Ka Nupepa Kuokoa, Volume XXV, Number 8, 20 Pepeluali 1886 — Ko Kakou Lahui. [ARTICLE]

Ko Kakou Lahui.

He nui na makahiki i kaa hope aku mai ko kakou hanau hou ia ana mailoko mai o ka pouli a i ka malamalama, mai ka naaupo a i ka naauao, a eia kakou i keia manawa malalo o na noho ana o ke ao ana a me ke alakai ana a ka poe nana mai keia hoololi ana i ko kakou noho'na. Ua īke no hoi kakou i ka pono me ka pomaikai ī keia wa ma o ka loli ana o ko kakou ano, a ua ike pu no hoi kakou i na in»a. Aka, he nui no na hana naaupo i koe me kakou, a eia no kakou i na keehina mua o ke anuu o ke kulana kiekie a hanohano o ka noho'na lahui a noho'na aupuni. He nui na makapula e kaalo mau ana i ko kakou inaka iwaena o ko kakou noho ana, mai ke kino hookahi, ka poai, ka ohana, ka lahui, na 'Lii a me ke aupuni. At)lc he wa mai mua mai o ka hiiei ana mai o ka malamalama me ka naauao me kakou, i ikeia ai ke ku a me ke kuenii hope oka lahui. Eia kakou ke hoopalaleha nei ma na hana maikai, a ke launa nui aku nei kakou me na hana e kulai ai i ka inoa maikai o keia lahui, i loaa mua aku ia kakou ma o na kupuna la. Ua ulu ae ka ninau iloko o makou i ke kumu o keia hiona o ka laīui a me ka aina. Ke lohe mau nei kaou i na olelo ao hoopono, na olelo e

kuhikuhi ana i ke kanaka i ke alanui e loaa ai iaia ke ola oluolu ma keia ao, a me ke alakai e loaa ai ke ola makamae ma kela aoao o ka lua, aka, aole nae he hoolohe ia o keia mau olelo e ka hapanui. Me he la, ika nana aku ina aka ku o keia mau la, eia kakou ke kuemi nei n>a na ano a pau. Hookahi wale no mea nui a kakou e hooinaopopo nei i keia wa, o ke apuepue a me ka hakoko no na mea e loaa ; i ia kakou na

anoai u me na ahuni, .1 mamuli o keia kumu ua makaukau ko kanaka e piele, e kuai, a e hoolilo aku i kona inoa, kona kino, kona uhane, a me ka maluhia 0 kona ohana a ine kona home. He mea kamahao keia, a he mea a na puuwai aloha kanaka e kunana ai, a a he mea no hoi e hoala mai ai i na manao aioha iloko o kakou ke knnaka 1 ka ike i keia ano iwaena o kakou, oiai, o ka wa keia, aole he manawa hou aku i koe e ku ai kela a me keia a hookanaka ma kana niau hana a pau loa nona iho a me kona ohana, no kona hoahuma, a no ka p»ono o kona aina. Me he la, eia kakou ke ku nei ma ka lihi o ke au i hala, a ma ka hoomaka ana aku o ke au hou,— o ka mna ua hala a ua paa kona moolelo; o ka hope oia keia uiamua aku o kakou, a ai.i ma 0 kakou ka haku ana o ka moolelo no ka pono, no ka pomaikai, a me ka maemae oka inoa oko kakou aina. Aia ma ka kakou mau hana o keia mua aku e ku ai ke kaena a ka poe e liki ana: "O Hawaii no ka oi," a e hoohenehene i* mai ai paha ina na huaolelo pahenehene e ka poe e hakilo ana i ko kakou kulana. Ua hala aku nei ka ekaeka o ka la koho balota, a ke ku mai nei mamua o kakou he ahua e maea ai ka aina; ke ole makou e kuhihewa: a o keia mau ino elua, aole he mea e ae a ka--1 kou e hoomaikai aku ai. o kakou iho I no. Nolaila, hookahi mea nuī a kakou e noonoo ai, a e hana aku ai ma keia mua aku, o ka hoomaopopo i na kumu o keia mau mo i ulu mai ai, a o ka hooko i na hana e hoea hou ole mai al Aia no me oukou ka pono a me ka he wa o ko kakou noho ana, a aia no hoi me oukou na hoomaemae ana e moani ai ke ala o ko kakou aina a puni ka honua, a Ulo hou kakou i mea punahele iwaena o na lahui o ke ao nei