Ka Nupepa Kuokoa, Volume XXIV, Number 35, 29 August 1885 — Page 3
| This text was transcribed by: | Momi Keawe |
| This work is dedicated to: | A Special Lady - Meilani McComber |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa.
@@@@@
@@@@@
KELA ME KEIA.
@ @oia nei e ku mai ana ka@no @na mai Honokaona mai @ huina pake nui.
K@ @ aku nei e ka n@i ana ka @ manawa Beritania Constance io @ nei iloko iho no o keia mau la. @ aku ka mokuahi Planter ma @ ma ka la 8 o keia mahina. @ me n@ni la a oi ma ka moana. @ @lokoloia, a hoopaiia @ 4 dala ma ka aha @ hana ino me na hana @ @a hoohalahala hou ia.
O @ ko ka Moi h@o i Wai@ Maui i pah@la @ i kela p@le no @ iho nei. @ hoopaneeia aku @ manawa
O @ haina e J. S. Kaleimamo no @ a @apaai, ua kulike no ia me @ a Liokakele no ia nane hoo@ a ma hou mai no ke hoonou@.
Nui na manao o na makamaka i hoo@a e makou i keia helu, a keia @ hoopuka aku. No ka loaa ole @ kupono.
He mai nawaliwali ko ke Kiaaina o Hawaii i ka Poalua nei; ua hiki koke @ Kauka a lawelawe lapaau koke ia, a @ lohe hou ia mai ua pii mai kona @.
Ua malama ae o Mr., a me Mrs. L. @ he wahi paina hoomanao hauoli, @ ka loaa ana ia laua he mare dala. He nui na hoa'lona i hiki ae me na makana he nui.
Ua malamaia ma Hilo he anaina @manao no ke Kenela ahikanana o ke kahua kaua U. S. Kalani. Na Rev. @ P. Baker i malama na hana haiolelo.
Nui na Kilibati i hoi aku ma ke ku@ @nnie Walker i ka Poakahi nei. He @ o keia poe Kilibati i uku ponoi i @kou uku moku no ko lakou home.
Ua lohe wale ia mai he aha mele nui @ malamaia ana ma ka la 17 o Sepatemaba. oia ka Poaha, a o na pomaikai e @ mai ana, e hoolilo ia aku ana no ka @akini o Kaumakapili.
Ua loheia mai ua make ka lunakanawai kiekie T. @ Dickey o ka aha kie@ @noe. He makuakane oia no Mr. Chas Dickey o Haiku Maui.
Ua lila ka Hui Mahiko o Heeia ma @ai @dalaia e ka Hamuku Soper @ M @uiss@n, kekahi lala o ka hui o @a@n & Co., no @25, 000 dala.
K@aana ae i na hoolaha hou e puka @ nei ma keia helu, he hoolah@ ke @ e kahea ana i na Hawaii ponoi @ e waiho ae i ko lakou mau inoa @ o ka Puuku o ka Moi.
Ua lilo ae ia Rev. J. Pikanele o Kohala, Hawaii. ma ke kuai ana i kahi no@ Mr. Hartweli mauka o Puunui a @ pono a pau E hoi loa aku ana @ a me kona ohana no Kaleponi.
Ua hopuia e ka Hamuku Soper a me ka @ Mehrtens he 14 hapalua tini @ ma kekahi hale noho o kekahi @na alanui Ka@oika. Ua manao ia @ nui loa aku no koe, aka, ua huna ia @ mamua o ka loaa ana aku i na K@.
O@ai kekahi kanaka no Kohala i hele @ ka lawaia, a oiai oia e lou ana, ua @alawai oia me kekahi mano nui, a hoomaka iho la laua e hakaka. Ua mahunehune mai ke kino o keia kanaka, a @ pakel@ nae. Eia oia malalo o na lapaau ana a Kauka Bona.
E hoomaka hou ana ke kula ana o ke kala kaikamahine o Kawaiahao ma ka @kahi la 14 o Sepatemaba. Nolaila, ke kahea ia aku nei na makua e hoihoi mai i ka lakou mau keiki, a me ka poe e makemake ana e hookomo mai i na keiki. Ma ke Kauoha.
Ma Kapaa Kauai. Ua hanau ia mai @ keiki nui a mohaha, na ka Rev. J. M. Kealoha a me kana lede Mrs. Julia M@aea Kealoha, ma ka la 22 o Augate, @85. O keia ka umi o na keiki a laua. Aka, he ehiku mau keiki e koe nei me laua. E hoonaniia ke Akua a mau loa
Ke oili pu aku nei makou me ka nupepa "Saturday Press" a o ka hope loa no hoi keia o kona puka ana. E m@e loa aku ana oia, a aole oia e oili p@aku ana me makou ma keia mua ak@ a hiki i ka manawa maopopo ole. O ka la keia o kona aho hope loa a uhi kapa eleele. Ke paiauma pu nei makou me kona ohana peni, na paahana, na lunahooponopono, a me ka ona i hooneleia. Pakahi waimaka like makou a pau nona, a me elima ume ihu ana.
Ua haule iho he kuaua nui ma ka hora 11 o ka Poalua nei, a pulu a elo ke kulanakauhale i ka ua a Kawaohia.
E malama ana ka puali Prince's Own, he papa ahaaina, ma ka la hanau o ka Hooilina Moi ma ka hale paikau, ke hiki aku i ka la elua o Sepatemaba.
I ka moku Malolo i hoopuka aku ai mai ke awa aku nei, ua ulu ae ka hoopaapaa mawaena o ke kapena a me ka ona o ka moku i o ka hope o ia hoopaapaa ana, ua kipaku@a ka kapena, a o ka malama-moku aku la ke kapena, ke kumu no ka ona o ke kapena.
Ua mahuihui waleia mai, e hoopuka ia aku ana ma kahi o ke Saturday Press e make aku ana he nupepa puka ia, a ma ka Poalua paha o keia noa ana aku e puka aku ai ua nupepa la. O "Honolulu Daily Press" paha kona inoa, aole paha, E puka io aku ana paha, aole paha. Pela paha!
Mawaena o ka hora 9 a me ka hora 10 o ka Puakahi nei, ua pa mai la kekahi puahiohio ikaika loa, makai mai o Kahakaaulana e pa ana iuka o ke kula o Kaiwiula, a e lawe pu ana i ke kai i ka lewa elike me ka waipuilani. I ka wa i hiki ai o ka puahiohio ma kahi o Moekauhane, ua hapai ia ae la ka hale kaa lio i ka lewa, a i ka haule ana ilalo, ua lilo i mea ole. Kupanaha ka ikaika o ka makani.
Ma ka Poaha Augate la 13, ua lilo hou kekahi pake i ka wai, ma ke kaha wai o Maulua Hilo. He elua nae keia mao pake. hookahi o laua i pae ma kekahi aoao me na hakoko ikaika ana me ka wai; a hookahi i lilo aku me ka lumilumi hele ia iloko o na halukuluku, a hoopili ia aku la ma kipapali; a o kona hoki hoi, ua kuwalawala hele ia aku la a hiki i kahakai, a ua hiki ae na lima kokua, a pakele ka olulo me ka hoki. Pela mai ka Wm. L. Kaaihue @ta.
Ua hoi aku nei o R. P. Kahookele maluna o ka mokuahi Bihopa ma ke ahiahi Poalua nei, me na pahu rama ana elima ka nui; elua pahu nunui, ekolu pahu liilii, ua kau ia ka inoa mawaho o na pahu rama, R. P. Hamoa, Hana Maui.
Ma ka hoomaopopo aku, he rama kuai liilii keia ma Hana, me ka laikini ole. He mea pono i ka Lunamakai oia apana ke hopu i ke kanaka o ia ano no ka mea, aole i ae ke kanawai i na kuai o ia ano. He mea kupanaha i na kanaka i hoonaauaoia ma Lahainaluna, ka lawe i na hana o keia ano, i mea e haawi aku ai i kona mau hoakanaka a pilikia lakou, hilahila ole maoli.
HOIKE MAIKAI O NA KULA O HAMAKUA, HAWAII.
Ewalu ka nui o na kula o keia apana, elima kula Beritania, (a hookahi kula Kuokoa,) a ekolu he mau kula Hawaii. Ua pii like ka makaukau o na kula Beritania, no lakou nae na alakai he mau lae ula wale no. O ka hoike a ke komite, ua lilo ke eo o na kula olelo haole i ke kula o Kawela e noho kumu ia ana e kekahi opio Hawaii, Eli Keahua. Helu elua ia Kukuihaele, he haole ke kumu; ia Honokaa ka helu ekolu, he mau haole ke kumu; Paauilo helu eha, he haole no ke kumu. O na kula Hawaii. Helu i i ke kula o Kapulena me Waimanu. O ka helu 2 i ke kula o Waipio. O ka avarika makaukau o na kula a pau ma na mea a pau i ao ia, o ke kula Beritania no o Kawela ka moho.
MOSES N. KAHALEKUI.
HE KEIKI HANAI MOO.
Ma ka Poaha la 6 o Augate iho nei, ua hanai ae la kekahi keiki o Kapaniau kona inoa, i kona makuahine ponoi nana i hanau mai, oia hoi o Keaka, i ka moo kaula, oiai nei mau wahine ekolu e ai ana i ka ai me ka paakai, a no lakou keia mau inoa pakahi; o Keaka i hoike ia ae la maluna, o Kalani, a me Pahukoa, a o Kaiama mawaho o ka lanai, kahi i hana makau ai. A o ua Kapaniau nei hoi, he hale okoa mai kona i noho ai, a o kana hana he ka-kawahie; a iaia e ka-ka wahie ana, ua loaa aku la kekahi moo kaula iaia, a wahi ia iho la i ka la-i me ke ola no, a ua wa-hi hou ia ae la mawaho i ka pepa, a wa-hi hou ia ae la mawaho o ka pepa i ka la i, nolaila akolu wa-hi o keia ia nui, a ua lawaia nui nei o Olaa. A paa ae la i ka wa-hi ia, alaila, kahea aku la ua lawaia nui nei o Olaa i ka noho hale e kii mai, a ua kii mai la he wahi kaikamahine uuku, o Mailohi kona inoa; olelo aku nei o Kapaniau iaia e lawe i ka wa-hi moo a haawi ia Keaka kona makuahine ponoi. A ua lawe ia me ka hai ia aku he wa-hi ia mai na Kaiama. A i ka hoea ana aku o ua wa-hi ia nei, ua aumeume iho la lakou a ekolu, me ka manao he wa-hi ia maoli, a i hoopohae ae ka hana, he pepa maloko, a wehe hou ae la i ka pepa he la-i maloko, a wehe i ke kolu o ka wa-hi loaa he moo kaula e ola ana no, a o ka pau no ia o ka manao pono. Ina paha i ka po ka hana ia ana o keia, ina la ua pau poo pau hiu. Kai no ua pau ka pouli, eia no ka ke noho nei.
Oia ae la na mea hou a'u e hoikeike aku ai iwaena o keia lahui kanaka, no keia keiki hanai moo, a e ao pololei na makua i na keiki, i loaa ka noho mae mae ana o ka ohana &c.
L. K. KAIAWE.
HE N@NE
He lei momi ko'u he 13 pua e lawaai, a penei na hoohano ana a loaa na h@na laau a Kawelo loaa kuu lei ma@i:
Ko'u 1. Auhea wale ana oe,
" 2. Kuu lei momi he aloha,
" 3. Hanaia ko akamai,
" 4. Ko nui naauao,
" 5. Ua ao ae nei loko,
" 6. I ka mea o ka hilahila,
" 7. Ua lohe wale mai au,
" 8. I ka onou o Puna,
" 9. Aia oe i Manoa,
" 10. Me lia i ka waokele,
" 11. I pakelo aku no oe,
" 12. I ka ulili holoholo kahakai,
" 13. I ka hooheno a ke aloha.
Me ka ulu mahiehie o kuu manao e kui e ia mai ana no kuu lei momi a lei e ia mai no noi e ka poe hoonuanua lei. Ina pela, hoanuanua i akua ka lamaula i@ea kuu manao ia'u kula elua.
KIILILIPUAHAUOKALENA.
HUAKAI I NA HANA HOIKE KULA SABATI MA KOHALA.
Ma ke ahiahi Poalua iho nei, Aug. 18, ua kau aku la wau a me ko'u mau hoa hele maluna o ka oneki o ka mokuahi "Kinau" no ka holo ana i kahi i hoikeia ae la maluna.
KE ALA HELE MOANA.
He malie ka moana mai o a o, aole he oni ino o ua "Kinau" la. Nui na keonimana a me na lede i holo mai ma keia huakai mai Honolulu, Kaneohe, a me Makawao mai kekahi poe. Mawaena o keia poe, he elua mau Kula Sabati i makaukau no ke kokua ana i na hana hoike, oia na Kula Sabati o Kaneohe a me Makawao. I ka hoomaopopo aku i ko lakou mau hiona, he mau Kula makaukau maopopo i ka nana aku.
Oiai e hookokoke aku ana ka moku i Mahukona, ua ikeia aku la ka mokuahi "Malulani," e hoopii mai ana, a aole no i liuliu ua le-go iho la kona heleuma i ke awa o Mahukona.
NO KE AWA O MAHUKONA.
I ka manawa i hookomo loa aku ai ko makou moku iloko o ke awa, a ia makou i nana aku ai ia uka, ua hele no hoi a piha i ka poe makaikai, a e ku mai ana hoi ke kaa ahi me ka makaukau no ka lawe ana aku i no ohua i Kohala-loko. I loa no a pau na ohua i ke kau iluna o na kaa, o ka hao aku la no ia no Niulii ka ihu. Oiai e holo haaheo ana ke kaa ahi i ke kula loa o Maliu, a o ka pa kolonahe mai hoi a ka makani Apaapaa, hoomanao ae la wau i keia mau wahi lalani mele:
Maikai ka makani o Kohala,
I ka pehia e ka Inuwai;
O ka wai no ia pono kaua,
Wai kaulana o ka aina.
PIHA KU-I-NEKI NA KAA,
I ka ua mea he nui launa ole mai o na ohua. O na ohua mai o ke Kinau ka i pae e iuka, a o na ohua hoi o Malulani, aumoe hiki i kauhale; o ke kumu o ka lohi loa, no ka hiki ole i ke kaa ahi ke huki i na kaa ohua i ka ua mea he nui launa ole mai o na ohua; o i huki aku ke kaa ahi a hiki ole, holo imua holo i hope i kau a mea he kauwaha launa ole mai.
LE'I KOHALA I KA NUKU O NA MANU.
Piha kui-neki na hale o Kohala nei i ka nui o na kanaka, aka, o ka mea nani loa, oia ka ike'na i ka hiki pono ana ke hookipaia keia poe a pau me ka maikai. E mahaloia ke komite hookipa ma keia.
NA HANA HOIKE KULA SABATI.
Aole i hoomaka na hana o ke Kula Sabati, aka, i keia la e hooholo ia ai ka la e malama ia ai na hana. Ke lauahea ia mai nei, i ka la apopo paha, a i ole i ke Sabati.
Ke haawi nei au i kuu mahalo i na komite hookipa i na Kula Sabati, a me na kamaaina waipahe o Kohala nei. Ma ko'u koho ana, he hana keia nou e Kohala boys e haaheo ai.
THOS. K. NAKANAELA.
Makapala, Kohala.
E ke "Kilohana,"
Eia hou no au ke panee aku nei i na olino o ka huakai i ka aina haaheo, ka aina hoi nona ka makani kaulana he "Apaapaa." ma na mea nui. Ma ke kakahiaka laelae o ka la 19 o Aug. o keia makahiki e nee nei, ua kau aku la au a me ko'u mau hoa o ia puulu hookahi maluna o ka oneki o ke "Steamer Malulani."
Ia makou i hehi aku ai i ka oneki o ua Mahimahi nei i hele a "Le'i Kohala i ka nuku na kanaka," i kau a mea o ka piha-u i na Kula Sabati, na Kahu Ekalesia, na Kahu Kula Sabati, na Elele Ekalesia, a me na Elele Kula Sabati a pau e kuku ana iluna, oiai aohe wahi e noho iho ai.
I ka aui ana ae o ka hora 8:30, ua haalele aku la makou i ke kai maokioki, a motio mai la no ke awa hanupanupa o Mahukona; a i ka aneane ana ae e hiki pono i ka hora 12 o ke awakea, ua kuu aku la ka heleuma o ua halelana nei ma ke awa o Mahukona me ka maalahi. Ua hoomaka ke aloalo ana i na ohua iuka a hiki i ka hora 2 a oi, pau na ohua. A ma ka hora 2:30 o ia auwina la, ua kau iho la na mea a pau maluna o ke kaa ahi no Ma kapala; a i ka hoao ana o ua lio ahi nei o Kohala e nee aku no kona ala hele mau, aia hoi, ua hiki ole i ka lio mahu ka huki i na ohua; a ua kono au i keia heluna o na kamahele a pau, aia maluna o 500, a oia huina nui a me pahu a paiki, ka ua lio mahu noi o Kohala e huki nei, aka, aohe nae he hiki pono ke hoio, a no ka hiki pono oie, ua maheleia na kaa a waihola aku la kekahi mau kaa me ka piha ohua e lualai ana iluna me ka nauki, e ake aku ana o ka hiki i kauhale kamaaina.
A o kekahi hapa hoi o na kaa me na ohua e hihina lua ana i Moeawakea, a e nanea ana i ka holo a me ka pakika launa ole mai o ua lio hao nei, a e ha'u ino ana kona puka uwahi me ka hoho nui ana.
Ua holo oia a ke kula, haalele ia poe, a kii hou aku ia ia lakou la e nauki ana i muliwaa; a emoole, hui hou na puali lani, a hoao hou ua lio nei no ka holo ana, a he aneane he 2 a 3 mile o keia holo ana me ka mama nui, aia hoi, ua ku malie iho la ua lio ahi nei, a waiho hou aku la i na kaa o hope e noho i kula a ka la, a e onou ana h@ kekahi hapa o na kamahele au-moana imua, a kahi i waiho hou ia ai, a kii hou aku la i kela hapa i hope.
Ua palua a pakolu a oi wale aku ka holo ana imua a i hope e lauwili ai, a ua lohi loa ia ka puka koke ana i ke kahua kaua o na medaia kila, (Kula Sabati;) a ma ka hora 7:25 poeleele, ua hiki aku ia na puali i kahi hoolulu o na kaa ahi ma Niulii, a lele aku la na ohua a ua lio mahu kaulana nei me ka maalahi, a lulu lima pu iho la me na kupa o ia aina kaulana.
Ua maheleia na malihini i na hale kamaaina, malalo o na hoonohonoho ana a ka Mea Mahaloia Z. Kalai, ka L. K. Hoomalu o N. Kohala, a ua hoaumoe iho na kamahele me ka oluolu a me ka maluhia.
A maanei ka hope o keia kakau ana, a ke hoouna aku nei au i keia nu kamahao o ka huakai hele, a oiai au ke hanu nei au i na ea o keia aina waiwai o Kohala nei, he mea e ka hauoli o kuu naau.
E hoouna hou aku ana no au i na mea pau e pili ana i na hana o ka Hoike Kula Sabati Nui o Hawaii Akau, ma Makapala nei.
Me ka mahalo,
J. W. H. ISAAC KIHE.
[Naita Kiu o ka maka sila.]
Kohala, Hawaii.
KO MAUI MAU ANOAI.
Ma Olowalu, ua hina ka hale kula Aupuni, me ka hale waiho laina o ka hale wiliko me ka pahu hae, e kela makani hele uluulu o ka po o ka la 26 o July i hui pu ia me ka ua.
Aug. 13, ua pepehiia a eha loa o Mr. Mikila, a ke waiho nawaliwali nei oia i keia mau la. O ke kumu, no ka ona mai no i ka bia inu, ua hele a heha Waipio i ka noe. O na mea nana i hoopoino, o Hulihana me Keawehaku; o ka mea nona ka inoa mua, ua puka ke poo i ka aiana lole, i nou ia e ua eleele hoainu bia la, me ke kuai pu no hoi.
Ua noho ka Aha Hoomalu o Lahaina, e hoolohe i keia hihia ma ka la 14, 17, aole nae i hiki aku o Mikila, e waiho ana no i ka eha iluna o kahi moe. Ua hopuia na mea nona na inoa maluna'e e ke Aupuni. La 18, ua noho hou ka Aha e hoolohe hou i keia hihia, o Jno. Rikikini me G. W. Kaluahine na Loio o na lima koko. E pua ana ka uwahi o na Loio ma ka aoao pale.
Ke kaapuni la ka Rev. O. Nawahi ne i na Ekalesia o Maui Hikina i keia mau la, no ke ola o ko laila mau ane la, a o ka Kev. A. Pali i na Ekalesia o Maui Komohana me Lanai.
Ke hoomaka nei na hana a ka Haku ma ke Kihapai o Lanai i keia wa, mai ka la 26 ka hoomaka ana, malaila o Pali me elua lala o ke komite o ka Ahahui Kula Sabati o Maui Komohana, ma ka malama o Iulai. A ke noho Kahu Kula Sabati nei o S. Kahoohala hala i keia wa no ia Kula Sabati. Ke nee la imua kana hana, ma ka la 2 o Aug. kona hoomaka ana e lawelawe, a ua ike ka makai kiu i hoounaia aku ilaila ma ka la 2 o Aug. A keia pule ae, e puka aku ana ka haiolelo a ke Kahu K. S. o Lanai, e pili ana i ka Luakini a me na olelo nona iho, mamua o kona hopu ana iho a lawelawe i ka oihana a ka Haku.
Ua lawa au maanei, no kahi wa aku.
AEKAI O HAUOLA.
Nu Hou o ko na Aina E.
Ua wae ae o El Madi i kekahi mau ukali ona a hoonoho aku ia lakou ma na wahi like ole o ka aina ma ke ano i mau kenela nana e hoomau aku i ke kaua penei: Abadula, no na okana aina ma ka hema o Soudana; Osamana Digna, ma ka akau o Soudana; Senusi, ma Aigupita; a o Mola Abadulamana, no Kodefana me Dufa. Mamuli o keia poe e hooko ia aku ai ka Madi kauoha e hoomau aku i ke kaua me ka lahui karistiano o ka aina.
Ua hoala ae na pualikoa Rukini ma Merv, he manao no ka hoolala ana e kukuiu ia he kulanakauhale ma ia wahi ma ke ano he wahi pale kaua; ua manao ia e hana i mau papu a e hoolako ia me na pukuniahi ikaika a me na lako no a pau; he kulana ikaika loa keia o na Rukini i hanaia. Aia no hoi ma Penedehe kekahi wahi hoomoana o na Rukini, a he wahi ikaika loa i kukuluia ae. He heluna nui nae o na Afegana ke hoohahani la no laila.
Ua kauoha ae ke alii o Peresia e kukulu ia i mau papu a me ona alanui no na koa mai Bushire. Peresia, aku a hiki ma na wahi hoomoana o na Afegana Ua manaoia no na Beritania keia mau papu a me ke alanui kahi e hali ia aku ai na koa, a me ia ano ua noonoo wale ia e komo pu aku ana o Peresia ma ke kaua ma ko Enelani aoao ke kukala ia ke kaua me Rusia. O na hiona no ke kaua, aia no ke omamalu la; ke holomua la na liuliu kaua.
Ua lawe ae o Rusia i ka mokupuni o Quelpoert ma ka nuku o ke kai Lena ma ka hema ae o ka anemoku o Korea a he kanaha mile paha a oi ma ka hikina akau aku o ke awa kumoku o Hamiletona. Ua hoounaia aku na koa ilaila no ke kukulu ana i mau papu a me ka pale ana aku i na enemi. Ua pahola ae na lono hoolele hauli no keia lilo ana o ia mokupuni ia Ruisa, a ua manao ia ke pii mua aku nei ko Rusia ikaika ma ia mau wahi.
He halawai ke manao ia la mawaena o ka Emepera o Rusia me Geremania, aole nae i hoike ia ko laua wahi e halawai pu ai. E hui pu ana no hoi ko Beritania mau kuhina me keiki alii Bisimaka o Geremania ma ke kulanakauhale o Satina. O keia mau halawai a keia mau aupuni me Geremania, ua manaoia he hana nui ka lakou i manao ai e hooili aku maluna o ka Emepera Uilama. He wa wale no no lakou e hui ai i manao ia.
Ua holomua na liuliu kaua ana o na aoao a elua, a ke pu mau aku nei no. Aia ma Herata he 2,000 o na paahana e hoala la i na papu a puni ke kulanakauhale, a ua lana ka manao o na kamaaina e pahu'a ana ko na Rukini mana ikaika ke hoonou mai ia mau papu. Aia no hoi ma ke komohana aku o Herata ke kuai nui ia la na hoki a me na kamelo no na koa; aia malaila ke hoomoe hou la na Rukini he ala hao, a e makaukau ana iloko ae o Okatoba. Ma kekahi mau wahi aku, ke make nui la na Rukini no ke kupono ole o ke ea o ka aina ia lakou, a he eha tausani paha a oi o lakou i make.
Ua hoouna aku o Adimarala Pascher o na aumoku kaua Geremania i ke Suletana o Zanzibar he koina, e noi mai ana i ua Suletana la e hoike aku ma o ke kauoha a ke aupuni iloko o 24 hora; a i ole ia, e hooki koke ia no na launa aloha ana me ka waha o ka pu. Ua hoea aku keia koina i ike ole ia imua o ua Suletana la, a aole nae i pane ia mai Nolaila, ua hoonee aku ka adimarala i kona mau moku kaua a hahani ma ke alo ponoi mai o ka hale alii.
Ke hoomakaukau awiwi la na pake he mau moku hao kila ekolu me na pono kaua no kekahi hana i manao wale ia, oia ke kaua ana aku me ka la h@i Korea. Ua lako pu me na koa, a o ka hele wale aku no koe ma ke kahua kaua. Aole no hoi i ano mao mai na uluaoa o na pake me na Farani.
Ike Hope Loa ia Kenela Kalani.
Ma ka hoomaopopo ana, aia ma ka hi o na miliona kanaka ka i hiki ae ma ke kulanakauhale o Nu Ioka no ka ike hope loa ana aku i ke kino make o ke Generala a Peresidena mua o Amerika Huipuia i ohohia nui ia U. S. Kalani. Ua hoopihaia ae ka hotele e waiho ana ke kino make o ke kenela me na hoa makaainana, ka Peresidena Cleveland a me kona papa kuhina, na hoa o ka aha Senate, ka ohana a me na hoa'loha he nui i ka wa e hoomakaukau ia ana no ka pahu kupapau. Ma ka la mamua iho, ua hoolahaia ma na pipa alanui e hele ae na mea a pau e kiei hope aku i na hiohiona o ke kenela. Ua hele ae na makaainana e ike iaia ma kahi paha o ka ekolu haneri tausani. Ua hoopiha pu ia na alanui i na kanaka, a aole i ikeia kekahi la nui o na kanaka o Nuloka e like me keia, a ua koe kekahi poe aole i ike. Ma ka hora 1:19 o ka la 8 o keia mahina, ua paniia ae la ka ka pahu kupapau me ke kino make o Kalani.
Ma ka la 9 mai i malama ia ai kona huakai hoolewa. Ua komo mai ma ia huakai na kanaka hanohano a koikoi o ka aina, a me ko na aina e, na kanaka o na ano a pau, a ua aneane aku paha i ke kanalima tausani ka nui o ka poe i ukali aku ma kona huakai hoolewa ia la. Ua hoaahuia ke kulanakauhale a puni me na kahakahana lole eleele, a ua nee malie aku ka huakai no ka lua. "Hoi ka lepo i ka lepo."
Enelani me Rusia.
He lono e hoike ana mai Meshed mai penei: Ua launa a hookipa oluolu loa ia na aliikoa Beritania e na kamaaina paele ma Herata, a he mau nanaina o ke ola maikai ko lakou. O na hana hou ana i na papu pale mawaho ae o Herata no ke pale ana aku i ke komo ana mai o na koa Rukini i ka manawa i ike ole ia, ke pii awiwi nei me ka holopono. Ke hoakoakoa hou nei no hoi ka Amia he heluna koa hou no ka hoopuipui ana aku i na koa o ke kulanakauhale o Herata. Ua hoonoho ia aku kekahi keiki a ka Amia i poo alakai no kekahi mau mahele koa. Ke puhee la ka lahui Takomana ma o a maanei o ka aina no na hana ino a lapuwale a na Rukini. Ua puka ae no hoi ma San Peteroboro, Rusia, he kuahaua koa e ohi awiwi ia a hoouna aku no ke ala hao Kasepiana a me na oka na aina e pili koke ana malaila. He lono no hoi mai San Peteroboro e hoike ana: Ke pii ikaika la na manao kaua malaila, a o ke kaua no ko lakou makemake nui; no ia mea, ua hoomakaukau mau ia na koa a me papu ma ke kaikuono o Finelana. Ua manaoia no hoi, aole paha e hoomau loa ia aku na manao kokua o Kina ia Enelani ke paio ae laua me Rusia.
NA NUHOU MAIKAI.
NA IUDAIO:----He Rabi Isaraela no Europa. Ua lilo oia i haumana na Iesu, a i misionari na na Iudaio ma Besarabia. A ua nui na Iudaio olaila e imi ana i ka aoao oiaio, ka aoao Kristiano.
KINA:----Ma ka makahiki 1853, 350 wale no ka poe pake i huli i poe Karistiano. Ma keia makahiki 1885, he 750 misionari haole, 1,221 pake kokua, 22, 601 hoahanau ekalesia, 6,090 haumana ma na kula misionari, 21 kulakahuna me na haumana he 300, e hoomakaukau ana no ka oihana kahuna. Nui hoi na kahunpale pake me na-ka-hu ekalesia pake. He 16 halemai, me 24 hale lapaau. Ua unuhiia ka baibala okoa ma ka olelo pake. Nui hoi na buke e ae ma ka olelo pake e loaa ai ka
naauao i na miliona kanaka pake. E ao kanaka Hawaii o komo e na pake iloko o ke aupuni o ka lani, a haule oukou iwaho.
KOBI, IAPANA:----Ma ka makahiki '70 paha, wa hele o Rev. Oramda Gulika me kana wahine malaila. He poe hoomanakii na kanaka ia wa. Kapu loa ka huli ana o na kanaka Iapana i poe karisitiano. Ina huli kekahi, hoopaaia oia iloko o ka halepaahao. Mahope iho ua huli kekahi a lilo i mau haumana na Iesu. A ua kukuluia e lakou he ekalesia, a o O. H. Gulika ke kahu mua.
Ma Mei '85, ua hooliloia kekahi hoahanau Iapana i kahu no ia ekalesia. A ma ia la ua hookomoia he 17 haumana hou iloko o ia ekalesia.
A he Iapana luna aupuni makapo i ao ia e Gulika mamua ma ka ke Akua olelo, aole nae oia i huli mai ma la wa, makahiki '70-72. Aka ma keia wa, ua babetiozoia oia, a ua komo i ka ekalesia. Ua haalele Gulika ia Kobe, no ka ikaika o ka leo kahea e hele ma ka aoao akau o Iapana e ao i ka poe naaupo malaila. Akahi no lakou a ike i ka wahine haole. Ua hele pu Gulika wahine me kana kaikamahine o Iulia, e hoonaauao pu i na kanaka me na kamalii. Oluolu no na kamaaina, hookipa maikai no i na misionari, a hoolo he no i ke ao ana, a ua huli mai no kekahi poe.
AFERIKA-WAENA:----E pili ana i ka muliwai Zamabesi. He mau misionari euanelio no Farani. Oluolu loa na alii me na kanaka. Kokua aloha i na misionari i ke alakai ana i ka lawe ana i ko lakou ukana ilaila me ka haawi wale ana i ai na lakou.
He misiona i kapaia ka misiona o Livinetonia. Nui na haumana i hele i ke kula. 800 kanaka i hele i ka halawai ma ka la pule. He poe negero naaupo lakou mamua, e naauao ana nae i keia wa.
NA INIKINI:----Ma Dakota, ma Amerika Hui Komohana. Naaupo loa la kou mamua, aole a lakou olelo i kakau ia. Ua like me Hawaii mamua. Na na misionari i hana ka olelo kakau. Aohe kanaka pono hookahi. I keia wa, kokoke e hookahi tausani hoahanau. Holo loa ka pono, na hana a pau a ke Akua. He mau kahu ekalesia kekahi.
SURIA:----No Aaia Komohana Akau. Palapala mai kekahi misionari, akahi no a huli nui kanaka ma ka aoao karisitiano oiaio. Ikaika ka huli ana i ka palapala hemolele. He mau Mahomeda kekahi e huli ana a e komo ana iloko o ka ekalesia Karistiano.
FIGI:----He poe mokupuni naaupo loa mamua, e like me Hawaii a oi aku ka hupo. Ua noho ka olelo a ke Akua malaila, he 50 makahiki. I keia wa, he 1,236 wahi haiolelo; na kahunapule he 66; na haiolelo 1,785; na heahanau ekalesia 26,839; ka poe huli 4,659; na haumana kula Sabati 42,651. Lanakila loa ka pono malaila.
HAWAII
JAMES M. MONSARRAT.
(MAUNAKEA.)
LOIO A HE KOKUA MA KE KANAWAI.
He Luna Hooiaio Palapala.
E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie m@ ka moraki ma na waiwai paa.
KEENA HANA: alanei Kalepa.
WAI! WAI!!
Ke kauohaia aku nei ka poe a pau he pono hookahekahe wai ko lakou, mai keia la aku, o ka manawa hookahekahe wale no i aeia oia na hora maa ka 6 a ka 8 A. M., a mai ka hora 4 e i ka 6 P. M.; aole ma na manawa e ae,
CHAS. B WILSON,
H. L. CHASE. (KEIKI.)
Mea Paikii kaahele ma na mokupuni. E hanaia no na kii me ka maikai a me ka eleu pu no hoi. E paiia no na kii nui a liilii e like me ka makemake o na makamaka. He ol@olu ka auhau no ke pai ana. 2014-1@.
J T. WATERHOUSE.
(Walakahani.)
HALEKUAI KUKAA NUI ME LIIL.,
Ua piha pono me na waiwai makamae
hewa ai na maka i ka nui o ka lehua.
Heaha no ia hoi ia
----MALAILA----
Na Apa Kilika o na ano a pau,
Pahoehoe o na ano a pau,
Alapia o na ano a pau,
Huluhipa o na ano a pau,
Na Huluhulu noloku,
Na Keokeo Paina,
Lilina lau puu.
Wetoria.
Leponalo,
Lainakini,
Ahina Pelekane,
Na Kihei o na ano a pau,
Na Koloka o na wahine,
Na Kihei Huluhulu,
Na Kalakoa o na ano a pau,
Na Kihei uhi moe,
Na Koloka o na wahine,
Na uhi Kilika,
Na uhi Alapia,
Na Hainaka nunui a lulu
----Eia hou.----
HE HELUNA NUI ONA PAA LOLIO NA KANE A ME NA KAMALII.
O NA KANE A ME NA KAMALII.
Na Apa paina maikai loa,
Polu manoanoa a lahilahi,
Huluhulu manoanoa a lahilahi,
Na Apa huluhulu a pahoe,
Na paa lole huluhulu, kane, me kamalii,
Na Pililakeke loloa a pokopoko,
Na Palule kaula o na ano a pau,
Na Palule keokeo,
Na Palule kalakoa,
Na Paleili.
Na Papale wahine i kinohinoh@a me na pua me na hulu nani, a he heluna nui o na kane a me na kamalii o na ano a pau
HE HELUNA NUI O NA KAMAA.
Na Kamaa buti,
Na Kamaa pihi,
Na Kamaa huka,
Na Kamaa lahoho,
Na Kamaa weleweka.
HE HELUNA NUI O NA NOHO LIO MAIKA
Na Noho Italia,
Noho pulu mamua
a mahope o kela a
me keia ano.
NA AILA O KELA A ME KEIA ANO.
Na Aila honua helu i he aiai me he wai,
Aila pena, aila hoomaloo, aila Oliva,
Aila inu, Aila lauoho,
Waiula maikai.
NA PENA WAIHOOLUU LIKE OLE.
Keokeo,
Eleele,
Polu
Melemele,
&c., &c., &c., &c.
Ina Iho Ina Iho.
Na ipuhao, na ipu ti,
Na koi nui a liilii,
Na pahi nui a liilii,
Na pahi olo, pakani
Na pahi olo p@lua
Na tabu nui a liilii,
Pakeke nui a liilii,
Na lako kamana,
Na lako amala,
Na kamaa lio,
Na moe hao,
Na pela uwea
NA LAKO HAO, MA KA AINA A ME KA WAI
Na lako pa,
Pa nui a iilii,
Na bola,
Na kiaha aniani
Na aniani kilohi,
N ipukukui o na ano a pau.
HE HELUNA NA MEA AI.
Palena poepoe,
Palena poepoe palu
Palena huinaha,
Palaoa o na ano a pau
Na kamano maikai loa ma ka pahu,
Na kamano tini,
Paakai o Livapulu,
Paakai inu,
Paakai hu,
Manu Kaleponi,
Palani ai a ka lio.
@helunanui o keiamauwaiwai aiwaiwa ko'u mau halekuai aole i pau i ka huaiia aku na oukou no e hele mai a kilohi no oukou.
Ua waeia keia mau waiwai me ka maiau, ma Pelekane, Farani, a me Amerika, no ka pono a me ka pomaikai o na kanaka Hawaii, me na @auo@ mai na mokupuni hookoia me la eleu loa.
J. T. WATERHOUSE