Ka Nupepa Kuokoa, Volume XXIV, Number 40, 3 October 1885 — Kanaka Mare a me Hawaii. [ARTICLE]

Kanaka Mare a me Hawaii.

[Mai ka Ahailono o ke Kaliua Dainiana.)

Ma ka auina la Poaono i hala i paam hoaloha ae na hui kinipopo Kanaka Mare ame Hawaii. Ua kamaaina no paha ia kakou ka ahahui nona ka inoa mua. a ua pinepine no hoi kona kamailio ia ma keia pepa; o Hawaii iho ka hui hou a malihini, a o keia ka wa mua loa o ko lakou ku ana'a hoopapa aku i na keiki ili puakea o ka ahahui kinipopo nona ka inoa mua, ka pōe i hele a lehia wale ma ia hana. Hawaii ka hui kinipopo hou o keia mau la, Hawaii ponoi kona mau lala, a he hui kinipopo Hawaii Opio kona kapa ia ana. He mau la |)okole wale no i hala ae nei ka hookumuia ana o keia hui, a ua hooliloia he mau hora o kekahi mau la ma ka hoomaamaa ana malalo o na kuhikuhi a Mr. Henry Kaia ke alakai oua hui la Mai ia wa mai a hiki i ka pule i hala aku la, ua ikeia no ke ano holomua o na lala ma ka hopu a me ka hahau ana i ka popo. Ma ka la i hoikeia ae maluna, ua hui ae la ua mau hui la e paani ma ke kahua <jiaimana kinipopo ma Makiki. No |na komo'na mua ana elima, ua loaa 1 ka hui Hawaii he 4 puni, oial hoi ke kahi hui iho e haule mau ana ihope ; aole no i ukali iki mai lakou mahope 0 ka hui Hawaii, a hiki wale i ka ewalu o na komo'na, a akahi no a loaa ia kou na puni he eono, a hui me elua puni i loaa mua ia lakou. Ma ka pa- , nina o na puni ana he eiwa o na aoao a elua, ua loaa i ka hui Kanaka Mare, Ihe ewalu puni ; Hawaii he eono puni, a he elua wale no puni ka oi o na haole i ko na Hawaii. No ka manawa mua loa o ko Hawaii ku ana imua 0 kekahi anaina makaikai nui, ua loaa na mahalo kiekie ia, a ua lana no ka manao, aia he wa e kaniu ia ai ko Kanaka Mare lae e Hawaii.