Ka Nupepa Kuokoa, Volume XXIV, Number 51, 19 Kekemapa 1885 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXIV, HELU 51. HONOLULU, POAONO, DEKEMABA 19, 1885. NA HELU A PAU, 2055.

 

            NA HOOLAHA KUMAU.

 

WR. KAKELA.

LOIO A HE KOKUA MA KE KANAWAI.

He Luna Hooiaio Palapala

tf.

 

A ROSA.  (AKONI.)

LOIO A HE KOKUA MA KE KANAWAI

He Luna Hooiaio Palapala.

KEENA HANA: Ma ke Keena Loio Kuhina.

tf.

 

S.B. DOLE.

LOIO, LOIO, LOIO.

He Luna Hooiaio Palapala

KEENA HANA: Ma Aianui Kaahumana.

 

DILLINGHAM & CO.

Mau Mea Ku@i Lako Hoo

Alanui Papu, Honolulu.

 

FRANK PAHIA.

ANA AINA ! ANA AINA !!

KEENA HANA: Aia @@a alanui Moi, koko ke loa i ka Uwapo o Hooliliamanu.              tf

 

C BREWER & CO. (BURA MA.)

            Ua makeme ia ka poe mea ILI KAO @@ALOO a me na ILI BIBI, a pela hoi @@  ILI MIKO o na ano a pau, e kuai mai i k@ lakou mau ILI me makou, a e haawi no makou i ke KUMUKUAI KIEKIE LOA o ko makou Makeke.          tf

 

G L. FITCH, (KAUKA PIKA.)

Ua wehe a@ nei au Keena Lupaau  @a Alanui Maunakea, Honolulu, Helu 70, a @ @@@o no au ma ke Keena ma ka hora 9 a ka hora 19 o ke kakahiuka o kela a me hela la, hora 5:30 a i ka hora 7.30 ahiahi.                        9007-tf

 

J P. HANAAUMOE.

He Loio a he Kokua ma ke Kanawai @@@ @@ Aha Hoomalu a Apana o keia Aupuni.  

E loaa no au ma Puna, Hawaii.

 

JNO. M. KEALOHA.

LUNA Hooiaio Palapala Kupu Puah@@@ @ H@ Ag@na no ka Hooiaio ana i na Palapala no ka apana o Kawaihau, Kauai. He Komi@ina Pal@@a Aina no ka apana o Kawaihau, Kauai, a he I@@na Hooko M@re no ka Pae  Aina holookoa.

 

CHAS H PULAA.

HE LOIO A HE KOKUA MA KE KANAWAI

A e loaa no au ma Honomakau, Kohala Akau, Hawaii.         2001-tf.

 

JOHN MAHIAI KANEAKUA.

LOIO A HE KOKUA MA KE KANAWAI MA NA AHA HOOKOLOKOLO A PAU O KEIA AUPUNI.

K@@@a Hana me Hon. R. Kr@@an @@lo Peokane i ma Alanui Kaahumanu, Honolului

 

CECIL BROWN.

LOIO A HE KOKUA MA KE KANAWAI

A h@ Agena Hooioio Palapala no @a Mokupuni o Oahu

KEENA HANA: Helu 8 alanui Kaahuimanu-           tf.

 

W A. KINI.

LOIO, LOIO, LOIO,

KEENA HANA: Helu 15 Alanui K@ahumana, Honolulu.

 

W. C. AKANA (KALAUKI.)

Me Mahalo a Unuhi-olelo m@ ka olelo Pake ma ka olelo Hawaii. Ua makaukau no hoi a hana i na Palapala Kuai a Hoolimalima a pela aku mawaena e na Pake a me na kanaka Hawaii.  E loaa no au ma ke Keena Helu 7, Alanui Moi, ma kahi @ kokoke ana i ka uwapo o Hooliliamanu.

            2010-ty

 

WILDER & CO. (WAILA MA.)

Mea kuai pap@ a me n@ lako kukulu hale na ano a pau, a me @@ me n@ pono a pau no ka hale.

Kihi Alanui Moiwahine me Papa.       tf.

 

RICHARD F. BICKERTON.

(PEKEKONA.)

LOIO A HE KOKUA MA KE KANA WAI

KEENA HANA : Helu 27 alanui Kalepa

tf.

 

WILLIAM AULD.

Luna Hooiuaio Palapala Kupu Pu@huna @@ @@ e Apana @ K@@@.

KEENA HANA: Ma ke K@ena Wai o Honolulu.    tf

 

S H. MEEKAPU.

Tela humuhumu lole.

HALE HANA: Helu 11 alanui Nauanu.

 

M. THOMPSON, (KAMIKANA)

HE LOIO A KOKUA MA KE KANAWAI

Keena hana maluna o ka Hale Pohaku o Kamapela. (Campbell's Block,) Rumi helu 8 me 9. Puka komo e huli @ pono i ke Alanui Kalepa, Honolulu

 

KA MOOLELO KAAO O

LAMEKA PULUKA.

 

Ka Makahiapo mua i oili mai, mai ka puhaka

e ka Ui Pua Rose a me Kahanuopaineki

 

KA MEA I KAPAIA KA

Ka Hona a na mauna hui o Arabia, ka naita nana

ulupa na kupua o ka lewa lani a me na kupua

e noho ana i  ka papaku o ka moana, o ka

mea hoi nana i pani ka maka o ka la.

 

I A laua i hiki aku ai i ka hale alii, ua haule ak@ la laua ma ka rumi hookipa, a malaila laua kahi i hooluolu ai me na kamakamailio ana no na mea e pili ana i ke kaua. A ia laua no e kamailio ana, ua komo mai la kekahi wahine i aahuia me ke kapa manu, a hele loa mai la a ku iho la imua o laua nei, a wehe ae la hoi oia i kona kapa manu. O keia wahine, aole ia he mea okoa, aka o Nahokuewalu no ia; lele mai la kona pokii a me ka laua kane a puili mai la i ko laua hanau mua, a hoomaka iho la lakou e hookuu i ko lakou mau waimaka, a e hoopulu ana hoi i ko lakou mau papalina. I ka mao ana ae o keia mau kuakoko o ke kaumaha e lulumi nei maluna o lakou, ua ninau aku la o Nahokuewalu i ke ano o ke kaua ana, ua huai pau aku la laua nei a hiki i ka wa i make ai o Lobe. I ka lohe ana o Nahokuewalu ua make kana kane, ua kulu iho la kona mau wa@@aka, a liuliu ua ea ae la kona poo il@na a nana mai la i kona pokii a me ka laua kane, a pane mai la: Ua pono aku la no kona make ana he paakiki i ke kaua, ua olelo aku no au iaia, e hele mai e kokua ma kou aoao, eia nae ua hoole mai kela, a ua hakaka maua a lilo iau ke kookoo mana a me kana pahikaua kupua, a me na hua aniani ekolu, nolaila aole ona mana e hiki ai ke kaua; a aia la mahea kona puu lehu kahi @ @@ho ai @ Pane aku la o Mahinakauahiahi: E kuu hanau mua aloha, ke ike aku la anei oe i kela mea nui @leele e ku mai la, o ke kane no ia a kaua. Ae, ua ike aku la au, a ke ake nei au e ike i kona kino pohaku.

 

            I ka pau ana o ka paina ahiahi, ua hoi aku la lakou e moe ma ko lakou mau rumi. Ia Nahokuewalu e nanea ana i ka hooipo me Niolopua, ua ku @ai la imua ona ke kino wailua o kana kane a pane mai la: Aloha oe, aloha no hoi au; a ina hoi he aloha kou iau alaila e nonoi aku oi i ke kane a ko @aina e hoola hou mai iau, i noho pu @i kaua; a i ae mai ka hoi @a oe, ola ka hoi au, a lilo no hoi kaua i mea nui ma ka lewa nei a puni; o ke aloha no kou, a nau no e imi i kou mea e ola ai; i @ui ke aho a loaa ka pomaikai ia kaua. I kona puoho ana ae, ua nalu iho la oia iloko iho ona no keia moeuhane i @@aa @aia; a aole no hoi oia i moe hou aku a hiki i ke au ana, a ua ala like mai ia lakou a pau a noho nui iho la ma ka rumi hookipa, a ua hoike aku la hoi o Nahokuewalu i kana moeuhane mai ka mua a ka hope. A i ka lohe ana o Mahinakauahiahi a me Lameka Puluka  i keia mau hoike a Nahokuewalu, ua pane aku la o Lameka Puluka: Aloha no ia; a ina no hoi paha he hana maikai kana iau, ma no la aole e loaa ka poino @ia, aka, i keia manawa, aole paha oia e pakele, no ka mea he lele mua oia a me kana mau hano @no. Ia manawa, ua pane mai la o Nahokuewalu: E ka maua kane aloha, e oluolu mai oe e kii e hoola ia Lobe kou punalua, a i ola hoi oia, alaila aole ka ho@ he olelo ana, noho pu hoi kakou he mau mua a he mau muli. I ka lohe ana o Lameka Puluka i keia mau olelo, kulou iho la kona poo ilalo a e-a mai la, a ia wa no i kokua mai ai o Mahinakauahiahi mahope o kona hanau mua: a iloko hoi o keia wa he mea ehaeha loa ia i ka manao o ka kakou kamaeu; a no ke koi launa ole a no wahine, ua ae aku la o Lameka Puluka.

 

            Kii aku la oia i kona pukaua nui, a hui iho la laua; a iloko o ia wa i hai aku ai i na mea a pau e pili ana no ke @ii ana e hoola ia Lobe e like me ke kauoha a kana mau wahine. I ka lohe ana o ua pukaua nei ona, ua pane mai @@ oia: E kuu haku, ina e ola ana o Lobe, alaila, e make ana oe, a e @@lo ana h@i kou mana @aia. Pane aku la o Lameka Puluka; e hooko ae no paha @e i ka manao o kuu mau wahine. Pane hou mai la kona pukaua: Ae, e ola ana, ak@, o kau pahikaua, e lilo ana ia ma keia mua aku ia Lobe, a ia wa aua@ei e hooko ia ai ka makemake o na kupua maluna ou, oia hoi, e hoolilo ia ana oe i Pilikoa no ka moana, a ma ou nei hoi e ola hou ai oe a loaa hou ai ia oe ka lanakila. Kauoha aku la o Lameka Puluka iaia e hele ae e hoola , a ua ae mai la hoi ua pukaua nei. Huli hoi aku la o Lameka Puluka a ku iho la imua o kana mau wahini a pane aku la: O ka mea a olua i makemake ai e hoola, e ola ana ia; a e hele kakou i keia manawa ma kahi o ke kia pohaku e ku mai la. I ko lakou hiki ana aku ma kahi o ua kia pohaku nei, ua kakali aku la lakou o ka hiki mai o ua nunui maka kahi nei; a aole hoi i liuliu ua hiki aku la ua nunui nei, a hele ae l@ laua ma ka aoao hikina o ua kia pohaku nei, a hoomaka aku la oia i kana apana hana. Ha aku la oia maluna o ua kia pohaku la no elua manawa, namunamu liilii iho la oia i kekahi mau huaolelo, a mahope ua ha hou aku la ua nunui Polepa nei no eono manawa, a i ka pau ana o keia ha hou ana, aia hoi ua hehee iho la ua kia pohaku nei a lilo ae la i puu lehu. Ia manawa oia i hea ae ai me ka leo nui launa ole: E Lobe, e Lobe, e haalele oe i kou kino lehu a e hoi ae oe a i kou kino kanaka.

 

            I ka hookuu ana iho o a leo o ua nunui Polepa nei, emoole, ua lilo koke ae la ua puu lehu nei i kino kanaka, a me he mea la e moe malie ana; ia manawa, hahau iho la ua nunui Polepa nei i kana laau nui ma ka aoao o ke kino e moe malie ana no ekolu manawa, ia wa i ike ia aku ai ke kino e nape malie ana ka hanu ola i kona umauma; kahea hou aku la ua nunui nei ma ka inoa o Lobe no elua manawa, emoole, @a ala ae la oia iluna a ike mai la i ka kakou kamaeu a pane mai la: E hoomaikai ia ka inoa o Lameka Puluka no kou hoola ana ae nei iau me ka maikai; no ka mea ma ou wale no au i ola ai, a lulu lima pu iho la laua, a pane hou aku la oia: Aloha oe e ke koa @ o ka lewa nei. Huli ae la hoi oia a ike aku la i kana wahine, lele mai la oia honi i ka ihu o kana wahine, a lulu lima pu me Mahinakauahiahi,      a huli hoi like aku la no ka hale alii. I ko lakou hiki ana aku, ua liuliu mai la na wahine i ka papaaina, a i ka makaukau ana ua haule like iho la lakou a pau e paina, e hoonuu ana i na momona e ahu ana maluna o ka lakou papaaina. I ka maona ana, ua huli hoi aku la lakou no ka rumi hookipa; a malaila lakou ka@i i luakaha ai a hiki wale i na hora koliu o ke aumoe.       

 

            HOAKAKA: —Ka homakakiu ana o Lobe i ka pakikaua a Lameka Puluka. —Lilo ka pahikaua ia Lobe, —Paa pio o Lameka Puluka, —Hoolilo ia kona kino i Pilikoa no ka moana, —Lilo hoi o Lo Paina Huelo i puhi-kauwila. Ola o Lameka Puluka ma ka apua, —A ola pu hoi kona lio ma ka mana o kona pukaua nui, oia hoi ka nunui maka kahi Polepa. Aloha no ua kamaeu la a kakou, i keia mau poino e kau iho ana maluna ono, a kakou hoi e ike ae la, mamuli hoi o kona hooko kuhihewa ana i ka makemake o kana mau wahine, a o ka wa hoi ia e hookoiai ka wanana a kona pukaua; —Aloha ino.

 

            Eono mahina ka noho maikai ana o Lameka Puluka me kana punalua a me na wahini, a i kekahi ahiahi, ua hoi mua aku la o Lobe e hiamoe me ka ai ole i kona aina ahiahi, me ka ike ole ia o ke kumu o kona hana ana me keia, aka, he nanea pu wale iho no iwaena o lakou nei me ka maopopo ole i ka kakou kamaeu ua kokoke mai ka wa e lilo ai oia i pio na Lobe. Moe iho la lakou i ua po nei, a i ka hapalua paha o ke aumoe, puoho ae la ua Lobe nei a pane aku la i kana wahine ina paha ua hiamoe loa o Lamaka Puluka ma; ua ae aku la o Nahokuewalu,    me ka pane pu ana aku: Haalelele aku au ua nono no puka ihu. Pane mai la ua Lobe n@i, e noho malie iho oe, a @ hele ae au mawaho e hoopau pilikia ai; ua ae mai la kana wahine. Ku ae la oia a hele au la me ka nihi malie ana, a i kona @@@@ ana aku ma ka puka o ka rumi o Lameka Puluka ma e moe ana, a oiai hoi e hamama ana no ka puka, ua kiei aku la oia iloko me ka hoolono ana, aia @oi he mea oiaio ka ka hoike a kana w@hi ne iaia. Komo aku la oia me ka malie a hele loa aku la ma ka rumi kahi hoi e waiho ana o ka pahikaua, lalau iho la a paa ma kona h@a, a ike iho la oia i kekahi mea nemonemo, lalau iho la oia a paa ma kona lima, aia hoi hoomanao ae la oia o ka ipu uwila no a Lameka Poluka. Nihi malie mai la ia a hoi loa aku la no ko laua rumi moe me ka hauoli nui, a aia hoi kana wahine ua hiamoe loa ia. Ku iho la oia a pane iho la i keia mau huaolelo awahua: Kauwa make loa oukou iau: E make          ana olua e elua, a e make pu ana hoi me kahi kane a olua; aole @@ e hoola ana ia oukou, o make hou auanei au ia oukou. Aole ou minamina ia oe e kuu wahine, no ka mea, ua haum@a mua no oe i kela wahi kanaka; e pepehi mua no au i kahi kane a olua a make, aole hoi o olua he mau wahi apana pepa wale no olua imua ou; nolail@ o ke aloha no kou, eia au ke hoi nei @ kou aupuni e ike ai i kou mau ma@ua aloha. Ia manawa, komo iho la oia i kona mau aahu a paa, kau ae la hoi maluna o kona lio a puhalahiu aku ia oia no ke aupuni anuenue, a ahu iho la ka hoka i kapakai, a lalau iho la o Lameka Puluka ma i ka ia he Alamihi.

 

            E na hoa kaunu o keia moolelo, e hoomau aku kakou i ke kamailio ana no Lobe. I kona hiki ana aku i ke aupuni anuenue, ua halawai iho la oia me kona mau makua, a uwe iho la lakou me ke kaumaha. I ka pau ana, ua ninau mai la kona mau makua:  Ua ola mai nei no ka oe; olelo ia mai hoi ua make oe? Ae, ua make no au, a ua hoola hou ia no e kuu punalua, a he eono makina o ko makou noho pu ana mai nei a h@i mai nei au. O kou kumu i hoi mai nei, i aihueia mai nei e au ka pahikaua a ua punalua la ou. Apopo, e kii aku ana au e kaua iaia. I ka lohe ana o kona makuahine, ua pane aku la oia: E kuu keiki, mai hana oe pela, no ka mea, he maikai hoi ka ko punalua i hana mai la ia oe, a he ino ka hoi kau e hana aku ai ma kahi o ka maikai i hana ia mai la ia oe.  O !  Aole au e hoolohe i ka oukou, aole au e hiamoe pono ana a hiki i kona wa e make ai iau; no ka mea, ua lilo mai nei iau kana pahikaua kupua a me kana ipu uwila; a mai hoop@ka hou mai oe i kau mau olelo i@ua @@u @ make pu auanei oe me ka mea au e hoopunahele nei.

 

            Pane hou mai la kona makuahine: Ae, e kuu keiki, e ko ana no kou makemake, aka, mahope aku nou ka make mainoino imua o ka lehulehu. E make io ana no ia oe, a aole paha e piha ka makahiki, e ola hou mai ana no oia mamuli o ka mana o kona mau kupuna, a ehia ka hoi mea aloha o keia mau iwi i ka lilo aku i papa pahoehoe, a o ko aupuni o ka lilo ae o ka nani i mea ole; a ia wa i ikeia aku ai kona mau waimaka e hiolo makawalu mai ana mai kona mau lihilihi mai. Ku i ke aloha na huaolelo i hoopukaia mai e keia makuahine imua o kana keiki; aka me keia mau huaolelo ao maikai nae, ua hala ae la ia mawaho o kona ma pahukani; a me ka naau i hoopiha ia me ka awahua o ka lokoino, ua pane aku la oia me ka ikaika: E keia wahine i piha me ke kuhihewa nui e ola ana ia, mai hoopuka hou mai oe i kekahi huaolelo no ka mea au e hoopunahele nei, o ike auanei oe i kou eha loa iau i keia manawa; aole au mea e hoolohe ai, a hiki i kuu hoolilo ana i kuu e@emi i ia no loko o ke kai, a o ka hooko ia ana ka hoi o kuu olelo i hoo hihi paa ai. No keia mau huaolelo kakan-na a kana keiki i pane mai ai, ua mumule loa iho la kona makuahine, aka, aia ke kau mai la na halialia ana imua o kona mau maka, no na haawina weliweli e kau mai ana maluna o lakou a pau. I ka puka ana mai o ka la i ke kakahiaka, ua liuliu ae la ua keiki alii Lobe nei a me ke koena iho o kona mau Na@@a a hoomaka ak@ la e lele no ke aupuni o Mahinakauahiahi       .

 

            Auhea oukou e ou mau hoa kaunu o keia nanea e haalele kakou i ke ka mailio ana no Lobe, oiai oia ke hele mai nei e hooko i kana mea i lia ai, a e huli ae ko kakou kamailio ana no ka kakou kamaeu a me na wahine. I ko @@kou ala a@a ae, @a @ele aku la o Nahokuewalu a ninau aku la i kona mau pokii ina paha aia malaila o Lobe, ua hoole mai la o Mahinakauahiahi ma; ina pela ua holo mahuka aku nei paha, no ka mea, aole na mea mana ana. I ka lohe ana o Lameka Puluka, ua hoopuiwaia kona manao, a hele koke aku la oia a wehe ae la i ka puka o ka rumi kahi e waiho ai o kana pahikaua a me kona kupunawahine; i wehe aku ka hana, he n@o ka mea e waiho mai ana.

            "Ua hala aku la ka Puulena,

            Aia i ke aupuni anuenue;

            Ua lawe aihua ia e na lima o

            Lobe, Lobe ka manao ino.

            Auwe oe e Lameka Puluka,

            Nani ka ehaeha o ka naau

            I na pilikia e kau mai ana

            Maluna ou e ke koa opio;

            E lilo ana kou nani i mea ole;

            A o kou mau papalina nohea hoi e

            nalo aku ana ia mai ou aku,

            A oiai ke kokoke mai nei ua wa la e

            lilo ai oe i ia no ka moana;

            I nui nae ke aho a loaa ke ola.

            Aloha no ua kamaeu la."

            Huli mai la oia a pane mai la i kana wahine me ke kaumaha: E kuu aloha, e make ana kaua, a i ole owau o kaua ke make ana, a o oe e ola ana no paha oe; no ka mea, o kuu pahikaua a me kuu kupunawahine uwila, ua lilo ia Lobe; o kou pono o ke kali aku i ka make e hiki mai ana maluna ou mai kuu pahikaua; eia wale no kau mea kauoha aku ia oe, e noho oe a i make au a ola hoi oe, alaila, no kekahi manawa, e iho oe a hiki i ke aupuni o A@@ia, e ha@ aku oe i ka mea e noho Moi ana no ia aupuni, ua make kana keiki, a o ke aupuni no ia noho aku, aole hoi ou mea nana e hoohewahewa mai, a o kou mau makua ia; a i loaa hou aku kau kane mare aku. A ke hai aku nei no hoi au ia oe, aole au i make ia hai, i make no au ia olua e na wahine. Ia Lameka Puluka e kaukau nei i keia mau huaolelo, he mea e ka walania a me ka ehaeha o ka naau, oiai o Mahinakauahiahi e noke ana i ka uwe me ke kaumaha, a aohe hoi ana mea e ae e noonoo ai, he hookahi wale iho no o kana kane. A o Nahokuewalu hoi, ua hui pu mai la ia iloko o ia haawina hookahi. Oiai o Mahinakauahiahi e noke ana no i ka uwe, ua hookaumaha loa ia ka kakou kamaeu; puili mai la oia i ka a-i o kana aloha a pane iho la: Aloha oe e kuu wahine, aloha no hoi au; i a u mai hoi keia kino no ka manao e huli hoi aku ana me ke kino ola, eia ka o ke kino wailua ke huli hoi aku ana i ka aina hanau.

 

            Ia lakou nei no e u ana, no hiki mai la ka @ @ane mai la @ @o nui: E kuu alii, @ Lobe ke iho mai nei, @ ana e kaua ia oe; e maka ana oe, @ @@@ muli o ka hoomanawanui e ola hou ai oe; nolaila, e kuu haku wahine, aole au kane, aka, e hoomanawanui no a halawai hou no oe me ia;—Aloha oukou. I ka pau ana no o na olelo a ua nunui maka kahi nei, ua hiki mai la o Lobe mawaho o ka hale alii, a kahea mai la ia Lameka Puluka e puka aku iwaho e hakaka ai me ia; ua ae aku la no hoi keia, me ka hopo ole iho no ka make e kau mai ana maluna ona. Komo iho la oia i kona kapa kila a paa, honi iho la i ka ihu o kana aloha, a puka aku la iwaho a kau ae la hoi maluna o kona lio a hoomaka aku la e nee imua o kona hoa paio punalua, a pane aku la oia me ka wiwo ole: E Lobe ke kanaka aihue, ua makemake au e hakaka me oe ma na lima wale no, a e waiho hoi i kau pahikaua. Pane mai la o Lobe me ka ninau ana mai: E kahi kanaka hookano, auhea ka kau pahi? E lohe oe e Lobe, ka i no hoi aia ia oe kuu pahikaua e ke kanaka aihue; ka i no hoi ua kii malu oe me kuu ike ole, a lilo pu hoi ia oe kuu ipu uwila.   O kau loaa anei ia o ka aihue. Na keia mau olelo i paila ae i ka inaina wela iloko o ka puuwai o Lobe, a pane mai la me ka leo nui: E nee mai imua, a e make koke no oe e pono ai. Ia manawa no i hahau mai ai oia i kana pahikaua me ka ikaika nui, aka, loaa e aku la no i ka pale a Lameka Puluka me kona lima akua, a pela wale no laua o ka hakaka ana; me ka pahikaua o Lobe, a me na lima wale no hoi ka kakou kamaeu e pale ai; ua noke laua i ka hakaka a hala mai ka aina o Mahinakau ahiahi, a hele wale aku la no laua i ka lewa.

 

            I ka hala ana o na mahina elua o ko laua hakaka ana, aole no i manuheu ke kau wahi o ka kakou kamaeu i na hauna pahi a kona enemi; eia nae ka mea apiki loa; i ka wa a laua nei e hakaka ana, ua hoolilo ae la ka nunui maka kahi i kona kino i kiao opeapea, a me ia kino oia e lele ai e makaikai i ka alo hoomanawanui ana o kona haku. I ke kolu o ka mahina, ua kaa aku la ka hakaka ana o laua nei i ka hapalua o ka lewa a me ka honua. I ka ehu o ka mahina, ua hehi aku la na kapuai o laua i ka honua; a aole no hoi i manuheu ke koa opio, aku, ua nawaliwali nae kona mau lala, no ka pa mau i ka hauna pahi a Lobe. I ka elima o ka mahina, kaa aku la laua nei i ka moana kahi i hakaka ai; a oia hoi ka wa i ane emi mai ai ko laua ikaika. I ke kokoke ana e pau ua mahina nei, (5) ua nui mai la ka nawaliwali o Lameka Puluka, a pela no hoi kona hoa paio Lobe; aka, ua kokoke mai ka wa o Lameka Puluka e haalele mai ai i keia ola. O@ia ua hala hope ae ia ka lima o ka mahina o keia kaua ana, a ke hele aku nei hoi i ke eono o ka mahina, ua hoomanawanui aku la no o Lameka Puluka i ka hakaka ana me Lobe, a hiki aku la i ka aekai o kekahi aupuni i kapaia o Helene, a o@i laua i kau pono aku ai iluna o ka lae kahakai, ua lele iho la o Lameka Puluka mai kona lio iho a haule a make aku la o@a iluna o ka pahoehoe; a o kona lio hoi ke ku nei no ma kona aoao.

 

            I ka ike ana mai o Lobe ua hiamoe o Lameka Puluka kona hoa paio, ua awiwi mai la oia, a i kona hiki ana mai ua pane aku la oia me ka leo o ke aloha ole: Ahaha ! Make loa oe iau e Lameka Puluka; ua nui no kou mana a me kou ikaika, a ina no hoi paha aole e lilo iau kau pahikaua, a me kekahi mau mea mana e ae,        ina no ua make hou au ia oe; a eia oe ka waiho nei imua ou ma ke ano he pio oe nau, a ua hiki mai hoi ka wa au e hoolilo ai ia oe i pilikoa no keia moana kai; a no kau mau olelo hoohilahila hoi kekaki iau no kuu aihue i ko pahikaua, a ina hoi oe e ola ana, hilahila loa hoi au; a nolaila, aole au e waiho ana i kou ola. Ia manawa oia i unuhi ae ai i kona kookoo mana a uhau aku la maluna o ke kino o ka kakou kamaeu no ekolu manawa, a liio ae la kona kino i pilikoa "Aloha wale." I ka ike ana o Lo Paina Huelo ua make kona haku, ua lele koke ae la oia i ka lewa me ka ike ole mai o Lobe, ua hoohuli iho la oia i kona poo ilalo, a ia wa i lilo ae ai kona kino i one makahi loa a haule iho la iloko o ke kai me he paka u-a la, a lilo ae la i kino puhi kauila, a hele huli aku la oia i kona haku; a oiai ua lawe aku o Lobe i ke kino pilikoa o Lameka Puluka a waiho iloko o kekahi pukoa ma kahakai, a ma kona mana hoi i hookau @ oia i kekahi pohaku nui e hiki @ ke @apai ma@ i na kanaka @ luna o kahi pikoa, ua loaa aku la no i ua puhi nei. (O keia puhi he 25 anana ka loa, a aole hoi e puni kona pau ku kino i na kanaka elua ke apo.) Ho opuni ae la oia i kona haku pilikoa me kona kino, a e moe ana hoi ke kino pilikoa o Lameka Puluka iliko o ua wahi pukoa la.—Aloha wale.

 

            I ka pau ana o keia mau hana ino a Lobe maluna o ka kakou kamaeu, huli ae la oia a nana aku la i ka lio, (L P. H.) aole nae oia ma kona wahi i ku ai. Hele huli aku la oia me ka minamina nui, a no ka loaa ole, ua hoopau ae la i kona huli ana Hoohuli ae la ua Lobe nei i kona lio a lele aku la no ke aupuni o Mahinakauahiahi, me ka manao e loaa aku ana iaia, a o kona pepehi no ia ia laua a make, eia ka auanei ua hao aku la ka nunui maka kahi i kona mana aia iwaenakonu o ke okoko o ke ahi kahi i kau hoolai ai, iloko o ka hale uwila, a e hoomake ana hoi laua a elua no ke aloha i ka laua kane. I ka hiki  ana aku o Lobe i ke aupui o Mahinakauahiahi, ua hele huli aku la o@a me ka manao ua pee, he neo nae ka mea i loaa; a o ke kino opeapea o ka nunui ka i halawai mai me ia, e lelele ana iloko o ka hale alii. No keia nele hou ana no o ua Lobe nei, huli hoi loa aku la oia no kona aupuni me ka hauoli; a e uhai hele ana no hoi kahi opeapea mahope o ua o Lobe. I kona hiki ana aku i kona aupuni, me ka leo o ka hauoli oia i pane aku ai imua o kona mau makua: O kuu hoa paio, ua make loa oia iau, a aia oia he kiai no ka lae kahakai o ke aupuni o Helene. Pane mai la kona makuahine: E kuu keiki, aole oia i make, aole paha e liuliu, e ike no oe i ke ko o kau olelo i hai mua aku ai ia oe; aole nae he hoolohe aku o ua Lobe nei ia mau olelo.

 

            E na hoa heluhelu, e huli hou ae kakou i hope no na ouli o ka ino e paho la ana maluna o ka honua. I ka wa i liio ai o Lameka Puluka i pilikoa, a noho i ka moana, o ka wa no ia o ka ino i pii mai ai aole o ka-na mai. Pa mai la ka makani ikaika mai ke kukulo hikina mai, haule mai la na pakaua, nee mai la hoi ka pouli maluna o ka aina a me ka moana, kui mai la ka hekili, nanueua ae la ka honua, a ike ia aku la no hoi na alelo manamana o ka uwila o lalama hele ana i ka lewa; a ua oi loa aku hoi ka pilikia o na kanaka a me na holoholona i keia ino; aole no hoi o keia wale ka pilikia i ikeia; pii mai la ke kai a uhi maluna o ka honua, ku@ hoi ka hekili a pili pu ka hanu o na kanaka a me na holoholona a make hoi kekahi poe. Pouli ae la ka malamalama o ka la a me ka mahina, a ua huna hoi na maka o na hoku mai ko lakou imoimo ana, a he pooli po hoi ka mea e hoa@i ana maluna o ka honua holookoa. A i keia manawa, akahi no a ikeia ke ahi o ka lua ahi o Hilela, e hoike pau ana i kona malamalama, e lele ana hoi na moo ma na wahi a pau o ka lua ahi o Hilela ma ka luai ana hoi i na popo luai pele mai ko lakou mau waha aku; ike pu ia aku la no hoi ka hale uwila o ka kakou opio poino e kau ana iwae@akonu o ka lua ahi o Hilela, a e hoopu@@a ana hoi e na miliona o na moo delagona.

 

            Ne ka nui pilihua o ke aupuni o Lobe, oia hoi ke aupuni anuenue, ua hele mai la kona mau makaainana a ninau mai la i ko lakou alii: E ko makou haku, hea@a ia ke ano o keia ino e uhi nei i ka aina? Aole au i ike, wahi a Lobe. Ia wa no i pane mai a@ kona makuahine: E na makaainana aloha, e hai aku ana au ia okou, o ke kumu o keia ino, no ka make ana o Lameka Puluka iaia nei, a oia ke kumu o keiaino; a ina e malie keia ino, alaila, oia ka wa e ola hou mai ai oia, a e ike auanei kakou i ka hoopai ino loa e kau mai ana maluna o kakou a pau a me ke aupuni holookoa; nolaila, e kou mau makaainana aloha, e liuliu okou no ka imi ana a@@ i wahi e pakele ai ko oukou mau ola; aloha okou. I ka pau ana o keia mau olelo a ka makuahine o Lobe, ua huli hoi aku la lakou me ka naau kaumaha.

 

            E na hoa heluhelu, e haalele kakou i ke kamailio ana no Lobe, a aohe hoi e hewa ka mea kakou ke hoakaka aku imua o oukou no na hana a ke aloha e hoonipo ana maluna o Mahinakauahiahi: Mahope iho o ka make ana o Lameka Puluka, ua huli hoi aku la ka nunui maka kahi a hai aku la ia Mahinakauahiahi, ua make kana aloha. A oiai laua iloko o ka hale uwila, a i ka lohe ana i keia, ua haula a make aku la o Mahinakauahiahi.

 

LEWER @ hi moe, a me na huaolelo walohia oia i hoopuka ae ai: E Lameka Puluka kuu aloha, aia la oe ihea kahi i hele ai; aia anei oe i ka lulu, aia pahia i ka makani; ina pela e huli no au ma na wahi a pau; e mauna anei au i kuu kino e moe malie i kou hale uwila nei, a o kou aka kino wailua e imi aku ia oe a loaa aku paha e hooipo ana oe me kou mau kupuna; auwe ! auwe !! e kuu aloha @, e maliu mai, eia au kou hoapiii, hoa hoomanawanui hoi o na la popilikia; a haule hou aku la oia moe malie iluna o kahi moe. Hele malie mai la hoi o Nahokuewalu a pane iho la maiuna o kona pokii: E kuu pokii, e ala ae a e kali aku no na olelo a ko kakou pukaua nui, a ina aole e ko ana, alaila, e iho pu aku no kaua ma kona meheu. Pane ae la kona pokii: E hele oe ma kahi e, o oe hoi ke kumu i make ai kuu kane; nolaila e imi no au i kona hopena, he makehewa iau ke ola i keia honua, a e noho oe; aloha oe; a p@ii iho la k@na mau lihilihi maka. Hoi aku la o Nahokuewalu ma kona wahi a haule aku la moe malie.

 

            I kahi opeapea hoi e alo hoomana wanui ana i  ke anu o ke aupuni anuenue, a hoomakakiu ana hoi i kahi i waiho ai o ka pahikaua a me ka ipu uwila a kona haku, aole nae @@ loaa iki o kahi i waiho ai; no elua mahina kona hoomanawanui ana, a ua pau kona manaolana no ka loaa hou iaia aka ua kiai hoomakakiu no oia me ka pauaho ole, e ake ana o ka loaa o kana ukana makamae. A e na hoa heluhelu, e hoaui iki hoi kakou no hope. I ka make ana o ka kakou kamaeu, ua hoi aku la kona uhane a hai aku la i kona makuakane Kahanuopaineki me ke kaumaha: E kuu papa aloha, me ka walania o ka naau kau keiki e hai aku nei imua ou, ua make au; ua hooliloia hoi kuu kino i pilikoa, a aia hui ma ka lae kahakai o ke aupuni o Helene, ma ka aoao hikina hoi e huli pono ana i ka makani, a ke waiho la kuu kino me ka mainoino. O ke kumu o kuu make ana, ua aihueia kuu pahikaua a me au mau mea mana a pau e Lobe ke keiki alii o ke aupuni anuenue; nolaila, @ kii ae oe iau e hoola. Puiwa ae la o Kahanuopaineki oiai oia i halawai aku ai me ka uhane o kana keiki ma ka moeuhane, a hoomaka ae la oia e uwe. Puiwa ae la o ka Ui Pua Rose i ka uwe o kana kane, ala ae la oia a ninau aku la: Heaha kau e uwe nei o ke aumoe? O ke keiki a kaua, ua make. I ka lohe ana o ka Ui Pua Rose, ua hoomaka ae la oia e uwe me ka leo nui, aka nae, paa e aku la kona waha i kana kane mamua o ka pu-a loa ana ae. Ua ala wale aku la no laua a ao me ka u ana no ka laua keiki. Kahea aku la o Kahanuopaineki i kana aikane, a i kona hiki ana mai, ua hoike aku la oia i kana moe; a i kona lohe ana, ua helelei iho la kona mau waimaka no ka laua keiki, a hai aku la, he mea oiaio ka mea i hoike ia mai la.—Aloha wale.