Ka Nupepa Kuokoa, Volume XXV, Number 6, 6 February 1886 — Mahaloia. [ARTICLE]

Mahaloia.

Hanohano kela poe he ehiku haneri a oi, i ae ule e lawe ika waiwai kipe iluna o ke kahua holo balota i ka Poa kolu nei, maloko o keia kulanakauhale. A oiai ua haule ko lakou mau moho i hooikaika ai i mau waha olelo maemae a naauao wiwo ole no ka apana nei o Honolulu, aole nae i pio lakou. Ua koa imua ona koa, a imua o na hana kipe o kela poe kolohe ua hala ole lakou nei. Ma keia hana ana ua maemae na lima oka poe koho a nie na luna hooikaika oka aoao i hapai i ka j pono o na makaainana kuokoa o ka apana o Honolulu. Ano na inoa hoi | a lakou 1 hapai ai, me ka hiki ole mamuli o na hana kolohe a ka poe hoolapuwale lahui, he piha mahalo wale no ka i loheia iwaena oka poe maikai a pau. Ua aloha nuiia keia mau mea no ko laua haalele ana ika laua mau hana ponoi, a haawi i ka manawa a me ka luhi mamuli o ka imi ana i inea e pomaikai ai ka lehulehu, a e hanohano ai ka inoa o Hawaii. No laua a me na kokoolua o laua iae e holo pu ma ka balota hookahi, a e imi pu i ke ola a me ka holomua o ke aupuui, he aloha a he mahalo mai na puuwai a pau i aloha ia Hawaii. Ina no hoi lakou i puka, ina ua kau ia ka papale mahiole e haaheo pono ai maluna o na makaainana oka apana o Honolulu, a aole hoi o na inoa hauna koko o lakou nei ae, i paumaele mua me na hana lapuwale. Ea, hanohano oe e Honolulu 1 ko hapa uuku; hilahila nae ka inoa o ka aina i ko hapa nui.