Ka Nupepa Kuokoa, Volume XXIV, Number 32, 8 August 1885 — Page 2

Ka Nupepa Kuokoa

__________

No ka Makahiki...............................$2.00

No Eono Mahina,…………………$1.00.

---KUIKE KA @ULA.---

______________________________________________________________________________

Poaono........Augate 8, 1885.

______________________________________________________________________________

Ka Lahui.

            Ke Hoomaopopo nei no paha ko makou poe heluhelu i ka nui hewahewa o na lahui e ae e hookomoia mai ne e ke aupuni iloko o ka aina i keia wa.  Iloko o na mahina eono o ka hapa mua o keia makahiki ua oi aku mamua o ka elua tausani o ko Kina a me ko Iapana i hookomoia mai iloko o Hawaii nei; a he hapa uuku loa o lakou na wahine, he poe kane wahine ole wale no ko lakou hapanui.  Ua hoomaopopo anei oukou, ka poe e heluhelu nei i keia pepa i ka hopena o keia?  E ai ana keia poe kane wahine ole i ke ola o kahi koena o ka lahui Hawaii a pau ae.  Ma kahi i kaulike ole ai ka huina o na kane me na wahine, malaila ka ino e ulu ai.  Akahi kane me akahi wahine ka rula mai kinohi mai.  O Adamu me akahi Ewa, a mahuahua na lahui o ka honua.  Aole i umi Adamu a i hookahi Ewa.  O ke aloha kupono no anei keia i ka lahui, o ka hoopaumi aku i ka nui o na kane i ko na wahine? 
         Aole keia pepa e hoahewa i a hookomo ana mai o kekahi poe o na lahui e ae iloko nei o ka aina, malalo o na hooponopono pololei ana, no na hana e holomua ai na pono kino o ka aina.  Aka o ka hookuu laula ana i na lahui naaupo o na kane wale no, e komo palena ole ia nei, ua like ia me ka pepehi ana aku i ke koena o ka lahui Hawaii i pii ae nei mai loko ae o ka poeleele a eia i ka malamalama e ku nei.  O ka mea i make make ia e paa keia koena uuku, a e ulu hou lakou a mahuahua.  Aka, o ka hana a lakou nei ae, o ke poi mai i ka halii poeleele o na lahui naaupo a uhi paa i ka aaina.  Aloha wale oe e Hawaii !  Mai pono ina e haawi ke aupuni i kau wahi o kona manawa a me kona mau loaa ma na hana e hooholo mua ai i ka pomaikai o na home o ka lahui Hawaii.  I lehulehu keia mau home a puni ka aina a malubia ; i ulu nui na keiki a pii ae ka malamalama mo ka noho ana maikai.  O ka pono ia a o ka pomaikai ia o ka lahui o Kamehameha.  I ka nana aku nae i ka lakou nei mau hana, ua like me ka mea e kapi ana i ka aina i ka paakai liu ole a o ka hopena aku o ia - heaha ?  He ino kuloko, a he ino mawaho.  O ke ake o keia pepa e mau ka malu o ka aina, a e mau ka pii ana aku o ka lahui Hawaii a imua, elike me na wa i hal@ Pehea la e hiki ai ?  Na ko makou poe heluhelu e n@onoo a e pane.

____________

Halawai o ka Aha Euanello o Hawaii Komohana.

            Ua ae o Poka ma e lawe aku i na kahu ekalesia, na kahukula Sabati, na el@le, na haumana a me ka poe e ae e manao ana e holo i Kohala no kahalawai ahahui a me ka hoike kula Sabati.  Ua like pu ka lilo me ka uku i ka mahina o Aperila.  E holo ka moku W. G. Hall e like me ka hora maa mau ma ka la 18 o Augate mai Kau aku.  E lawe aku o Waila ma i ka poe e pae ai ma Mahukona.  Ua hookaa aku ko Kohala i ka uku no na kaa mahu no ka huakai holookoa mai Mahukona a hiki i Makapala. 
 ____________

Ka Aha Euanelio o Oahu.

            Ua heaia he halawai kuikawa o keia ahahui iloko o ka mahina o Iulai i hala ae nei.  O ka hana o ia halawai, oia no ka ninaninau ana i kekahi o na ha@mana o ke kula kahunapule, no kona makaukau no ka laikiniia e haiolelo, a me ka makaukau ole paha.  Na kekahi mau hoa o ka ahahui i hapai i keia hana me ke kukakuka ole me ke kumu oia kula.  Ua ninau ia ka haumana a ua haawiia ka laikini haiolelo, me ke keakea aku no nae o ke kumu o ke kula kahunapule, no na kumu ana i ike ai he kupono. 
     Aole makou manao e hoino aku i ka ahahui euanelio.  Ua mahalo makou i na hana a pau a ia aha i hana ai ma ke ano naauao, e like me ka malamalama i loaa ia lakou.  Aka, ma keia hana ua ee aku lakou mawaho o ka rula kupono no na hana i waihoia mai ia lakou.  O na haumana o ke kula kahunapule, o@i lakou e noho haumana ana, aia lakou malalo o na alakai ana a me na hooponopono ana o ke kumu o ia kula, ma na mea pili hoonaauao a hoomakaukau no ka oihana haiolelo.  O ke kumu ke poo o ke kula, a ma ia ano @ia na haumana malalo o kana kuhikuhi ana, no ka manawa a lakou e noho haumana ai iloko o ke kula mamua o ka hookuu loa ana.  Aia a hookuuia, @laila ua kaawale lakou mai na hooponopono ana a ke kumu. 
            Nolaila ua hemahema ka ahahui ma ko lakou komo ana iloko o ke kula a lawe i kekahi haumana a laikini iaia o halolelo, me ke kuka ole mamua me ke kumu a loaa aku kona hoopono ana.  Ina e noonoo akahele na hoa o ua ahahui nei, e ike auanei lakou i ka oiaio o keia.  A ina he ake ko ka ahahui e laikini i ka haumana i hiki ole ke hoapo no koke ia e ke kumu, e aho e kali ia hana, a hookuuia ia haumana mai ke kula aku, alaila hana ka aha i ko lakou makemake. 
 ____________

NO NA MOREMONA.

            O kekahi o na ninau ano nui iloko o na mahina pokole i hala ae nei, ma ke aupuni o Amerika Huipuia, oia no ka ninau no na Moremona.  Ua ike no paha ka hapa nui o ka poe heluhelu i keia pepa, he aoao hoomana keia i kukuluia ma ka mokuaina o Nu Ioka i ka makahiki 1830.  O ke kanaka nana keia aoao hoomana i kukulu, o Iosepa Kamika kona inoa.  A i ka makahiki 1843, olelo ua Iosepa nei ua loaa iaia ma ke ano he poo no ia ekalesia, he kauoha mai ke Akua e hooponopono @a ia lakou ke mare lehulehu na wahine a ke kane hookahi.  Mai ia wa mai o ka mare lehulehu kekahi o na pohaku kihi o ia aoao hoomana.  Aole nae hiki pono o ka lakou mau hana mawaena o ka poe malamalama ; nolaila hoonee hou aku la lakou a iloko o ka waonahele o na aina komohana e noho ai.  A noho i Ilinoe, a i ka hiki ana aku o ka malamalama ilaila, nee hou aku la lakou a noho i ka Loko Paakai, ma ka apana aina o Uta.  I ka makahiki 1844 ko lakou hele ana no Uta, malalo o ke alakai ana a Brigam Young.  Ua make mua aku la ko lakou kaula nui o Iosepa Kamika ma ka lima o kekahi mea ki pu iloko o kekahi hakaka ana a lakou.  Alaila kohoia o Brigam Young i Peresidena ; elua makahiki o ko laou hele ana, he 16,-ooo ko lakou nui, malalo o na alakai ana a Young a hiki i ka Lokopaakai. 
         He wahi kuaaina loa ia ia wa, a nolaila ua ulu ae lakou a mahuahua me ke keakea ole ia o ka lakou mau hana naaupo.  Aia hae i ka wa i hoomoe ia ai e alanui kaa ahi mai ka hikina mai a hiki i Kaleponi, pilikia hou iho la ka poe Moremona i ka mahuahua ana ae o ka malamalama.  K@mo mai la ka poe e ae a noho iho la i ka aina.  A noonoo nui iho la ka poe maikai i mea e pau ai ka male lehulehu.  He panalaau o Uta, a na ia aina no i hana na kanawai nona iho, a no ka lilo ana he hapa nui ka poe Moremona, nolaila aole puka ke kanawai hoole mare lehulehu iloko o ka ahaolelo.  A lanakila mau no na hana a lakou mamuli o ka lilo ana o ka mana kau kanawai iloko o ko lakou aina. 
         I ka wa no i paa ai ke alanui kaa ahi, komo nui aku nei ko ka hikina poe i na aina komohana o Amerika, a na ka mana o ka malamalama i kue aku na hana poeleele.  Iloko o keia mau makahiki iho nei ua hooholoia ke kahi kanawai iloko o ka ahaolelo ma Wasinetona e papa ana i ka mare lehulehu iloko o na panalaau o Amerika Huipuia ; ua kapaia keia kanawai e ka poe Moremona he kanawai ino, no ka mea o ka mare lehulehu he pono pili hoomana ia ia lakou.  Ke ole makou e kuhihewa ua hoonohoia he komisina e ke aupuni ma Wasinetona, nana e hooko aku na kanawai ma ka panalaau o Uta. 
             O ka hope o keia, ua kau ka weliweli maluna o ka poe Moremona, a ua hoouna lakou i komisina i Wasinetona e halawai me Presidena Cleveland, e uwao ma ka aoao o na Moremona, aole nae i loaa ka mea a lakou i makemake ai.  Ua hoole aku ka Peresidena i ko lakou manao.  Ma na lono hope mai nei, he nui wale o na poe Moremona i hopuia a  hookolokoloia, a hoopai ia no ka mare lehulehu.  O ka Peresidena o lakou o Taylor ka hope o Young ua mahuka, pela me Keoki Pukuniahi, i ike ia ma Hawaii nei he mau maka hiki i hala, a me kekahi mau kaula e ae o lakou ; ua pau i ka mahuka no ka makau i ke kanawai. 
       Ma kekahi lono hope loa mai nei, i lohe ia mai ai, ua hookau hapa ia ka hae aupuni ma ke kulanakauhale o Loko Paakai e kahi poe Moremona ma ka la eha nei o Iulai, oia ka la kulaia o ke aupuni holookoa.  I ka lohe ia ana o keia mea ma na wahi e ae, ua wela ae la ka inaina o ka aina holookoa no keia hoohaahaaia o ka la nui o ke aupuni.  Ua oleloia ua aneane ulu ae he haunaele ma Loko Paakai ia wa.  Aka, ua puiwa na Moremona, a huki hou ae la lakou i na hae iluna, a malu hou ae la ke kulanakauhale. 
 He iwakalua a ke@ na makahiki o ka ikeia ana o ka poe Moremona mawaena o kakou ma Hawaii nei, aohe nae i puka nui ka lakou mau hana.  Hookahi hui kaulana a lakou i kukulu ai ma Lanai, i kapaia o Ziona hou.  He nui ka poe i poho a poino iloko o ia hui.  Aia i Laie, Oahu, ko lakou hui i keia wa.  Aole lakou i hoao e mare lehulehu akea ma Hawaii nei, koe wale no o J. W. H. Kauwahi, iloko o na makahiki i hala loa aku nei, ua lawe oia elua wahine, O ka Hon. W. L. Lee ka lunakanawai o ka Aha Kiekie ia wa, a nana i hooholo ka olelo hoopai a ka aha maluna o Kauwahi.  Mahope o ia wa, ua haalele o Kauwahi i ka poe Moremona, a hoopuka aku la oia he buke e hoike ana i ke kumu o kona haalele ana.  He nui wale no hoi ka poe i haalele ia lakou ma Loko Paakai mahope o ka ike ana i ke ano pono ole o kahi mau hana a lakou, elike me ka mare lehulehu a me kekahi mau hana hoopunipuni.

(K@@@@i@ ne @@ KUOKOA.)

            MA KA hoike hapaha hope a ke Kuhina Waiwai, i hala aku nei, ua ike pono ia ke kulana o ko kakou Waihona. Ma ka  hoomaopopop ana, eia ke Aupuni, ma o ke pailaia ana a keia Aha Kuhina, ke komo mau nei iloko o ka aie i hoomana ole ia e ke kanawai.  Ua pii hou aku ko ke Aupuni aie he kanawalu tausani dala, no na hoolilo e lawa ai na uku a me na hana.  Ma ko makou hoomanao ana o ka aie elua miliona i i ae ia e ka Ahaolelo o 188@, no ekolu makahiki e pau ana i ka la 5 o Augate, 1885, oia hookahi ka aie i ae'ia ma ke Kanawai, a me he la, malalo o keia Kananwai ka aie he kanaha-kumamahiku haneri dala i hoikeia ma ka papa hoike a ke Kuhina o ka hapaha i pau aku nei, a o ke kanawalu tausani dala aie, mawaho ae ia o ke Kanawai.  He mea nui keia e ike ia nei, o ka lawe ana o ka Aha Kuhina e hoaie i puu dala me ka mana ole, mai ka poe ia lakou ka mana.  I mea e akaka pono ai ia kakou ke ano nui o keia mau hana; e nana kakou i ke kulana o ka mana ma ke Kanawai ma keia mea  Ua olelo ke Kumukanawai, na ka Hale Ahaolelo e @ana na Kanawai e mana ai na hoolilo a me na hoaie ana.  O na Mana o o ka Aahaolelo, oia no ka Moi, na 'Lii, a me na Lunamakaainana.  Ma keia kakou @ hoomaopopop ai i ka maikai a me ke kaulike o ke alanui a ke Kumukanawai i hoakaka ai, i ala no ka poe kuleana like iloko o ka aina, --Ka Moi, na 'Lii, a me na Makaainana, ma ka lakou poe e koho ai.  Na keia mau mana e hana na Kanawai, a o na hana a pau, aie, hoolilo dala, a hana e ae paha i kauoha ia e ia poe, oia hookahi, a oia wale no ke alanui, e hoohana aku aku ai.  Aole he alanui e ae.  Aole he mana o ka Moi, aole he mana o na 'Lii aole he mana o na Makaainana, aole he mana o na Kuhina e hana i kekahi hana mamuli o kona makemake wale iho mawaho o na kauoha a ke Kumukanawai.  Ua kukuluia keia mea nani, i kumu e maikai a e malhia ai ka noho ana o ka aina.  I hiki ole ai i kekahi ke lawe kumu ole ae i ka pono o kekahi.  O ke kumu o ko kakou maluhia, a he kumu no hoi e holomua ai ko kakou noho ana, oia no ka pale i hoakaka ia ma keia kahua oni paa--KE KUMUKANAWAI O KA AINA.  Malalo o keia kumu i loaa ai na Kanawai nana e hoomalu nei i kela a me keia kanaka e kue ana i na kauoha a ke Kanawai.  Ua ike kakou i ka hookoia o ke Kanawai maluna o kela a  me keia makaainana o ka Moi, imua o na Aha Hookolokolo, ke kue oia i ke Kanawai.  E hooko mau ana na Aha Hookolokolo a puni ka aina i ka lakou hana, i na la a pau a puni ka makahiki.  Ma keia kakou e ike ai i-ke ano nui o na hana e hoohuna ia nei e na Kuhina o ka Moi.  Ua kuhikuhi moakaka pono ke Kanawai a ka Ahaolelo i hana ai, aka, ke ike nei kakou, maloko ponoi o ka lakou mau hoike, eia lakou ke hahaki mau nei i ke Kanawai.  Ke hoolilo mau nei keia Aha Kuhina i ke Kumukanawai a me na Kanawai o ka aina i mea ole 
           Ke hoolilo nei keia poe i ke kauoha o na Mana Ekolu i mea ole.  Ke ka pae ia nei ka olelo i hakuia e na lunamakaaina, oia oukou, na 'lii, a o na kuhina pu no kekahi, a me ka Moi, ma kona kakau inoa a lilo i kanawai.  Ke hele aku nei ka hana a keia Aha Kuhina e hana nei a oi aku mamua o ka oukou i kauoha ai.  Ke kiekie loa aku nei keia poe mamua o na Mana Ekolu.  Ke nee aku nei ko lakou nei kiekie e hookahuli i ka pono a me ka maluhia i loaa i ka aina malalo o ke kanawai, ma muli o keia mau hana kue kanawai.  Eia ke wawahi ia nei na pono o ka lahui ponoi a me na poe a pau i kuleana like iloko o ka aina, he mau pono i loaa wale mai me ka luhi ole, mamuli o ka ike a me ka naauao o na 'lii aimoku mua o Hawaii nei i haawi mai ai i na makaainana, mamuli o na alakai a me na kuhikuhi a na kumu a me na kalaiaina o ia mau au i hala.  O keia mau pono i loaa me ka luhi ole ia kakou i keia la, a e hoao ia nei e lawe liilii, he mau pono keia i loaa i na lahui e ae o ka honua nei me ka nui o ka hooikaika, me ke kahe o ke koko a me ka nui o na ola i poino.  O ka lawe ana o keia Aha Kuhina i ke dala, he kanawalu tausani, ina he dala wale no a pau ae, alaila, ua manalo kakou; aka, aole oia ka ke ano maoli.  Ua hewa no ka hoolilo a me ka hoaie ana, aka, ua oi loa ka hewa o ka hana ana me ia me ke kue maopopo i ke kanawai.  He hoohaahaa ana keia mau hana a ka Aha Kuhina i na mea a pau i ka Hale Ahahaolelo, oia hoi na Mana Ekolu, --Ka Moi, na Lii, a me na makaainana.  Ma keia ano i lilo ai keia mau mana i mea nui, i mea na kakou e noonoo ai.  Aole keia poe i hopo, a aole no he komo o ia mea he hopo iloko o ka houpo o ka mea i maa i ke kolohe.  Ke hilinai nui nei ka Aha Kuhina ma ke ano uhiuhi i nalo keia mau hana, ma ka polaha ana aku i ka mana o ka oihana ma ka lima o ka poe e maliu mai ana, i koikoi ai ko lakou aoao, i ka la a ka lokomaikai i haawi mai ai i ka lehulehu, malalo o ke Kumukanawai i la e pono ai ou kou, KA LA KOHO BALOTA.  Aia ma ia la ka manaolana o keia Aha Kuhina e kau nei, he la e nalo a e ahuwale ai ke ino.  Malalo o ka mana oihana a malalo o na loaa haumia e pahola ia aku ana imua o oukou ia la, e hilinai ia nei e loaa ai ka manalo o na haihai Kanawai e hanaia nei.  Eia ke hele nei na hoonohonoho oihana, eia mai na Luna Ohi Auhau a puka aku, i manao ia he mau moho no ka hewa.  Aole makou e hopo ana i ka hoike aku, ua hoohunahuna no ka lahui i ka pono o ke koho kuokoa ana no lakou iho, aka aole nae ia he kumu no kakou e hoopoina ai i na hana kanaka makua o keia mua aku.  E kapae kakou i na noonoo mama, e pale aku i ka ai a me ka wai palaualelo o ia la hookahi, e waiho ia mai ana imua o ke alo, a e noonoo iho kakou, aole wale no ko kakou po no o keia mau la, aka, no ka pono a me ke kuokoa o ko kakou mau ohana ma keia mua aku, a no ka hanohano a me ka inoa maikai o kakou mau hana no ka wa pau ole. 
 ______________________________________________________________________________

HOOLAHA KUAI AINA : -- Ina makamaka.  O na mea a pau e makemake ana e kuai mai i kuu mau eka aina maikai, nona ka huina 304 eka a me i hale laau nani e waiho nei ma Keawewai apana o Kohala Hema, Hawaii.  E hui mai lakou me a'u, a e kamailio no ke kumukuai oluolu.  E loaa no au ma Wehekaolu, Keawewai i kekahi manawa, a ma Kalahikiola hill i kekahi wa.  Me ka puuwai wainohea i piha i ke onaona, e kipa mai. 
                                     GEORGE LINCOLN. 
 Kalahikiola hill, N. Kohala, Aug. 6. 
                               2036-21* 
 ______________________________________________________________________________

OLELO HOOLAHA : --E ike auanei na mea a pau loa ma keia hoolaha.  Ua loaa ia makou he waapa nona ka loa 25 1/2 kapuai, Io kp. ke akea mawaena.  Nolaila ke hoike ia aku nei ka lohe i ka mea nona keia waapa, e kii koke mai iloko o na la he 15 mai ka la e puka ai ma ka Nupepe KUOKOA, me kona hoike mai i ke ano a pau loa e pili ana i ka waapa; a e hoihoi pu mai hoi i ko makou mau poho i ka malama ana a me ka hoolaha ana iloko o ia mau la i haiia ae la maluna.  A ina e hala na la he 15 me ke kii ole mai o ka mea nona ia waiwai a me ka hoike ole i ka lohe, e lilo loa no ia makou keia waapa a mau loa aku. 
                                    MAINUI. 
 Honaunau, S. Kona, Hawaii. 
 ______________________________________________________________________________

AHA KIEKIE O KO HAWAII PAE AINA, Ma ka hooponopono waiwai.  Ma ka hana o ka waiwai o ROBERT C AUSTIN, o Honolulu i make.  Imua o ka Lunakanawai E. Preston. 
          Olelo kauoha e koho ana i la e hooiaio ia ai ka Palapala Kauoha, a no ka hoolaha ana. 
           No ka mea, ma ka la 4 o Augate, M. H. 1885, ua waihoia mai imua o ka Aha, kekahi Palapala, i olelo ia, oia no ke kauoha hope loa a Robert C. Austin i make aku la ; a me ka Palapala Hoopii e noi ana e hooiaioia kela Palapala Kauoha a e hoopuka ia hoi ka Palapala Lunahooponopono Waiwai me ka Palapala Kauoha i pakui pu ia, ia A. P. Peterson Esq., ua waihoia e Mrs. Umi Austin, ka wahine kanemake. 
    Nolaila, ua kauoha ia o ka POAKAHI oia ka la 31 o AUGATE, M. H. 1885,  ma ka ho@a 10 kakahiaka ma ka Rumi Hookolokolo o ia Aha, ma Aliioka i Hale Honolulu, oia ka la me ka h@ra, e hooiaio ia ai ia Palapala Kauoha, a e hoolohe ia ai hoi ia noi ana moi, a me ka poe a pau i pili, e kue ana ia Palapala Kauoha, a e hoolohe ia ai hoi ia noi ana moi, a me ka poe a pau i pili, e kue ana ia Palapala Kauoha, a ma ka hoopuka ana i ka Palapala Lunahooponopono Waiwai. 
          A ua kauoha hou ia, e hoolaha ia ia mea no na pule ekolu iloko o ka Hawaiian Gasette a me ke KUOKOA, he mau nupepa i pai ia a i hoolaha ia ma Honolulu. 
          Kakauia ma Honolulu, ko Hawaii Pae Aina, Augate 4, 1885. 
                                        A. F. JUDD. 
 Lunakanawai Nui o ka Aha Kiekie. 
 Ikea:                HENRY SMITH,

Hope Kakauolele.                   2036-3ts. 
 ______________________________________________________________________________

MA KE KEENA O KA LUNAKANAWAI KAAPUNI APANA EKOLU o ka Hawaii Pae Aina ma ka waiwai o GEORGE PRACHT, no Kau, Hawaii i make. 
        Ua heluhelu ia a ua waiho ia ka palapala noi a G. W. C. Jones, ka luna hooko no ka palapala kauoha hope a George Pracht, no Kau, Hawaii i make, e noi ana e hoaponoia kakana hoike hope, a e hooholo ia ka waiwai i na hooilina, a e hookuu aku iaia me kona hope ma ka oihana. 
       Nolaila, ke kauoha ia aku nei i na kanaka a pau, he pili, o ka Poaha oia ka la 3d o Seba temaba, M. H. 1885, i ka hora 10 kakahiaka, ma ko Hale Hookolokolo ma Waiohinu, Kau, oia ka la a me kahi i koho ia no ka hoolohe ana i ua nonoi la a me na mea kue ke hoikeia. 
                                                                        F. L LYMAN. 
 Lunakanawai Kaapuni Apana Ekolu, H. P. A. 
 Hilo, Hawaii, Iulai 23d, 1885.                    2035-3ts. 
 ______________________________________________________________________________

KUAI HOOPOHO NUI.

 

Mamuli o ke kauoha a H HACKFELD & Co. e malama ana au he kuai kudala hoopoho nui ma ko lakou halekuai ma ka

POAKAHI, a me POALUA,

o Augate, oia ka la 10, a me 11, ma ka hora 10 kakahiaka o ia mau la pakahi, oia hoi na WAIWAI

ENELANI,

            AMERIKA,

                        FARANI,

                                    GEREMANIA.

O na ano a pau, e laa na lole

ONIONIO. 
 HULUHIPA, 
                      AHINAHINA, 
                                HULUMANU, 
                                           HULUHULU, 
 ____________

Na SILIKA, na lole no na Wawae me Kukua; na PALULE, na PALEILI, na KAKI N      HAINAKA, na HULU            HULU, me na KAPA APANA. 
 ____________

            A laa no hoi na

NOHOLIO, KAULAHAO, NA MEA 
 AI, SOPA, PENA, KIKA. 
 ____________

A me na mea HANA HAO he nui. 
             E. P. ADAMS, 
                     Luna Kudula. 
 ______________________________________________________________________________

NA HOOLAHA HOU. 
 ______________________________________________________________________________

HOOLAHA AKEA : --Oiai au ke noho nei iloko o na kip@oa ehaeha a me na honaipo ana a ka mai hookaawale i ka ohana, aole hoi oia wale, aka, o na ma@@o kue a mok@@hana mawaena o@a a me kou wahine mare.  Mrs. Keahi Kel@@aihue.  Ua kipaku mai kela @@@ a me kana aloha kakia iwi e hele au, a @a hoonele @@ mai i ka ai a me na pono kino e ae.  Nolaila, ke hoike aku nei au i na mea a pa@, ke makemake nei a@ e kuai a hoolimalima aku i kuu ma@ waiwai a me na mea a pa@, e like me keia mau mea.  1--Apana aina Kuleana @@ Kawaihae S. Kohala, Hawaii.  3--Lio.  1--Hoki.  1--Halek@@u ma Makalawena nei.  1--Waapa-huelopoki i kapaia o "Kahuilawaia."  1--Aho-ahi.  1--Aho-kalekale a me ke kuleana o kuu wahine iloko o ka "Hui Kalepa o Makalawena."  O ka poe a pau e makemake ana e hele mai a e kuka pume a@, aohe kuleana o kuu wahine i keia, o@i aohe ona malama mai i ko'u ola, a ke noho pu nei oia me kekahi ipo.  He kane hoi aole nana, a na hai e malama nei i ko'u ola i keia mau la, a ua hoole p@@ mai aole e malama i ko'u ola, a aia au iloko o ka lanai waapa o ko'u hale ia e noho ai. 
                                         J. R. KELIIAIHUE. 
 Makalawena, N. Kona, Iune 30 18@5.  2033-21. 
 ______________________________________________________________________________

OLELO HOOLAHA : --E ike auanei na kanaka a pau ke nana mai ma keia Olelo Hoolaha, owau o John Frank ke kane mare a Paikolani (w); nolaila, ke papa aku nei au i na mea a pau, aole e hoaie mai i kuu wahine mare ma kuu inoa, a pela pu no hoi ma kona inoa; oiai ua haalele kumu ole mai kuu wahine ia'u, a ua hele aku mai ko maua home noho aku me kuu ae ole ia hele ana, nolaila, e hoolole na mea a pau. 
                                                          JOHN FRANK. 
 Niolopa, Honolulu, Iulai 15, 1885.          2033-3ts 
 ______________________________________________________________________________

OLELO HOOLAHA :--E ike auanei na kanaka a pau owau o Hinau ekolu, ke Hoolaha aku nei au n@a ke akea, aole e hoaie i kuu wahine mare, aia oia ma Maui kahi i noho ai, ua haalele mai oia i ko maua noho pu ana a ua hele mamuli o kona makemake io me kuu ae ole. 
                                                                        HINAU EKOLU. 
 Kamanuwai, Honolulu, Iulai 13, 1885. 
                                                                             2033-2ts. 
 ______________________________________________________________________________

AHA KAAPUNI APANA EHA O KO HAWAII PAE.  Ma ka Hooponopono Waiwai.  Ma ka waiwai o KAUAKAHI (k) no Waipouli, Mokupuni o Kauai i make.  Imua o ka Lunakanawai Kaapuni ma ke Keena. 
     No ka mea, ma ka la 2 0 Iulai, M. H. 1885, ua waihoia mai imua o ka Aha ka Palapala Hoopii a Kapookalanai (w) a me Pahuilima kana kane mare, e noi ana e hooiaioia kekahi Palapala i olelo ia ua nalowale, oia hoi ka Palapala Kauoha @ope Loa a Kauakahi (k) i make aku la.        Nolaila, 
         Ua kauoha hou ia o ka POALIMA oia ka la 7 0 AUGATE, o ka M. H. 1885, ma ka hora 10 kakahiaka ma ka Rumi Hookolokolo o keia Aha ma Lihue, Mokupuni o Kauai, oia ka la a me ka hora e hooiaio ia ai ia Palapala Kauoha, a e hoolohe hoi i ka poe a pau i pili, e kue ia Palapala Kauoha.  A ua kauoha hou ia, e hoolaha no ia mea no na pule ekolu iloko o ke KUOKOA he nupepa i pai ia a i hoolahaia ma Honolulu. 
       A ua kauoha hou ia e hoopuka ia na Palapala Kena no na hoike no ia Palapala Hoike, a me na hooilina o ka mea make ma Kauai nei, e hele mai a e kue i kela Palapala Kauoha i ka wa i olelo ia. 
             Kakauia ma Koloa,     Mokupuni o Kauai Iulani 2, 1885.      JACOB HARDY, 
 Lunakanawai Kaapuni Apana Eha. 
 2033-3ts. 
 ______________________________________________________________________________

MA KE KEENA O KA LUNAKA NAWAI KAAPUNI Apana Ekolu o ko Hawaii Pae Aina.  Ma ka Waiwai o NAAI (k,) no Hilo, Hawaii, i make. 
            Ua heluheluia a ua waihoia ka Palapala Noi a J W Kumahoa, ka Luna Hooponopono o ka ka waiwai o Naai (k) no Hilo Hawaii, i make, e noi ana e aponoia knoa hoike hope, a e hooholona ka waiwai i ka hooilina me na mea i pili, a e hookuu aku iaia a me kona hope mai ka oihana lunahooponopono waiwai. 
         Nolaila, ke kauoha ia aku nei na k@naka a pau ke pili, o ka POALUA, oia ka la 11 o AUGATE 1885, ma ka hora 10 kakahiaka ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me@na mea kue ke hoike ia. 
                                                                                         F. S. LYMAN, 
             Lunakanawai Kaapuni Apana Ekolu o ko Hawaii Pae Aina. 
          Hilo, Iune 29, 1885.                                                                2032-3t. 
 ______________________________________________________________________________

MA KE KEENA O KA LUNAKANAWAI KAAPUNI Apana Ekolu o ko Hawaii Pe Aina.  Ma ka Waiwai o KAINAPAU (k,) no Kohala akau Hawaii i make 
   Ua heluheluia a ua waiho ia ka palapala noi a J W Moanauli Jr. e noi ana e hooponopono ia ka waiwai o Kainapau k. no Kohala Akau, Hawaii i make a e hoonoho aku ia C F Hart i lunahooponopono no ia waiwai. 
      Nolaila, ke kauoha ia aku nei na kanaka a pau, ke pili, o ka POAHA, oia ka la 14 o Augate, 1885, hora 10 kakahiaka ma ka Hale Hookolokolo ma Hilo, Hawaii, a oia ka la a me kahi i kohoia no ka hoolohe ana i ua nonoi la a me na mea kue ke hoikeia. 
                                                        F. S. LYMAN, 
             Lunakanawai Kaapuni Apana Ekolu o ko Hawaii Pae Aina. 
          Hilo, Hawaii, Iune 29, 1885.                                      2032-3t. 
 ______________________________________________________________________________

MA KE KEENA O KA LUNAKANAWAI KAAPUNI Apana Ekolu o ko Hawaii Pe Aina.  Ma ka Wai wai o NIHOA KIPI no Hilo, Hawaii, i make. 
      Ua heluheluia a ua waihoia ka palapala noi a J W Keaomakani k. e noi ana e hooiaio ia ka Palapala Kauoha hope a Nihoa Kipi w, no Hilo, Hawaii, i make, a ua waiho pu ia mai ia palapala i ka aha, a e hoonoho aku ia J. W. Keaomakani i luna hooko no ia palapala kauoha hope. 
   Nolaila, ke kauohaia aku nei na kanaka a pau ke pili, o ka POALUA, oia ka la 11 o AUGATE 1885, ma ka hora 10 kakahiaka, ma ka Hale Hookolokolo ma Hilo, oia ka la a me kahi i kohoia no ka hoolohe ana i ua nonoi la a me na mea kue ke hoikeia. 
                                                 F. S. LYMAN. 
         Lunakanawai Kaapuni Apana Ekolu o ko Hawaii Pae Aina. 
                         Hilo, Iune 29, 1885.                                                    2032-3t. 
 ______________________________________________________________________________

H L. CHASE. (KEIKI.)

                        Mea Paikii kaahele ma na mokupuni.  E hanaia no na kii me ka maikai a me ka eleu pu no hoi.  E paiia no na kii nui a liilii e like ma ka makemake o na makamaka.  He oluolu ka auhau no ke pai ana.        2014-1y. 
 ______________________________________________________________________________

            JAMES DOWER.

Oia hoi o Kimo Kapiolani, ka ona mua o ka mokuahi Kapiolani.  Ua makaukau oia me na lako apau, no ka hana ana i na waapa, a me ka hana hou ana i na waapa naha.  Ua makaukau oia me na Wae, na Umii, a me na apana hookui e paa ai na waapa, a me na lako e ae no ke kapili ana i na waapa.  E hele mai ma kona hale ma Manamana, Honolulu

2029-t@.______________________________________________________________________________

G L. FITCH, (KAUKA PIKA.) 
      Ua @@@@ no mei au ke Keona Lap@@@ @@@ Alanui Maumakea, Honolulu, Heo 70, @ @ loaa @o @@ ma ke K@@@@ @@ k@ @@@@ @ @ ka @@@@ 13 o ke kakahiaka o kela a me keia la, @@@@3.30 a i ka @@@@ @.30 ahiahi.           @00@-@ 
 ______________________________________________________________________________

J NO. M KEALOHA.

LUNA Hoo@@@@ Palapala Kepa Pa@@@@@ no ha apana o Kauaihou, Kauai.  He @@@@@ @@ ka Hooiaia @@@ i na Palapala no ke apana o Kawaihou, Kauai.  He Kom@@@@@ Pa@@@@ Aina no ka apana o K@@@ih@@, Kauai, a @@ L@@@ H@@k@ M@@@ @@ @@ @@@ Aina @@l@@@@@.

 

NA HOOLAHA HOU.

______________________________________________________________________________

HOOLAHA HOOKO MORAKI: -- I k@ like ai me kekahi mana kuai i hoikeia maloko o kekahi palapala moraki i kakauia ma ka la 11 o Malaki, 1885, mawaena o Lee N@@@ o Honolulu mokupuni o Oahu, ia N. A. Kinney (etal) o Honolulu i oleloia, a i kopeia ma ke Keena Kope o ke Aupuni ma ka bake 96 ma na ao@o 147, 148: a mamuli o ke @hakiia ana o na kumu @elike i hoikeia ana ua moraki ka i oleloia, a me ka uku ola ia ana o @a moraki ma ka manawa i hoakakaia ma ke Kanawai nolaila e kuai kuelala akea ia aku ana na pono a pau o Lee Num a me ka hale i hoikeia ma na palapala moraki @@ i oleloia, no ke aelike i uhakila e hike me ia malalo iho: 
         O ko waiwai ma ia mo@aki i oleloia, he ehia mau hoolimah@@@ aina ma alanui Kamika (Smith's Lane) ma H@nolulu i oleloia : he hapakolu o ka aina i hoakakaia ma ka Sila Nui 1122 kuleana 1@9 ia Kawanakui  Ka hoolimalima mua @a hoakakaia ma o kekahi palapala mai ia Kekumu ia Lee Mun i kopeia ma ka buke 70 aoao 212, a e pau ana Dec., 31, 1888; a o ka lua ua hoolimalima ia no umi makahiki i ka inoa mua, a i kopeia ma ka buke 89 ma na aoao @70, 471. 
               KINNEY & PETERSON. 
   Na Mea moraki.                                                                      2035 - 4ts. 
 ______________________________________________________________________________

OLELO HOOLAHA: - Ua haalele kumu ole mai kuu wahine mare ia'u, oia o Mrs. Kamoonohu o Keauhou.  Kona, Hawaii.  Nolaila, ke papa aku nei au i na mea a puu loa, mai hoaie iki oukou iaia ; no ka mea, aole au e hookaa ana ia mau aie.  O ka mea hoolohe ole i keia kauoha a'u, maluna iho no o oukou ko oukou po@o.  Eia kekahi, ke hoole nei au i kona kuleana iloko o ko'u ma@ waiwai, a ke papa pu aku nei au i ka poe hookipa a malama iaia ; no ka mea, o kau aku auanei ka poino maluna o ka mea hoolohe ole i keia kauoha a'u.  Owau iho no o                           KAI (PAKE.) 
       Waikapu, Maui, Iulai 14, 1885.                                                                                  2035 - 1t 
 ______________________________________________________________________________

OLELO HOOLAHA : - E ike auanei na mea a pau ma keia, o ka'u wahine mare o Mrs. Maraea Kanaina, ua haalele mai ia'u, a ua holo mahuka aku mai ko maua hale aku.  Nolaila, ke papa ia aku nei na mea a pau, mai hoaie a hookla iaia, aole au e hookaa iki i kona aie, a ina e lohe au ua hookipa kekahi mea i kuu wahine a huna paha iaia ma ko lakou mau hale, e hoopii no au ia poe huna ma ke Kanawai.                                                                                               W. F. KANAINA 
 2035- 2ts 
 ______________________________________________________________________________

HOOLAHA HOOKAPU AINA.  Mai keia la a mahope aku nei, ua papa a hookapu loa ia na kane, na wahine, a me na kamalii o kela ano keia ano, aole e hele wale maluna o kuu aina hoolimalima a i kapaia ka inoa o WELI LOKO, e waiho ana makai o Kahauiki, Kona, Oahu.  Ina o ka mea a inau mea paha e hoolohe ole i keia, a ike au e h@le ana maluna o ka aina kahi i papaia ma keia hoollha, e hopu no au a hoouku $5.00,no ka mea @ookahi a i ole, e hoopii no an elike me ka manao o ke kanawai. 
            He loke ke ola a he kuli ka make. 
                                                                                        KAMAI.

            Moanalua, Iune 3, 1885                                                                                  2027- 5t.

______________________________________________________________________________

HOOKAPU AINA,

            Ke hookapuia aku nei na mea a pau, aole e komo, a mahi, a hana wale maluna o kuu apana aina e waiho la ma Kukuipahu, Kohala Komohana, Hawaii, a i kapaia ma ka inoa o POHOLUA, oia hoi ka aina o Huapuaa i make, oiai, eia no ia'u ka mana o ia aina, aole no i hooliloia, aole no hoi morakiia, oiai, eia no ia'u ke Sila o ua aina nei.  O ka mea kue i keia e hoopiiia no ma ke Kanawai. 
                                          MRS. TAMARA HAAKE. 
             Kaikamahine ponoi a hooilina o Huapuaa. 
 2022-3ms. 
 ______________________________________________________________________________

HOOLAHA A KA LUNAHOOPONOPONO WAIWAI : - Oiai ua kohoia ka mea nona ka inoa malalo iho i Lunahooponopono no ka waiwai o HERMANN SCHNIVER i make.  Ke hoolaha aku nei oia i na mea a pau e waiho mai i ka lakou mau koi aie a koi e ae paha i ua waiwai la, iaia, iloko o na malama eono mai keia la aku, o hoole loa ia.  A o ka poe a pau i aie, iaia e hooka@ koke mai. 
                 H. F. GLADE.                        
                     Lunahooponopono o ka waiwai o Hermann Schniver i make. 
        Honolulu, June 5, 1885.                                                                                  2027-4ts. 
 ______________________________________________________________________________

A HA KIEKIE O KO HAWAII PAE AINA, Ma ka Hooponopono Waiwai.  Ma ka hana o ka Waiwai o EMMA KALELEONALANI MOIWAHINE KANEMAKE o ko Hawaii Paeaina i make.  Olelo Kauoha e koho ana i la e hooiaio ia ai ka Palapala Kauoha, a no ka hoolaha ana. 
       No ka mea, ma ka la 16 o Inne M. H. 1885, ua waihoia mai imua o ka Aha, kekahi Palapala, i olelo ia, oia no ke Kaaoha Hope Loa a Emma Kaleleonalani Moiwahine Kanemake o ko Hawaii Pae Aina i make aku la; a me ka Palapala Hoopii e noi ana e hooiaioia kela Paapala Kauoha a e hoopua ia ka Palapala Luna Hooko no Alexander J. Cartwigh@ Senior i waihoia mai e ia. 
        Nolaila, ua Kauoha ia o ka POALIMA oia ka la 17 o IULAI M. H. 1885, ma ka hora 10 kakahiaka ma ka Rumi Hooklokolo o ia Aha, ma Aliiolani Hale Honolulu, oia ka la me ka hora, e hooiaio ia'i ia Palapala Kauoha, a e hoolohe ia ai ia noi ana mai, a me ka oe a pau i pili, e kue ana ia Palapala Keuoha, a me ka hoopuka ana i ka Palapala Luna Hooko. 
      A ua kauoha hou ia, e hoolaha ia ia mea no na pule ekolu iloko o ke KUOKOA a me ka Hawaiian Gasett he mau nupepa i pai ia a i hoola ha ia ma Honolulu. 
   A ua Kauoha hou ia, e hoop@kaia na Palapala Kena i na hoike oia Palapala Kauoha, a me na hooilina o ka mea make, ma ko Hawaii nei Pae Aina, e hele mai a e kue i kela Palapala Kauoha i ka wa i oleloia. 
 Kakauia ma Honolulu, ko Hawaii Pae Aina, Iune 16, 1885. 
 A. F. JUDD 
 Lunakanawai o ka Aha Kiekie. 
          Ikea :               HENRY SMITH, 
                            Hope Kakauolelo. 
    2029-3ts. 
 ______________________________________________________________________________

OLELO HOOLAHA : - Ka kahea nei ka mea nona ka inoa malalo i na keiki a pau a Bila Bell, ka poe no lakou kela apana ai e waiho la ma Kipi a me Kehena ma Kohala, Hawaii, 320 eka i paa na inoa a i hoakakaia na palena ma ka Palapala Sila Nui, Helu, 1995, oiai ua lawe ae nei na keiki a Wm. Bell i make i kona mahele iloko o ua aina nei, ma ka kauoha a ka Aha Kiekie, a ua makemake hoi au e hanaia pela i ko'u kuleana i ua aina nei ma ka mahele o Rebeka a me Mary-Ann Bell i lilo mai ia'u, e hele mai oukou iloko o 30 la mai keia la aku. 
                          GEORGE W. LINCOLN. 
 Kahena, Kohala, Iulai 10, 1885.         2032-2t* 
 ______________________________________________________________________________

A HA HOOKOLOKOLO KIEKIE O KO Hawaii Pae Aina.  Ma ka Hooponopono Waiwai.  Ma ka hana o ka waiwai o BERNICE PAUAHI BISHOP o Honolulu, Oahu, i make.  Ma ke Keena, Imua o ka Lunakanawai Nui A. F. JUDD. 
     Ma ka heluhelu a me ka waihoia ana mai o ka Papa Hoike a Cha@. R. Bishop a me S. M. Damon, na L@na Hooko Kauoha o Bernice Panahi Bishop no Honolulu Oahu i make e noi ana e apono ia na hoolilo he $73.306.88, a e hoike ana o na mea i loaa mai ia laua he $78.996.03, a e noi ana e nana a e apono ia kela mau mea. 
             Ua kauohaia, o ka POAKOLU ka la 19 o AUGATE M. H. 1885, ma ka hora umi kakahiaka, imua o ua Lunakanawai wai Nui la, ma ke Keena ma ka Hale Hookolokolo, ma Honolulu, oia kahi a me ka manawa i koho ia no ka hoolohe ana i ua Papa Hoike la i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la.  A o kea kauoha ma ka olelo Beritania me Hawaii, e pai ia maloko o ka Hawaiian Ga@ette me ke KUOKOA he mau nupepa i pai a hoolaha ia ma Honolulu, i ekolu pule mai@@a ae o ka manawa i olelo ia no ka hoole ana. 
 Kakau ia ma Honolulu, ko Hawaii Pae Aina, i keia la 13 o Iulai M. H. 1885. 
                                                 A. F. JUDD. 
 Lunakanawai Nui o ka Aha Kiekie 
             Ikea :               HENRY SMITH, 
 Hope Kakauolelo o ka Aha Kiekie.                                                                                   2033-3t.

NA HOOLAHA HOU. 
 ______________________________________________________________________________

A HA HOOKOLOKOLO KIEKIE O ko Hawaii Pae Aina.  Ma ka hooponopono Waiwai ma ka hana o ka Waiwai o PETERO WAHAKANE o Hilo, Hawaii @ make kauoha ole.  Ma ke Keena imua o la Lunakanawai MCCULLY. 
         Ma ka heluhelu a me ka waihoia ana mai o ka Palapala Noi a me ka Papa Hoike a W. AUSTIN WHITING, Lunahooponopono o ka Waiwai o Petero Wahakane no Hilo, Hawaii i make, e noi ana e apono ia ia Hoo@le he $4082.45, a e hoike ana o na mea i @@aa @@ iaia he $3912.25, a e noi ana e @@@@ @ @ @ apono ia kela mau mea, a e kauoha ia e @@@@ le ia na waiwai e waiho ana ma k@@@ @@@: @@ mea i kuleana malaila, a e hookuuia oia a me kona mau hope mai ko lakou no@@ ina ma ia ano. 
      A no ka mea, mamuli o ka palapala i waiho ia mai, no ka hooia ana i ka hook@@a @@@@@ oha no ka hoolaha ana, ua hewa ke @@@ ana ia hou ia ku a hoolohe ana i ka Papa Hoike i ka Luna hooponopono waiwai, a o ka @@@@ KOLU, ka la 12 o AUGATE, M. H. 188@, ma ka hora umi kakahiaka, imua o @@ L@@@ kanawai la, ma ke Keena ma ka Hale Hook@lokolo, ma Honolulu, oia kahi a me ka @@@@ wa i kohoia no ka hoolohe ana i @@ N@@ @ @ me na Papa hoike i oleloia, a o ka poe a @@@@ pili malaila e hele mai a e hoike i ke @@@@ ina he kumu @oko lakou, e ae ole ia @@ @@ @@ la, a malaila e hoike mai ai na hoike o @@ @@@@ i kuleana maloko o ka waiwai i ole@@@.  A o keia kauoha ma ka olelo Hawaii me @@@@@@ e pai ia maloko o ke KUOKOA me Hawaiian Gazette , he mau nupepa i paiia a hoo@@@@ @@@@ Honolulu, i ekolu pule mamua @@@@@@ wa i olelloia no ka hoolohe ana. K@@@@@ Honolulu, ko Hawaii Pae Aina, @ @@@ @ @ @ Iulai, 1885.                     L. M@@@@ 
 Lunakanawai o ka Aha @@@@ 
    Ikea:                HENRY SMITH, 
 Hope Kakauoleia.                       @@@@ @ 
 ______________________________________________________________________________

HOOLAHA A KA LUNA@OOKO@@ uoha : - Oiai ua hookohuia@@@@@ nona ka inoa malalo iho i Luoa @@@@@@ @ no ka Palapala Kauoha hope l@a a M@@@@@ JESUS i make.  Nolaila, ma keia, ke ho@@@@ aku nei oia i na mea a pau he mau K@@@@@ lakou i ka waiwai o Maria de Jesus e @@@@ mai i ko lakou mau koi aie iloko o @@@@@@ na mai keia @ aku, ohoole loa ia. 
 MANUEL SOUZA PEREIRA. 
             Luna-hooko-kauoha o ka Palapaia @@ @ hope loa a Maria de Jesus i make 
 Honolulu Iune 25, 1885.                                                                            3040- 4@@

______________________________________________________________________________

HOOLAHA HOOKO MORA@I ME KE KUAI.  Mamuli o @@@@@ @@ @ Kuai i hoikeia maloko o kekahi Palapala @@raki i hanaia mawaena o P@@@ F. K@@@@@ o ka aoao mua, a me MRS. H@MPH@@@@@@@ kakau kope ia ma buke @@ @@@@ @@ @ @@ muli o ka uhaiia ana @@@ @@@@ @@@@ @ kela moraki, nolaila ke h@@laha@a @@@@ @  ka mea nona ka aoao elua o ua mora@@ @@ @ ana, e kudalaakea ana iaikaaina i ho@ke@@@@@@ moraki, ma ka POAKAHI la 20 o @@@@@1885, ma ke Keena Kudala o E. P. A@@@@ma Honolulu, ma ka hora 12 o ia la. 
       Aia ma kahi o W R Kakela na olelo @@@@@ ka no keia mea     Hanaia i kea la @@@@@@ 1885.                                                               MRS. HUMPHR@@@ 
    Ma o W R Kakela kona loio. 
                                                                       Mea Moraki Mai. 
         Penei na aina e kudalaia ana : O@@@a @@@ na aina ma Puanui, Honolulu, e kok@ke@@@ ke kahawai a e pili ana i ka aina o M M@@@@ny, ahe elua apana, ma ka apana mua @@@@ hapa hancri eke, ua hoakakaia ma ka @@@@@ la Sila nui helu 1808 ma ka inoa o K@@@@@@a o lua he 22 hapa haneri eka ua @@@@ piha ia na palena ma ka Palapala Sila @@@ @@lu 2310 me ka inoa o Kaiwi                                                         202@ @. 
 ______________________________________________________________________________

HOOLAHA PAPA :--E ike auane@@@@ naka a pau o kela ano keia ano @@@@@ ka mea nona ka inoa malalo iho, ke p@p@@@ nei au aole kekahi mea a mau mea e h@@@ m@@ i kuu wahine mare ia Mrs. Kaulaau Mikela, @@ ka mea, ua haalele mai oia ia'u a me ko @@@@ wahi moe.  O ka mea hoolohe ole i k@@@ hoolaha e poho no ia, no ka mea, aole a@ e hook@@ ana i kona mau aie a pau. 
 M. KAIAILOMIA. 
 Waipio Ewa, Oahu, Iune 19th., 1885. 
 2029 @ 
 ______________________________________________________________________________

MA KE KEENA O KA LUNAKANA WAI KAAPUNI Apana Ek@@@@@@ Hawaii Pae Aina.  Ma ka Waiwai o Chun@ Yung ch. no Hilo, Hawaii, i make. 
         Ua heluheuia a ua waihoia ka palapala a@@ a Richardson me Coan, e noi ana e h@@@@@ pono ia ka waiwai o Chung Yung, no H@@@ Hawaii, i make a e  hoonoho aku ia @@@@ Hitchcock i lunahooponopono no ia waiwai. 
     Nolaila, ua kauoha ia na mea a pau i @@@@ ka POALUA, oia ka la 11 o AUGATE, 1@8@, i ka hora 10 kakahiaka, ma ka Hale H@@@@@ hoia no ka hoolohe ana i ua noi la a m@@@ mea kue ke hoike ia.                F. S. LYMAN. 
         Lunakanawai Kaapuni Apana Ek@@@ @@@ H. P. A. 
   Hilo, Hawaii, Iune 24 1885.   2032 3@@ 
 ______________________________________________________________________________

MA KE KEENA O KA LUNAKANA WAI KAAPUNI APANA EKOLU o ko Hawaii Pae Aina ma ka waiwai o 
         Ua heluhelu ia a ua waiho ia ka palapala noi a J. H. L. Martin e noi ana e hooponopo waii i make, a e hoonoho ia J. Kauhana @@@ nahooponopono no ia waiwai. 
          Nolaila, ke kauoha ia aku nei na @@@@@@ pau, ke pili, o ka Poaha oia ka la @@ @@@@ tema@a, M. H. 1885, hora 10 kakahiaka, @@ ka Hale Hookolokolo ma Waiohinu, Ka@@@@waii, oia ka la a me kahi i koho ia no @@@@@ lohe ana i ua nonoi la a me na mea ke ho@@@@. 
                                                                                                                         F. @. LYMAN. 
 Lunakanawai Kaapuni Apana Ekolu, H. P. A. 
        Hilo, Hawaii, Iulai 23d, 1885.                        20@@ @@@

______________________________________________________________________________

[@OO AUPUNI.]

ILOKO o ka Aha Hookolokolo Kiekie o k@ Aupuni Hawaii. 
       KALAKAUA, ma ka lokomaikai o ke Ak@@ o ko Hawaii Pae Aina Moi : 
    I ka Ilamaku o ke Aupuni, a i ole i K@@@ Hope, me ka mahalo : 
            Ke kauohaia aku nei oe e kii aku ia AHUNA (p.,) ka mea i hoopiiia, ina e wai@o mai ana oia i kana pane i kakauia iloko o na la he @wa kalua mahope iho o ka hookoia ana o keia, @ hele mai imua o ka Aha Hookolokolo Kiekie ma ke Kau o Iulai o ua Aha la o malama ia'na ma ke Keena Hookolokolo o ka Hale Hookolokolo ma Honolulu, mokupuni o Oahu, ma ka Poakahi la 6 o Iulai e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a PAAKEA (w) ka mea hoopii, e like me ka mea i hoakakaia iloko o kona palapala hoopii i pakuiia, 
             A e hoihoi mai oe i keia palapala kii me ka hoike piha o kau mau hana no ia mea. 
                    Ikea ka Mea Hanohano A Francis Judd [Sila] Lunakanawai Nui o ko makou Aha 
                  Hookolokolo Kiekie, ma Honolulu i keia la 16 o Iune, M. H. 1885. 
                            WILLIAM FOSTER, Kakauolelo. 
 Ke hooia nei au o na mea i hoike ia ae la maluna, he kope oiaio no ia o ka palapala ku o ka hihia i hoike ia ae la maluna, 
 [Sila} Ikea ko'u lima i keia la 11 o Iulai, 1885 
                            WILLIAM FOSTER, Kakauolelo.

KAUOHA NO KA HOOLAHA.

            Oiai mamuli o ka hoike ana mai a ka Ilamuku, mahope o kona imi pono ana, aole i loaa iaia ka mea i hoopiiia, nolaila ke kauoha ia nei e hoopanee ia ka hihia i oleloia, a hiki i ke Kau o Okatoba e hiki mai ana, a e hoolahaia aku i kope oiaio o ka palapala kii iloko o ka Hawaiian Gazette he nupepa i paiia ma ka olelo Beritania ma Honolulu, mokupuni o Oahu, a iloko o ka nupepa KUOKOA, he nupepa i paiia ma ka olelo Hawaii no Honolulu i oleloia no na manawa aole e emi mai malalo o eono, a o ka hoolaha hope loa ana aole e emi mai malalo o iwakalua la mamua ae o ke Kau o ka Aha e hiki mai ana. 
      Kakau ia Honolulu Iulai 11, 1885. 
                           L. McCULLY. 
             Lunakanawai Aha Kiekie. 
   Ikea : 
           [Sila] WM. FOSTER, Kakauolelo.     2034 - 6ts.