Ka Nupepa Kuokoa, Volume XXV, Number 2, 9 January 1886 — HE WAHI MOOLELO POKOLE NO EPERAIMA KUPELE I MOE AKU NEI ILOKO O KA MALUHIA. [ARTICLE]

HE WAHI MOOLELO POKOLE NO EPERAIMA KUPELE I MOE AKU NEI ILOKO O KA MALUHIA.

I ka Nupepa Kuokoa e, — Aloha oe:— E oluolu mai oe wahi kaawale o kou kino, i waiho aku au i kahi moolelo pokole o Eperaima Kupele i moe aku nei iloko o ka maluhia. i īke mai na kini ona, a penei no ia: Iloko o ka M. H. 1813, hanau oia ma Hamakua i Hawaii, a hala na makahiki he umi.kumainalima, komo aku la oia i ke kula pi a-pa o ke au i kmohi 0 ka pu-a ana mai o ka malamalama i keia Pae Aina, a i kona mahele ana ma ka pi-a-pa, alaila, o kona hooikaika aku la no ia i ka hookuikui a me ka heluhelu me ke kumu ole, a lilo oia i kanaka naauao, a hoolauna pinepine oia iaia iho me Rev. L. Laiana, a o na mea a pau a Mr. Laiana e ao aku ai iaia a rne kekahi poe e aku, ua miki mai oia a malama, a heluhelu mau oia i ka Bai bala, a ike oia i ka makemake o ke Akua a hoomau oia ma na hana pono a hiki i kona lilo ana i hoahanau no ka ekaiesia ma Hamakua ma ka M. H. 1840, a ua noho oia ma ia ekalesia me ka loaa ole 0 kekahi kina a hiki i ka M. H. 1848, haalele aku la oia i kona ekalesia makua a holo mai la no Honolulu, a noho ma Kamoku, Kamoiliili, Waikiki; hoomau no ia i ka malama ana 1 ka pono o ka Haku, ike no oia i ka hewa o kekahi poe o keia aina malihini iaia, ao aku no oia, "Mai hooniahui 1 oukou i ka hewa, aka, i ka hana pono," i eia, aole hoolohe īa mai, noke mai la i ka hoino, aka, hoomau no keia i ke ao ana aku ia lakou. Ma ka M. H. 1850, mare oia ia Nakoana (w), a ua hanau mai elua mau keiki na laua, he keiki kane ka mua, a ua make mua oia i ka M. H. 1870, a koe mai ke kaikamahine oia o Mary Kupele, a ua loaa mai he hua nana me kana kane mare, a ke ola nei. Iloko o ka M. H. 1862, lilo oia i luna Ekalesia no ka apana 0 Kamoiliili, a ua ku mau oia ma ia kulana me ka makaala mau i na hana a kona Haku, e >

miki mau ana i na halawai haipule a a pau; he loaa mai, moe ia ka hale, ola no, hele, a pela mau a hiki i keia mai hope loa ana ona i moe aku Ia i ka moe maluhia ma ka hora a. m. o ka la 27 o Dekemaba M. H. 1885. O ka loihi o kona ola ana, he 72 makahiki; o ia la i make ai, oia no ka la hoike Kula Sabati 0 Kamoiliili a me na apana e ae ma ka luakini o Kawaiahao. Ina haumana he 101 a me ke kumu i pau ai i keia Kula Sabati, komo aku o Eperaima Kupele i ke Kula Sabati o ka 45 Aina Pomaikai aia ma o." Pau kana hana. kuu kona luhi, hoi aku la i ke ao luhi ole, hookahi hana he Hosana ! Hosana ! i ke 'Lii o ka mau loa. Ua pau me ke aloha. J. Kua.