Ka Nupepa Kuokoa, Volume XXV, Number 2, 9 January 1886 — Hala hou kekahi o na Kumu Kahiko. [ARTICLE]

Hala hou kekahi o na Kumu Kahiko.

Ma ka auina la Sabati i hala, ua waiho mai o Rev. D. Baldwin (Balauina makua; i ka noho ana o ke kino a hoi aku la iluna, i ka noho ana i oi kelakela aku i ko ka honua nei. Ua pae mai o iiaiauina i keia aina iloko o ka makahiki 1831, nie kana wahme. O na hoa hana o ka holo pu ana mai, oia o Dibela a me 'l'inika. Ua noho mua o Balauina i Waimea i Hawaii; aohe nae i liuliu hoi i Lahaina e lawelawe ai i ka hana, mamuli o ka hooholo ana o kona poe hoa kumu pela. O Lahaina kona kihapai a hiki wale 1 ka wa i waiho aku aī i ka hana no ke ano palupalu o ke kino. He makua aloha oia no ko Lahaina lehulehu no na makahiki lehulehu, a maloko o ka luakini o Wainee, kahi a ka Rev. A. Pali e hai mau nei i ka Olelo, malaila kahi a Balauina i ao ai i na kanaka, ma ka awai a iloko no hoi o ke kula Sabati, a ua ike nui ia no hoi oia ma na kauhale o ua kanaka e lapaau ana i na mai, me ka hoolana ana a kokua ana i ka poe pilikia. I ka wa a Balauina i waiho ai i ka hana ma Lahama, ua hoi mai oia i Honolulu nei e noho ai, ma ka hale o kekahi o kana mau keiki kona home no na makahiki o kona noho palupalu ana. Ua launa nui oia me na alii o ka ama o kela wa kahiko i hala ; a ua alohaia oia e lakou a me ka lehulehu. I ka Poakahi nei ka waihoiaj ana aku o ke kino ko ka honua nei koena, ma ka aoao o kana wahine i hala mua, iloko o ka ilina ma Kawaiahao, mahope o ka })au ana o ke anaina hoolewa iloko o ko laila luakini. Ua hele oia, aka aole e pau ka hana a me ka pono i hookumuia e ia a me kona poe hoa lawe hana ma keia paeaina. Ua waihoia mai ka hana maluna o na poohiui o na keiki hanau o ka aina. E hookanaka e p >noai.