Ka Nupepa Kuokoa, Volume XXV, Number 4, 23 January 1886 — Untitled [ARTICLE]

He hilahila loa i ka naau ka lohe ana mai i na lono o ko ke Kuhina Kapena hoao ana e hoohaunaele i ka halawai makaainana i malamaia ma Lahaina, Maui. Ua ku ae oia iwaena 0 na makaainana i ohohia i na olelo a Lolena Kakina, (ka mea haiolelo) a kapa aku iaia he hoopunipuni. Ua huli ae oia imua ona kanaka me na hiohiona 0 ka manaolana e kokua ia aku ana kana hana, aka, o na haawina i loaa koke aku laia, aole he wahi awihi, ole loa he wahi kokua nona. Ua uwila na maka mai 0 a 0 nona, a ua kinai koke ia kona mana hoohaunaele. Ma ia ano ua kokolo ae la oia iloko o ka pouli a nalo aku la mai kela anaina aku. Ma keia ano 1 komo iho ai na manao kuihe aole na hai i hoohaahaa ke kulana hanohano 0 ke Kuhina Kapena, aka, nana ponoi no. Ua kaupaona like ih« na noouuo maikai o na makaainana o Lahaina i na hana ake Kuhina a me na pane a Lolena Kakina imua ona, a ua ikeia ke koikoi o ka oiaio ma ko Kakina aoao, a ua mama ka mana o ka luna aupuni. Nolaila, ua hoike rrai na hiohiona ona kanaka o Lahaina, no ke kuokoa lakou, a imua a mau.