Ka Nupepa Kuokoa, Volume XXIV, Number 37, 12 Kepakemapa 1885 — NA MEA HOU O KEANAE. [ARTICLE]

NA MEA HOU O KEANAE.

No na hana a ka Haku, Ue nee malie nei no ia imua, aole no he emi hope, he piha pono no na halawai. Ke ano o ka aina, he uliuli maikai a he oluolu no ka noho'na, he nui no ka ai a na kanaka, a aole pilikia iki. Ma ka la 26 o Augate iho nei, ua make iho la o Mrs. Kahakauiia ma Wailua, maialo 0 ka lapaau ana a kekahi kahuna hoōmarfamana o Kamali ko na inoa, a ire Kahoopii kona hope kauka; ame nei na hana i hanaia ; hele aku nei keia Kahakauila ia Kamali e nana mai no kona ma», ua olelo mai kona hope e uku aku i 20 dala, alaila ola, ae aku nei o Kahakauila no kauku ana i ka 20 dala, hoi aku nei o Kahakauiia i ka hale o ka hope kahuna a noho iho nei no ka lapaau i kona mai, hookahi pule a 01 mahope mai oia ka la 1 oleloia ae nei maluna, make aku la o Kahakauila i ka auina la. Aka, waiho aku nei kona kino a hiki i ka manawai hoi mai ai ke akua o ua kahuna nei, me ka olelo mai, ua huli aku nei au i ka uhane 0 Kahakauila a hiki i Kauai a pa

i Hawaii. I kuu hoi ana mai ua paa i ke kipapa ia i ka pohaku, ina aole i paa ina ua lawe ia mai nei e a'u ka uhane, pela ka olelo a ua akua nei. O keia kahuna o Kamali he keiki opiopio no oia nona na makahiki he 20 a emi paha. Aka, 0 kana mau hana, ua oi loa aku o ka hoopunipuni, a o kana hana mau no ia e hana nei i kela a me keia po o ka hoonohonoho i na akua. Nolaila, e na makamaka a me na hoaaloha, na poo aupuni, na makai o ke aupnni, ma ka apana o Hana, ke noi aku nei au i ko oukou oluolu e hoopio like kakou i keiahana ino. V. N Kahka Opio.