Ka Nupepa Kuokoa, Volume XXIV, Number 34, 22 August 1885 — ELUA ALANUI. OWAI KOU? [ARTICLE]

ELUA ALANUI. OWAI KOU?

Ma kekahi ahiahi, ua akoakoa ka poe ui ma kekahi hale, a e hula ana, a kekahi ui wahine, aole oia e hula pu ana. Ninau kekahi wahine i ka makuawahine o ia ui wahine hula ole, aole anei e hula ana kau kaikamahine Pane oia, aole. A ninau hou ia, pehea la e hiki ai iaia ke noho ma keia ao. Ua lilo ia kaikamahine i wahine makua, a i wahine ikaika ma ka hana no ka aoao Karisetiano ma kekahi kulanakauhale nui. E na makuwahine e hanai ana, a e -io ana i ka oukou mau kaikamahine no ke aha ? No ka Haku anei ? No keia ao paha. Ina no keia ao, a lilo lakou i poe i mahalo ia no ke akamai i ka hula ana, a no ka mare ana me ka poe waiwai, a hanohano ka poe i lilo loa i na mea o keia ao, e noonoo i ka hopena.

E hoolohe i ka moolelo o kekahi makuwahine me kana kaikamahine. He naau noonoo ko ke kaikamahine, e makemake ana oia e huli ma ka pono, a e lilo i haumana na lesu. Aole nae pela ka manao o ka makuwahine, he makuwahine lilo loa ia i ko keia ao, akeakea oia i ka hele ana o ke kaikamahine i na halawai euanelio, i ole oia e hele ia mau halawai, alakai oia iaia i na hale hula, a hoolako laia i na lole nani i na pepeiao elua i na inea milimili he nui, i na buke e pili ana i na mea o keia ao. Imi no a mau ka makuwahine i na mea e pau ai ka manao o ke kaikamahine ma ko ka uhane. A ua pau no īa manao, a lilo ke kaikamahine i k« keia ao wale no. Ma kekahi la ua loohia ke kaimahine 1 ka mai nui, olelo ke kanakahe mai make kena. Kauoha ke kaikamahine i kona makuwahine e lawe mai i kona mau lole nani me na mea nani ona e ae. Ua lawe ia mai a waiho imua ona, ole lo ke kaikamahine i kona makuwahine, ka uku ia mau mea no ko'u uhane. a make iho la. Na ka makuwahine i peoehi i kona uhane.