Ka Nupepa Kuokoa, Volume XXIV, Number 43, 24 October 1885 — Uluhua i ka Hapai Memeue a ka Elele a me kona Mea Kakau i ke Kuhina Kipikona. [ARTICLE]

Uluhua i ka Hapai Memeue a ka Elele a me kona Mea Kakau i ke Kuhina Kipikona.

E kuu N'upepa Ki okoa e, ka wahaolelo oiaio a me ka pololel Alehu c< : E oluolu oe e kahea ieo nui aku ma na kihi a pau o kuu one oiwi, i ike mai na mea a pau ika oiaio o ka'u mea a ixui e pili ana i ka mea a ka Elele a me kona mea kakau e pai nei (Kipikona.)

| He mau makahiki ae nei i hala he | oia mau ka hoike a na nupepa i na mea ie pili ana i keia kuhina (Kipikona) aole nae i. ike ia ka hua, a hiki loa mai i kehora, nolaila. ma o'u iho, ke aa nei au e ku aku imua o ka mea kakau o ka Elele maialo o keia mau kumu me ka hopo ole : Ka mua —Ka makee o Kipikona 1 ke kanaka Hawaii. Ka lua — Ka hilinai o Kipikona i ka pono o ke kanaka Hawaii. Ke kolu —Ka hoola o ke kanaka Hawaii; wahi a ka mea kakau oka Elele, a imua paha o ka mea ana e pai nei (Kipikona) ma ka huiana he alo a he alo, ma ka hoike ana i ka oiaio o na mea a pau a mea kakau e hapai memeue nei. Ina he haole ka mea kakau o ka Elele e oluolu oe e lawe aku i keia, 1 ina he kanaka Hawaii, o ke noi hookahi no ia, a mamua o ka apo ana mai i keia, e hai mua mai ia'u i kahi o kaua e hoouka ai i ka oiaio o ka mea au e hapai memeue nei, a e kahea ia kekahi aha hoolohe no ka oiaio a me ka oiaio ole o kau a me ka'u, a e hookomo ia keia leo kahea ma na nuj>epa a pau loa 0 keia kulanakauhale, ma ka olelo Hawaii a me Beritania, i ike ka haole ame kanaka, a akoakoa ae i ke kahua o ka oiaio a me ka oiaio ole o kau mea e

hapai memeue nei, a i manao oe e hai mai ia'u i kahi o kaua e hoouka ai i keia, e bai mai ma kekahi o na kolamu o ka pukuniahi o ka hoopilimeaai Elele a ua aa loa no hoi au ina he lehulehu lakou ma ka aoao 0 ke kuhina Kipikona, a owau hookahi aku ma ka aoao o na nupepa e kamaiho mau nei i keia kuhina Kipikona, oia hoi ke Kuokoa a me Ko Ilawaii Pae a ina no hoi e ae mai ana ke Kahu o ka luakini o Kaumakapiii ilaila e hooko ia ai keia, alaila, ua pono loa.

Alaila, ua makaukau au me na popo kepau i oi aku ka pipili i ka K ululaau 0 Lanai, e paa ai na maka, ka waha, a me ka noonoo maikai o ka mea kuhihewa i keia kanaka (Kipikona), a mai keia la aku oia hoi ka la e puka aku ana o keia a ka la hope o keia malama Oct. 31, 1885, a o ka wa īa o na aoao a elua e hoomakaukau ai, a ina ua īke o hapai memeue i kahi e hoouka ai i ka mea e kamailio ia nei, alaila ke mahalo aku nei au me ka manao maikai. A aole

no hoi au e pane aku ana no keia mea ma keia mua aku iloko o na kolamu o kekahi o na nupepa o keia kulanakauhale ma ke ano paio, o kuu makemake oka hui no he alo ahe alo A ina aole e pane la mai ana keia, mahope iho o keia iloko o na la i haiia ae la maluna, alaila e hoomanao iho ka mea heluhelu ua daa aku Ia i ka ehu o kuu popo kepau. A aoie no hoi au e hoino aku ana 1 ke kapu a me ka mana o knu Moi iiihia, aole loa pela, ua mana no ia rna na mea a pau, o kela mau kumu ekolu e kau ae la ka'u e ku aku ai imua o ka poe hap&i memeue ia Kipikona. Aole me ka inoa kapakapa a inoa e ae, aka, o ko l u oiaio a pau mai kuu makua mai. K. P. Luluhipolani Opio.