Ka Nupepa Kuokoa, Volume XXV, Number 3, 16 January 1886 — HE KANIKAU. [ARTICLE]

HE KANIKAU.

Kuu kaikuahine mai na lai elua o Kahalapalaoa [Kahalapalaoa] ke noho---a He pili eha ia e kakou ia home ae-kai, Me ke one hooluhi wawae o ka hele--a. Ka Betela hoi o ka Haku e ku kilakila ana. Aue kuu pokii e! Kuu kaikuahine mai na ale hulilua o ka moana, E nana aku ai i ka ihu o ka waa ke ala. Ola ia kini ke a mai la ke ahi, Ua ahi wela mai nei loko, i ka hana a ke aloha. Auwe kuu pokii e! Kuu kaikuahine mai ka ihu o na lio ka[ulana, O Nauilolena me Kalaiolele, Me Painahu, ka lio haahula, Auwe kuu pokii e! Kuu kaikuahine i ka loko wai o Lopa. Me ka ulu niu o Pokai, Alaila pau ka palena, Aloha oukou, he ala lio ko makou, Auwe kuu pokii e! Kuu kaikuahine mai ke ala kipapa a Kamaipelekane ke kii-a, Ke pili enaena i ka la o Pohakuloa, Ka piina ikiiki o Pohakula {illegible} Aia ka hoomaha ana i K {illegible} Auwe kuu pokii e! Kuu kaikuahine i ka ihona pali o Keaohina, [Keaohina] E ike aku ai ia Palawai Ke Ziona hoi o na wa i hala, O ka hoomana o na la hope nei. Auwe kuu pokii e ! Kuu kaikuahine i ka hau kau o Kaakaka [Kaakaka] Ia hau nenee mai i ka puka o ka hale,: Ka hau kaulana hoi o ka aina, 1 kapaia ai he "ka-kehau," Auwe kuu pokii e! Kuu kaikuahine i ka wai ka moe o Waiupa- a, [Waiapaa] Ia wai hoaia hiamoe o ka po, Aia ka pono o ka hiki mua, Hoi pono ka iini a loko. Auwe kuu pokii e! Kuu kaikuahine i ka uka o Kihamani ania, [Kihamaniania] Ka Betela kaulana o na la i hala. Ka luhi hoi o na makua i hala, Aohe ui hele wale o ia uka, Auwe kuu pokii e! Kuu kaikuahine i ka malu ulu o Lele, E nana aku ana ia Lahainaluna, Ka home aloha a ko kunane i noho a kupa, Ka ipukukui pio ole i ka makani he Kauaula, Auwe kuu pokii e ! Kuu kaikuahine mai na ale kuehu e Pailolo, Na ka ihu o ke kuna Neti Mela kakou [i lawe aku, Ike ai kakou i ka ulu wehi o ke Kaona, I ka ulu laau mauka makai, Auwe kuu pokii e ! Kuu kaikuahine mai ke kula la e [Kahua, Aohe la i ka lawe a ka huila o ke kaa, Nononoho aku kakou i Waikiki, Me na lei haule ole au he mau keiki, Auwe kuu pokii e! Kuu kaikuanine mai ka ai pala mai ilu[na o ka laau, E hoolaau mai ana ko aloha iaʻu me he [ipo la, Alia oe e ke aloha e hoonaue i kuu ki[no, I kuleana i makamaka no ka hale e hi[ki aku ai, Hiki e! Hiki la!" Kuu kaikuahine mai ke kai hauliuli o napali, [Napali] E nana aku ai ia Nenehao, E milikaa kaa ia ia e Piiloa, lie loa ka imi 'na a ka huapala, A loaa i ka lihi anueanue, Auwe kuu pokii e ! Kuu minamma pauole ia o—a!! W. N. P. Kuahineheleloa. Palawai, Lanai