Ka Nupepa Kuokoa, Volume XXIV, Number 47, 21 November 1885 — Page 4
| This text was transcribed by: | Kaui Sai-dudoit |
| This work is dedicated to: | Aarona Unauna |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
---------
No ka Makahiki $2.00
No Eono Mahina, $1.00
-----KUIKE KA RULA.-----
Poaono Novemaba, 21, 1885.
------------------------
O IESU LA IA LAMA E.
[THE LAME IS THE LIGHT THEREOF.]
G.H. No. 243.
1
Aole he la a mahina e
Ma ka home malunaʻe.
He lama nae, owai? owai?
O Iesu la ia Lama e.
Cho. Noho lama no, ole loa he po
Ma ka home malunaʻe.
Kani o o, o me ka mele pu,
O Iesu la ia Lama e.
2
Ua haiia mai no ia lama e
Ma ka aina mele e,
Ka nani no ke Akua mai,
A o Iesu ia Lama e.
Cho. Noho lama no, &c.
3
E hahai a mau ia lama nei,
Lama no ka home ao,
A hike oe ia home lai,
O Iesu la ia Lama a mau.
Cho. Noho lama no, &c.
HAWAII.
-------------------
Helu XI. Dec. 13, 1885. Kumuhana, Ko ka Mesia hoinoia ana, IS. 53:1---12.
1 OWAI ka mea i manaoio i ka makou hoike ana? Iawai la hoi i hoikeiaʻku ai ka lima o Iehova?
2 E ulu mai no oia imua on a me he o ia la, E like hoi me ka aa kupu mai o ko mai o ka lepo maloo, Aole on a maikai o ke kino, aole on a hanohano; A ia kakou e ike aku ai ia ia, aole ona helehelena maikai i makemake aku ai kakou ia ia.
3 Ua hoowahawahaia oia, a ua haaluuia hoi ia e na kanaka; He kanaka ohe, a ua ike hoi oia i popilikia; E like me ka huna ana o na maka, mai o kakou aku, Pela no ia i hoowahawahaiaʻi, a manao ole hoi kakou ia ia.
4 He oiaio no, ua kaikai no oia i ko kakou popilikia. Ua halihali no oia i ko oha: Aka, manao aku kakou ia ia, ua paipaiia. Ua hahauia hoi, a ua hookaumahaia e ke Akua.
5 Aka, ua houia oia no ko kakou hewa. Ua paopaoia oia no ko kakou hala; Maluna on a ka hoopai ana e malu ia kakou, Ma kona mau palapu, ua hoola ia mai kakou.
6 Ua hele hewa kakou a pau e like me na hipa; Ua huli kela mea keia mea o kakou i kona aoao iho; A ua Kau no o Iehova maluna on a i ka hewa o kakou a pau.
7 Ua hookaumahaia oia, ua hoopilikia hoi, Aole nae i ekemu ae kona waha. E like me keikihipa, ua alakaiia oia i ka make, E like hoi me ka hipa i pane ole imua o ka mea nana ia e aku. Pela no oia, aole i ekemu ae kona waha.
8 Ua laweiaʻku la oia, mai ka paa ana, a mai ka hookolokolo ana hoi; A owai la ka mea e hai i kona hanauna? No ka mea, ua kipakuia oia mai ka aina o ka poe ola aku; No ka hewa o koʻu poe kanaka ia i hahauiaʻi.
9 Haawi ae la oia i kona lua me ka poe hewa, Me ka poe waiwai hoi iloko o kona make; Aole nae ia i hana i ka mea hewa, Aohe hoopunipui ma kona waha.
10 Aka, manao no o Iehova e paopao ia ia, Ua hoeha oia ia ia: A i ka wa e haawi aku ai oe i kona uhane i mohai hala, E ike no oia i kana mau keiki, a e hooloihi no hoi i kona mau la, A e pomaikai auanei ka makemake o Iehova ma kona mau lima.
11 E ike aku no oia i ka hope o ka luhi ana o kona uhane, A e oluolu oia; Ma ka ike ana ia ia, e hoapono no kaʻu kauwa hemolelel i na mea he nui, No ka mea, nana no e amo i ko lakou hewa.
12 Nolaila, e mahele aku au nana, me ka poe koikoi, A nana no e mahele i ka waiwai pio me ka poe ikaika; Ua ninini aku oia i kona uhane i ka make; A ua helu pu ia oia me ka poe lawehala; A halihali no oia i ka hewa o na mea he nui. A e nonoi aku la oia no ka poe i lawehala.
Pauku Gula. Ua kau no o Iehova maluna on a i ka hewa o kakou a pau. Is. 53:6.
Manao nui. Na Iesu Kristo i hoolaulea i ko ke ao nei ma kona ola a make ana.
Poakahi, Is. 52: 1--15.
Poalua, Is. 52: 1--12.
Poakolu, Io. 12: 23--41.
Poaha, Mat. 8: 5--17.
Poalima Mar. 15: 1--25.
Poaono, Mar 15: 26--47.
Sabati, HOike 5: 1--14.
Mele.
Pule.
----------------------
NA NINAU.
He nui anei na wanana ma Isaia? He mau wanana e pili ana i ke aha kekahi? Ua hooko ia anei na wanana no Ierusalema? No ke aha ka luku ia ana? Ua pau pu anei ka lahui Iudaio? Mahea ia lahui ano? Mai ka mokuna 40--66, ua hai nui no ke aha? Iwaeda oia mau mokuna e hai ana i na mea pili i ko ke Akua aupuni, ua loaa keia haawina; ma ka mokuna ehia?
Nowai keia moolelo? Nawai i kakau? Ehia makahiki mamua o ka hiki mai ana o Iesu? 700. Ua wanana e ia anei ka hoolapanai ia ana ka lahui e ka Mesia? No hea ia Hoola? Ma ko Isaia nana ana owai kana i ike ai? Is. 52:7. Ua hele aku anei na lahui mamo aku i keia Hoola? 52:15. Pehea na Iudaio, apo anei lakou iaia? Manao anei lakou he oiaio kana olelo? 53:1. Io. 12:37, 38. Rom. 10:16. Heaha ka mea a Isaia i hoike aku ai? Aole anei he nuhou maikai ka i hai ia no Iesu ka Hoola? Ua hiki mai anei o Iesu e like me ka mea a lakou i manao ai? Ma ke ano alii anei kona hiki mai ana? Mahea kahi i hanau ia ai?
He kupanaha anei ko ke Akua hoouna mai ana i kana keiki ponoi mai ka lani mai, e lawe i alwe i na hewa, a make no ko ke ao anei? No ke aha e hoolohe ai i keia olelo? Nawai mai? He hana aloha nui anei keia hoouna mai ana i Hoola? Malama mai anei ke Akua i na mea a pau? Ke ole nui ko kakou pilikia, ua haawi ia mai anei i kokua?
No kekahi ohana kaulana anei o Iesu? Ina ua hanohano, ua noho anei ma kahi hanai holoholona? Pehea hoi ma Mat. 13:54--58. Ua manao nui ia anei oia? Lu. 7:34--39. Ua hiki anei keia mau mea me ka Isaia i hai mai ma ka p. 2. Ua hoowahawaha ia anei oia?
Ua hoole anei kona lahui iaia? Ke kali nei anei lakou no ka Mekia? Ua manao nui anei na alii ia Iesu? Ua ike nui anei oia i ka eha a me ka popilikia? Pil. 2:7, 8, &c. ua ae anei kona lahui iaia? Io. 1: 10, 11. He mea hookaumaha anei ia, ka nana ole mai o na makamaka, na hoaaloha?
Pehea hoi o Iesu, ua aloha anei ia poe hoole iaia? he mea nui anei kona kaikai ana i ko lakou mau pilikia? Nana anei i halihali i na eha? Ua hoola pinepine anei o Iesu i na mai? Ike anei kekahi i ka nui o kona kokua mai, ke ole hele aku iaia? Pehea ko Iesu hali ana i na pilikia o kanaka? Mat. 8:16, 17. Pehea kekahi? Lu. 19:41, 42. Io. 11:33--36. Pehea hoi ano? Rom. 8:26. 2 COr. 4:17, 18. Heb. 4: 15, 16. Hoik. 21: 3, 4.
No ka nui o ko kakou mau hewa, ua aha o Iesu? Ola anei kekahi ke ole ko Iesu haawi ana i kona ola no kakou? Mahea ka hai ia ana i ka hooko ana i na mea hai ia ma keia mau pauku? Mat. 27: 12--14. No ko Iesu hewa anei ka hana ino ia me ia? Heaha ko kakou pono, pehea e hoike ai i ke aloha ia Iesu, ka mea i lawe i na hewa o kakou? Pehea ka Petero olelo? Oih. 4: 12.
Auwana kakou elike me ke aha? p. 6. Pehea na hipa ke ole ke kahu? Ina haalele i ka Haku, pehea kakou? Aole anei hele mamuli o ko kakou manao iho? Imua owai ka laweia ana o Iesu e hookolokol? Hoinoia oia, ua ekemu anei? Aole anei no kona aloha i ka poe hewa, ka ae ana i keia hoinoia ana? Ke ole oia i maka, ua pakele anei kekahi?
Me way ka make ana? He mau lawehala anei laua? He hew anei ko Iesu? No wai wale no ia ano make, o ke kaulia ana ma ke Kea? he hana kupono anei ia? Eia nae, ma ia hana, ua hookoia ka olelo i hai ia no ka make ana o ka Mesia. Kupanaha! Ea?
Ua manu pu ia anei o Iesu me ia mau lawehala? Nawai i kii aku i kona kino? Mat. 27: 57--60. Mahea ka waiho ia ana? Ma ka ilina o ka mea waiwai, ea? He pokole keia kaumaha, pehea mahope iho? Ua ala hou ala hou anei? Mahea kona ola mau ana? Mau anei kona alii ma ke ao nei? Heaha na mea e pomaikai ana ma kona lima? p. 10. Ep. 1: 5, 9. 2 Tesa. 1:11. He mana e ae anei kekahi e hoololi ai i ka manao o kanaka ? He nui anei na mea ola ma o Iesu la? Hauoli anei oia i ka ike ana i na kanaka e imi ana iaia? He nui anei na lahui e lilo ana iaia? Ma ke aha e olaʻi lakou?
Ua hai ia anei no keia Hoola panai ia ana ma ka Baibala okoa? He aka na mohai &c., no wai? He nui anei na wanana no Iesu mai Kinohi a Maraki? Ma ke Kauoha Hou, ua hai maopopo ia anei ka hooko ana i keia mau wanana no iesu ka Hoola? Aole anei i hoowahawaha pinepine ia na mea maikai i kinohou; a mahope iho, i ka ike ana i ka waiwai nui o ia mau mea hauoli i ka loaa ana? O na mea ike ole ia Iesu, ua hiki anei ke hoomaopopo i kona maikai, a me na pono i loaa ma o na la?
Ina haule kanaka iloko o ka hewa, ua hiki anei ia lakou ke haalelel ke ole e kokua mai ke Akua? Makehewa anei ko Iesu make ana? Lanakila anei ka Iesu hana? Aole anei e lanakila ana a e mau ana ke aupuni o Kristo? Aole anei ma o Iesu la e lanakilaʻi?
Mele.
Pule.
---------------------
HALAWAI HOOLE WAIONA MA PUKAANA, HOOKENA, KONA HEMA,
HAWAII, I ALAKAI IA E MARY E. GREEN.
Halawai ka aha i alakai ia e Mary E. Green ma ka luakini o Pukaana, ma ka hora 10 o ka la 15 o Oct. 1885.
Mary E. Green ma ka noho. Hoomaka ia na hana me ka himeni a me ka pule a Rev. G.W. Waiau. Heluheluia kekahi mau pauku baibala ma Solomona, Mok. 23: 39, 30.
Hoakaka pokole mai o Mary E. Green i ke ano nui o kana huakai a pau. Na Rev. G.W. Waiau i heluhelu mai i he kumu kanawai a me ka olelo hoohiki penei:
: Ke hoohiki paa nei au, a na ka:
:Akua e kokua mai ia'u, e hoole:
:loa i ka inu ana i na waiona o:
:na ano a pau; e kokua hoi i na:
:hana kupono a pau e kinai loa:
:ai i ka inu ana a me ke kuai ia:
:ana o na waiona.
Eia na põe i kakau inoa malalo o ke kumu kanawai a me keia hoohiki ana.
1. Mary E. Green
2. C.W.P. Kaeo. Lunakanawai
3. Rev. G.W. Waiau
4. Mrs. Elizabeth K. Amalu
5. D.W. Kanui
6. P. Palea
7. Kaupe
8. W.C. Hama
9. Moa
10. T.K. Robert Amalu
11. E.K. Kaupu
12. Kailieha
13. Kaauwai
14. Nakanelua
15. Miss Harrialt Makalaau
16. Daniela
17. Marie
18. Mary
19. Naili
20. Kila
21. Harritt Waiau
22. W.C.A. Kahalione
23. M. Keomau
24. Kaulei (w)
25. D.H. Nahinu
26. S.W. Puahi
27. Sam Apolo
28. Ela Keawe
29. Hannah Nahinu
30. Kaia
31. Kamaka
32. Kailihiwa 2
33. Oleloa 2
34. Kapelaka Opio
35. Loka
36. Nahoahoa
37. Kanae
38. Kanui 2
39. Kamaka
40. Kaaumoana
41. Hamohamo
42. Kikimo
43. Kaulana
44. Kane Keomau
45. Paakea
46. Aloanu
47. Kainalii John
48. S.K. Kauwe
49. makaenaena Makaeha
50. Solomona Hanohano
51. Ahuna
52. Aalona
53. Kahelekula
54. S. Kaonohi
55. Waiau Kauwe
56. Mileka Kaapana
57. John Kaapana
58. Haneri Kaapana
59. Mrs. Oleloa
60. John Kamaka
61. John Nahinu
62. Samuela John
63. Naihe
64. Napunawai
65. Lumeheihei
66. Samesona
67. Keaweopala
68. Kekapa
69. Kahana
70. J.W. Kuamoku
71. Amaka
72. Mrs. L. Kuaimoku
73. Mrs. M.E.M. Jones
74. J.K. Kawapolaole
75. Harritt Kahalione
76. Kila Kaai
77. Moses Kauwe
78. Thomes
79. Milia Kauwe
80. Susana Oleloa
81. Luisa Kaaeamoku
82. Luukia Waiau
83. Kahiwahiwa
84. Marie Nahinu
85. Miss Maryann Kauwe
86. Mrs. Waipuilani Kaeo
Mahope o ke kakau inoa ia ana, ua kohoia na luna nui o ka hui ma ke kau lima ana. Penei:
Kohoia o T.K. Robert i Peresidena
Kohoia o D.W. Kanui i Hope Peresidena
Kohoia o C.W.P. Kaeo i Kakauolelo
Kohoia o M. Keomau i Puuku
Hora 12 awakea hoomaha a hui hou hora 4 ahiahi.
Hora 4 ahiahi. He mau manao paipai pokole a me ke alakai ana i ke ano nui o ka halawai.
MANAWA HALAWAI.
Hooholoia. E halawai mau keia ahahui hoole waiona i kela a me keia hora 4 ahiahi o kela a me keia Poaha mua o kela a me keia mahina o ka makahiki.
Hooholoia. Keia mau komite malalo nei.
KOMITE KOMO KAUHALE.
1. Luhia Kuaimoku
2. Luukia Waiau
3. Marie Nahinu
4. Mrs. E.K. Amalu
5. Waipuilani Kaeo
KOMITE HIMENI.---C.W.P. Kaeo.
" UNUHI.---T.K.R. Amalu.
" HOOLAHA.---C.G. Naope.
Hooholoia. E lulu dala keia hui i mea e loaa ai i buke kakau moolelo a me lipine keokeo hoailona.
Hooholoia. Na ke kakauolelo e hoouna mau i ka moolelo o kela a me keia halawai i Honolulu ia Mary E. Green.
Hooholoia. Na Mary E. Green e hoouna mai i mau buke himeni, a na keia ahahui e uku aku no ia lilo.
Hooholoia keia halawai me ka himeni a ma ka pule a Rev. G.W. Waiau.
Kakauolelo o ka ahahui hoole waiona o Pukaana ma Hookena, Kona Hema, Hawaii.
-------------------
MOOLELO O KA AHAHUI KULA SABATI
O NA MOKUPUNI O MAUI.
Halawai ka ahahui kula Sabati o na Mokupuni o Maui, halepule Kaahumanu, Wailuku Nov. 3, 1885, hora 3 1/2 auina la.
Na ka lunahoomalu o ka halawai o May i hala, i wehe i na hana ma ka himeni, a me ka pule. Kohoia o John W. Kalua i lunahoomalu.
Hoomaopopoia na hoa o ka aha i hiki mai.
KULA SABATI KAHU ELELE
Paia, J.D. Iaea, S. Kailewa,
Paihiihi, ----------- J.P. Luna
Haliimaile, ----------- ------------
Haiku, ----------- Lua Mahoe
Huela, ----------- ------------
Keanae, D.W. Napihaa, S.K. Makaena
Hana, ----------- ------------
Kipahulu & Kaupo, ----------- ------------
Honuaula, ----------- M. Kealoha
Waikapu, S. Kaili, ------------
Wailuku, M.P. Waiwaiole, J. Nakookoo
Waihee, L.W.P. Kanealii, J. Kealoalii
Kahakuloa & Honokohau, ----------- ------------
Kaanapali, ----------- Kapela
Lahaina, ----------- R.H. Makekau
Lahainaluna, S.R. Haina ------------
Olowalu, S. Kauihou, E. Namealoha
Kaluaaha, Halawa, Honouli & Wailua,
Kawela, Kaunakakai. ----------- ------------
Kalaupapa & Kalawao ----------- ------------
Pelekunu, ----------- ------------
Na hoa mau o ka aha, na Kahu ekalesia, a me na Kahunapule. Noi mai ka lunahoomalu e lilo o J. Haole i hoa kuka pu me keia aha, Hooholoia.
HOIKE A NA KAHUKULA SABATI.
Na S. Waiwaiole i ko Wailuku.
Na Haina i ko Lahainaluna.
Na Kauihou i ko Olowalu.
No ka makaukau ole o kekahi mau hoike Kahu, ua hoopaneeia a kahi la ae.
HOIKE A NA ELELE.
Na luna, Lua Mahoe, Makaena, Kapela, Makekau, Namealoha, i hoike mai i ke kulana o ko lakou mau kula Sabati.
Na ke kakauolelo i ko Kaluaaha & Kalaupapa, na J. Hanaloa i hoike waha mai i ko Kalawao, a o ke koena i koe o ka hoike a na elele, ua hoopanee ia a kahi la ae. Noi mai o Napihaa, e koho ia i komite imihana. Hooholoia.
A Pali, J.K. Josepa, J. Haole, ke komite.
Noi mai o A. Pali e hoopanee i keia halawai a noho hou mahope iho o ka hoopanee ana o ka ahahui Lunakahiko ma ka hora i aunina la. Hooholoia.
Hookuuia me ka himeni a me ka pule a J.M. Josepa. M.P. WAIWAIOLE,
Kakauolelo.
------------------------------
LA HANA 2.
Nov. 4, hora 1 auina la. halawai ka aha e like me ka hoopanee ana, lunahoomalu ma ka noho. Weheia na haname ka himeni a me ka a pule J. Haole.
Hoomaopopo hou ia na hoa o ka aha no ka poe i hiki hou mai; a pau ke kahea ana no na hoa o keia aha i hiki hou mai, ua hapai hou ia ke koena hoike a na Kahukula Sabati a me na elele.
Na Kanealii i ka papa helu o ke kula Sabati o Waihee.
Na Iaea i ko Paia,
Na Kaili i ko Waikapu.
Na Kakauolelo i ko Kaunakakai.
Na ke Kakauolelo i ka hoike elele o Honuaula & Kaunakakai.
Na Kailewa, Kealoha, Nakookoo i hoike mai i ke kulana o ko lakou mau kula Sabati.
Hoike a ke komite imihana. Aponoia.
Hapaiia ka noonoo ana i ke kumuhana 1.
Ka hoike hui o na kula Sabati o na mokupuni o Maui ma Molokai. Hooholoia. Noonoo ana i ka nui o na la e hoike hui ai, a me ka manawa o kela a me keia mahele kula Sabati o Maui, a ma Molokai e hoike ai; ma ke kuka ana ua hooholoia penei: Hookahi la e hoike ai, ma ka hookahi hora o kela a me keia mahele e hoike ai.
Noonoo ana i ka uku moku e holo aku ai i Molokai a me ka hoihoi ana mai, ma ke kuka ana ua waihoia ma ka lima o ke komite, oia o J. Haole, nana e ninaninau aku i ka agena o na mokuahi e holoholo nei mawaena o Oahu a me ka mokupuni o Maui. O ka mea nana e hooponopono i na hana o ka la hoike ma Molokai, o John W. Kalua.
R.H. Makekau ke alakai himeni o ka la.
Kumuhana 2 Lulu dala a ka aha, $8.50.
Kumuhana 3 Hoike a ka puuku, koena dala ma ka waihona, $23.00. Aponoia.
Kumupana 4. Koho hou ana i puuku a me ke kakauolelo. Ma ke noi a kekahi hoa o ka aha, e hoomau ia aku no laua ma ia wahi. Hooholoia.
Kumuhana 5. He mea pono anei i na kula Sabati o na mokupuni o Maui; ke huipu aku i ka hoike hui o ka mokupuni Oahu, ma Honolulu, Iune 1886, e like me ka hooholo ana a kela aha ma Honolulu, aole paha? Ma ke kuka ana a na hoa o keia aha, a ua hooholo lakou, aole e ae e huipu no na hana hoike hui ma ia la,
Noi mai ka lunahoomalu e haawi keia aha ia Rev. J. Hanaloa i elima dala ma ke kokua aloha ana. Hooholoia.
Hoopanee na hana a keia aha a hui hou ma kahi e hui ai ka ahahui Lunakahiko, oia no ka Poalua mua o May 1886. Hooholoia.
Paipai manao ka lunahoomalu ma ke ano pokole. Hookuuia na hana ma ka himeni a me ka pule hoomaikai a Rev. A. Pali. M.P. WAIWAIOLE,
Kakauolelo.
---------------------------------
MOKUAHANA KA EKALESIA O HAILE ME KE KAHU.
Ma ka ekalesia o Hilo taona nei, ke noho mokuahana nei me ke kahu. Ma ka noho ana o ka aha luna i kekahi Sabati iho nei, ua kuka lakou no na kumu nui a lakou i ike ai aole i pono. A ua waeia he mau komite na lakou o hooponopono a hana aku, ua hooholo ia e hana ia kekahi palapala hoopii, e hoopau i ke kahu ia Rev. J. Kalana malalo o ke kakau inoa ana mai o na hoahanau ponoi o Haili, iloko o ua palapala la a e lawe kaahele ia aku ana ua palapala nei ma na poai o keia apana e kipa aku ai ma kauhale. Ua loheia no keia nune mamua aku nei, ua ikeia na kumu kupono ole o ka hooko ole i kana kuahaua no ke kaahele apana, a he mau kumu e ae no kekahi. A in a e piha keia mau papa inoa, alaila e hoike ia aku ana imua o ka Aha Euanelio ma ma Honolulu o ka A.D. 1886 e hiki mai ana, a ua kipa ae ma ko makou kauhale ua palapala nei me ka hoike pu mai o ua komite nei i na kumu kue, a lohe makou; ko ia la heo aku la no ia ma ke kaapuni apana, nui ka nune ia o ke kahu ma keia apana. Me na keiki paahana ko'u welina. J.H. NIHOA.
---------------------
HE LETA MAI HONUAULA MAI.
I kuu KUOKOA Aloha:
Ma kekahi hoolaha i hoopukaia ma ka Pae Aina e pili ana i na hana a ke kahu ku i ka wa o Keawakapu, Honuaula, ua hewa ole ke kahu; aka, no kekahi o na luna ka hewa, oiai ua hai aku ua luna la i ke kahu, a ua kukala akea mai ke kahu imua o ke anaina pule. Mai kona hale aku i hele aku ai ua kanaka la nana i hoowalewale kekahi o na hoahanau i hoopaia. Ua hoakaka pu mai no hoi ke kahu ua ike pono oia (lunakahiko.)
Ma keia me he la he ohua no kona hale ka nana i hoowalewale--a no ke aha la i ao ole aku ai ua luna la? ua ike pono ike pono hoi, no ke aha la i hai ole ai i na kahu mua? Ua maa keia iluna i ka ohiuhiu i ko hai kee, aka huna ikahi puolo a kona aumakua. He auwana maopopo kana kaikamahine.
Nolaila, e ala kakou hoahanau a e hoopau i keia luna hupo, hawawa, a hana lapuwale maopopo, na ia nei kakou e kumakaia nei, na ia nei e hoomaopopo na kamailio lapuwale ana a kekahi poe lapuwale, a hoolilo ia ka hale o ka Akua i wahi no kakou e hoohilahila ia ai, loaa mai hoi i ko waho poe owau, hoopukaia iloko o na nupepa, a lilo ko kakou apana ekalseia a me ko kakou kahu i mea henehene na na tausani poe heluhelu nupepa o ke paeaina.
HOAHANAU.
Ulupalakua, Maui, Nov. 13, 1885.
---------------------------
NUHOU MOREMONA.
E ke KUOKOA--Eia ka'u mea hou e hoike aku nei ia oe ma ke Sabati Sept. 20: Ke hoike mai nei o Keoki kekahi alakai o ka poe moremona mai Laie, Koolau, Oahu mai, i na hoahanau ma Makaweli, Waimea, Kauai, eia kana hoike: AOhe Uhane o ke Akua, oia hookahi wale no. Aole hiki i ka Uhane ke ai i ka berena, aohe niho. Ua ae ke Akua ia makou e mare lehulehu i na wahine, e like me Aberahama. Olioli na hoahanau i ka Uhane ole o ke Akua. Minamina wale na uhane i ke alakai ia i ka make. I iho la ka aia i kona puuwai, aole Akua. Ke i mai nei o Ioane, he nui wale na Ani Kristo iaia e ola ana. Ioane, 2: 18, 20. Ka hupo keia o na hupo; he nele no la i ka manao, poi hewa i ka nalo. Me ka oiaio,
J.B.K. KELOHAWAHIOLE.
Puulima, Waimea, Kauai.
---------------------
He mau la hookilihune ua keia o ke taona nei ke hele la na alanui a liliha i ke kelekele.
---------------------
KAKELA & KUKE,
E laa na pahiolo, koi hole, hamale, koi mai a me liili, kila, wili puaa, rula, apuapu, kui o na ano a pau, kaia kaa, hao hoopaa puka.
Pohaku hoena, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, oepa ka lakala, lina hao, ami, keehi, a me ke
---KAULA OPU---
Palau o na ano a pau. Oo, ho, kopala, pe, kipikua, hao kope, au ho e pea aku, kua bipi, lei bipi, kaula hao bipi, uwea pa, uwea keleawe, hao pili, piula, kaa palala, ipuhao, ipu ti
PA-PALAI, MAKAU ME KE AHO
--------
Ili wai, papa holoi, kopa ala, kaula kuaina, hu'akai, ehi wawae, hulu pena, a pela aku.
Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe.
PENA HOOMALOO
--a me aniani hale--
AILA MAHU, AILA MIKINI, AILA HAMO ILI, AILA KAA, INIKA KAMAA.
PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU.
----------
LOLE MAKEPONO
--E laa na--
AHINAHINA, KALAKOA, KEOKEO, LEPONALO, HULUMANU UWE-WAHINE, KUI HUM UHUMU, A ME KA LOPI.
Ke Kuike e loaa no ia ma kahi e
Kakela & Kuke!
------
NA MEA PIULA,
------
Mikini Humuhunu
Mokini a WHEELER a me WILSON
MIKINI A WILCOX ME GIBBS
NA MIKINI A
---R E M I N G T O N---
He nui loa na mea hao me na ukana e ae o na ano a pau, aole hiki ke hai pau ia aku, hewa i ka wa na maka ke ike.
----------
Laau Lapaau Kaulana Loa
A DR. JAYNE,
LAAU HOOMAEMAE KOKO
LAAU HOOPAU NAIO, LAAU KUNU, PENIKILA, HUAALE, PAAKAI, LAAU HOOPAA HI.
No na Laau Hana a Pela ʻku.
KAKELA-KUKE.
----------------------
J.T. WATERHOUSE.
(Walakahanai.)
--------
HALEKUAI KUKAA NUI ME LIILII
Ua piha pono me na waiwai makamae hewa ai na maka i ka hano ka lehua.
Heaha no ia hoi ia
---MALAILA---
Na APo Kilika o na ano a paa, Pahoehoe o na ano a pau, Alapia o na ano a pau, Huluhipa o na ano a pau, Na Huluhulu holoku, Na Keokeo Paina, Liliha lau puu, Wetoria, Leponalo, Lainakini, Ahina pelekane, Na Kihei o na ano a pau, Na Koloka o na wahine, Na Kihei Huluhulu, Na Kalakoa o na ano a pau, Na Kihei uhi moe, Na Koloka o na wahine, Na uhi Kilika, Na uhi Alapia, Na Hainaka nunui a liilii.
---Eia hou.--
HE HELUNA NUI ONA PAA LOLE O NA KANE A ME NA KAMALII.
Na Apa paina maikai loa,
Polu manoanoa a lahilahi,
Huluhulu manoanoa a lahilahi,
Na Apa huluhulu a pahee,
Na paa lole huluhulu, kane, me kamalii,
Na Pililakeke loloa a i kopoko,
Na Palule kaula o na ano a pau,
Na Palule keokeo,
Na Palule kalelina,
Na Paleili,
Na Papale wahine i kaonohinihiia me na pua me na hulu nani, a he heluna nui o na kane a me na kamalii o na ano a pau
HE HELUNA NUI O NA KAMAA.
Na Kamaa buti,
Na Kamaa pihi,
Na Kamaa huka,
Na Kamaa laholio,
Na Kamaa weleweka.
HE HELUNA NUI O NA NOHO LIO MAIKA
Na Noho Italia,
Noho pulu mamua a mahope o kela a me keia ano.
NA AILA O KELA A ME KEIA ANO.
Na Aila honua helu 1 he aiai me he wai.
Aila pena, aila hoomaloo, aila Oliva,
Aila inu, Aila lauoho,
Waiala maikai.
NA PENA WAIHOOLUU LIKE OLE.
Keokeo, Eleele, Polu, Melemele,
&c, &c., &c., &c.
Ina iho Ina iho.
Na ipuhao, na ipu ti, Na koi nui a liilii, Na pahi nui a liilii, Na pahi olo, pakahi,
Na pahi olo palua,
Na lahu nui a liilii, Pakeke nui a liilii, Na lako kamana, Na lako amala, Na kamaa lio, Na moe hao, Na pela uwea.
NA LAKO HAO, MA KA AINA A ME KA WAI.
Na lako pa,
Pa nui a liilii,
Na bola,
Na kiaha aniani,
Na aniani kilohi,
Na ipukukui o na ano a pau.
HE HELUNA NA MEA AI.
Palena poepoe,
Palena poepoe pulu,
Palena huinaha,
Palaoa o na ano a pau.
Na kamanao maikai loa me ka pahu,
Na kamano tini,
Paakai o Livapulu,
Paakai inu,
Paakai hu,
Manu Kaleponi,
Palani ai a ka lio.
----------------------
helunanui o keia mau waiwai aiwaiwa
koʻu mau halekuai aole i pau i ka kuaiia aku na oukou no e hele mai a kilohi no oukou.
Ua waeia keia mau waiwai me ka maiau, ma Pelekane, Farani, a me Amerika, no ka pono a me ka pomaikai o na kanaka Hawaii, me na kauoha mai na mokupuni hookoia ma ka eleu loa.
T. WATERHOUSE.