iluna o noho, a i ka pau ana o ka laua mau kamailio ana ua liuliu ae la laua no ka hele ana aku i ka pa alii.  Hopu aku la ua opio nei i kona koloka hele kuahiwi a aahu iho la, kaei ae la oia i kana pahikaua ma kona puhaka.  Puka aku la laua iwaho a kau ae la maluna o ke kaa alii, a no ka pa alii ka pahu hopu.  I ko laua hiki ana aku, lele iho la ke kaikamahine alii mamua, a mahope aku la no hoi keia.  Pii aku la laua nei me ke kuikui lima pu ana, a ia laua i komo aku ai i kahi a ke anaina e nanea ana, ua hoolaunaia aku la keia me ka ohana aii, a me na maka hanohano a pau, a koe na alii powa, aohe o laua makemake e ike i ka kakou opio, no ka lilo e ana o ka hoohanohano o ke kaikamahine alii i ke keiki malihini, a akahi no hoi a maopopo ia laua no ke keiki malihini ka keia papaaina a ua ui nei i hoomakaukau ai; a pela hoi ka ui i pane aku ai i kona ohana alii a me ka lehulehu a pau e akoakoa ana :  Ano, ua ike ae nei oukou i ka’u malihini nei, ka mea hoi nona keia papaaina a’u i hoomakaukau ai i keia ahiahi, nolaila e hoi kakou no kahi i hoomakaukauia ai ia mau mea, a e ai a e hauoli pu kakou me ia.

(Aole i pau.)

 

            Ina e loaa he kowa kaawale o keia aoao no keia pule ae, alaila e hoopuka ia aku no ka pane a ka Ui Sanaita i ke alii powa ma ke ano he moeuhana.

            A hiki hou mai no i keia helu, aole i hoea mai na helehelena o ka Anela o Mekiko, aia no paha i Mekiko.