Ka Nupepa Kuokoa, Volume XXIV, Number 44, 31 October 1885 — KIMO. [ARTICLE]

KIMO.

| Kjmo hea keia ? Aiia a lohe i kona i moolelo | He keiki Sekotia keia. Noi aku oia i kona makuwahine e ae oia e lilo i sela. Ma ke noi pinepine ana ua ae ka makuwahine. E ae nae oe e kukuli oe i kela po i keia po e pule i ke Akua, a e hilinai mau iaia. A e pule mau au nou. Ua ae no Kimo e hana pela. Ee oia maluna o ka moku e holo ana i Inedia. Ma ka po mua kukuli no oia ma ka moku e pule Hoolohe kahi sela i kana pule ana, a olelo, uoki kau pule, aole ae īa ka pule ma keia moku. A hahau ia la ma kona pepeiao. A o kekahi sela e ae, he sela hoohiki ino i ka inoa 0 lehova, lohe oia 1 keia hana a ka sela mua, kena iaia e pii ai mam ka oneki o ka moku, a e hili ia e ia no kana hana ino ana ia Kimo. Hili oia ia sela, a iho īlalo, a olelo ia Kimo e kukuli a puie mau oe. Ina e hana ino hou kela sela ia oe na'u e pale aku. Ia po ae manao Kimo e pule malu ma kona wahi moe. Kali ka sela hoohiki ino 1 ka inoa o lehova i ka lohe ia Kimo e pule ana. Aole nae i loheia. Hele oia a kena ia Kimo e kukuli a pule. Manao anei oe e kokua ana au ia oe ke pule ole oe nou iho a no ka moku ? Ka pule mau no ia o Kimo ma kahi akea a pale mau no ua sela hoomaloka i ka pilikia mai Kimo aku. Mahope loa aku lilo Kimo i kapena no ka moku kaulana, Ka Hikina Nui. Ka hua keia o ka malama i ke kauoha a ka makuwahine. Unuhiia e Hawaii.