Ka Nupepa Kuokoa, Volume XXV, Number 8, 20 February 1886 — MANAO KOKUA [ARTICLE]

MANAO KOKUA

Mahope o ko Nehemia hooikaika ana he umikumamalua makahiki ma lerusalerna, ua hoi hou i Peresia. A hala oia, aole emo a hoi hope na kanaka :—ina ua hoohuliia ka naau o keia me keia—ina paha ua kupaa lakou. Aole i ohi ia na kokua no ka luakini, a no na Levi, a me na kahuna; a pilikia ka poe a pau 1 malama ia e lakou. Ua pau na halawai: ua haalele na kahuna i ka luakini, a waiho wale ia e kanaka.

Ua hehi wale ia ka la Sabati ma na kulanakauhale a ma na wahi kuaaina; a ua hehi ia na kaomi waina ma ia la, a ua ike īa na paahana ma na alanui, a ma .na kihapai, e hoihoi ana i na pua ma na hale papaa. Ua hoohaunaele ia 0 lerusa!ema ma ka wehe ana ika makeke ma ka la Sabati, a lawe ia mai ka waina ame na mea e ae. Lawe aku na lawaia o Poinike i ka iakou mau ia ilaila, a makena no hoi na mea kuai a ka poe o Turo i lawe aku ilaila e maauauwa ai.

Ua hooikaika mamua e hoopau ka noho huikau ana o na ludaio a me na lahui e. Eia nae, he nui na ludaio i haalele ika lakou mau wahine a imi aku i mau wahine mawaena o na Piiisitia, na Amona a me ko Moaba. Ua ano okoa na kahuna ia wa; me he la, ua hoi hou na kanaka i ka wa kahiko. (Neh. 13. Mal. 1, 2.) Hoea mai o Malaki ka hope o na kaula. Ikaika kona hoahewa ana ina kahuna a me na kanaka : a hoomaopopo i ke kumu o ka hoo ano hou ana, a hoi aku i ke Akua. Ma ia mau aina, ua hele ena elele imua o ke alii, e hoomakaukau i ke ala no na kaakaua a me na puah koa o ka Moi; e hana i alanui ma na aina papu, e hoopiha i na awawa, a hoopalahalaha ina puu, i wahi e hele ai ka huakai alii.

Ua hoomakaukau o loane i ke ala no Kristo ma ke ao nei, ma ke ao ana i na kanaka e mihi; ma ka hoala ana i na noonoo; ka hoike ana i ka ino o ka hewa, a me ka poino oka hana hewa. E hoomaopopo ana i ka pomaikai o ka loaa ana i Hoola. Ua pono i kela me keia e hoomakankau Ike ala no ka Haku. E hoopiha i naawawa, i mahuahuaka pule, ka manaoio, kt aloha, ka hana, E hoopau ina puu —o ka hookiekie, ka hewa, ka hoomaloka, ka manao nui i na mea oke ao nei. E hoopololei i na wahi kekee, na hana kekee, hana hoopunipuni. E hooponopono i na kue me na hoa; e mihi i na hewa —E hoomaikai i na wahi kalakaia.