Ka Nupepa Kuokoa, Volume XXIV, Number 28, 11 July 1885 — Olelo Hoohalo no ka Waiona. [ARTICLE]

Olelo Hoohalo no ka Waiona.

Malalo iho nei kakou e ike ai i na olelo kupaa a na Alii Moku, e kinai i ka inu Rama ma Hawaii nel Oia keia : Ke ike nei makou i ka make a me ka hewa, a me ka poino i hiki mai nei no kela mea mo oka ona rama. Ke ike nei makou ike ano o ia mea ma ka noho ana o na kanaka maoli, a me na malihini i hiki mai nei a maopopo no hoi ia makou ka hewa ma keia ao, 1 ka noho pu ana, a me ka peno ole o la mea i ke Akua.

Nolaila, ke kanikau neimakou ika hope oia hewa, a makemake no hoi makou e hana 1 ka mea e hiki pono īa makou e kinai i ke kuai rama ana.

Ua nui na mea i hanaia e kinai i

keia hewa ino, palahalaha loa, a nui no hoi ka hana i koe. Ua hana na 'lii o keia aina o Hawaii nei, i kanawai maikai e pono ai; ahe mea pono ina 'lii moku a me na malama moku ke kokua ma na mea apau e hīki pono ai ia makou.

Nolaila, o makou, ka poe i kakau ia ko lakou inoa malalo iho nei, ke hoopaa nei makou ia makou iho, a ke hoohiki pu, a ke hoohiki pakahi nei makou, aole makou e inu hou i keia mea ino. Aole no hoi e kuai i na kanaka, aka, e hooikaika pu no makou e kokua pu me na 'lii o heia aina, i ko lakou kinai i ka ona rama ma Hawaii nei. Ano ka oiaio o keia, ke kakau nei makou i ko makou mau inoa malalo iho : ALII MGKU. Jared Cardner, Paul Chase, Reuden Ray, John Stetson, George Allen, Jas Pierson, Philetus Pierson, John B Colman, Joshua Bunker, Wm E Sherman, Henry Lawis, Chas G Barnard. Stephen Grinnel, George S Brewster, David Baker, Joshua Grianel. MALAMA MOKU. Wm C Dorman. Reuben Filch. H W Davis, George Palmer, Reuben Alley, Caleb Folger, Wm H Hoeg, Robert M Felge, David B Delano, Daniel W Gladding, Howel H Babcock, Straton H Harlow, Henry GeorgeN Straton, Wm B Howlad, Walter Tabar, Chas Swam, Heniv Swain, George Haggerty.

Oia aela ka nui o na alii moku i hoopaa, a i hoohiki e kinai i ka ona rama Hawaii nei. Ke nonoi pakahi aku nei keia makasila i na tausani poe heluhalu o ka Nupepa Kuokoa, e komo like mai e kinai i keia ahi nui, a manao ia nei e hooakea ia ma kela mokupuni keia mokupni, e like ine ka hana nmkai a keia poe alii moku. '• Ua mau ka ea oka aina i ka pono. Aole i mau ka ea o ka aina i ka ono rama." Samuel Paili.