Ka Nupepa Kuokoa, Volume XXV, Number 3, 16 January 1886 — Na Paeaina o ka Hema. [ARTICLE]

Na Paeaina o ka Hema.

Ua ae ia mai makou e hoopuka aku i na leta malalo iho : Butaritari, Octoba 13, 1885. Rev. G. Leleo. Aloha nui oe e kuu hoa lawe hana o keia mau mokupuni o keia Paeaina. Ua loaa mai ia'u kau leta aloha, a me kou manao 110 ka loaa ana ia oe o ka pilikia mai ma ka maka, he nui ke aloha ia oe no kou kaawale ana aku mai ko kakou pili aloha ana, ma ka kakou oihana i koho ai. He hana i kunha me na puuwai o ke aloha i keia lahui pega- ! na, i hoou.alamalamaia e ko kakou paulele maluna o ko kakou Haku lesu Ka- ! risto, a nana i kokua mai e kukulu i ko- | na āupuni ma ka paeaina o Gilibati. I Hoomanao no makou nou i keia hui ana oka misiona ma Kusaie. Aole he mau mea ano nui o keia hui ana. O na kihapai o kakou, oia mau no, aole he hoonee ana. Ua noi 0 Kanja e waiho i ka hana misionari imua o ka inisiona, no ka makemake ole e hoi i Hawaii mamuli o ke kahea a ka Papa Hawaii. Aole na hoa i ekemu aku, no ka mea ole e pane aku ai, aia no paha i kona mana. Ke lawelawe nui nei ma na hana kalepa, a he kokua mai no nae ma na anaina pule, aka, o ka manao aia ma o a pau loa.

Ua noho o Teraoi ma Kusaia no ke kula kahunapule i hookahi niakahiki. E hui ana ka hui c Gilibati ma ka mokupuni o Tapiteuea. He kaua o Tarawa a me Abaian i keia wa. Ke mau nei ka maluhia ma ko makou mau kihapai nei, ke nee nei imua a i hope na hana o ka j»ono, he mau nae na hana. Ke hele nei au io a i anei ma na wahi a pau a kakou i hele ai, ma na luakmi a pau. Ke hoomanawanui ae nei maua iloko ona inea o ka holo moana ana. Aole ikeia o ka wa maiie maikai o keia makahiki; he nawaliwali ko maua ola kino i keia wa, ke kau mai nei na hulu elemakule. Aka, oka manao he ikaika 1 ka hana. * Ke aloha nui aku nei o inama ia oe a nui loa. Owau no kou hoa lawehana iloko o ka Haku Ke pule nei au ika Haku ia kakou na hoa a pau. R. Maka.