Ka Nupepa Kuokoa, Volume XXV, Number 1, 2 Ianuali 1886 — KA HOIKE KULA SABATI MA KAWAIAHAO. [ARTICLE]

KA HOIKE KULA SABATI MA KAWAIAHAO.

E like me ka hoolaha, ua malamaia ka hoike hapaha hope o 1885 o na kula Sabati o Kawaiahao iloko o ko lakou luakini, hora 10 o ka Sabati hope o ka makahiki, malalo o na alakai ana a ko lakou Kahukula Sabati. He eiwa kula i akoakoa ae me ka lakou mau kumu, a o ke kula e Kawaiahao ponoi ka umi. He eha me'e o ka Hoku Ao Nani 1 hi meni huiia e ke anaina holookoa, ma na aioao 105, 122, 181 a me 125 o ka Hoku Ao Nani, a i kokua pu ia me kekahi poe puhi ohe a me ka ogana. He anaina nui no hoi ka i akoakoa ae. 0 ke kula i hoike mua ia, ua kapaia u ke kula alii," no loko o ka pa alii na haumana, na Kanalulu i alakai mai, a i nana me Kamau i ninau na haumana. I Ua mahaloia o Kanalulu i kona hoo-1 manawanui ana i ka hana iwaena o ko-1 na kihapai paakiki. A pau ia hoikeia | j ke kula o Maunakiekie; na Kapena Ahuihala i ninau keia kula. Ua eleu na hana, a ua maikai na mnau a me na pane, a me na leo mele. He 14 nahaumana o keia kula i hiki ae. Pau ia, o ke kula o Makiki īho, na J. Makanui lakou i ninau. He 27 ka huina o na haumana, pau pu ka poe makua me na kamalii, a ua nani no na hana. Pololei ka hapanui 0 na pane ana. He kula hoomanawanui keia, a ua pii ae mai ka uuku a ka mahuahua. Ō kekahi mea nui iloko o keia kula, o ka lehulehu o na keiki a me na moopuna o Wahalama. He kamaaina kahiko o Wahalama no Makiki, aole o kana mai ka nui o na keiki o iaua nie kana wahine hookahi, ia laua no lawa ke kula Sabati. A o ka makou mahalo, o ke ano hoopono o ia ohana. Pau o Makiki, o Manoa iho ka i hoike, he 27 mau haumana. Na Walanika i ninau kekahi hapa, a na Ka iulaula kahi hapa. Haule ole no ke kulana mga o Manoa ma keia hoike ani. Ke pa e mai ka leo nahenahe o ua kaikamahine nei o ka ua Kuahine, meha ae la ka hale a anoano a eehia ka noho ana o ke anaina. Ua himeni pu na keiki liilii me na haumaua makua. Pau o Manoa, o ke kula o ka Home Lunalilo, na S. Ka> mau i ninau, ma na kumu mua o ka mana»io i ao ia e Binamu ma ma k«ia paeaina, ma ia mau mea ka ninau ia ana o keia poe kahiko. Nui wale ka poe i puana ae iwaena o ke anaina,. "aloha wale na hana a me na haumana a na kumu kahiko." Pau ia kula, a o Pauoa iho malalo o na alakai ana a John Naone, ehma haumana. Aole keia ka piha o na keiki o Pauoa. Aka, ua hana no e like me ka mea hiki, a ua aponoia j no. Mahalo i ka poe uuku o Pauoa, a eia ka paipai, hoomanawanui a mahuahua ae. Hala o Pauoa, ku mai la ke kula o Kakaako, malalo o na alakai ana a Jona Pehea. Mau no ke kulam maikai o fceia kula, he 30 na haumana E like me ka hapaha mamua aku, pela na mnau ana o keia kula ma na haawina a pau 0 ka hapaha i hala ae. A pela no hoi kekahi mau kula e ae, a he mea hauoli ia i ko makou manao, no ka tnea, ua puka mai ka waiwai io 0 ka hana kula Sabati. Pau 0 Kakaako, ku mai la ke kula o Waikiki-kai, he 48 haumana, na Kinikake i alakai ma ka ninau ana. He kula makaala keia, no ka lilo mua paha o ka hae. O na keiki liilii kahi poe ma kaukau i ka himeni iloko o keia kula. A i.ka pau ana o ko Waikiki ku mai la ke kula o Kamoiliiii, he 102 ka nui o na haumana i hiki ae. Na Paiama i ninau. Ua mahalo nui ia na leo himeni o keia kula, malalo oke alakai anaa lona, akamai lakou a pau pono no hoi ka manawa. He leo wahine lea loa kekahi iloko <f keia kula, īkupono ke hoomanawanui aku maloko 0 keia mau hana maikai, a pela no hoi me . na leo e ae. Ua mahalo nui la keia kula no ka mau o ka pii ana ae 0 na helu q kana mau haumana. 1 na kula a pau i hoike ma ka la i oleloia, a me na kumu kekahi, ke pahola aku nei keia pepa i kona mau manao hoomaikai a alohano ka makahiki hou, a no ka hana maikai a hanohano a lakou e hana nei. . Imua aku e na pokii, a e hooi ae i na hana o keia makahiki hou mamua o ko na kau i hala ae ma-

hope. E hoopoina i na mea manope, a e kikoo pau ole aku i na pono, na pomaikai a me ke ola o mua.