Ka Nupepa Kuokoa, Volume XXIV, Number 27, 4 Iulai 1885 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA KUOKOA

No ka makahiki,          $2.00

No Eono Mahina         $1.00

KUIKE KA RULA

Poaono                        Iulai 4, 188.

 

KA MOMI NANI.

(THE PEARL OF GREATEST PRICE)

G.H. NO. 300.

 

Ua loaa ia`u ka momi lai.

Hauoli kuu puuwai.

E mele au, no`u Iesu e,

Iesu kuu mele nei.

 

Cho. Iesu ka momi nani lai.

Olu kuu houpo e.

E mele au no Iesu e,

Kuu momi lai no nei.

 

Iesu kuu kaula, kuu alii,

Me kuu kahuna pu,

Kuumea uwao e pono ai.

@ kuu halelu.

 

Cho. Iesu ka momi, &c.

 

Iesu ke Lii o na alii,

Ka moi oia mau.

La alakai no kuu wawae,

Me kuu hoola pu.

 

Cho. Iesu ka momi, &c.

 

Iesu kuu waiwai oia mau,

Kuu mea makamae,

Kuu momi lua ole no,

Kuu lei lai maluna `e.

 

Cho. Iesu ka momi &c.

HAWAII

 

 

HAAWINA KULA SABATI.

 

            Haawina Kula Sabati, IV, Iulai 26, 1885.  Kumuhana, Elia no Tiseba.  Pauku Baibala, i Na Lii, 17:1-16.

            OLELO aku la hoi o @ ka Tiseba no ka Gileada, ia Ahaba.  Ma ke ola ana o Iehova ke Akua o ka Iseraela, imua ona e ku nei au, aole auanei he ua, aole hoi he hau i keia mau makahiki, ma ka`u olelo wale no.

            2 Hiki mai la ka olelo a Iehova ia ia, i ka i ana mai,

            3 E hele oe mai keia wahi aku, a huli hikina ae, a e pee aku ma ke kahawai Kerita mamua o Ioredane.

            4 Eia Loi keia, e inu oe i ko ke kahawai; a ua kauoha ae nei au i na @ e hanai ia oe ilaila.

            5 Hele aku la hoi oia a hana e like ma ka olelo a Iehova; no ka mea, ua hale ia a noho ma ke kahawai Kerita mamua o Ioredane.

            6 A lawe mai na manukoraka i ka berena a me ka io ia ia i kakahiaka, a i ka berena a me ka io i ke ahiahi; a inu ae la hoi oia i ko ke kahawai.

            7 Eia kekahi, i ka hala ana`e o na la, maloo iho la ke kahawai, no ka mea, aole u ma ka aina.

            8 A hiki mai ka olelo a Iehova ia ia, i ka i ana mai,

            9 E ku ae, a hele oe i Serepeta no Sidona, a e noho malaila: eia hoi, ua kauoha ae nei au i kahi wahine kanemake malaila e hai ia oe.

            10 Ku ae la hoi, a hele ia i Serepeta; a hiki i ka puka o ke kulanakauhala, aia hoi, malaila ka wahina kanemake e ohi ana i na lala laau; a kahea aku ola i ka wahine, i aku la, Ke noi aku @ au ia oe e lawe mai i wahi wai @ maloko o ka ipu, e inu au.

            11 A i kona hele ana e lawe mai, kahea aku la oia ia ia, i aku la, Ke noi aku nei au ia oe e lawe mai na`u i kau wahi berena uuku maloko o kou lima.

            12 I mai la ka wahine, Ma ke ola ana o Iehova o kou Akua, aole o`u popo palaoa, hookahi wale no piha o ka lima o ka palaoa wali ole, maloko o ka birela, a he wahi aila uuku iloko o kahi omole: eia hoi, e ohi ana au i na lala laau elua e hele au iloko, a e hoo@ ia na maua me kuu keiki, e ai maua, a make.

            13 I aku la o Elia ia ia, Mai makau oe; aka, e hele a hana oe e like me kau olelo; aka, e hana mua oe i wahi popo palaoa uuku na`u, a e lawe mai i o`u nei, a mamuli e hana oe na olua me kau keiki.

            14 No ka mea, ke i mai nei o Iehova ke Akua o ka Iseraela, Aole e emi iho ka barela palaoa wali ole, aole hoi e pau ae ka omole aila a hiki i ka la e haawi mai ai o Iehova i ka ua ma ka ili o ka honua.

            15 Hele ae la hoi oia a hana e like ma ka olelo a Elia; a ai iho la ko kona hale no na la he nui.

            16 Aole i emi iho ka barela palaoa wali ole, aole hoi i pau ae ka omole aila, e like me ka olelo a Iehova ana i olelo mai ai ma ka lima o Elia.

            Pauku Gula, hele aku la hoi oia a hana e like me ka olelo a Iehova. I na `lii, 17:5.

            Manao nui, Ua malama no ke Akua i kana mau keiki ponoi iwaena o na pilikia aupani.

            NA HELUHELU LA.

            Poakahi, I Na Lii,       17:1-16.

            Poalua, “  “  “            8: 22-40.

            Poakolu, Kana             28: 15-28.

            Poaha, Hal.                 31: 7-24

            Poalima, “                    41: 1-13

            Poaono, Sol.                8: 1-10

            Sabati, Luk.                 6: 27-38.

 

            Mele, “Iehova ka hoolako,” p.49 Pule.

 

NA NINAU,

 

            Owai ke alii o ka Iseraela?  Owai hoi ko Iuda?  Heaha ke ano o Iehosabata?  Heaha ke ano o Ahaba?  Ua maikai anei ke aupuni o ka Iuda i manawa?  Ua holomua anei?  Mahalo nei na kanaka ia Iehosabata?  Pehea kona poe enemi; hoowahawaha anei la kou iaia no kona kupaa ma ka pono?

            Ia manawa, peahea ke aupuni o ka Iseraela?  Heaha ke kumu o ka haule loa ana, ka pouli loa ana?  Aole anei i loaa like ia mau aupuni i na pomaikai mai ke Akua mai?  Nawai i @ ia hapa o ka lahui e haalele i ke Akua?  Nawai i hoala i ka hoomana ia Baala?  He nui anei ka poe i hoomau ma ka hoomana ia Iehova?  ua aha ia lakou?  Ua pono anei ia hoomaau ana ia lakou?  Pehea na kuahu a Iehova a me kona poe kaula?  I Na Lii, 19: 18.  E lanakila mau anei ka poe hewa?  Iob. 20:5. Nawai e hoopakele?

            Iloko o ia wa pouli, owai ka i hoea mai ma ko Iehova aoao?  I Na Lii, 17: 1.  He kanaka hanohano anei keia?  Ua ao nui ia anei, a naauao ma ko kanaka manao?  No hea mai o Elia?  P. I.

            Mahea o Gileada?  Ua hai ia mai anei no Elia mamua?  Ua hoomaopopo ia mai anei no kona mau makua?  Heaha ka mea i hai ia mai ma 2 Na Lii, I:8.  He haipule anei?  Iak 5:17. Heaha kekahi mea ana i noi ai?  Ua ae ia anei kana pule?

            Imua owai, o Elia i ka lohe mua ana nona?  He kanaka wiwo ole anei o Elia?  Wiwo wale anei, oiai o Iehova ma kona aoao?  Heaha kana imua o Ahaba?  Nowai mai ia olelo a Elia e hai aku ai?  he kauwa o Elia nawai?

            Heaha kekahi o na hoopai i oleloia e Mose no ia lahui ke haalele i ke Akua?  Kana.  11: 17.  28: 23.  He mea waiwai nui anei ka ua?  Pehea na mea kanu, na holoholona a me na kanaka?  Ehia makahiki ka ua ole ana ?  iak. 5:18.  Ma ke noi awai wale no e loaa hou ai ka ua, wahi a Elia?  Heaha ke kumu o ka loihi loa o ka manawa ua ole?  Ua paakiki loa anei ke Alii a me kanaka iloko o ka hewa?  He maa mau anei`ia ka hoopanee ana o ka poe hewa i ka mihi ana?  Owai ka mea poino ma ia hoopanee ana?

            Heaha ke kauoha ia elia?  p. 3. No ke aha? Aole anei e hahai ana o Ahaba iaia, ka mea i hai wiwo ole mai i ka poino e kau mai ana no kona hewa?  Nawai i hoopakele ia Elia mailoko mai o kona lima?

            Mahea e pee ai?  Nawai e malama iaia?  Ua hoolohe anei oia?  Heaha ke kurau o ka haalele ana ia wahi ma hope iho?  p. 7. Ihea aku kona hele ana?  Ma ke kauoha a wai?  Nawai e malama iaia malaila ?

            E aha ana ka wahine i ko Elia hiki ana i Zarepa?  Heaha ka Elia i noi ai?  Ua kii ia anei A noi hou aku o Elia i aha?  p. 11. Ia wa, pehea ka pane ana o ka wahine?  p. 12.  O ka Elia hele ana i ka hale o kela wahine, he mea anei ia e pomaikai like ai @?

            I ko Elia lohe ana no kona pilikia, ua hoomau anei ke noi ana i ai?  Heaha ka Iehova olelo no ia palaoa a me ka aila? p. 14.  Ua hooko anei ka wahine i ko elia makemake?  Pehea ka palaoa a me ka aila, ua lawa anei?  nawai i hoomau ia ai no lakou?  Nawai i hoolako ia kakou i ka ai a puni ka makahiki?  Ua maopopo anei ko ke Akua hoomanao mau mai ma ia mea?

            He aina hoomana kii anei kela?  Owai ke akua kii o Zidona?  Owai ke alii?  I Na Lii, 16:  31.  Ua mare kana kaikamahine iawai?
            He kupanaha anei keia pee ana o Elia ma ka aina o Iezebela, a o Baala, na mea ana i kue loa ai, a malaila e hoomakaukau no ka paio wiwo ole me ka hewa?  O ka poe koikoi, hanohano a waiwai anei ka poe a ke Akua i koho ai i poe kauwa nana?  No ke aha?  He mau kauwa anei na mea a pau na ke Akua ka La, ka ua, ka makani, &c.?  Poino anei kakou ma ka haawi ana i ko ke Akua?

            Ua haawi kela wahine i kana ai a pau, ua hoonele ia anei?  Hoopai anei ke Akua i ka poe hana hewa?  Ua malama ia anei ka poe hoolohe iaia?  ua pono anei e kokua i ka poe pilikia a hele?  E paulele ia wai?

            Owai ka i hoopaiia no ka hewa ma keia haawina?  Owai ka mea i malama ia e ke Akua?  Owai ka i kokua i ko hai pilikia?  Owai ka i paulele i ke Akua?  Owai kekahi poe e ae i malama ia e ke Akua, a hoopakele ia paha mai kekahi poino mai?

            Mele, “Ka makua aloha e,” Hoku Ao Nani, p 152.

            Pule, I lilo na haumana a pau i poe wiwo ole e like me Elia, a paulele nui i ke Akua.

 

            Ua hookauluaia he mau manao pili i ka waiona a keia pule ae no ka piha o ko makou aoao eha.

 

MOOLELO O KA HALAWAI O KA AHAHUI EUANELIO O KO HAWAII PAE AINA, IUNE 1885.

 

            Halawai ka Ahahui ma ka Luakini o Kawaiahao i ka hora io o ka Poalua, la 2 o Iune, e like me ka hoopanee ana o kela makahiki.

            Weheia na hana me ka pule a Rev. J. Waiamau, ka Lunahoomalu o kela makahiki.

            Kohoia o Rev. g. W. Waiau i Lunahoomalu, a o Rev. E. S. Timoteo i Kakauolelo.

            Eia na hoa i hiki mai.

            AHAHUI O HAWAI HIKINA. Rev. J. S. Kalana a me Rev. S. P. Kaala.

            NA ELELE. Keliikahi, J. Paakaula.

            AHAHUI O HAWAII KOMOHANA. Rev. S.W. Kekuewa, Rev. S. C. Luhiau, Rev. S. L. Desha, Rev. G. w. Waiau.

            NA ELELE  Kaumelelau, J. Kaanana J. Kaeo.

            AHA LUNAKAHIKO O MAUI ME MOLO KAI. Rev. A. Pali, Rev. J.K. Hihio, Rev. J.K. Iosepa, Rev. H. Manase, Rev. S.K. Kamakuhiki, Rev. S. Paulo.

            NA ELELE. D, Kapoi, Kopa, Simeona.

            AHAHUI O OAHU.             Rev. H.H. Paleka, Rev. J. Waiamau, Rev. S. Paaluhi, Rev. S.P.K. Nawaa, Rev. J Kekahuna, Rev. E. S. Timoteo, Rev. J. W. Kaapu, Rev. J. N. Paikuli, Rev. S. Waiwaiole.

            NA ELELE. J Nalua, Kia, G. M. Keone.

            AHAHUI O KAUAI Rev. J.H. Mahoe, Rev. S. Kaiapa, Rev. J.M. Kealoha, Rev. J.B. Hanaike, Rev. S. U. Kapahi.

            NA ELELE. J. Paniani, A. Kahananui.

            NO MAIKONISIA. Rev. H. Binamu, Rev. G. Leleo.

            NA HOA MAU. Rev. C. M. Haida, Rev. L. Kamika, Rev. A. O Polope, Rev. J. Bikanele, Rev. S. E. Bihopa.

            NA HOA I HIKI OLE MAI. Rev. G. P. kaonohimaka, Rev. W. M. Kalaiwaa Rev. J. kauhane, Rev. E. Bona, Rev. L. Laiana a me Rev. J. E. Parisa no Hawaii; Rev. O. Nawahine, Rev. S. Kaili, Rev. Z. S. K. Paaluhi, Rev. J.P. Kuia, Rev. D. Puhi, Rev. W. P. Kahale, Rev. P. Keaupuni, Rev. J. M. Alekanekero a me Rev. D. Balauina no Maui, Rev. J. W. Kamika no Kauai.

            Kohoia na komite mau e ka Luna Hoomalu, penei:

            1 Komite Imihana.  Polepe Waiamau a me Waiwaiole.

            2 Komite no na hana haipule.  L. kamika, Kalana a me Kamahiki.

            3 Komite hoike makahiki no ka aha.  Haida, Kivini Desha a me S. Paaluhi.

            4 Komite papa helu.  Pali, Hanaike a me Kealoha.

            5 Komite pai moolele.  Iosepa, Hihio a me Luhiau.

            Hoike mai ke komite imihana, a ua aponoia ko lakou hoike, penei:

            1 E weheia na hana o kela me keia la me ka hapalua hora haipule.

            2 Heluhelu ana i na papa helu.

            3 Na hoike makahiki o na aha mokupuni.

            4 Na hoike kihapai o na ahahui.

            5 Na hoike makahi o ka puuku a me ke kakauleta.

            6. Ke koho ana i ka puuku, ke kakauleta a me na lala o ka Papa Hawaii.

            7 Ka hoike makahiki o ke kula Kahunapule o ka Pakipika Akau.

            8 Na olelo hoa`loha`loha no na hoa i make.

            9 Na hoololi o ke kumukanawai a me na rula hooponopono o ka aha.

            10. Ka noonoo ana i hale no ka hookipa ana i na hoa o ka aha ma na halawai makahiki.

            11 Ka baipala lawe lima.

            12 Na mea e holomua ai ia ka hana a ka Haku ma keia Paeaina.

            13 Na mea e kokua ai i ke Aupuni o ka Haku ma Maikonisia.

            14 Ka buke lawe lima.

            15 Na kahua luakini a me na hale kahu.

            16 No ke kinai ana i ka ona,

            17 Papa hoonohonoho hana no ka 1885.

            18 Ka hebedoma haipule a me ka la haipule no na kula Ian. 1886.

            19 kahi a me ka manawa e halawai hou ai keia aha.

            Hapaiia ke Kumuhana 2. A heluheluia na papa helu ekalesia he iwakaluakumamalima.

            Hoomaha ka aha a hiki i ka hora 1 p.m., me ka pule a Rev. J.S. kalana.

            Hui hou ka aha i ka hora i me ka pule a Rev. S. P. K. Nawaa.  He ehiku mau papa helu i heluheluia.

            Hapaii ke Kumuhana 3. A ua heluheluia na hoike makahiki @: @ @ anelio o Hawaii Hikina, a o Oahu.  No ka makukau ole o na mea e ae.

            Kumuhana 4.  Heluheluia na hoike kihapai o na aha euanelio o Hawaii Hikina a me Hawaii Komohana.

            Heluheluia mai no hoi he palapala launa aloha mai na ka ahahui euanelio o na ekalesia ahahuian o Kalifonia ma o Rev. Hervert W. Macy ko lakou komite; a ua kauohaia ka Lunahoomalu a me ke kakauolelo e hoomakaukau i palapala pane aloha aku ma ka inoa o keia aha.

            Kumuhana 8, Kohoia o kaaia, Pali a me Nawaa i komite hakuolelo aloha no na hoa Hawaii o keia aha i make i keia makahiki iho nei; a o Haida, Binamu, J. W. Kamika na komite no na hoa haole i make aku nei.

            Hoopanee ka aha a hiki i ka hora 9 a.m. o ka Poakolu. Pule o Rev. S. Waiwaiole.

            Poakolu, Iune 3.  halawai ka aha e like me ka hoopaneeia ana, i ka hora 9.a.m.

            Weheia na hana haipule, kaheaia na inoa o na hoa, heluheluia ka moolelo o nehinei a aponoia.

            Hapaii na koena hana o nehinei, a heluheluia elima mau papa helu.  elua hoike ahahui, a elua hoike kihapai ahahui.

            Kumuhana 9.  A ua hooholo lokahi ia na hoololi o ke kumukanawai a me na rula hooponopono hana, penei:

            PAUKU 1.      O ke kumukanawai, ma kahi o na huaolelo, “e waeia na elele elima no Hawaii, ekolu no Maui me Molokai &c., “ua hoololiia penei; “ eo no no Hawaii, eha no Maui me Molokai &c.”

            PAUKU 3.      O ke kumukanawai, ua hoololi ia na huaolelo “ ma ka olelo Hawaii kekahi, a ma ka olelo Beritania kekahi, “ a penei e heluhelu ai: “ Na ke kakaumoolelo e kakau a malama maikai hoi i ka moolelo o ka aha, a nana hoi e malama i na palapala o kela ano keia ano i waihoia ma kona lima.

            PAUKU 5.      O ke kumukanawai, ua pakuiia na huaolelo “a ina ua akoikoa mai na hoa e iwakalua, ua lawa no ka hapai ana i ka hana.”

            A ma ka pauku i a me ka pauku 3 o na rula hooponopono hana, ua hoololiia ka huaolelo “kanakolu,” a i ka “iwakalua,” i kuiike ai me ka hoololi o ke kumukanawai.

            Kumuhana 10.  A mahope o ke kukakuka ana, ua waiho ia i ke komite e noonoo a hoike mai.  Kohoia ke komite, Polepe, Haida, Waiamau, Pali a me Luhiau.

            Kumuhana 11. A ua hooholoia na ke kakauleta o ka Papa Hawaii e hoomakaukau hou i papa hoonohono hana no ka halawai o ka makahiki 1886.

            Kumuhana 12. A ua hooholoia e malama na ekalesia i ka hebedoma mua o ianuari 1886 i hebedoma haipule no ka hoohuliia ana o ko ke ao nei a pau i ka Haku; a e malamaia no hoi ka Poaha hope o Ianuari 1886.

            Hoopanee ka aha a hiki i ka hora 1 a.m., apopo.  Pule o Rev. S. U. Kapahi.

            Ua lilo ka auina la o ka Poakolu i ka hana a ka ahahui kula Sabati nui.

            Poaha, Iune 4. Halawai ka aha i ka hora 1 a.m. e likeme ka hoopanee ana, mahope o ka manawa haipule, kaheaia na inoa o na hoa, heluheluia ka moolelo o nehinei a aponoia.

            Kumuhana 5. Heluhelu ka puuku, W. W. Holo, i kona hoike makahiki a pau ia, heluhelu ke kakauolelo A. A. Polepe i ka hoike makahiki a ka Papa Hawaii.  Waihoia keia mau hoike ma ka lima o ke komite, Haida, Kivini me Kapahi.

            Hoomaha ka aha a hiki i ka hora 1:30 p.m. Pule o Rev. S. Kaiapa.

            Hui hou ka aha i ka hora 1:30pm Pule o Rev. S. Paulo.

            Kumuhana 19. Hoike mai ke komite i kohoia i kela makahiki, e halawai hou keia aha ma ka luakini o kawaiahao i ka hora 10 a.m., o ka Poalua mua o Iune 1886.  Aponoia ka hoike a hooholoia.

            Hoike mai ke komite hoa`loha`loha e pili ana i ka make o Rev. S. K. Maunaloa, a ua aponoia ka hoike.

            Kumuhana 6. A ma ka balota ana, ua koho hou ia o W. W. Holo ka puuku, a o Rev. A. O. Polepe ke kakauolelo no keia makahiki ae.

            Kohoia na hoa o ka mahele ekolu o ka Papa Hawaii penei:  Moses Keliaa, Rev. J. M. Alekanekero, Rev. E. Bona, B. Kaaua, P.C. Jones, Rev. J. A. Cruzan, A. F. Judd, Rev. S. Paaluhi, A. f. Kuke, kohoia no hoi o Rev. E. C. Okela ke kahu hou o ka ekalesia haole o Peielewa, ma ka mahele elua, ma kahi o Rev. S. C. Demona i make.

            Hapaiia ke koena o na hana mua, a heluhelu ia eha papa helu.

            Heluheluia no hoi ka hoike makahiki o ka ahalunakahiko e Maui, a me ka hoike kihapai o kela aha.

            heluhelu mai o Rev. C. M. Haida D. D., i ka hoike makahiki o ke kula kahunapule.

            Hoike mai ke komite no na hana haipule, e malama keia aha i ka ahaaina a ka haku ma ka luakini o Kawaiahao i keia Sabati ae i ka hora 3 p.m. Hooholoia.

            Noi mai ke komite no ke kumuhana io e hoopanee ia ko lakou hoike a keia makahiki ae.  Aponoia.

            Hoike mai ke komite no na papa helu.

            Hoike mai ke komite hoa`loha`loha no na hoa haole i make. Aponoia

            Hoike mai ke komite no na hoike makahiki a ka puuku a me ke kakau@, e apono maikai ana i kela mau hoike.  Aponoia ka hoike a ke komite.

           Kumuhana 13. A mahope o ke @ maikai ana, hooholoia kekahi mau olelo hooholo i waihoia mai C Dr. Haida, penei:

1.       “E hoike ke kakaule@ imua o ka Papa Hawaii i ko lakou manao e hoomakaukau ka papa e hoouna aku i na paahana hou eono, he mau haumana paha o ke kula kahunapule, he mau kahu ekalesia paha, i ko no aina e.

2.        “E paipai keia ahahui i na ekalesia euanelio a pau loa, e hoonui ae i ko lakou mau kokua no ka waihona kuwaho, i mea e hooko ai ka Papa Hawaii i keia manao i olelo mua ia.

3.        “Ke paipai nei keia ahahui i na kahu ekalesia a pau loa a me na ahahui Mokupuni, e imi i na opiopio kupono, a hoopiha koke i ke kula kahunapule.”

Hoopanee ka aha a hiki i ka hora 1:30p.m. Pule o Rev. G. Leleo.

Maka hora 3 auina la, ua akoakoa na hoa o ka aha ma na keena hookipa o ka ekalesia o Kaukeano no ka launa pu me na hoa o ka ahahui kula Sabati nui, a o ka ahahui nui Imi Pono Karistiano ma ka paina inu ti, mamuli o ke kono aloha mai o na lede o ka Papa Misionari wahine o ka Pakipika, a ua hoohala i kekahi hora malaila me ka launa aloha Karistiano ana, a me ka oluolu maikai.

            Poalima, Iune 5. Halawai ka aha i ka hora 1:30p.m., e like me ka hoopanee ana.  A pau na hana o ka hoomaka mea ana.

            Kumuhana 16. No ke kinai ana i ka ona, a mahope o ke kamailio ana, ua hooholoia penei:  “Ke paipai nei keia aha makua i na aha Mokupuni a pau, e noonoo lakou e koho iwaena o ko la kou mau kihapai kekahi komite kinai waiona nana e hele iwaena o ko lakou mau kihapai.  A ke paipai ikaika ia`ku nei no hoi ka luna ekalesia e kokua pu me ko lakou mau kahu ma ke kinai ana i ka ona.”

            Kumuhana 15. No na kahua luakini a me na helu kahu.  Mahope o ke kuka pono ana, ua hooholoia.

            “E nonoi aku keia aha i ka Papa Hawaii e huli i na kulana oiaio o na kahua ekalesia me na hale kahu, a e hoike mai i keia aha ma ka halawai o keia makahiki ae.”

            Kumuhana 14. No ka buke lawe lima.  hoike mai ke komite i kohoia e ka Papa Hawaii no ka hooponopono hou ana i ua buke nei mamuli o ka hooholo ana a keia aha i kela makahiki; oia o haida me Polepe.  ua kokoke e makaukau ka buke no ke pai hou ana me na hooponopono.  Aia nae a keia pula ae, iloko o ke kula hui kahunapule, e hoike piha mai ke komite no ka hooholo loa ana o na hooponopono me ka hui pu mai o na hoa kahunapule o keia aha.  Apanoia ka hoike.

            “ ke haawi aku nei keia aha i ko lakou hoomaikai nui i ka Papa Misiona wahine o ka pakipika i ko lakou kono aloha ana mai i na hoa a pau o keia aha a launa aloha, a e paina inu ti pu me lakou mamua ae o ka hookuu ana o na hana o keia aha; a he mea keia e pumehana ai ko kakou aloha, a e ikaika nui ai i ka hana a Iesu Karisto maloko o na kihapai o kakou.”

            Hooholoia.  Naka Lunahoomalu a me ke kakauolelo e kope i keia olelo hooholo a hoouna aku i ka P.M.W., o ka Pakipika.

            Hoopanee ka aha a hiki i ka hora 1:30p.m., apopo.

            Poano, Iune 6.  Hoolilo ka aha i ka hapa mua o ka la ma ka hoolohe ana i ka hoike ninaninau o na haumana o ke kula kahunapule ma ka luakini o Kawaiahao.  Ua hoikeia lakou ma ka piliolelo, moolelo euanelio, ka oihana kahanapule me na Iwihaiao, ke kalaiolelo a me ka wehewehe ano baibala ma ka buke o Kekahuna.  Na Rev. C. M. Haida D. D., me Rev. H. H. Paleka na kumu o ke kula i alakai i keia hana; a ua mahalo na hoa o ka aha i ka hooikaika o na kumu a me ka makaukau o na haumana.

           Halawi hou ka aha i ka hora 1:30p.m., e like me ka hoopanee ana, a i ka pau ana o na hana mua o ka wehe ana, ua hooponoponoia na hana no ka malama ana i ka ahaaina a ka Haku i ka la apopo; alaila hooholoia.  Mahope iho o ka pau ana o na hana ma ka @ la Sabati, alaila e hoopanee ia keia aha a halawai hou ma Kawaiahao i ka hora 10 a.m., o ka Poalua mua o Iune 1885.  Hoopauia ka hana me ka olelo paipai @ a ka Lunahoomalu, a me ka himeni 599.

            ma ka hora 7:30 o ka po Poaono, ua lohe na hoa o ka aha i na haiolelo a na haumana o ke kula kahunapule ma ka luakini o Kawaiahao, a ua akoakoi mai no hoi he anaina mahuahua a maikai, a ua mahaloia na haiolelo.

            Ua hapaiia na haiao makahiki kuloko ma ke Sabati mamua iho o ka noho ana o ka aha Iulai 31. Na Rev. s. E. Bihopa ma ka olelo haole, a na Rev. J. Waiamau ma ka olelo Hawaii.

            A o na haiao makahiki kuwaho, ua haawiia ma ke Sabati mahope iho Iune 7; na Rev E. C. Oggel ma ka olelo haole, a na Rev. H. H. Paleka ma ka olelo Hawaii.

 

WAI!WAI!

            Ke kauohaia aku nei ka poe a pau he pono hookahekahe wai ko lakou, mai keia la aku, o ka manawa hooka hekahe wale no i aeia oia na hora mai ka 6 a ka 6 a.m., a mai ka hora 4 a i ka 6p/m/; aole ma na manawa e ae.

CHAS B WILSON,

 

C BREWER & CO. (BURUA MA)

            Ua makemake ia ka poe mea ILI KAO MALOO a me na ILI BIBI, a pela hoi ma na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

 

NA HOOLAHA KUMAU.

HALEPAI O THOS. G. THRUM

O KA NUPEPA

SATURDAY PRESS ME KUOKOA

ALANUI KALEPA, HONOLULU

Malaila e paila ai na ahu a pau o na

 

BUKE,

            HOIKE O NA KULA,

            HOIKE A NA KOMITE,

            NA HAAWINA KULA SABATI,

PAPA KUHIKUHI O NA ANO A PAU,

            HOOLAHA NUNUI A LIILII,

            BALOTA, LIPINE PAPALE,

            TIKETA, WAHI LETA,

            BYLA PAI @.

            HOOLAHA KUDALA,

 

Iloko o ka wa pokole a me ka auhau haahaa.

 

A ma ka halekuai o THOS. G. THRUM ma ALANUI PAPU, e loaa ai na

            Kalana kakau o na ano a pau,

            Wehi Leta       “          “          “

            Inika                “          “          “

            Penikala           “          “          “

            Mea Hoopipili, buke hoomanao,

            Peni gula a me kumu gula,

            Kii, a me na laau,

            Buke kii o ka ohana,

            Buke kii a na keiki,

            namea poani a na keiki,

            Kaa a na keiki,

            Kaa buila lua o na opio.

A he Agena no ke ana  lole pepa o na

            Keiki a me na wahine

 

No ka hoailona ana i na lole me na inoa pono e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia.  Uku no ka inoa hookahi me ka inika a me ka hulu.

$1.50 ina ma ka papa inoa keleawe, a ina ma ka papa inoa dala, $2.

            O na kauoha pau maina mokupuni hookoia ina e hoouna pu ia mai me ke dala a me ka moakaka pono o na hoakaka ana.

THOS. . THRUM

 

M THOMPSON, (KAMIKANA)

HE LOIO A KOKUA MA KE KANAWAI

            Keena hana maluna o ka Hale Pohaku o Kamapela, (Campbell’s Block) Rumi helu 8 me 9.  Puka komo e huli pono la i ke Alanui Kalepa, Honolulu.

 

PAPA! PAPA!

AIA MA KAHI O

LEWERS & COOKE,

(O LUI MA)

ma ka kahua kahiko ma alanui Papa a me Moi.

E loaa ai na

PAPA NOUAIKI.

o kela a me keia ano.

 

Na Pani Puka, Na Puka Aniani, Na Olepelepe.

Na Pou, No Oia, Na Papa Hele, Na Papu

Ku, A me na Papa Moe nui loa

 

Na Pili o na Hale o na Ano a Pau

 

Na Pepa Hoonai, Na Pena o na Wai a pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoomalo,

he lehulehu wale,

Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI:

O NA ANO A PAU LOA.

NA BALAKI ANO NUI WALE.

 

A ke hai ia aku nei ka lono i na Makamaka a pau,

ua makaukau keia mau Makamaka

o oukou e hoolawa aku ma na mea a pau e pili ana

ma ka laua oihana

 

NO KA

 

UKU HAA HAALOA.

 

 E like me ka mea e holo ana mawaena @

LAUA a me ka MEA KUAI.

 

E HELE MAI E WAE NO OUKOU.

 

NA HOOLAHA KUMAU

KAKELA & KUKE,

 

            E laa na pahiolo, koi hole, hamale, koi nui a me liilii, kula, wili puaa, rula, apuapu, @ o na @ a pau, kala kaa, hao hoopaa @ pohaku hoana, kepa, lei ilio, kaula hao ilio, pahi, upa, pahi @, kalapu, kope hulu, pulupulu, @ @ lakala, lina hao, ami keehi, a me

 

KAULA OPU

 

           Palau o  na ano a pau, Oo, ho, kopala, pe kipikua, hao kope, au ho a @ a aku, kua bipi, lei bipi, kaula hao bipi, uwea pa, uwea keleawe, hao @ piula, kaa palala, ipuhao @

 

PA PALAI MAKAU ME KE @

 

            Ili wai, papa holoi, kopa ala, @ kuaina, hu`akai, ehi wawae, hulu pena, a pela aku.

            Pena wali, kini nui a me liilii e @ ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

 

PENA HOOMALOO

a me aniani hale

AILA MAMU, AILA MIKINI, AILA@, AILA KAA, INIKA KAMAA.

PAUDA, KUKAEPULE @ PAUDA, UIKI IPUKUKUI O @ ANO HE NUI A LEHULEHU

 

LOLE MAKEPONI

 

E laa na

 

AHINAHINA, KALAKOA, @ KEO, LEPONALO, HULUMANU UWE WAHINE, KUI @ MU, A ME KA @.

 

Ke @ e loaa no ia @ @ @

 

KAKELA & KUKE

NA MEA PIULA

MIKI HUMUHUN@

MOKINI A WHEELER A ME WILSON

MIKINI A WIILCOX ME @

NA MIKI A

REMINGTON

 

He nui loa na mea hao me na @ @ o na ano a pau, aole hiki ke hai @ ia aku, hewa i ka wai na maka ke@.

 

Laau Lapaau Kaulana @

A DR. JAYNE,

LAAU HOOMAEMAE KOKO

LAAU HOOPAU NAIO, @

KUNU, PENIKILA, @

PAAKAI, LAAU HOOPAA @

Ma na Laau Hamo a Pela `ku.

 

KAKELA ME KUK@