Ka Nupepa Kuokoa, Volume XXIV, Number 37, 12 September 1885 — MAKENA WALE NA NAHESA MA INEDIA. [ARTICLE]

MAKENA WALE NA NAHESA MA INEDIA.

Iloko o ka makahiki i hala ua 20,000 kanaka ma Ineiiia i nahuia e na nahesa a make loa. No ke aha ka makena wale o na nahesa ma ia aina ? Aole anei e hiki i na kanaka ke pepehi i na nahesa ? Hiki no. A no ke aha ka pepehi ole ? Eia, ma ka manao ana ona Hineeiu, aia a make kekahi, ua komo kona uhane iloko o kekahi uoloholona, he pipi paha, he puaa paha, he peelua paha, he nahesa paha. Nolaila, makau lakou i ka pepehi ana 1 na holoholona 0 pepehi lakou i kekahi makamaka, kekahi makua, kekahi keiki paha. Makau 1 ka pepehi i ka nahesa, oiai aia paha iloko ona kona makuahine, kekahi mea i aloha nui ia. Aole paha he mau nahesa maoli ma Hawaii nei e nahu i na kanaka, aka he mau mea e ae ua like me na nahesa. Aia lakou iloko o na halekuai rama, a kuai bia, kuai waina, a iloko o na hale hookamakama. He mau mea nahu ka rama, ka bia, ka waina ka wiseke, ka moekelohe, ka piliwaiwai; he mau niho awa e nahu ana i ka io me ka uhane o ka poe e inu ana, a e hana ana. He nahu make ke nahuia. A no ke aha i malamaia ai ia mau hale, a ia mau mea niho nahu make ? No ke aha i wawahi ole ia ai ia mau hale, a pepehi ole ia ai ia mau mea nahu make ? He mau mea minamina paha ka īloko.

Ninau paha na ona, Ina wawahi ia ko makou mau hale, a hoopau ia ae ko makou nahesa, ka rama, ka bia, a pela aku, mahea e loaa ai ko makou ola kino ? He ola kino maikai anei ia, ka mea i loaa ma ka mea e make ai na kino me na uhane oka lehulehu ? Pane anei oukou, aole anei he mau hale kai a he mau hana maikai ka makou oiai ua hoopumahana ia ia iloko o ka poli o ke aupuni ? He poli aha kona ? Ka poli paha o Moleka, he poli i hoow elaia a enaena, a hooleiia na keiki e na makua iloko a pau i ke ahi, he mohai ia na ia akua, na Moleka ke akua kii o ka poe Amona. E ka poe aloha a e kanikau ana no ka nui o na nahesa ma keia pae aina, e nahuia ana a make ke koena o keia la. hui, e ala, e aa, e koa me ka wiwo ole a pau ia mau nahesa i ka pepehi ia, a pau na hale hookipa o lakou i ka wawahi ia. H.