Ka Nupepa Kuokoa, Volume XXV, Number 3, 16 January 1886 — Leta mai Kona mai. [ARTICLE]

Leta mai Kona mai.

E ka Nupepa Kuokoa e, Alokaat: — I keia mau la ua paiapala aku wau ia Hon. D H. Nahinu no kahi hana, e hookaa auhau, a ma kona pane ana mai ua lokomaikai wale mai oia i keia mau mea hou, a i ike ka lehulehu i na hana ino o Rev. S. L. • Desha, A. P. Kalaukoa a D. Paiisa Jr ma keia apana, ke hoouna aku nei au i ka leta ia oe; a ke manaō nei au, he mea maikai i keia Mea Hanohano e manao nui nei i ka pono a i aloha nui i na uhane o kanaka, i keia mau pauku. 4i Mai manao ino aku o manao ino ia mai oukou; no ka rnea me ka manao iho a oukou e manao ino aku ai, pela hoi e manao ino ia mai ai oukou," a pela aku a pau ka pauku elima. Owau me ka mahalo. Hualalai. Eia iho na manao o ua leta nei a ka Hon. Nahinu i oleloia iloko o ka palapala maluna ae, penei : Ua hiki mai ianei o Kiwini e hooikaika i ka balota no Kalaukoa me ka hilahila ole, a me ka haalele loa i kona aoao kahunapule, a ke uhi ia aku nei ka lepo ma kona mau maka. Aloha ino, ke pepehi nei oia i na uhane, ina e emi hope ana lakou no kana mau hana. Ua hoike ae o Molale he $100 kipe ma kona lima, na Kiwini, Kalaukoa a meoe pu. He hana keia i kupono e hoolaha koke ia ma ke akea ma keia mau la koke, no ke komo kino o kekahi mau kahunapule e alakai hemahema i ka lehulehu. Aole hiki ia olua e holoi i keia lepo mai ko olua lima aku, aole no paha e kala mai ka Haku—ua hihia ka naau i na mea o ke ao nei. 1). H. Nahinu.

Aole makou e hoahewaia ke pane ae i kekahi mau manao no ka leta a Nahinu maluna ae. Kia ko makou manao : ua kuhihewa loa oia 1 kona manao ana he kuleana ole ko ke kahunapule i ka hoike akea.i kona manao no ke koho balota. Ua kuleana maopopo loa o K.iwini L. Desha a me na kahunapule e ae a pau e kamailio maluna o keia kumuhana. Ikawa i lawe ai kekahi kanaka i ka oihana kahunapule, aole oia i haalele aku i kona mau pono civila malalo oke kumukanawai; ua kuleana oia e koho e like me kona makemake ; a ua kuleana no hoi e ao aku i ka lehulehu ma na mea e naauao ai lakou i ke koho ana, ina ua loaa mua īaia ka ike ma na kumuhana ana e ao aku ai. Ina, ua kipe io ia o Molale e Kiwini I)esha ma, he mea hesva io kela. Aka, e pono i ka hoa hanohano e akahele ma ke kapili ana aku i keia hewa i kena mau hoa kanaka. Ma ke ano i maopopo lea i kela poe, i ike mua īa, aole lakou he poe i ike i kena mau hana. O ka mea hilu loa o keia leta a Nahinu, oia ka maopopo mua iaia ka manao o ke Akua, ma kana olelo ma ka hāpa hope o ua leta nei, e i ana aole e kala mai ka Haku ia lakou. Ea, nui io no ka hewa o keia poe, ke maopopo e mai la no ia Nahinu aole lakou e kalaia ma ka lani. Nawai i haawi keia mana ia Nahi nu, e hoole aku i ke kala ana o ka hala ?