Ka Nupepa Kuokoa, Volume XXIV, Number 42, 17 October 1885 — Na Hawaii ma Loko Paakai. [ARTICLE]

Na Hawaii ma Loko Paakai.

[J/a/ >e Gaulte Oct. sj.] Ua hoike mai o Mr. J. A. Magoon, keiki a Mr. Magoon o ke kulanakauha> le nei. oiai oia ma ke kulanakauhale o Loko Paakai ma Uta, ua ike oia malaila he 20 ona Hawaii ili ulaula. Aia lakou e noho ana iloko o na hale uinihapa nani, na mala pua maikai e hoopuni ana i na hale, a me na hoohiwahiwa e ae he nui wale o ka noho ana kuonoono. Ua malama kuponoia na pa, na hale, a me na maiama pua me ka maemae" a mikioi, a ua nani maoli na hiohiona ke nana aku i like me na hale ona ili keokeo malaila; ua maemae na home maloko a mawaho. Ika Mr. J. A. Magoon hoea ana malaila, ua apo lokahi mai la lakou iaia a hookipa aku me ka maikai. Hauoli loa lakou ika ike ana i kekahi kanaka i hiki aku mai Hawaii aku nei, ke one hanau. Luluni nui mai lakou a ninau no ke one oiwi a me na nuhou, a uahauoli loa lakou i ka lohe ana. Ua ninau ia lakou no ka hoi mai i ke one hanau nei, aka ua hoole mai lakou, me ka loaa no nae o ka manaolana e ike hou ia Hawaii nei ke loaa kekahi wa kupono. He mau hanalima ka lakou hana o ke anokapili hale a nui wale aku, a ua loaa ia lakou ka uku kiekie ro ka la. Ua hoike ae kekahi haku hana malaila i kona mahalo nui loa i na kanaka Hawaii ma na ano a pau, he akahai, oluolu, lokomaikai, ohaoha, a hoomanawanui ma ka hana; he poe hana pololei ewaewa ole lakou, a he poe ikaika maoli no i ka hana. Hauoli loa lakou ke mahuahua hou aku na kanaka Hawaii malaila.