Ka Nupepa Kuokoa, Volume XXIV, Number 49, 5 December 1885 — NA KUPEE LAAU E PAA AI NA WAWAE. [ARTICLE]

NA KUPEE LAAU E PAA AI NA WAWAE.

Paniia na hale kuai rama. Lilo ka poe ona i poe kue i ka rama, i poe kinai ona. E lana ka manao. No keia poe no ka poe e imi ana e hoopau i na hana ino a pau, puhi baka, puhi opiuma, piliwaiwai, hehi Sabati, moekolohe, hookamakama, aihue, hana hewa, i mea e loaa ai ka waiwai. Huhu lakou i ka poe e imi ana e hoopau ia mau hana, na lunakanawai, na kanawai, na makai, na haipule, na halepaahao. E ake ana lakou e hoopaa 1 na wawae i na kupee laau. Makau paha kekahi poe o hoopaa ia. A hana ola. Aka, mai makau. E hoohalike me Paulo ma. E pule, e himeni ike Akua. A na ke Akua e kokua, a hoohaalulu i na kahua hale a hoohemo i na kupee laau, a hoolanakila i ka aoao pono.

2 He poe 1 makemake e hele i ko na aina e, e hai aku i ka ke Akua olelo. Ua paa nae na wawae i na laau kupee. Maimai paha na kino. Hoole paha na wahine, na raakua, na makamaka. Lawa ole paha ke dala e hiki al Uwe no ka hiki ole Hiki nae ke pule, ke himeni i ke Akun, a paipai ia hai e hele. Malia paha a heinu ..uanei na kupee laau, a hiki ke hooko ia kou makemaIke.

Makemake hoi na aha misionari e hoouna nui aku i na misionari 1 na aina naaupo. Paa nae na wawae Ina kupee. Auhea na misionari ? Auhea hoi na dala e hoouna aku ai ? £ mau ka pule me ka himeni ana. Hamau ! He leo hoolana mailoko mai o na hale kahunapule e o mai ana. Eia no makou, ua makHukau e hoouna ia aku ina aina naaupo. He leo hoi mailoko mai 0 na waha o ka poe aloha, e o mai ana. Eia no na puu dala e hoouna aku ai i na misionari i na aina e kahea mai ana. £ hoomanao kakou. No ke Akua ka honua a me kora mau mea i piha ai. No ke Akua ke dala me ke gula, a me na holoholona ma na puu hookahi kausanL E lilo auanei na aupuni a pau o keia aoi aupuni no lesu. Amene. Hawaii. Waimea, H. Nov. 24, 1885.