Ka Nupepa Kuokoa, Volume XXIV, Number 38, 19 September 1885 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

No ka Makahiki,.@2.00

No Eono Mahina,...1.00

-KUIKE KA RULA.-

 

Poaono....Sepatemaba 19, 1885

 

HE KUKUI MA KE AWAWA.

(There's a light in the valley.)   G. H. No. 207

                      1

He kukui ma ke awawa hele o'u.

Kahi e kaa ai na nalu po.

O ka olelo maikai nae o Iesu,

Oia no kuu kokua a mau.

Ano no i ko'u hele ana ae

Lohe au i ka olelo, Hahai mai,

Ina oia pu me a'u, ole makau.

He kukui ma ke awawa no no'u,

 

Cho@@: He kukui ma ke awawa,

                He kukui ma ke awawa,

                He kukui ma ke awawa no no'u

                A aole o'u makau,

                Oiai Iesu me a'u,

He kukui ma ke awawa no no'u no no'u

                      2

Ke ka@ mai la o na ale mai o mai,

Mai ke kahakai uli no

O ka lamaku aloha a lailai,

Nana e alakai a pae mao,

Aohe ma ke awawa na makau.

Pili mai Iesu la a hoopaa ia'u

Malu pono au ma kona lima akau,

He kukui ma ke awawa no no'u.     Hawaii.

 

Haawina Kula Sabati.

Sabati II, Oct 11, 1885.- Kumuhana, Ka wi ma Samaria.- Pauku Baibala, 2 Na Lii, 7@ 1-17.

1  I mai la o Elisai, E hoolohe oukou i ka olelo a Iehova, Ke olelo mai nei o Iehova peneia, Ma keia manawa i ka la apopo, e lilo kekahi bakeke pa laoa no ka sek@la hookahi, a elua bakeke bale no ka sekela hookahi ma ka ipuka o Samaria.

2  Alaila kekahi luna kiai no ke alii ka mea ana i hilinai ai ma kona lima, olelo mai la ia i ke kanaka o ke Akua, i mai la, Aia hoi, ina e hana mai o Iehova i na puka ma ka lani, e hiki mai anei keia mea? I aku la ia, E ike auanei kou mau maka, aka, aole oe e ai ia mea.

3  A eha kanaka lepera ma ke komo ana o ka ipuka; a i ae la lakou i kekahi i kekahi, No ke aha la kakou maanei, a make kakou?

4  A i olelo kakou, e komo iloko o ke kulanakauhale, aia oi maloko o kekulanakauhale ka wi, a e make auanei kakou malaila, a i noho kakou maanei, e make kakou. Ano hoi, ea, e haule kakou i ka poe kaua o ko Suria, ina e hoola lakou ia kakou, ua ola; aka, ina e pepehi mai lakou ia kakou, ua make no hoi.

5  Ku ae la lakou i ka wanaao e hele aku i kahi hoomoana o ko Suria; a hiki lakou ma ka palena o kahi hoomoana o ko Suria, aia hoi, aohe kanaka malaila

6  No ka mea, ua haawi mai o Iehova i ka poe kaua o ko Suria i ka lohe i ka halulu o na halekaa, a me ka halulu o na lio, ka halulu o ke kaua nui; i ae la lakou i kekahi i kekahi, Aia hoi, ua hoolimalima ke alii o ka Iseraela i na 'lii o ka He@a e kue mai ia kakou, ame na 'lii o Aigupita e hele mai maluna o kakou.

7  No ia mea, ku ae la lakou, a holo i ka wanaao, a haalele aku la lakou i ko lakou mau halelewa, a me ko lakou lio, a me na hoki o lakou, a i kahi hoomoana pela, a holo aku la lakou i ola.

8  A hiki aku la na lepera ma ka palena o kahi hoomoana, komo aku la lakou iloko o kekahi halelewa, a ai iho la lakou, a inu hoi, a lawe aku lakou i ke kala a me ke gula, a me na aahu mai laila aku, hele aku, a huna@ a hoi mai a komo aku iloko o kekahi halelewa e ae, a lawe aku no hoi mai laila aku, a hele, a huna.

9  I ae la akou i kekahi i kekahi, aole pono ka kakou hana ana@ o keia la, he la pomaikai, a ke noho malie nei kakou: a i noho a hiki i ka malamalama o ke ao, e loaa uanei ia kakou ka hewa; ano hoi e hele aku kakou, a e hai aku i ko ka hale o ke alii.

10 A hele lakou, a kahea aku i ke kiai puka o ke kulanakauhale; a hai aku ia lakou, i aku la, Hele aku makou i kahi hoomoana o ko Suria, aia hoi, aohe kanaka malila, aohe leo o ke kanaka, o na lio wale no i nakii ia, a me na hoki i nakii ia, a me na halelewa e waiho ana pela.

11 Kahea aku la ia i na kiai puka, a hai aku la lakou i ko ka hale o ke alii maloko.

12 Ala mai ke alii i ka po, i aku la i kana poe kauwa, Ano e hoike aku au ia oukou i ka mea a ko Suria i hana mai ai ia kakou. Ua ike lakou i ko kakou pololi ana, nolaila, ua hele aku lakou mai ko lakou wahi hoomoana aku e pee ma ke kula, i ka i ana'e, Aie puka lakou mailoko mai o ke kulanakauhale, alaila, lawe pio kakou ia lakou e ala ana, a komo iloko o ke kulanakauhale.

13 Olelo mai kekahi o na kauwa ana i mai ia, Ke noi aku nei au ia oe, e lawe lakou i elima o na lio e koe ana, na mea i koe iloko o laila. (aia ua like lakou me ka Iseraela a pau e koe ana; aia hoi, ua like lakou me ka poe nui o ka Iseraela i make,) a hoouna aku kakou, a ike.

14 A lawe lakou i elua kaulua lio, a hoouna aku la ke alii mahope o ka poe kaua o ko Suria, i aku la, E hele aku a ike.

15 A hele aku lakou mahope o lakou la, a Ioredane; aia hoi, ua paapu ke alanui a pau i na aahu a me na mea kaua a ko Suria i hoolei ai i ko lakou holokiki ana. A hoi mai na elele a hai mai i ke alii.

16 A hele aku na kanaka, a hao i ko kahi hoomoana o ko Suria. No ia mea, ua lilo ka bakeke palaoa no ka sekela hookahi, a elua bakeke bale no ka sekela hookahi, e like me ka olelo a Iehova.

17 A hoonoho aku la ke alii i ka luna kiai, i ka mea ana i hilinai ma kona lima, e malama i ka ipuka; a hehi iho la na kanaka maluna ona, a make iho la ia, e like me ka olelo a ke kanaka o ke Akua, ana i olelo ai i ka hele ana o ke alii io na la.

     Pauku Gula, O na mea hiki ole i kanaka, e hiki no ia i ke Akua. Lu. 18:27

     Manao nui, Hooko no ke Akua i kana mau olelo.

     Poakahi, 2 Na Lii, 6: 24-33.

     Poalua,   "  "    "    7: 1-20.

     Poakolu, "  "    "    8: 1-29.

     Poaha, Ioba,  18: 5-21.

     Poalima, Hal.  78: 10-33.

     Poaono, Hal.   78: 42-64.

     Sabati, Lu.  18: 18-27.

     Mele, Kupaa ia Iehova, H.A.N. 154 Pule.

Na Ninau.

     Owai ke alii o ka Iseraela? Owai no Iuda? Owai e alii o Suria? Owai kapoe i lawe pioia ma ka haawina i hala? Ua hele hou anei ko Suria e kue i ka Iseraela? 2 Na Lii 6: 24. Hoomoana kue lakou i ke kulanakauhale hea? He aha ka pilikia nui ma Samaria? p. 25. Owai ka i  kahea i ke alii i kekahi la? p. 26. Pehea kana pane ana iaia? p.27 28. No ka nele loa i ka ai, heaha kana hana? Pehea ka hoike ana o ke alii i kona kaumaha i ka lohe ana i keia? p. 30. Heaha ka manao no Elisai p. 31. No Elisai anei ka hewa o ka wi nui ma ia aina? Ina ua mihi lakou i ka hewa, aole anei i hoopau ia ka wi?

     Ua ike anei o Elsai e imi mai ana ke alii iaia? Owai pu me ia ma ka hale? Heaha ke kauoha i kana kauwa? p 32. Heaha ka olelo a ka elele a ke alii? p 33. No ke aha ka manao ana o ke alii e pepehi ia Elisai? Nawai mai ka olelo a Elisai i hai aku ai i ke alii? mok. 7:1. Heaha ka mea kupanaha e ie ia ana? Mahea ka makeke ma na kulanakauhale? Ua maopopo anei kahi e nui mai ka ai? Owai ka mea kanalua? p 2. Aole anei hiki na mea a pau i ke Akua? Mat-19:26. Mar. 9:23. Aole hiki i ka mea nana i hana i ke kanaka, ke hoolako mai iaia i ai? E ike ana anei ia kauwa a ke alii i ka hooko ana ikeia olelo? E ai ana anei ia i ka ai e loaa mai ana?

     Owai na kanaka e noho ana ma ka ipuka o Samaria? p 3. Ua ae ia anei i na lepera e komo ma ke kulanakauhale? Oihk. 13:46. Nahelu, 5:3. Nawai e malama ia lakou i ka ai & c.? Pela no na lepera ma Ierusalema a hiki mai i keia wa? No ka wi ma Samaria, ua pilikia anei lakou? No ko lakou ike ana e make ana i ka pololi, ua aho e haule iloko o ka lima owai? p 4. I ka wa hea ka hele ana?

     I ka hiki ana i kahi hoomoana o ko Suria, heaha ka mea kupanaha? Heaha ke kumu o ka auhee ana o ko Suria? p 6. Nowai mai keia makau iloko o lakou? He poe anei e hahai ana i@ lakou? Kuhi lakou e holo mai ana @a pualikoa nohea? Pehea ka poe hewa wahi a Solomona? Sol. 28: 1.

     Heaha ka i loaa ma kahi hoomoana? No ke aha ka haalele ino ana i na mea a pau@ Kupanaha ka ke Akua hana. A hiki aku na lepera, heaha ka mea i manao nui ia, oiai e make ana i ka pololi? Pau ka ai ana, heaha ka i laweia e huna? Hikilele ka manao iloko o lakou, a pehea ka pane ana o kekahi? p.9. Ia wai ka hai ana i ka nu maikai a kupanaha? p 10. Hele koke aku ke kiai e hai aku ia wai? I ka lohe ana o ke alii pehea kona manao no keia hana o Suria? E hana maalea i mea aha? Manao na kauwa e holo ihea? Ae anei ke alii? Hahai aku i ko Suria a i hea? p 15. Heaha ka i loaa ma kapa alanui? Ua holo io anei ko Suria? Ia wa ka hai aku ana? I ka ike ana i ka oiaio o ka na lepera, awiwi aku na kanaka a ihea? E aha?

     Ua nui anei ka ai i loaa ma kahi hoomoana o ka enemi? Ua ko anei ka ka olelo a Iehova ma o Elisai la? Mahea ka hoonoho ia ana i ke kanaka i hoohenehene i ka Elisai olelo? Ua aha ia oia e kanaka i kona noho ana mala@la? Kupen@@@ anei ka ke A@@@@ ha a i mea e lako ai ko Samaria i ka ai? E hoonani ia wai no keia pomaikai? Ina noonoo iho, ma ka mana owai ka loaa ana i ko kakou ai? Pehea auanei na mea e hoowahawaha ana i ka olelo a ke Akua? Ua like anei ka hoopai ana i na mea a pau?

     Ua hoao anei ke Akkua i ka manaoio o kana poe kanaka? Ehia makahiki ke kali ana o Noa no ke kaiakahinalii? Owai ka i kauohaia e mohai i kana keiki i aloha nui ia? Owai kekahi poe e ae? Heaha ka pono ke hoopai mai ke Akua i ka poe hana hewa-e hoohalahala no ka hooloihi ia ana o ka wa hoopai, a o ka mihi paha, a haalele i na hewa? Oiai e hana hewa ana kekahi, ia wai oia e huhu aku ai,-ke kahu paha, iaia iho paha? Pomaikai io anei ka poe i lao i na mea maikai o keia ola ana, a kokua ole ia hai? Aole anei e lilo ana ka waiwai a ka poe hewa i hoahu ai, i mea e kokua ma ka hooholo ana imua, ke aupuni o ka Haku? Owai ka mea pomaikai-ka mea paulele i ka Haku a hiki i ka hopena, a o ka mea hoomaloka paha?

     Mele, Ke kumu paa loa, H.A.N. 87. Pule 

 

KAMANA O KE KAHUNAPULE KATOLIKA.

(Koena mai kela pule mai.)

     A pela keia Iesu Kristo iloko o ka berena, ua oluolu loa ia, ua ike makaia, a hiki i na kanaka ke launa pu a pule aku iaia.

     Ua loaa ia'u ka mana e hoakua ai i ka berena; ma kuu hana Masa ana liko ka berena i akua. Ai au i ke Akua, kupanaha! Hana au i ke Akua, a ai hoi au i keia Akua a'u i hana ai; pau ka ke Akua i ka ai ia.

     Olelo ko'u poo, E hoaua oe i na apana berena a nui, i nui na Iesu Kristo, a e lawe ia mau akua i kela hale a i keia hale, i lako na hale i na akua i ike maka ia, a e noi aku ia lakou e hoopau i na mai a me na pilikia e ae. Owau kekahi, ua puni au i ka ekalesia Pope. Lawe au i ka apana berena a'u i hoakua ai, i Akua no'u, i Iesu Kristo no'u. Nana aku au iaia, pule iaia, kuka me ia, olioli au no ka loaa ana mai o keia Kristo i ike maka ia, he Kristo oluolu ia, aloha, kokua. Ua papa ia au, Mai kanalua oe, o hoopai ia i ka make mau nolaila, noho malie au, me ka hoahewa ia nae e ko'u lunaikehala. He kupanaha keia akua o'u, hiki ke hana ia e ke kanaka, ke ai ia e ke kanaka, a e ka holoholona hoi.

     He kahuna makapo, uahoakua oia i kekahi wepa i akua nona; ua haule ia wepa, huli ia a loaa ole, a olelo ua ai ia paha e ka iole. Ka uwe nui ia o ua kahuna nei. Auwe! ua pau ke akua i ka iole, pehea la au e pono ai? Ina loaa ia iole, aole pono ke pepehi ia, aia ke akua iloko ona, ina pepehi aiai, oia ka pepehi ana i ke akua. E lilo ia iole ke loaa i mea hoano a hiki i kona wa e make maoli ai.

     Pela i kakau ai keia kahuna katolika a ua noho oia ma ma ka ekales@a katolika iloko o na makahiki he 50. No ka ike maopopo i na hewa he nui wale o ia ekalesia, ua haalele oia ia ekalesia, a ke noho nei oia he kahunapule hoole pope ma kekahi kulanakauhale ma Canada. Nui ka hoomaauia, ka hana ino ia, ka hailukuia i ka pohaku e na katolika, a ua malama nae ke Akua i kona ola. Aole oia i makau i ka make. Aloha nui oia i na kanaka, e ao mau ana i ole lakou e haule iloko o na pahele o ka ekalesia o Roma. ANI KATOLIKA.

 

Mahea la au e hele ai mai kou uhane aku?

Mahea la au e pee aku ai mai kou alo aku? Haleln, 139: @7.

 

     He kanaka i ukiuki no ke kani pinepine o ka bele luakini, no ka hai mau ia ana o ka olelo a ke Akua. Huhu oia a hoohiki e hele i kahi loihi loa aku kahi e kani ole ai ka bele luakini, kahi e hai ole ia ai ka olelo a ke Akua. Ke ku no ia ona a hele ia wahi loa aku, a hiki ilaila, aia hoi e kani ana no ka bele luakini, a e hai ia ana no ka olelo a ke Akua; kuhi oia ua hiki oia i kahi Akua ole, ke Akua no nae malaila. Makau ole ka oia i ka noho ana ma kahi luakini ole, a hoomana oleia i ke Akua.

     Okoa ka manao o kekahi poe sela. Ua ili ko lakou moku ma kekahi moku ma ka moana Pakipika, lohe lakou he wahi pegana ia mamua, he poe ai kanaka, holo kekahi sela iuka i kahi kanaka ole, a pii ae i kahi kiekie a nana i o ianei, aia hoi he luakini he hale no Iehova ka i ikeia. Olioli loa a hoi ilalo, a hai aku. Pomaikai kakou, maanei ke Akua, ua ike au i kekahi hale o Iehova mai makau kakou. A us hookipa maikai ia lakou e na kamaaina. He poe hoomanakii lakou mamua, i keia manawa nae ua hoomana lakou ia Iehova.

     He kanaka ha@pule e hele ana i o ianei e kukulu i na kula Sabati, e halawai ana oia ma kekahi halekula ma kahi @a ona ma Misouri Paipai oia i na makua e hoala i na kula Sabati malaila; a pau kana olelo, ku kekahi kanaka mahiai, a noi e ae ia e kamailio iki oia, a ua aeia no. Ku oia a olelo, E nana oukou i ke ia kanaka e paipai ana e hoala kakou i kula Sabati maanei, ua ike e au i ua kanaka nei, e noho ana au ma kahi taona ma Ilinoi, a hoea ua kanaka nei malaila e hoala i k@la Saba@@ ilaila.

     Ol@@@ @@ @ @@ @ @@@@@ @@le a@ e he ie ana i kona kula Sabati aole ho@ au e ae e hele kekahi ohua o'u ilaila.

     Mahope iho, kuai au i kuu aina mahiai, a hele pu me ko'u ohana i kahi e. Aole i hala na malama eono a hoea mai o ua kanaka nei a hoala i kula Sabati,  ma ia wahi. Olelo au i ka'u wahine, ke hele hou nei us kanaka hoala i na kula Sabati, pono paha kaua ke ku a hele i Misouri. Hele e au mamua a kuai i wahi aina no'u, a kii i ka'u wahine. Olelo au he aina maikai Misouri, haahaa ka uku, nui na holoholona mea ai, a eia kekahi mea maikai loa, aohe kula Sabati malaila.

     Inehinei, lohe au, he haiolelo no na kula Sabati ma ka halekula na kekahi malihini. Olelo au i ka'u wahine, Ea, e hele ana au e ike i ua malihini ia. Owai la ia? O ua kanaka paha no Misouri a'u i lohe ai mamua. Aia hoi, o ua kanaka la no, a ina he oiaio kana i olelo ai no na kula Sabati, ina he mea ia e loaa ai ka ike, e loa ana no ka ike ia'u. Ua paa ko'u manao e hele i ke kula Sabati, a e lawe pu mai i ka'u mau keikikane ehiku.

     Hookomo oia i kona lima iloko o ka pakeke, a unuhi mai i hookahi dala me ka olelo, he mea kokua keia i ke kuai ana i mau buke no ke kula Sabati, no ka mea e na hoa, ma kuu manao, ina e hele au i Kaleponi, a i Oregona paha, aole paha e hala ka makahiki a e hoea ana o ua kanaka nei.

     Pane kekahi, ua paa oe i ka laau, ae, ua paa au i ka laau. Paa ko'u manao e ike, ina he mea maikai ma ke kula Sabati, e loaa ana no ia maikai ia'u.  H. 

 

Na Ouli o ka Manawa.

     E hiki mai ana he aupuni o ka Haku o Iesu Kristo ma ka honua nei, ao he mea ike ole ia mea. Ina nae e ninau ia mai nei, Ahea a hiki mai? he okoa ia, no ka mea he ike ole ia oia.

     Aole no a hoomaopopoia mai ka manawa e lilo mai ai na Aupuni a pau o ka honua nei no Iesu. O ke Akua wale no ka i hoomaopopo ia mea.

     Ina nae e ninau mai ana kekahi, Ina pela pehea la e maopopo ai he oiaio kona hiki ana mai? penei e ekemu ia aku ai :

     Ma ka Palapala Hemolele, ua hoike ia mai ka hookahuliia ana o ka hewa a pau a me na aupuni o ka hewa no hoi a pau loa me ko lakou hooliloia i aupuni hookahi no Iesu Karisto. Ake nae, ina ua mumule ka Palapala Hemolele no ia mea, no ia mea, ina no ua maopopo lea ia kakou ma na hiohiona o na manawa a pau o keia keneturia, e hiki io mai ana ke au hou, oiai e pau aku ana na mea kahiko a pau. Aia ku ke kanaka mauka a ike i ke au o ke kahawei e kahe ana i kai, aole anei i maopopo iaia e komo anaka wai iloko o ka moana? A pela hoi kakou, ina nae he maka nana, a he poo noonoo ko e kanaka, ua akaka lea, e kahe ana ke au o ka manawa a i ka Milenio, oia ke aupuni o ka Pono io ma ka honua nei. No ka mea, aole no a kaa i hope ka huila o  na wa a pau imua wale no e kaa nei, me kakou e ike maka nei, a pela hoi mai kinohi mai.

     E noonoo iki kakou menei : Ia maua i holo mai ai i Hawaii nei, o ke aupuni o Kina ua paa loa ia, me he la, i ka pa pohaku kiekie loa. He aupuani kapu loa. He mea hiki ole i kekahi haole ke komo a ola iloko o ua aupuni nei, a hiki ole hoi i kamaaina ke puka aku mawaho i ka aina e, a hoi hou ilaila, me ka lilo ole o kona poo. O ke kanawai no ia o ua aupuni nei a hiki i ke kaua me Beritania ma 1840 i kapaia ke "Kaua Opiuma." Ia manawa, weheia ae la ua aupuni la a i keia wa aole wahi kapu i na Misionari o ke Kea, ma ia aupuni nui, mai o a o. Ua hamama kona mau ipuka no na haole a pau o ia ano ae o ia ano ae,

     O Iapana hoi, ka lahui kaulana i ka eleu ma na mea a pau e pomaikai ai i ka waiwai a me ka naauao, ua like kona paa me ko Kina a oi aku no paha kona hoohuoi i ka haole. A hiki i ka makahiki 1853, i ka wa hoi a Komodoa Perry i ku ai ma ke awa o Iedo, ma ka manuwa Amerika a hana hoi i kuikahi mawaena o Iapana me Amerika ia makahiki mai, he mea hiki ole i ka haole ke lele mauka o ua aina nei a ola, oia hoi mai ka makahiki 1642, ka wa hoi i hoomaauia a kipaku loa ia na Misionari Pope no ko lakou kipi malu ana i ke aupuni.

     Eia nae, ua noa na wahi a pau o Iapana mai o a o i na haole a pau i keia wa e noho nei, a keu hoi ka ikaika o na Iapana i ka holo imua ma na mea a pau e pono ai. Ma na wahi a pau o ka honua nei, aole no a ikea he lahui ikaika e like me ia i ka imi i na mea pili pono uhane.

     A o Aferika hoi kahi maluhia ole i keia mau makahiki iho nei, (koe nae kekahi hapa o kona pili kai,) kahi Pegana poeleele launa ole, kahi powa, kahi ai kanaka, kahi poino a hoino hoi, kahi aihue a kuai aku i kanaka, eia wale mai nei ke au o kona hoomalamalama ia mai, a ina ka hana ano e loa ua hoomalamalama ia la, me ka makaikai o na haole pili ole i ka Pono ka nui, a ma ka imi waiwai o na iahui pili ole i ka Pono, me ka ae like a me ka hoomalu like o ua mau lahui a aupuni e no. O ka ke Akua no ia e wehewehe @@@ i @@ @@@ @@@@ o@@ @ A@@@@@@ i ike kona mau lahui pepe a i ka make, i ka Malamalama o ke Oia. Me he mea la o ka Iehova hana mana nui ia iloko o keia, ka  umikumaiwa o ke keneturia e hele nei.

     A o na mokupuni o ka moana, he mea e ka lele ana aku o ke au Po@me ke kono ana mai o ke au hou, oia ke Au Ao@ . He mea e loa no kela Paeaina o Fiji, oia hoi kona hoohuliia mai ka wa ai kanaka a i  ka wa ka@a@ano holookoa, iloko o na makahiki he @o@  Akahi no a lohea ka mana holo me ia, a ua like hoi kekahi mau Paeaina e aku me ia.

     Eia ka ninau : Heaha ke ano o keia mau mea? Owai la hoi ka mea nana i hana? A e pili ana hoi ua hana ano e la i ka manao hea?

     A hele oe, e ke kanaka, i ke one o kahakai a ike hoi i ke kapuai o kekahi i paiia ma ke one, ua moakaka lea ia oe ko ua kanaka la wahi i hele mai ai, a me kona wahi no hoi i hele aku ai, aohe mea hoopohihihi malaila.

     A pehea la hoi keia mau kapuai Akua a'u e hoike aku nei imua o oukou ma ke ao nei. Pohihihi anei i ke kahi mea hookahi e noho mai nei? Ina pela, aloha ino ko iala makapo nui launa ole; ua like ia me ka mea i hoikeia mai nei ma ka Halelu he 115. "He maka ko lakou, aka, ke ike ole nei.

     He pepeiao ko lakou me ka lohe ole no nae. He ihu ko lakou, aole nae he honi. He mau lima hoi ko lakou aka, he lawelawe ole no.

     A he mau wawae ko lakou, he hele ole no nae. Me ia mau akua, pela no na mea nana lakou i hana, a me na mea a pau e hilinai ana ia lakou."

     Ano e ko Iehova mau kapuai ma ke ao nei, iloko o keia mau makahiki he 40 i hala ae nei. A o ua mau kapuai la, ma ke kukulu hookahi no ia e kuhikuhi aku nei oia hoi i ke Aupuni nui hookahi e hiki mai ana.  Me he mea la he mau mea hoomakaukau, no ia aupuni nui ona-eia no mamua ae nei. Pomaikai ka mea nana me ka maka kaakaa i ua mau ouli la.

     Malama nae e ninau mai ana ia'u : Pehea, aole anei he ouli ano koikoi i ikea aku ma ka honua i keia wa e noho nei? He ouli no. O ka make o ke kaula wahahee El Mahdi ma Soudana, a o ka haalele o Beritania i ua aina la, me he mea la, e hoi hope ana ua aupuni pookela nei. Aole o kona ano maa mau ia e hoi i hope, a nolaila ke haohao nei na lahui a pau i keia ouli e, a ke ninau kanaka noonoo, "Heaha la ke ano a me ka hope o keia hana e, a kela aupuni mana o Beritania? He aupuni wiwo ole kela, nolaila aole no ka makau kona haalele i ua aina la. He aupuni hoopono hoi oia, a nolaila me he mea la, ua loaa iaia ka manao he mea e pono ai na kamaaina o Soudana, kona oki i ke kaua a waiho wale ia lakou e imi i wahi pono no lakou iho ma kahi e. O ke Akua nae ka mea ike lea i ke ano o ua hana la, he koho wale ko ke kanaka.

     O ka make o ke kaula wahahee kekahi ouli pohihihi ia kakou ano. Hiki no ke koho wale, aka nae he hana inea wale iho noia. Ua pauk a hana ke Akua i hoomakau ai nana, nolaila lawe oia iaia mai ka honua nei aku, i ole ia e lilo i mea keakea i na hana a Iehova e hana aku ana ma neia hope aku.

     O Beritania me Rusia kekahi mea a kanaka a pau e nana aku nei. E kaua ana paha laua, e kaua ole ana paha? He mea e ka poino e kau mai ana maluna o na lahui a pau ke kaua-malama nae paha o kekahi no ia o ka ke Akua mau hana e pono ai, i kona hoomakaukau nona iho ma ke ao nei. Aia a puha ino ka wawae o ke kanaka, o ke oki ka mea e pono ai, oiai he mea eha a poino nona iho; o ka pono nae ka mea oi, no ka mea pakele kona ola ia mea.

     Pela hoi ka makani ino, mea hoopoholo moku, wawahi hale, kulai ululaau, pepehi kanaka a pela aku, O ua makani ino nei nae, he mea e pono ai ko ke ao nei, he mea hoomaemae i ke ea a kakou e hanu nei, me ka hoohalike i na mea pili ano uila ma na wahi a pau i kupono ia i ke ola maikai o kanaka. A pela no paha na kaua a me na ahulau me na mea poino e aku, i ko ke Akua hoomaopopo ana, no ka pono nui no ia o kanaka.

     Iloko o keia mau mea ano nui a poino kekahi, he mea hiki i ke Kristiano ke paulele i ka naauao me ka lokomaikai o ke Akua, oiai ua maopopo iaia e hooliloia ana ia i mea e pono nui ai ko ke ao nei, ma ka hoomakaukau i alanui e hiki mai ai ke aupuni o Iehova iwaena o kanaka, a o ke ano o ka kakou pule mau, oia no ia, "i hiki mai kou aupuni a i hanaia kou makemake ma ka honua nei, me ia e hana ia "ku nei ma ka lani la." A pela no kakou e pomaikai ai ke hiki mai ka poino i ko kanaka heluna, a ke hiki mai no paha ka pomaikai iwaena o kakou.      BOND.

WAI!  WAI!!

     Ke kauohaia aku nei ka poe a pau he pono hookahekahe wai ko lakou, mai keia la aku, o ka manawa hookahekahe wale no i aeia oia na hora m@a ka 6 a ka 8 A.M., a mai ka hora 4 @ i ka 6 P.M.; aole ma na manawa e ae.     CHAS. B WILSON.

 

NA HOOLAHA KUMAU.

 

PAPA!  PAPA!

AIA MA KAHI O

LEWERS & COOKE,

(O LUI MA)

ma ke kah@@ kahik@ @@ @@@@@ @@@@ @ m@ Mo@

E @@ @@@@

PAPA NO@ AIKI

@ @@@@ @ @@ @@@ @@@

 

Na Pani Puka, Na Puka Aniani, Na Olepelepe.

Na Poa, Na O@a, Na Papa Hele, Na Papu

Ku. A me na Papa. Moe nui loa

 

Na Pili o na @ai@ o na Ano a Pan.

 

Na Pepa Hoonani, Na Pena o na Wai e pau

Na Kui mai ke Nui aka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoomaloo,

he lehulehu wale,

Na Aila e ae o na

ano a pau.

NA WAI VANIKI

-A ME NA-

WAI HOOHINUHINU NANI @

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka @

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

-NO KA-

UKU HAAHAA LOA.

E like me ka mea e holo ana mawaena o

LAUA a me ka MEA KUAI.

 

HELE MAI E WAE NO OUKOU

 

HALEPAI O THOS. G. THRUM

-O KA NUPEPA-

SATURDAY PRESS me KUOKOA

ALANUI KALEPA, HONOLULU

Malaila e paiia ai na ano a pau o na

BUKE,

HOIKE O NA KULA,

HOIKE A NA KOMITE,

NA HAAWINA KULA SABATI,

PAPA KUHIKUI O NA ANO A PAU,

HOOLAHA NUNUI A LIILII,

BALOTA, LIPINE PAPALE,

TIKETA, WAHI LE@A,

BILA PAI HAKA@KA

HOOLAHA KUDALA,

 

Iloko o ka wa pokole a me ka aukau ha@@@@@

 

A ma ka halekuai o THOS. G. THRUM ma ALANUI PAP@ e loaa ai @@

Kalana kakau o na ano a pau,

Wahi Lo@a     "      "       "

Inika                "       "       "

Penikala          "        "      "

Mea Hoopipili, buke hoou@n@@,

Peni gula a me @um@ gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kaa huila lua o na opio.

A he Agena no ke ana lole pepa o na

Keiki a me na wahine

 

No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku p o ka papa inoa i makemakeia. Uku no ka inoa hookahi me ka inika a me ka hulu, $1,50 ina ma ka papa inoa keleawe, a ina ma ka papa inoa dala, $@.

     O na kauoha nau mai na mokupuni e hookoia ina e hoo@na pu ia mai me ke dala me ka moakaka pono o na hoakaka ana.     THOS. G. THRUM

 

H L. CHASE. (KEIKI.)

     Mea Paikii kaahele ma na mokupuni. E hanaia no na kii me ka maikai a me ka el@@ pu no hoi. E paiia no na kii mai a liilii e like me ka makemake o na makamaka. He ol@ol@ @@ auhau no ke p@i ana.   @014@ly@

 

NA HOOLAHA KUMAU.

 

KAKELA & KUKE

E laa na pahiolo, koi hole,

hamale, kui nui a me liilii, kila,

wili puaa, rula, apuapu, kui o na ano

a pau, kala kaa, hao @@opaa puka

 

pohaku hoana, kekpa, lei ilio, kaula

hao ilio, pahi, upa, pah@ @mi@mi,

kalapu, kope hui@, pu@@pulu, oepa ka

lakala, lina hao, ami, keehi, a me ke

-KAULA @@@-

 

Palau o na ano a pau,

Oo, ho, kopala, pe, kipikua,

hao kope, au ho a p@

a aku, kua bipi, lei bipi,

kaula hao bipi, uwea

pa, uwea keleawe, hao pili

piula, kaa palala, ipuhao, ipu ti

PA-PALAI, MAKAU ME KE AHO

 

Ili wai, papa holoi, kopa ala, kaula

kuaina, hu'akai, ehi, wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhikuhi,

pena keokeo, aila

pena, aila, hoomaloo,

vaniki kaa, a me

vaniki moe,

PENA HOOMALOO

-a me aniani hale-

AILA MAHU, AILA MIKINI, AILA HAMO ILI, AILA KAA, INIKA KAMAA.

 

PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU.

 

LOLE MAKEPONO

-E laa na-

AHINAHINA, KALAKOA. KEO KEO, LEPONALO, HUKUMANU UWE-WAHINE, KUI HUMUHUMU, A ME KA LOPI.

Ke Kuike e loaa @o @u @@ ke@i @

Kakela & Ku e !

 

NA MEA PIULA,

 

Mikini Hunuhu@nu

M@kin@ @ WHEE@ER a me WILSON

MIKINI A WILCOX ME GIBBS

NA MIKINI A

-REMINGTON.-

He nui loa na mea hao me na ukana e ae o na ano a pau, aole hiki ke hai pau ia aku, hewa i ka wai na maka ke ike.

 

Laau Lapaau Kaulana Loa

A DR. JAYNE,

LAAU HOOMAEMAE KOKO

LAAU HOOPAU NAIO, LAAU

KUNU, PENIKILA, HUAALE

PAAKAI, LAAU HOOPAA HI.

@@ na Laau Han@ a Pela 'ku,

KAKELA-KUKE.